إعـــــــلان

Collapse

.

,
See more
See less

هو مين اللي قتل العصب؟!

Collapse
X
 
  • Filter
  • الوقت
  • Show
Clear All
new posts

  • هو مين اللي قتل العصب؟!

    جزء من تدوينة لهاني جورج صاحب مدونة بيكيا روبابيكيا.. متابعة تدويناته بانتظام و التدوينة دي بالذات لفتت نظري، يمكن عشان مرتبطة نوعا ما بالسيارات.

    -------------------------------------------------



    اتخذت قرار الذهاب الي طبيب الاسنان بعد فترة طويلة من الخوف ... دفعت ثمن الكشف للتمرجية و جلست منتظرا أن يأتي دوري لمدة نصف ساعة و وجدت ان العيادة امتلأت بالناس و لا احد يدخل حجرة الكشف ... فسألتها ان كان الطبيب موجود ... فقالت لي .. هييجي الساعة ثمانية و نصف ... نظرت في ساعة الحائط ... فوجدتها معطلة فنظرت في ساعة يدي وجدتها الساعة السادسة و النصف .. هل كنت سأنتظره ساعتين !؟ لم اشأ ان ادخل في جدال عقيم معها ... فذهبت للجلوس علي المقهي حتي تمر الساعتين

    ***

    أتي احد اصدقائي و اخبرني برغبته في شراء سيارة شيفروليه افيو ... و أن معه في جيبه مقدم الحجز ... و طلب مني أن اذهب معه الي المهندسين حيث يوجد توكيل السيارة ... فقمت معه

    دخلنا الي مقر المعرض و وقفنا قليلا ... لعل احدهم يلاحظ وجودنا و لكن لا حياة لمن تنادي ... فقررنا الدخول الي احد المكاتب فقابلنا بوجه متجهم احد موظفي المبيعات ... الاستاذ محمد توفيق ... و جلسنا فلم يدعونا للجلوس ... سأله صديقي لو سمحت عايز احجز عربية أفيو ... نظر اليه و لم يجيبه و رفع الهاتف و بدأ يتحدث ... عندما انتهي نظر الينا مرة اخري ... و سألنا ماذا نريد ... فقلنا له نريد حجز سيارة فسألنا .. نوعها ايه ؟ فاجبناه ... أفيو ... فرفع سماعة التليفون ليجيب الهاتف ... نظر لي صديقي متعجبا من ما يحدث ... فابتسمت و تكرر هذا السيناريو عدة مرات ... فنظر اليه موظف المبيعات من اعلاه لأسفله و قال له .. هات البطاقة لو سمحت ... فاستمهله صديقي قليلا ... هو نوع الكاوتش بيفرق من الافيو الكوري للمصري و لا هو هو !؟
    و هنا نظر الينا الرجل و كأننا بنهوهو ... و قال بصوت عالي

    انا ما اعرفش الكلام ده ... اطلع بص علي العربية برا

    و تركنا في المكتب و ذهب

    بعد نصف ساعة خرجنا نبحث عن احد ليحدثنا ... و كنت قد قررت ان اشكوه ... و لكن لمن !؟ لا اعرف

    وجدناه اتيا من بعيد ... فنظرت له فقال لي هو انا اتأخرت عليكم !؟ فانفجرت فيه ... هو انت اساسا كنت بتكلمنا !؟ احنا جايين نشحت !؟ من ساعة ما جينا و انت بتتكلم في التليفون

    هو كده ينفع يعني !؟ و بكل هدوء اجابني ... أه ينفع انا كنت في ميتنج ... لو مش عاجبك مديري اهه .. اشتكي له ... يا استاذ (مش فاكر اسمه) في كومنت عليا عند الناس دي

    و ذهب و هو مطمئن البال

    اتي المدير الينا فحكيت له ما حدث ... و لغرابة الامور قال لنا لأ طبعا اللي حصل مينفعش ... حضرتك طبعا مينفعش ... هو انتم عايزين عربية ايه ؟ فقلت له أفيو ... فقال لنا العربيه عليها حجز لحد أخر الشهر ... ممكن تيجوا بكره علينا ضغط شغل جامد

    خرجنا من التوكيل مندهشين ... نظر الي صديقي بعد ان اصابته لوثة عقلية مؤقتة ... و ظل يكرر هذة الجملة ... مش كفاية يكون معاك خمسة و سبعين الف جنيه علشان تشتري عربية ... لازم تتحايل عليهم كمان و لا دي كمان عايزة واسطة !؟

    فحاولت أن اغير مجري الحديث ... فقلت له ... بكرة احلي اكيد ... و بداخلي كنت مقتنعا تماما أن غدا لن يكون افضل بكل هذا الكم من العبثية ... هو مين قال الشكوي لغير الله مذلة !؟ ... ما علينا
    ***

