البلد اللي حيلتي.. باظت

[OlaOsman]

ده مقال تحفة قريته حالا في إحدى المنتديات و كاتبه لسه راجع الدولة اللي بيشتغل فيها في الخليج بعد قضاؤه إجازته السنوية في القاهرة و دي انطباعاته.. بس إسلوبه مش معقووووووول و اسمه في المنتدى العنتيل الدامد جوووووي

و الآن مع المقال اللي هاحط منه جزئين النهاردة و الباقي لما هو ينزل باقي الأجزاء ان شاء الله :)
--------------------------------------------------------------

باااااظت

باااااااظت

باااااااااظت

احب اعرفكم ببلدى

انا من جمهورية كارثتان العفوية المنتحرة

عدد سكانها 80 مليون شهيد..

اهم الزراعات..القرع و الهمبكة

عندنا نيل.. وبحرين .. واحد ابيض والتانى احمر مزهز و رغم كده لو مركبتش ماتور..المايه م تطلعش الدور الاولانى..

وفى ازمة سمك...

اعجاز البلد دى

حدود دولتنا..تقدر تقول ملناش حدود..سداح مداح..بنجرف الارض الزراعيه وبنعمر الصحرا و بواجير الجاز

بس المهم اننا كلنا متكومين فى حته اسمها القاهرة

القاهرة دى ياعيينى بقيت مقهورة وغير صالحة الى الاستخدام الادمى EXP

يسيرفيها شوارعها كل انواع المواصلات ما عدا الاتوبيس النهرى

اهم اللغات..

اللغة الميكروباصية .. واللغة البانجوية.. وحمدلله ع السلامة يابيه..والشاى بتاعنا يافندى

دولتنا م بتحرمناش من حاجة..

كل امالها ان شعبنا يدخل الجنه.. والحكومة المسكينة ح تضحى وتتشوى فى بورتو السخنة

وبناء على هذا المنطق قررت حكوماتنا النظيفة ادخالك الجنه من اوسع ابوباها..

قررت منحك

الشهادة..

" ليه تروح تتغرب وتستشهد فى فلسطين ولا فى العراق لما ممكن تستشهد فى بلدك "

ده شعار حكومتنا فى المرحلة الجديدة.

احنا بنقدم لك الخدمة دى وانت فى وسط اهلك وناسك..

طيبين ااااوى الناس دى

تروح تستخرج بطاقة الرقم القومى..يسالك الموظف بكل بشاشة

اسمك ايه

مواطن كارثتانى ياباشا

عايز شهادة جماعية ولا فردية

ازاى يافندم مش فاهم

ياعنى عايز شهادة عائلية تغور انت واهلك فى داهية ..ولا تخفى فى داهية لوحدك

لا عايز شهادة single ياباشا

طيب خد الاستمارة دى وعلم لى على نوع الشهادة المطلوب

o قطار مولع

o سقوط طيارة

o مركب غرقان

o جبل يطربق فوق دماغك

o ولا علاج فى مستشفى حكومى

[OlaOsman]

الحزام والشنطة.. والمثلث والبرجل

فى ظل التطور المستمر ومواكبة الحضارة الاوربية

قررت حكومة كارثتان ان تنقل شعبنا الشهيد الى مصاف الدول المتقدمة
مروريا

كل النظام المرورى عندنا ملوش مثيل فى العالم هذا الكم من المخلفات المميته

عشان كده تلاقى كل يوم فى صفحة الحوادث كوارث مرورية بمعنى الكلمة

مثال

جميع سيارات النقل والاتوبيسات تسير على يسار الطريق

حتى فى طرق السفر

تديله نور ..تديله زمارة..تديله بوكس فى وشه..الاسطى مش معانا فى وادى تاااانى خالص..ممكن يكون بيلعب سيجا

مع التباع مثلا

او بيلف سيجارتين..اصل الطريق طويل والاشارة واقفة

الميكروبصات فى بلدنا عبارة عن نعوش طائرة

بس الجثث فى الميكروباصت بتكون متدلدله بره الميكروباص وبتنادى

علف ومساكن جسر السويس 1000 مسكن رابعة العدوية

وفى الاخر تلاقيه راح زينهم

اه لو الاشارة حمرا ووقفت ..تاخد شتايم قد تصل الى سابع جد وفى بعض الاحيان

الى جدك رمسيس الاول ..صاحب الميدان

تمشى فى شارع 3 حارات مثلا.. ياخد 3 سيارات..بقدرة قادر تلاقى ماشى فيه 5 سيارت فى اشكال ثعبانية

