إعـــــــلان

Collapse

.

,
See more
See less

مخاوف من الانفجار العظيم التجربه الثانيه وابتلاع الارض

Collapse
X
 
  • Filter
  • الوقت
  • Show
Clear All
new posts

  • مخاوف من الانفجار العظيم التجربه الثانيه وابتلاع الارض

    نهاية الجزء الأول من تجربة «الانفجار العظيم» ومخاوف من كارثة كونية تؤدي إلي ابتلاع الأرض
    11/09/2008
    جنيف ـ وكالات
    يعمل نحو 9 آلاف عالم في مختلف أنحاء العالم علي تحليل نتائج الجزء الأول من تجربة محاكاة «الانفجار العظيم»، الذي يعتقد أنه أسفر عن تشكيل الكون بصورته الحالية. انتهي العلماء أمس من تنفيذ الجزء الأول من التجربة بتشغيل جهاز المعجل التصادمي العملاق الذي أطلق مئات الملايين من بروتونات الذرة وجزيئاتها في نفق طوله 27 كم علي عمق 100 متر تحت الأرض علي الحدود السويسرية ـ الفرنسية بسرعة لم يسبق لها مثيل في تاريخ العالم، ونتج عن هذا 600 مليون تصادم بين الجزيئات في الثانية الواحدة، يؤدي كل واحد منها إلي انشطار آلاف الأجزاء من الجزيئات التي يتم تسجيلها ورصدها تمهيداً للتعرف عليها.
    ويخطط العلماء لإجراء الجزء الثاني من التجربة خلال شهور. ويعتبر الجزء الثاني هو الأخطر من التجربة ويشمل إرسال حزمتين متقابلتين من البروتونات في النفق بهدف تحطيم جزيئات الذرة عن طريق اصطدامها ببعضها البعض. وتثير هذه التجربة مخاوف من أن تؤدي إلي تكوين ما يسمي «الثقب الأسود»، الذي يتميز بكثافته العالية وجاذبيته الهائلة، بحيث يمكنه أن يبتلع كوكب الأرض. ونبه عاملون في المشروع وعلماء آخرون من احتمال أن تسفر تلك التجربة النادرة عن مفاجآت من شأنها أن تكون معاكسة تماما لكل النظريات التي قام عليها العلم إلي الآن


    المصدر
    Find information, resources and relevant links for elbadeel.net. This domain may be for sale.


    الناس دى ناويه تعمل فينا ايه ؟

    هم فاكرين بتقدمهم ده انهم هيكتشفوا شئ جديد ؟

    القرأن كشف كل شئ قبلهم بالاف السنين

    ياريت بس يسيبوا الارض فى حالها وكفايانا شرهم اصلها مش ناقصه كفايه اللى احنا فيه
    [SIGPIC]http://www.nilemotors.net/Nile/signaturepics/sigpic3105_1.gif[/SIGPIC]
    Dr Ibrahim Saad

  • #2
    انا متابع موضوع تجربة جنيف ده و مهتم بيه جداَ و الحقيقة انا مختلف معاك و أحترم الناس دي بشدة

    تجربة محاكاة الإنفجار العظيم زي ما بيسموها كانت هتتعمل في عصر ريجان في أمريكا في التمانينات و فعلا حفروا نفق بس الكونجرس اما لقي التكلفة مليارات لغي المشروع

    أول نقطة إيجابية هي إن اوروبا اما لقت أمريكا جابت ورا .. حبت هي تاخد خطوة لقدام و تكون صاحبة السبق و الريادة في هذا العلم .. و ده إن دل علي شئ فبيدل علي قد إيه دول ناس محترمة و بتفكر إزاي ترفع من شأن بلادها مش زي إحنا اللي للأسف بلاد القرأن و الإسلام غرقانين في التخلف و أكبر إنجاز عملناه السنة دي إن مجموعة أبو ظبي إشترت نادي مانشستر ستي و جابوا فيه روبينيو و عايزين يعملوه منتخب العالم! حتي تعليق حضرتك "الناس دي ناوية تعمل فينا إيه" يدل علي حالنا فعلا و هو إننا دائما السائر وراء القطيع اللي ملوش رأي .. أو المفعول به ولا يقوي علي إنه يكون الفاعل لأنه لا "يعلم" فلا "يستطيع".