    دخلت الي عيادة طبيب الاسنان الساعة العاشرة و جلست منتظرا ... و في النهاية دخلت الي حجرة الكشف الساعة الحادية عشر ... أي انني كنت سأنتظر داخل العيادة لخمسة ساعات ... نظر الطبيب الي اسناني و قال لي ... ده العصب مات ... مات و عفن خلاص

    فقلت له يعني نعمل ايه !؟ فشرح لي قليلا ثم بدأ عمله ... كان صديقي يجلس امامي علي الكرسي مذهولا من ما حدث معنا في توكيل السيارات ... و عندما توقف الطبيب قليلا و ذهب ليأتي بمادة الحشو لأسناني

    نظرت اليه و ابتسمت ... يا ابني العصب مات و عفن خلاص

    فقال لي ... بكرة احلي اكيد ... و ابتسم ... ففتحت فمي و اكمل الطبيب عمله ... و عندما انتهي

    نظر الي صديقي و سألني ... هو مين اللي قتل العصب !؟ مات ليه !؟

    ***
    هو صحيح مين اللي قتل العصب ؟ و ازاي سبناه يموت و يعفن و ما كناش حاسين !؟ حصل امتي كل ده !؟

  • #2
    بكره حلو انشاءالله والي جاي احلى :)
    [SIGPIC][/SIGPIC]

    Comment


    • #3
      فعلا ملحوظة ،،

      أي معرض سيارات أو توكيل

      تروح تشتري منه عربية

      كأنك بتشحت منه ،،

      و كأنه مستكفي و تشتري او ماتشتريش ،، اضرب دماغك في الحيط

      Comment


      • #4
        كان مفروض يقوله : I Aveoooo

        و ده اخرة عربية ((للطموحين فقط))

        Comment


        • #5
          معلش يا جماعة عشان الموضوع متاخد كوبي و بيست بصوره فالصور طالعة مش متنسقة كويس مع النص.

          Comment


          • #6
            ده حال كل البيزنس في مصر

            للاسف الناس بتعامل العميل كأنه العبد اللي السيد الوالد سابهولهم مع العزبة ولا الأبعدية


            مافيش احترام للراجل اللي بيدفع مرتباتهم و شراؤه للسيارة ولا اي سلعة فاتح بيوتهم


            الوضع ده بتلاقيه في معرض السيارات
            في السوبرماركت
            عند بتوع التسويق العقاري (تجارب الاخوة الاعضاء مع مبيعات مدينتي تشهد على كدة)
            معظم مراكز خدمة العملاء
            واقعة حصلت لي كنت بكلم شركة التأمين واللي كانت بتكلمني مش عارفة اي حاجة
            قلت لها هاني المشرف قالت لي هو مش فاضي لك عنده ميتينج



            منتهى قلة الادب

            انا صحيح سمعتها كلام يوجع بس برضه مش كفاية وما اظنش الشكوى اللي انا عملتها حتى اثرت ولا حد بصلها
            مراقبة الجودة عندنا في مصر صفر كبييييييييييييييييييييييييييييير قد صفر المونديال كدة

            وصاحب المدونة كان ممكن يعلي صوته لأن للاسف ده اللي بينفع في بلدنا المأسوف عليها
            محمد عيسى
            [URL="https://www.dropbox.com/link/21.1fWqGm2yPG"]دعوة دروب بوكس[/URL]

            Comment


            • #7
              هل ده عشان احنا كتير؟ كتير في القاهرة طبعا مش أصدي ان الانفجار السكاني هو السبب.. متهيألي لو كان عدد العملا اللي بييجوا يحجزوا عربية من التوكيل ده في الأسبوع هو شخص واحد بس، متهيألي كانت هاتبقى المعاملة مختلفة تماما.

              Comment


              • #8
                أنا لو منك أديلو فوق دماغه وأهزأئوا وأعمله فضيحة كمان ... وممكن ألبدله قدام المعرض أي حد داخل أو خارج أشردله ... ولو حد عندك في الصحافة زبطه موضوع تمام

                الفكرة أن هما بيعملوا الناس بإستحقار على شان الناس بيحسيسوهم أن هما محتاجين ليهم

                بس لو كل الناس إديتهم فوق دماغتهم ... حيلاقوا نفسهم محدش بيعبرهم ... بعد كدة حيبوسوا إيد العميل

                بالمناسبة أي شركة بتبدأ كويسة ومحترمة وبتعامل العميل بمنتهى الود والإحترام ... لما تكبر والعملاء بتوعها بيكتروا ... بتعاملهم بمدأ السيد والعبيد ... زي شركة تي إي داتا بتاعت النت بظبط ...

