البلد اللي حيلتي.. باظت

[Ahmed Samy]

بص يا واو
احنا مش متفقين في النقطة دي

نظرتنا للبلد مختلفة تماما

لو هاتيجي الفطار هايبقى لينا قعدة طويلة و حوار قوي

بسيوني ......

هاستاناك :)

[Chicco]

بص يا واو
احنا مش متفقين في النقطة دي

نظرتنا للبلد مختلفة تماما

لو هاتيجي الفطار هايبقى لينا قعدة طويلة و حوار قوي

بسيوني ......

هاستاناك :)

الحوار ده ما يكملش غير بالضلع الثالث من المثلث .....ابنائنا المغتربين بالخارج ;)

[OlaOsman]

الحوار ده ما يكملش غير بالضلع الثالث من المثلث .....ابنائنا المغتربين بالخارج ;)

كلام مظبوط ;)

[wawoo]

لو هاتيجي الفطار هايبقى لينا قعدة طويلة و حوار قوي

بسيوني ......

هاستاناك :)

تمام ....ان شاء الله احاول اكون موجود , و انا نفسى فعلا اتعرف عليكم كلكم .

[wawoo]

الحوار ده ما يكملش غير بالضلع الثالث من المثلث .....ابنائنا المغتربين بالخارج ;)

طيب قولى يا دكتور شيكو , اهة انت اتعلمت الطب فى مصر , انا عارف مثلا ان طلبة الطب الان مش على المستوى المطلوب بسبب العدد الكبير , لكن اكيد فى نسبة جيدة من الاطباء الاكفاء بيتخرجو .
قولى كدة يا دكتور اية رايك فى مستوى الطب فى مصر , و ابعد عن مستوى التأمين الصحى اللى كلنا عرفين انة بيعد عن اى مستوى بسبب الفلوس , انما اية رأيك فى مستوى الطب عامة فى مصر بالنسبة للعيدات الخاصة و بالنسبة للمستشفيات الخاصة زات الاسعار المناسبة , و برضو استبعد المستشفيات الاستثمارية المرتفعة الثمن .

و حسئلك سؤال محدد برضو عشان ردك يكون واضح و صريح , هل ممكن واحد متوسط الدخل , انة يتعالج علاج جيد و يعمل اى عمالية فى مصر بنجاح و بسعر مناسب .

[waled369]

يا اخ وليد , انا مش معترض على اللى يسافر , يا سيدى سافر براحتك و رزق على الله و شوف اللى يناسبك فى اى مكان فى العالم , انا بس معترض على كل اللى يسافر و يلاقى فرصة عمل احسن و مرتب احسن و شقة احسن , و بعدين يرجع اجازة ولا فترة كدة و يقعد بقى يعدد فى مشاكل مصر و بلاوى مصر , و يقارن بين البلد اللى جاي منها و بين مصر , و طبعا حيلاقى اختلاف كبير , يقوم زى الاستاذ كدة اللى كاتب هى باظت , يعنى هى فارقة معاة قوى باظت ولا لاء , مهو قاعد فى بلد تانية مرتاح و مستقر فى عمل و فى مسكن , و لما حيرجع حيكون عمل فلوس يعيش بيها تمام فى مصر , لازمتة اية بقى التريقة و المألسة على حال البلد , بدل ما يكتب الكلمتين دول , يروح يشوف اى مركز ولا جمعية و يشارك فى مساعدة المنكوبين دول .

و بعدين يعنى كل واحد عمال ينقض و يهاجم و يكتب , طيب يعنى الكلام دة موجهة لمين بالضبط , للمسئولين مثلا ولا لموجودين فى البلد , و لا هى فضفة و خلاص عشان يبقى خلص ضميرة و خلاص .
يعنى الكلام دة حيغير اية ولا حيصلح اية , كلنا عرفين ان فى مشاكل و فى فساد و فية و فية , طيب اكيد فية برضو ناس كويسة ,و اكيد فية شباب عاوز يشتغل و عاوز يصلح , يبقى ندور على الناس دى و نشجعهم و نقف معاهم , واللى يقدر يشغل شاب و الى يقدر يعلم خبرة جديدة و اللى يقدر يفيد فى اى حاجة يعمل كدة .
انما حنوصل لاية لما نفعد نقول ظلموة و نغنى على الراح و اللى باظ .

و الله يا واووووو ما انا عارف أقول ايه .
بس ربنا برحمنا و يرجعنا بلدنا سالمين
و الله العظيم نفسي أرجع من زماااان بس مش قادر لا قدرنا نعمل فلوس زي ما الناس فاكرة و لا لينا مكان في مصر .