عجيبة..وكل الساثقين ينظرون لك بسخرية..معناها ..اننا قد تجاوزنا هذه المرحلة..ورينا شطارتك فى المرحلة القادمة

..ده مش شارع ده بلاى ستيشن

اول م تصل الى بيتك..تذهب سريع الى الحمام للوضوء..والسجود شكرا لرويتك اولادك مرة اخرى..وتجاوز هذه

المرحلة...وسط زغاريد الجيران ودموع الفرح على خدود ابنائك

تسير فى شوارع القاهرة الاشبه بامواج البحر السائر ..

تارة ترتفع بك السيارة الى عنان السماء حتى تكاد تلمس حبال غسيل الدور الاول ..

وتارة اخرى تغطس فى احدى الحفر الطبيعية..حتى تشعر ان الحكومة وفرت للسائقين مقابر سريعة التجهيز مثل

الوجبات الكنتاكية

كل هذا لا يهم..اهم شى الشنطة والمثلث

اشارات المرور تم الاستعاضة عنها بوضع راية سوداء او حمراء للدلالة على السيولة او الامساك المرورى

كل هذا لايهم ..اهم شى الشنطة والمثلث

قد يحدث فى بعض الاحيان ان تجد السيارات تسير فى يسر وسهولة

وفجأه....

الدنيا وقفت ..خير يابشر..فى ايه

لجنة

لجنة كل همها تشوفك حطط الحزام ولا لابس حمالات

سالت مرة احدى امناء الشرطة ( نفسى اعرف مين اللى سماهم امناء)

هو الحزام اللى موقف الشارع

رد بكل ثقة..طبعا يا استاذ هو انت لو قلعت حزام البنطلون فى الشارع..ايه اللى ح يحصل

رديت بكل ثقة طبعا الشارع كله ح يقف .........

يتفرج

طب احمدو ربنا ان الداخلية بتحافظ على ملابسكم الداخلية!

[ahmedsrs]

خواطر رائعة تسلم ايدك هو الى بيجى من اى دولة حوالينا بيلاقى الدنيا هنا اسود من قرن الخروب

[MomoMedo]

باااااااااااااااااااااااااااااااااااظت باااااااااااااااااااااااااااااااااااظت

[Ahmed Samy]

هه
الراجل ده قديم قوي

دي باظت و خللت و ادفنت و عفنت و عضمها اكلته كلاب السكك و الكلاب ماتت و عدت عليها ميت عربية و هرت جتتها و بعزقتها في الشوارع


البلد دي انتهت من زمان و كفايه تقليب مواجع

اذكروا محاسن موتاكم

[KoDaK_Gti]

دى خربت وهتطربق على دماغنا
خليه يشجينا كمان وكمان
منتظرييييين الباقى لو كان لسة فيه
جامد بصراحة

[meza]

ههههههههههههههههههه

حرام عليكى ... فطست من الضحك ......بس صدقينى ضحك من الهم ... بدل ما أموت.


أخيراً عرفت ليه الداخلية بتحرص على إنها تشوفك لابس الحزام و لا لأ.

[wawoo]

[SIZE=5][FONT=Arial][COLOR=Navy]ده مقال تحفة قريته حالا في إحدى المنتديات و كاتبه لسه راجع الدولة اللي بيشتغل فيها في الخليج بعد قضاؤه إجازته السنوية في القاهرة و دي انطباعاته.. بس إسلوبه مش معقووووووول و اسمه في المنتدى العنتيل الدامد جوووووي :

انا رائى يرجع تانى الدولة اللى كان شغال فيها , و يخلية فى حالة احسن , لو كان يهمة انة يعمل حاجة مكنش سبها اساسا , جى دلوقتى يقول باظت , طيب هوة كان فين لما كل دة حصل , يترى عملة اية لبلدة عشان متوصلش لكدة , ولا حاجة .

[waled369]

انا رائى يرجع تانى الدولة اللى كان شغال فيها , و يخلية فى حالة احسن , لو كان يهمة انة يعمل حاجة مكنش سبها اساسا , جى دلوقتى يقول باظت , طيب هوة كان فين لما كل دة حصل , يترى عملة اية لبلدة عشان متوصلش لكدة , ولا حاجة .