    تاني نقطة إن عموما الإنسان الواعي المثقف دائماَ ما يسعي وراء المعرفة و الإنسان عامة فضولي .. و المعرفة في حد ذاتها هدف .. و اما نيجي نتكلم في المعرفة فمفيش حاجة هتجنن الإنسان من ملايين السنين قد سؤال "الدنيا دي كلها جت منين و إزاي .. و أولها فين و أخرها فين" و بالعكس إنت اما تثبت حاجات القرأن كشفها ده جزء من الإيمان و متنساش ده ممكن يكون أثره إيه علي غير المسلمين و ما يمكن أن يفعله لخدمة الإسلام .. مش معني إن القرأن كشفلنا حاجات إننا نقول طب و إحنا نبحث و نبقي علماء ليه ما عندنا القرأن .. بالعكس يا أستاذي .. كما أن هناك نقطة .. إن القرأن غير مكشوف بالكامل لنا لأنه أعمق من أن نلم بمعانيه كلها .. و لذلك كلما زاد علمنا كلما زاد فهمنا للقرأن .. لأن فعلا العلم من الإيمان .

    فيه مسئول أو رئيس مجموعة في التجربة دي قال تعليق عجبني أوي .. قال إن لو التجربة فشلت فده شئ إيجابي لأنها هتنبه العالم عن إنه لا يملك المعلومات الكافية عن الكون الذي يعيش فيه و سيكون واجب علينا وقتها الإجتهاد أكثر .
    [COLOR="gray"]
    [CENTER]Leadership is based on inspiration, not domination[/CENTER][/COLOR]

    Comment


    • #3
      تعليق أخر .. للأسف فيه علماء إسرائيليين في التجربة لأن الناس دي عارفة طريقها و شايفاه و عارفة مصلحتها فين و إزاي تعمل لنفسها وزن من مفيش .. و ما زلنا نكتفي بدور السائر وراء القطيع .
      [COLOR="gray"]
      [CENTER]Leadership is based on inspiration, not domination[/CENTER][/COLOR]

      Comment


      • #4
        المشاركة الأصلية كتبت بواسطة ibrahimsaad مشاهدة المشاركة
        ونبه عاملون في المشروع وعلماء آخرون من احتمال أن تسفر تلك التجربة النادرة عن مفاجآت من شأنها أن تكون معاكسة تماما لكل النظريات التي قام عليها العلم إلي الآن

        هم فاكرين بتقدمهم ده انهم هيكتشفوا شئ جديد ؟

        القرأن كشف كل شئ قبلهم بالاف السنين

        ياريت بس يسيبوا الارض فى حالها وكفايانا شرهم اصلها مش ناقصه كفايه اللى احنا فيه
        يا اخ ابراهيم , التجربة دى مهمة جدا على مستوى العالم ,و حتكشف اسرار جديدة عن خلق الكون .
        انا قرائت تحزير العلماء من اى مفجأت ممكن تحصل بسبب التجربة دى لكن الحقييقة لما تبعت الموضوع وجدت ان احتمال ان يحصل الثقب الاسود دى مجرد خيال علمى , لان كمية المادة اللى حتتعمل بيها التجربة صغيرة جدا و صعب تكون اى شىء مثل ثقب اسود من خلالها .

        نجى بقى لموضوع ان القران كشف كل شىء , الحقيقة المقولة دى مش دقيقة شوية , صحيح ان فى اسارا كتير عن خلق الكون و السموات فى القرأن , لكن كمان عندك أيات كتير بتحس المسلمين على التفكر فى خلق السموات و خلق الكون , و معرفة كيفية بداء الحياة على الارض ,
        لكن للاسف معظم مسلمين هذا الزمن تخلو عن هذا الامر القرأنى , و اخذ بية للاسف علماء الغرب , والتجربة دى خير دليل على كدة.

        التجربة دى اذا نجحت فعلا زى ما العلاماء بيتمنى , حنوصل لقوانين جديدة فى الفيزياء , و دة حيكون لة تأثير كبير على مستقبل العلوم و الفيزياء على هذة الارض . التجربة دى تكلفت مليارات الدولارات إلا الان و كل دة عشان يوصلو لمعرفة كيفية بداء الخلق , و هو امر قرأنى فى الاساس للمسلمين ...شوفت ازى

        Comment


        • #5
          التأمل والبحث في الكون من المحمودات، فمعرفة

          كيفية تكوين أو تشكيل الكون حدث علمي ضخم،

          مع اني اشك في نجاحهم في ذلك .... على الاقل

          في القرون القادمة!


          أعتقد ان البحث عن كيفية تكوين المجرة هي الفكرة

          الاقرب من الاكتشاف وهذا لوجود عينات بالفعل من

          الاجرام والكواكب القريبة لنا يمكن دراستها وتحليلها

          للمساعدة في تأكيد الاحتمالات من عدمة.