[Karim_Monir]

هيا دي الفكرة
كلام وليد قال كل حاجة
المشكلة ليه ابص تحت
ده انا ببص لدول اقل مننا في كل حاجة ومستواها احسن مننا
هاقول ايه بس
حسبي الله ونعم الوكيل

[bassemali]

و حسئلك سؤال محدد برضو عشان ردك يكون واضح و صريح , هل ممكن واحد متوسط الدخل , انة يتعالج علاج جيد و يعمل اى عمالية فى مصر بنجاح و بسعر مناسب .


تسمحلي أجاوب ؟
نعم
وعن تجربه حصلت مع والدتي والتي أصيبت بمرض سرطان الثدي كفانا الله وأياكم شره وأتعالجت في مصر على يد دكاتره مصريين وبربع التكلفه اللي كانت هتتعالج بيها هنا في السعوديه وعلى يد مصريين برضه .
الحمد لله البلد بخير إحنا اللي مش شايفين غير الجزء المظلم وبس لكن اللي يتغرب عن البلد زي حالاتي ويتنيل يجي السعوديه يشتغل مع ولاد ال....... (اللهم إني صايم بس ) هيعرف أنه في بلده في نعمه والله العظيم أنا ببقى بعد الأيام مستني الأجازه عشان أرجع مصر وإن شاء الله عمري مهاأستقر غير في مصر بس أنا مستني لما أخد من ولاد ال ......... (اللهم إني صايم تاني) دول كل اللي أنا عايزه أو حتى أقطع شوط منه وأبقى أكمل الشوط التاني مع أصحابي ع القهوه :biggrin24
وحشتيني ياغاليه ....

[sab3aawy]

انا عندى رأى بشأن الراجل الطيب صاحب المقالة ده

يا ريت يخليه فى البلد اللى هو فيها ويعفينا من رؤية وجهه الكريم فى الأجازات، يبقى يطلع ياخد الاجازة فى مالطا وللا جزر بالما دى مايوركا، لما هو مش طايق نفسه كدة جاى ليه

ياترى شهر رمضان شكله عامل ازاى فى البلد اللى هو بيشتغل فيها ، وايه نوعيه الاحتفال بيه، على الأقل بالمقارنة باعياد الهنود اللى بتكون لها شنة ورنة فى كل بلاد الخليج؟

مسألش نفسه مرة ليه مواطنى البلد اللى هو بيشتغل فيها بيسيبوا بلدهم فى الصيف وييجوا يتفسحوا عندنا ويقضوا الصيف كله ضيوف عزاز علينا؟

مسالش نفسه ليه هو لما ولاده هيوصلوا لسن الجامعة هيبعتهم يتعلموا هنا؟ مش بس كدة لأ ده احتمال كبير جدا ان جاره المواطن بيعت ابنه الجامعة هنا فى 6 اكتوبر او الأكاديمية العربية؟

مسألش نفسه ليه لما هى مش عاجباه اوى كدة، ايه اللى بيجيبه على ملا وشه كل صيف؟

مش بقول ان العيشة فى مصر احسن من المكان اللى هو عايش فيه؟ بالتأكيد ان الحياه فى الخليج اسهل ، لكن طعم مصر الفرعونية الرومانية الفاطمية المملوكية الخديوية المطبوخ فى خلطة فريدة جدا لا يوجد مثلها عمره ما هيلاقيه مطرح ما هو عايش حتى مهما الأبراج عليت والطرق اتسعت

ويبقى ان اسجل فى النهاية ان كلامى ليس معناه اى تحامل على اى اخ عربى من اى جنسية، فاخوتنا جميعا على عيننا وراسنا طالما انهم يحترموننا ويقدروننا

[hesham_tawfiq]

يا استاذ سبعاوى الراجل بيقر واقع مر جدا كللنا عايشينه
انا نفسى اهاجر فعلا لان الوضع بيسير من سيئ لاسوء فى مصر عل كل المستويات المعيشيه وكل اللى مانعنى هو وجود اهلى واصدقائى فى مصر مش اكتر من كده
والناس اللى بييجو ضيوف علينا زى مابتقول مبيجوش الا لسبب واحد بس انهم بيعملو هنا اللى مبيقدروش يعملوه فبلدهم ليس الا مش حبا فى سواد عيوننا واللى بيحصل فى مارينا منهم وفى جامعة الدول العربيه شاهد على كلامى
الناس اللى فى سنى اواكبر هما اللى شافو البلد ايام الخير انما اللى جاى مش خير خالص
كل حاجه هتكون للى معاه فلوس ( تعليم. علاج او حتى ترفيه )
يعنى اكتر من 60% من الناس ( اللى كانو طبقه متوسطه او اقل ) دورهم هيكون مهمش فى البلد لانهم مبيتعلموش كويس وبالتالى مش هيشتغلو شغل كويس ومش هيعيشو كويس ومش هيتعالجو كويس.
دا كفايه ان عندنا نيل ومعندناش مية شرب عدله ولا حتى رغيف عيش محترم.
تقدر تقوللى مصر الفرعونيه الفاطميه دى هتعمل ايه للناس اللى مش لاقيه تاكل ؟ّّ!!!!