يا واوو متوقع هيعمل ايه يعني لو كان فضل قاعد فيها . هوه مهربش و كل اللي سافروا مهربوش . عايزيين نعيش زي الناس ( دا حقنا )
حضرتك لسه موجود و غيرك و غيرك كتير عملت ايه انته و لا همه . م البلد من سئ لأسوأ انته . و أنا و كاتب المقال و غيرنا كتير مش في ايديهم حاجة.
كلنا نفسنا نعمل بس نعمل ايه للبلد ؟
انا سبتها ( مخضرة ) و مش قادر آخد قرار أني أرجع تاني لأن الوضع صعب و لا لازم ندخل المفرمة علشان ميبقاش اسمنا ( هربنا ).
السؤال الوقتي . يا ترى لو حد جاله فرصة يسافر يحسن وضعه ( مش يهرب ) هيسافر و لا لأ ؟
للأسف بلدنا مش لينا مكتوب علينا نعيش غرباء في بلدنا و بلاد الناس لغاية امتى الله أعلم .

[OlaOsman]

يا جماعة سيبوا الراجل يفك عن نفسه بكلمتين بدل ما يطققققققققققق

فعلا يا جماعة المغتربين دول بيعانوا لما ينزلوا مصر من اللي بيشوفوه فيها.. و همه ايه اللي بيخليهم يكتئبوا في أجازاتهم اللي بينزلوها غير انهم بيشوفوا حلمهم في الرجوع لبلدهم بيبعد يوم عن يوم.. المرتبات في البلاد اللي بيشتغلوا فيها ما بتزدش، في حين ان الأسعار هنا بتولع سنة عن التانية و اللي كان بيحلم من 5 سنين بفيللا في 6 أكتوبر، النهاردة غاية أمله شقة و لو حتى أوضتين و صالة.. أهي اي حاجة تبقى تمليك و خلاص يحس انه طلع بيها من شقا السنين في الغربة.. أعرف أسرة الزوج و الزوجة بيشتغلوا همه الاتنين في دولة من دول الخليج.. يعني المفروض ان الآشية معدن.. بقالهم كام سنة شاريين أرض و بيحاولوا يبنوها عشان يسكنوا فيها و مش عارفين.. كل سنة سعر الحديد بيوصل السما و اللي بيحوشوه قيمته بتقل بزيادة الأسعار الرهيبة دي.

ساعات باحس ان العمل في الخليج ده فخ بيتحط فيه المصريين.. لا بيعرفوا يعيشوا في الدولة المضيفة على إنها بلدهم و لا همه بيتعاملوا على هذا الأساس و في نفس الوقت مش قادرين ياخدوا قرار رجوعهم لبلدهم و لا متخيلين هايعيشوا ازاي فيها و لا هايشتغلوا ايه!

[Chicco]

من الأخر....احنا في عصر إضمحلال ....اللي يستحمل يقعد و اللي يقدر يسافر

[ibrahimsaad]

فعلا باظت البلد

والمقال جميل جدا ومعبر عن واقع مزرى بكل اسف

[wawoo]

انا سبتها ( مخضرة ) و مش قادر آخد قرار أني أرجع تاني لأن الوضع صعب و لا لازم ندخل المفرمة علشان ميبقاش اسمنا ( هربنا ).
السؤال الوقتي . يا ترى لو حد جاله فرصة يسافر يحسن وضعه ( مش يهرب ) هيسافر و لا لأ ؟
للأسف بلدنا مش لينا مكتوب علينا نعيش غرباء في بلدنا و بلاد الناس لغاية امتى الله أعلم .

يا اخ وليد , انا مش معترض على اللى يسافر , يا سيدى سافر براحتك و رزق على الله و شوف اللى يناسبك فى اى مكان فى العالم , انا بس معترض على كل اللى يسافر و يلاقى فرصة عمل احسن و مرتب احسن و شقة احسن , و بعدين يرجع اجازة ولا فترة كدة و يقعد بقى يعدد فى مشاكل مصر و بلاوى مصر , و يقارن بين البلد اللى جاي منها و بين مصر , و طبعا حيلاقى اختلاف كبير , يقوم زى الاستاذ كدة اللى كاتب هى باظت , يعنى هى فارقة معاة قوى باظت ولا لاء , مهو قاعد فى بلد تانية مرتاح و مستقر فى عمل و فى مسكن , و لما حيرجع حيكون عمل فلوس يعيش بيها تمام فى مصر , لازمتة اية بقى التريقة و المألسة على حال البلد , بدل ما يكتب الكلمتين دول , يروح يشوف اى مركز ولا جمعية و يشارك فى مساعدة المنكوبين دول .

