خبر فاجر

[zizomami]

صرح الدكتور أسامة كمال وزير البترول أن نظام الكوبونات الخاصة بتوزيع البنزين والسولار سيتم تطبيقه فى إبريل القادم بعد حوار مجتمعي لعدم المساس بالمواطن محدود الدخل.
وأوضح وزير البترول في حواره مع قناة "سي بي سي" أن الكميات المدعمة هي 1800 لتر للسيارات الملاكي حتى 1400 سي سي وبدون تقيد بالسعة اللترية للسيارات موديلات أقل من سنة 1990 و10 آلاف لتر سولار لجميع سيارات النقل والسيرفيس وجاري تحديد الكميات اللازمة لطلمبات الري والجرارات الزراعية ولنشات الصيد الخاصة بوزارة الزراعة.
وذكر الدكتور أسامة كمال أن السيارات 1600 سي سي سيتم دعمها جزئيا وسيتم زيادة أسعار البنزين 80، 90، 92 أما البنزين 95 فقد تم رفع الدعم عنه نهائيا كرسالة إلى أننا لا ندعم الأغنياء ونساعد في أن يصل الدعم إلى مستحقيه.
وأضاف وزير البترول أن الوزارة وقعت اتفاقيات تأجيل وإعادة جدولة لديونها للشركات الأجنبية وقد سددت 14 مليار دولار من ديون وزارة البترول خلال الفترة الماضية.
وقال سيادته أن مصر لديها احتياطي من البترول يكفي لمدة 15 عاما ومن الغاز 33 عاما وأضاف أنه لم يتم تصدير غاز أو أي مواد بترولية إلى قطاع غزة.

[elnakshabandy]

هو فعلا خبر زفت

[mahmoud_anwar]

يعني الي معاه دايو 1500 سي سي كده هو مرفه وخارج الدعم
والي معاه عربية جيتا او فولكس شيروكو او بولو او فيات برافو هياخد الدعم والي معاه فيرنا او دايو خارج الدعم
ده مجنون وابن ................................. انا موافق الدعم يتشال وموافق ان الدوله ترفع الدعم نهائي عن كل المنتجات
بس قبل ما ترفع الدعم لزم توفر الحجات دي الاول
1-الغاء الضرائب يعني انا واحد من الناس في عملي بيتخصم من ضرائب مقدارها شهريآ 400 جنية
2-الغاء جمرك السيارات وكل واحد معاه يقدر يشتري عربية يبقا هو قادر انه يشتري ويتحمل بقا ثمن البنزين
3- توفير مرتبات من دخل مناجم الذهب وقناة السويس لكل شعب مصر وبي الاخص الطبقة الفقيرة والشباب العاطل وكل من هو عاطل
4-عند ترخيص السيارات تلغي كل الضرائب يعني انا ادفع ضريبة ماتور وانتا شايل منه الدعم ازاي ؟؟؟
5- توفير شبكة موصلات حكومية ومواقف مخصصة ومنتشرة في انحاء الجمهورية بتوافر وسعر اجرة موحد
6- الغاء تكدس الموصلات
7-القضاء علي الميني باصات والميكروباصات العشوائية لي انهم هيستغلو رفع الدعم وهيشمطو المواطن
8-القضاء علي كل افران العيش السياحي لي انهم بي التالي هيغلة رغيف العيش لي انهم بيشتغلو بي الجاز
9 - ودي الاهم التخلص من الاخوان المتأسلمين المتخلفين

[hamdy916]

طيب ياريت عملاقة المنتدى يجهزولنا موضوع كبير اوى عن تحويل الاوبل فكترا من بنزين الى غاز وايه افضل بنزينة تقوم بتحويلها وتكلفتها وربنا يستر على البلد ويرحمنا ان شاء الله

[wael_elbarkoky]

انا مش عارف اعمل ايه
طيب دا معظم الاوبلويه هنأ معهم عربيات فوق ال 1600 و كل العربيات تقريبا فوق عام 1990.انا زهقت بجد مبقاش في حاجه عدله في البلد حتي العربيات مش راضيين يخلونا نتهني بيها

هنعمل ايه يا رجاله
يا رب القرار ده يتلغي و يرجعوا في كلمهم
البلد باظت

[dedo_ryo]