          أما بالنسبة للثقوب السوداء وما من إلى ذلك من الظواهر

          الكونية التي عجز الانسان حتى الان من الاتفاق على تفسير

          موحد لها فاعتقد ما زال الطريق طويلاً لأكتشاف ماهيتها

          وما يثير القلق أكثر هو وجود علماء لدول قد تستغل أي شئ

          لتحقيق مصالحها الخاصة .... تخيل أن يكون لدولة القدرة

          على تكوين ثقب اسود والعبث الذي قد ينتج عنة....




          الدناميت كان احد الاختراعات التي صممت لتقدم البشرية

          ولكنة تحول إلى اداة حربية.


          الذرة وهي جزء لا يجزء من الطبيعة .... وقد تحولت انشطارها لاداة حربية فتاكة.


          الثقوب السوداء احدى المظاهر الكونية .... ماذا سيحدث إذا نجح الانسان في تكوينها؟!!




          انا مع التقدم العلمي والتأمل في الكون ....ولكني ضد العبث الذي يحدث من تدخل

          الانسان في خلق الله.
          [CENTER][COLOR=Red]لأي استفسار أو شكوى بخصوص الإدارة والإشراف والدعم الفني، يرجى المراسلة على:[/COLOR]
          [/CENTER]


          [RIGHT][CENTER][COLOR=Navy][B][EMAIL="nilemotors.all@gmail.com"]Nilemotors.all@gmail.com[/EMAIL][/B][/COLOR][/CENTER]
          [/RIGHT]

          Comment


          • #6
            هو ازاي انا مكنتش أعرف أي حاجة عن الموضوع ده؟؟؟؟؟ليه الاعلام بتاعنا مش بيجيب الأخبار المهمة دي؟؟؟

            ده فيديو بيوضح شوية التجربة و أهدافها

            [CENTER][SIGPIC][/SIGPIC][/CENTER]

            Comment


            • #7
              يااخوان انا مش مختلف معاكم اطلاقا فى البحث عن المعرفه والتوصل الى حقائقها

              لكن المشكله الكبرى ان هذه التجربه ليست بالسهله ولا بالهينه لكن قد ينتج عنها مالايحمد عقباه لان من الثابت على مدار التاريخ ان كل تقدم يصاحبه نتائج عرضيه سلبيه للاسف هذه الاضرار العرضيه لاتظهر الا بعد فتره
              وللتقريب مثلا اختراع المبيد ادى الى قتل الحشرات وهذا شئ ونتيجه ممتازه لكن لنرى الناتج العرضى
              ادى الى قتل الاعداء الحيويه الدقيقه التى خلقها الله لمكافحه هذه الافات وضبط توازنها بالطبيعه فحينما ماتت بفعل المبيد اختل التوازن وانتجت الافات سلالات مقاومه لفعل المبيد وقامت بمضاعفه هذه المقاومه مما ادى معه الى زياده جرعات المبيد وليس فقط بل الى عدم فعاليته وبالتالى البحث عن انواع اخرى من المبيد التخليقى وهلم جرا وهذا مجرد مثال بسيط لما هو كثير

              لذلك فان اى تدخل للانسان ولو بسيط فى طبيعه الكون الذى خلقه الله يعد افسادا حتى لو كان من وجه نظر الانسان انه يبحث عن جديد لانه يتدخل هنا فى منظومه كونيه لايعلم اسرارها

              فنحن لانعلم بالجزم ماذا يمكن ان يحدث نتيجه هذا الانفجار العظيم ؟

              ماذكر مجرد احتمالات لاشياء قد تحدث وربما تصح وربما لا وربما تكون النتيجه اسوأ مما نتخيل

              ودعونا مثلا نرى نتائج التفجيرات النوويه والحروب ماذا ادت ؟

              ادت الى تحرك بعض الطبقات بمراكز القشره الارضيه ونتج عنها زلازل وبراكين ومازال جاريا
              توقع ان تختفى امريكا بالكامل من الوجود بفعل هذه التجارب وهذا بقول الامريكان انفسهم
              وقد ورد فى الاحاديث ان امريكا ستزول وستختفى من الوجود

              ثقب الاوزون ومانتج عنه من اخلال فى المناخ وارتفاع درجه الحراره

              استطاعه الانسان ان يستخدم هذه الظواهر ضد بعض الشعوب كسلاح جديد

              والكثير من الاضرار الاخرى

              اذن ماقد ينتج عنه هذه التجربه قد يؤدى الى اختفاء قارات وربما بلاد وربما الله اعلم ماذا سيحدث