و بعدين يعنى كل واحد عمال ينقض و يهاجم و يكتب , طيب يعنى الكلام دة موجهة لمين بالضبط , للمسئولين مثلا ولا لموجودين فى البلد , و لا هى فضفة و خلاص عشان يبقى خلص ضميرة و خلاص .
يعنى الكلام دة حيغير اية ولا حيصلح اية , كلنا عرفين ان فى مشاكل و فى فساد و فية و فية , طيب اكيد فية برضو ناس كويسة ,و اكيد فية شباب عاوز يشتغل و عاوز يصلح , يبقى ندور على الناس دى و نشجعهم و نقف معاهم , واللى يقدر يشغل شاب و الى يقدر يعلم خبرة جديدة و اللى يقدر يفيد فى اى حاجة يعمل كدة .
انما حنوصل لاية لما نفعد نقول ظلموة و نغنى على الراح و اللى باظ .

[Karim_Monir]

يا جماعة سيبوا الراجل يفك عن نفسه بكلمتين بدل ما يطققققققققققق

فعلا يا جماعة المغتربين دول بيعانوا لما ينزلوا مصر من اللي بيشوفوه فيها.. و همه ايه اللي بيخليهم يكتئبوا في أجازاتهم اللي بينزلوها غير انهم بيشوفوا حلمهم في الرجوع لبلدهم بيبعد يوم عن يوم.. المرتبات في البلاد اللي بيشتغلوا فيها ما بتزدش، في حين ان الأسعار هنا بتولع سنة عن التانية و اللي كان بيحلم من 5 سنين بفيللا في 6 أكتوبر، النهاردة غاية أمله شقة و لو حتى أوضتين و صالة.. أهي اي حاجة تبقى تمليك و خلاص يحس انه طلع بيها من شقا السنين في الغربة.. أعرف أسرة الزوج و الزوجة بيشتغلوا همه الاتنين في دولة من دول الخليج.. يعني المفروض ان الآشية معدن.. بقالهم كام سنة شاريين أرض و بيحاولوا يبنوها عشان يسكنوا فيها و مش عارفين.. كل سنة سعر الحديد بيوصل السما و اللي بيحوشوه قيمته بتقل بزيادة الأسعار الرهيبة دي.

ساعات باحس ان العمل في الخليج ده فخ بيتحط فيه المصريين.. لا بيعرفوا يعيشوا في الدولة المضيفة على إنها بلدهم و لا همه بيتعاملوا على هذا الأساس و في نفس الوقت مش قادرين ياخدوا قرار رجوعهم لبلدهم و لا متخيلين هايعيشوا ازاي فيها و لا هايشتغلوا ايه!

احد اهم اسباب رفضي لفكرة السفر للخارج حتى ولو السودان ايام ما كانت بنتريق عليها
اني هالاقي برة افضل ومش هاعرف اتاقلم على الزبالة اللي عايش فيها تاني
ولو اتلغت سفريتي لاي سبب هاتعب ومش هاعرف اعيش هنا تاني
عشان كدة قولت خليني في المزبلة للنهاية
الحمد لله رب العالمين

شركا على المقال وتقليب الاوجاع

[wawoo]

ولو اتلغت سفريتي لاي سبب هاتعب ومش هاعرف اعيش هنا تاني
عشان كدة قولت خليني في المزبلة للنهاية
الحمد لله رب العالمين

شركا على المقال وتقليب الاوجاع

يا شباب براحة بس فى الكلام زبالة اية بس الله يخليكم , احمدو ربنا , برضو مهما حصل , مصر احسن من غيرها كتير , شوفو اللى بيحصل فى لبنان ولا العراق ولا الجزائر , فية مشاكل و فية تعب فى مصر و دة لا شك فية , بس يعنى ميوصلش لمرحلة الزبالة , كدة احنا دخلنا فى الكفر بنعم الله , الحمد لله فى ناس كتير عيشين كويس و الرضى بالقليل من النعم برضو .