يعني الي معاه دايو 1500 سي سي كده هو مرفه وخارج الدعم
والي معاه عربية جيتا او فولكس شيروكو او بولو او فيات برافو هياخد الدعم والي معاه فيرنا او دايو خارج الدعم
ده مجنون وابن ................................. انا موافق الدعم يتشال وموافق ان الدوله ترفع الدعم نهائي عن كل المنتجات
بس قبل ما ترفع الدعم لزم توفر الحجات دي الاول
1-الغاء الضرائب يعني انا واحد من الناس في عملي بيتخصم من ضرائب مقدارها شهريآ 400 جنية
2-الغاء جمرك السيارات وكل واحد معاه يقدر يشتري عربية يبقا هو قادر انه يشتري ويتحمل بقا ثمن البنزين
3- توفير مرتبات من دخل مناجم الذهب وقناة السويس لكل شعب مصر وبي الاخص الطبقة الفقيرة والشباب العاطل وكل من هو عاطل
4-عند ترخيص السيارات تلغي كل الضرائب يعني انا ادفع ضريبة ماتور وانتا شايل منه الدعم ازاي ؟؟؟
5- توفير شبكة موصلات حكومية ومواقف مخصصة ومنتشرة في انحاء الجمهورية بتوافر وسعر اجرة موحد
6- الغاء تكدس الموصلات
7-القضاء علي الميني باصات والميكروباصات العشوائية لي انهم هيستغلو رفع الدعم وهيشمطو المواطن
8-القضاء علي كل افران العيش السياحي لي انهم بي التالي هيغلة رغيف العيش لي انهم بيشتغلو بي الجاز
9 - ودي الاهم التخلص من الاخوان المتأسلمين المتخلفين

و انا معاك في الكلام ده ده نفس غباء الوطني لو الناس رجعت تفتكر ايام ما كانوا عايزين يعملوا الموضوع ده الاخوان وقفوا وقالو ده مش عدل هو مش عدل علشان مبارك و حزبه هما اللي كانوا عاملينه و بقي عدل لما الاخوان هما اللي عملوه ؟؟؟؟؟؟؟ و السؤال هو مش البترول بتاعنا و في ارضنا و يكفي قد كام سنه امال بتسعره عالي ليه و نفس النظام السابق بالضبط ......... حسبي الله و نعم الوكيل فيهم

[Elsebily]

الناس دي هابله ولا بتستهبلنا احنا ولا ايه يعني اللي معاه شاهين هيتشال من عليه الدعم واللي معاه جيتا موديل السنه دي يستفاد بالدعم ربنا يتوب علينا من تخلف حكوماتنا

[zizomami]

كلام سليم طالما مفيش دعم يبئ مفيش جمارك ونشترى العربيات من اوربا ب 10 الاف بدل ماتدخلنا متقطعه ... مع انى معيش عربيه بس ده هيجى على دماغ الناس كلها ... وكنت بدور على فكترا اوتوماتك 2000 سىسى لكن بعد البلاولى اللى بنشفها منهم دى الواحد بيفكر يجيب جزمه كويسه تستحمل المشى كويس وربنا يستر وميشلوش الدعم عن الروباط ...... ياحكومه غبيه ومتخلفه

[Al-Farooq]

القرار دة هيطبق ولا هيتحسب ويطلع الوزير فلول ههههه

[lanos2004]

لما يحصل كدة كلنا ننزل الشارع مرة واحدة
وابقه خليهم يغلوا البنزين

[medo_mony]

[AhMeD MeTwAlY]

طيب انا عربيتي 1301 سي سي ههههههههههههههه اعمل ايه اولع في 1 دا

[fouaa]

من وانا طفل يا خوانا عمرى مكنت عندى ميول انى اسافر بره غير للفسح
يعنى عمرى محلمت انى اشتغل بره ولا الكلام الى بيبقى عن كل شاب ده كنت بقول ان انا هنا اولا بيا النهرده بقى املى فالحياه انى مبقاش مصرى ولا نفسى اعيش فيها ههههههههههههههه اتقرفت فعلا

[Hondawy_2008]

لو اطبق القرار دة هنوري مورسي و الحكومة المت.... بتاعته ما لا يحمد عقباه و هكون أول واحد يروح الاتحادية مش التحرير بعونك يا رب

[magic girl]

انهض يا شعب :)