              والا هل يضمن احد من العلماء ان تسير الامور كما يرى ويخطط ؟

              لااعتقد ابدا
              [SIGPIC]http://www.nilemotors.net/Nile/signaturepics/sigpic3105_1.gif[/SIGPIC]
              Dr Ibrahim Saad

              Comment


              • #8
                ممكن حد يفهمني هوه فيه ايه وعايزين يعملو ايه
                اخوكم ... د/ محمود
                " وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَ تَعْلَمُونَ "

                Comment


                • #9
                  المشاركة الأصلية كتبت بواسطة NaderNabil مشاهدة المشاركة
                  هو ازاي انا مكنتش أعرف أي حاجة عن الموضوع ده؟؟؟؟؟ليه الاعلام بتاعنا مش بيجيب الأخبار المهمة دي؟؟؟
                  ضجكتني يا عم نادر

                  شوف يا سيدي

                  الإعلام بتاعنا مهتم بحاجة أخطر و أكثر تعقيدا

                  هشام طلعت و سوزي

                  الطوب اللي وقع على الناس

                  مبنى اتحرق اسمه الشورى

                  كده يعني

                  احنا مش فاضيين

                  انما دول ناس فاضيه و ماوراهمش عيال

                  وعيب عليك تنتقد الإعلام المصري الهمام علشان حاجة تافهة و تجربة مالناش علاقة بيها

                  غريب انت يا أخي
                  [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                  Comment


                  • #10
                    انا شوفت الفيديو
                    ............
                    .............
                    ..........
                    .............
                    ............
                    ...........
                    ............

                    الصراحة حلوة ...أنا أصغر من أن أعلق على مجهود هؤلاء العلماء

                    انا اتفرج و بس
                    [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                    Comment


                    • #11
                      فى أى حد قرآ رواية Angels & Demons
                      للكاتب Dan Brown
                      مؤلف رواية Da Vinci code؟

                      التجربه دى لو نجحت!!! معناها ان كل ما نعرفه عن الكون سيتغير

                      وسيصبح البترول والطاقه وكل هذا الكلام عبط فى عبط

                      وسيصبح من الممكن تحلية مياه المحيط فى شهر.. ومحو قاره من الوجود فى ثانيه

                      انا كنت فاكره القصه خيال فى خيال من مؤلف موهوب
                      طلع بجد

                      الله يرحمنا

                      Comment


                      • #12
                        المشاركة الأصلية كتبت بواسطة Nile Heart مشاهدة المشاركة
                        فى أى حد قرآ رواية Angels & Demons


                        كده اشترينا كتاب جديد
                        بس بعد الإمتحان بقى و علينا خير
                        [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                        Comment


                        • #13
                          المشاركة الأصلية كتبت بواسطة Nile Heart مشاهدة المشاركة
                          فى أى حد قرآ رواية Angels & Demons
                          للكاتب Dan Brown
                          مؤلف رواية Da Vinci code؟

                          التجربه دى لو نجحت!!! معناها ان كل ما نعرفه عن الكون سيتغير

                          وسيصبح البترول والطاقه وكل هذا الكلام عبط فى عبط

                          وسيصبح من الممكن تحلية مياه المحيط فى شهر.. ومحو قاره من الوجود فى ثانيه

                          انا كنت فاكره القصه خيال فى خيال من مؤلف موهوب
                          طلع بجد

                          الله يرحمنا
                          فعلا كلام مضبوط لو نجح وايضا من الممكن ان يفشل

                          ولكن المشكله انه بنجاحه ايضا سيكون مفيد فقط لتلك البلاد المتقدمه لاغير وسيكون وبال وسلاح ضدنا وضد كل متخلف
                          [SIGPIC]http://www.nilemotors.net/Nile/signaturepics/sigpic3105_1.gif[/SIGPIC]
                          Dr Ibrahim Saad

                          Comment


                          • #14
                            حمل بالشيفورليه و احنا قاعدين
                            طلع بالشيفورليه و احنا قاعديييييييييييييييييييييييييييييييين

                            Comment


                            • #15
                              المشاركة الأصلية كتبت بواسطة Ahmed Samy مشاهدة المشاركة
                              كده اشترينا كتاب جديد
                              بس بعد الإمتحان بقى و علينا خير
                              بس هات النسخه الأنجليزى

                              الترجمه العربى مش بنفس المتعه

                              Comment

                              Working...
                              X