[sab3aawy]

الناس اللى فى سنى اواكبر هما اللى شافو البلد ايام الخير انما اللى جاى مش خير خالص

فى البداية انا أؤكد تقديرى لرأى حضرتك لكن اسمح لى ان يكون رأييى مختلف ،هو انا فى الحقيقة مش عارف حضرتك من اى جيل لكن انا عشت اكتر من مرحلة فى مصر، وكل اللى فاكره عن ايام الخير بتاعه زمان ان الناس اللى بتسافر برة كانت بتشترى تفاح علشان تفرجه لقرايبهم، وكانت بتقوم ثورة شعبية لما الجمعية الاستهلاكية ييجى فيها فراخ مرة كل كام شهر، وكان رجال الأعمال بيسافروا قبرص يعملوا مكالماتهم الدولية وبعدين يرجعوا مصر لأستحالة اجراء مكالمات دولية من مصر ، وكان مفيش غير ماركة واحدة من كل منتج من المنتجات(من اول معجون السنان لحد السيارات مرورا بالتلاجات والبوتاجازات ومساحيق الغسيل ...الخ) وحتى الحصول على هذا المنتج الردئ يستلزم انك تجيب واسطة تقيلة علشان تشترى تلاجة بابها مبيقفلش ، وكان الأتوبيس هو وسيلة المواصلات الوحيدة والميكروباص اللى مش عاجبنا ديلوقتى لما ابتدى يظهر فى بعض المناطق الناس اعتبرت اننا وصلنا القمر

اعذرنى، انا عشت زمان ، ومعى كل المصريين من الطبقات المتوسطة وما هو ادنى منها ايام اسود من قرن الخروب، وبالمقارنة انا مش شايف الأيام الحالية سودة كدة

[OlaOsman]

اعذرنى، انا عشت زمان ، ومعى كل المصريين من الطبقات المتوسطة وما هو ادنى منها ايام اسود من قرن الخروب، وبالمقارنة انا مش شايف الأيام الحالية سودة كدة

بعيدا عن كل شئ انا شايفة ان ده تقدم كبير في نظرة سبعاوي للأمور.. أصل قبل كام شهر ما كنتش شايف حاجة عدلة في الحياة كلها مش في مصر بس و كنت حاطط في الصورة الرمزية جمجمة و في التوقيع كلام صعب اوي :(

بس باقول لك ايه.. خف على الراجل شوية، انا اعرفه شخصيا و هو من أطيب ما يمكن ان يقابل انسان في حياته.. هو بس صعبان عليه حال البلد شويتين.

[hesham_tawfiq]

اعذرنى انا جايز موصلتش رايى صح
اللى انا قصدته مش اكل وشرب والكلام دا
زمان الناس كانت راضيه وطيبه دلوئتى لأ
زمان كان مستوى التعليم واحد للكل ( يعنى كان فيه عداله اكتر من دلوئتى وتكافؤ فرص ) دلوقتى لأ
كان العلاج مكفول للكل.دلوئتى لا زمان كان فيه ضمير اكتر من دلوئت وكان فيه خير
دلوقتى السيطره لرأس المال فقط لاغير
هديك مثال بسيط جدا
انا عشان اعين حد فالشركه اللى انا فيها لازم يكون خريج تجاره انجليزى.متعرفش اد ايه بكون متضايق لما بلائى واحد كويس جدا بس مش هقدر اعينه لانه مش تجاره انجليزى . هو دا تكافؤ الفرص اللى مش موجود دلوقتى
وبما انى مش هقدر اعللم بناتى واصرف عليهم بالمستوى دا فبالتالى مش هيقدرو يشتغلو شغله كويسه بمرتب محترم يبقى ليه اتعب نفسى هنا من الاول
مانا اسافر واشتغل واتعب بس فالاخر هلائى نتيجه لتعبى انما هنا . اسف جدا انى اقوللك ان الاخذ بالاسباب فى مصر لا يوصل للنتائج
على فكره انا مش اشتراكى ولا يسارى ولا ليا فالكلام دا خالص بالعكس انا مع الراسماليه تماما بس فى مصر الراسماليه تحقق مصلحة صاحب راس المال فقط بدون مراعاة اى بعد اجتماعى او انسانى

[tutankhamoun]

صاحب الموضوع بيتكلم صح ........ أدام قال دراع مرسي يبقى بيتكلم صح !!!!!!

يا جدعان الراجل أسلوبه هزلي و جميل قوي و بيصيب كبد الحقيقة فعلا

فيها أيه لما نتكلم عن سلبيات الشعب المبجل اللي عايش في ج ع ع
طيب ما أنا مش طايق اللي بيحصل في البلد
بس لسه بلدي ......... و لسة بنزل أشتري حاجات مصرية و أرفض أشتري الأجنبي

و فعلا أحنا شعب مقرف و مبيحبش النظام

و عادي يعني ......... الراجل بيخرج القرف اللي جواه ... مش ذنب أنه يفضفض
و لا الكلام اللي بيقوله يضر مصر و لا المصريين في شئ

كل واحد قرفان و عايز يفضفض
يتكل على الله .......... خصوصا أنه بيقول الحقيقة
و مش بيفتري على شعب ج ع ع اللي عايز مرزبة فوق دماغه على طول

و شكرا
كان معكم مواطن مقهور من ج ع ع
ملك مصر سابقا ....... توت عنخ أمون

[Chicco]

طيب قولى يا دكتور شيكو , اهة انت اتعلمت الطب فى مصر , انا عارف مثلا ان طلبة الطب الان مش على المستوى المطلوب بسبب العدد الكبير , لكن اكيد فى نسبة جيدة من الاطباء الاكفاء بيتخرجو .
قولى كدة يا دكتور اية رايك فى مستوى الطب فى مصر , و ابعد عن مستوى التأمين الصحى اللى كلنا عرفين انة بيعد عن اى مستوى بسبب الفلوس , انما اية رأيك فى مستوى الطب عامة فى مصر بالنسبة للعيدات الخاصة و بالنسبة للمستشفيات الخاصة زات الاسعار المناسبة , و برضو استبعد المستشفيات الاستثمارية المرتفعة الثمن .

و حسئلك سؤال محدد برضو عشان ردك يكون واضح و صريح , هل ممكن واحد متوسط الدخل , انة يتعالج علاج جيد و يعمل اى عمالية فى مصر بنجاح و بسعر مناسب .

wawoo يا صديقي ....كلام جد ..مصر أحسن بلد في الدنيا مش عشان أنا مصري و فخور اني مصري لكن الاسباب معروفة للجميع و المصريين فعلا من أحسن الناس في الدنيا كلها ....بس زاي ما قلت قبل كده احنا في عصر أضمحلال ...ممتد من زمن بعيد و شكله مكمل شويتين كمان

مشكلة مصر إن ما فيش نظام = sysytem في أي حاجة ......لا طب و لا غير طب ......التعليم الطبي شرحه ...

الدنيا ماشية كده .....طول ما ما فيش مشاكل الموضوع مش بطال.....حصلت أي مشكلة الموضوع بيقلب بكارثة

القاعدة في مصر إن ما فيش قواعد ....بالرجوع إلي أسئلتك .....خريجين الطب منهم كويس و منهم وحش و ما فيش قواعد نفس الكلية بتطلع نوابغ و جهلة ......العلاج الخاص ممكن كويس و ممكن وحش و ما فيش قواعد ....يعني مثلا نفس الدكتور في نفس المستشفي بيعمل نفس العملية ...ممكن مرة يعملها زاي أي خبير و ممكن مرة يعمل مصيبة

قيس على كده كل حاجة ....الحياة ممكن تبقى بمبي في مصر بس لو أي حاجة حصلت ما فيش أخر للتداعيات اللي ممكن تترتب على كده

أنا ما عشتش في أي دولة خليجية و زيارتي كلها كانت قليلة و قصيرة انما زرت أوروبا كتير و قعدت في اليابان ٦ شهور و بقالي ٣ سنين في كندا .....الحياة في مصر أسهل و أخر دلع كمان (مش لكل فئات الشعب طبعا بس على الأقل للطبقة المتوسطة )

انما المشكلة إن ما فيش نظام و لا قواعد و أي مصيبة ممكن تحصل في أي وقت لأي حد و ما فيش أي نظام يمنع المصيبة ديه أو يخففها أو يعالج اثارها...... سواء المصيبة ديه مرض أو حادثة عربية أو مشكلة اقتصادية أو أي حاجة تانية

و لنا لقاء قريب إن شاء الله