                كنت الأول يحصلك أي حاجة ... تلاقيهم بيتابعوك .. وينزلولك حد السنترال ... ويفضلوا معاك لحد ما الدنيا تتظبط ... ولو ليك تعويض بتاخده من غير ما تسأل ... دلوقتي التعامل بقى زي الزفت

                هذه هي مصر ياعزيزي
                [CENTER]
                [sor2]http://www.nilemotors.net/Nile/signaturepics/sigpic3314_4.gif[/sor2]
                أحب الصالحين ولست منهم ........... لعلي أن أنال بهم شفاعة
                وأكره من تجارته المعاصي ...........ولو كنا سواءً في البضاعة
                الإمام الشافعي[/CENTER]

                Comment


                • #9
                  دلوقتى الناس اللى شغالة فى التوكيل دول ايه؟؟؟؟؟
                  بشر
                  يعنى ليهم اعصاب ووعى وقدرة احتمال
                  لطبيعة خبرتى فى التعامل مع الجمهور فى السوق المصرى يحدث الاتى
                  لو الموظف عليه اكثر من حمل بتمثل عليه لود
                  يعنى هوة ممكن ياخذ المقدم ويعمل اوراق العربية ويرد على الكول سنتر ويتابع مشاكل تسليم عربيات تانية واستفسارات معارض
                  وكام موظف غايب شايل شغلهم على دماغه
                  ومشاكل هوة نفسه موش راضى عنها فى الشركة (يعنى فى صف الزبون ومتضايق من اللى بيحصل )
                  كل ده بيولد عنده شحنة ضغط تخليه بيتصرف زى ماحصل
                  المشكلة فى توزيع المهام والعمل
                  المفروض اللى بيقابل العملاء تكون مهامه محددة وعدد اللى شغالين معاه مناسب وميحصلش عليه لود علشان مبنفجرش فى الزباين
                  انا رحت فى شارع الطيران وقابلونى بمنتهى الذوق وكانوا متعاونين جدا
                  ثم انك لورحت بنك تقسط معاك هايقعد يطلب منك حاجات لحد متحس انك متهم ومتعثر مستقبلا انك تسدد الاقساط
                  وعيد سعيد على الجميع
                  [SIGPIC][/SIGPIC]

                  Comment


                  • #10
                    واكيد بكرة احلى من النهاردة

                    Comment


                    • #11
                      احب اشارك و اعلق علي الموضوع ده خصوصا انه مش اول مره يحصل كده في بلدنا العزيز
                      الموضوع و المشكله تتمثل في الاداره المصريه
                      في البلاد الاخري محدش بيمسك مدير او حتي مندوب مبيعات الا بعد تأهيله و دراسته للموضوع ده و بيبقي محترف و بعد كده بيتعامل مع العملاء
                      اما الوضع المصري فاللي بيحصل ان اي "بوبي" بيسيبوه يتعامل مع العملاء و طبعا العقده المصريه الفرعونيه العتيده بتاعت هما اللي عايزيني بتشتغل بسرعه و بينتج عنها اللامبالاه و التجهم في وجه العملاء
                      و ده بيحصل فعلا من اول السوبرماركت لغايه اغلي الاشياء اللي تحب تشتريها
                      مع ان الوضع المفروض يكون غير كده اطلاقا و البائع او مسؤول المبيعات يكون صاحب ابتسامه عريضه و يستقبلك بكل ترحاب و يرد علي كافه استفساراتك بكل ادب و تواضع ده انت عميل محتملpotential customer و المفروض انه يخليك عميل حقيقي و دائم loyal customer و ده عمره ما ييجي بالاسلوب المصري السخيف ده
                      و الموقف ده اتكرر معايا للاسف بس في فرع منصور الطيران, كنت داخل علي الراجل في مكتبه بسأله علي الاوبتر و الافيو و كان مركز مع التليفونات الاول و فضل منفضلي و الادهي و الامر ان بعد كده جت بنت دخلت تسأل و هو طبعا ركز معاها هي و كله نشاط و همه للاجابه عليها(لأنه مش محترم ولا محترف) و طبعا خد نصيب لا بأس به ابدا من عصبيتي و قله ادبي اليوم ده, لأن مش معقول ابقي انا نازل من بيتنا مخصوص علشان اجيله و يسيبني و يرد علي ناس في التليفون مش مكلفين نفسهم المجيه ده غير موقفه انه بيمشي الشغل علي هواه و حب يخدم البنت و سايبني ملطوع
                      و ده مش ذم في منصور بالتحديد لان الوضع مؤسف في مختلف الاماكن
                      و لو تفتكرو البلد دي نضفت و حالتها الاقتصاديه و الاجتماعيه و المعيشيه كمان كانت زي الفل امتي؟
                      ايام الاحتلال للاسف
                      لكن تجيب شويه عالم جهله و غير مؤهلين زي اي مصري و تسيبهم ياخدو قرارات جاهله و يديرو بطريقه عاطفيه( و حتي في المسلسلات شوفو كده المدير بيعامل مرؤوسيه كانهم عبيد امره و هواه و انك بتشتغل في مكان يبقي اولوياتك منحصره في طاعه الرئيس و رضاه) و دايما يديك احساس ان الشراكه و الشركاء ممكن يتخانقو و يعلو صوتهم علي اي حد علي اساس انهم اصحاب المكان و لو مش عاجبك يبقي الباب يفوت جمل!!!!
                      ده الاسلوب المصري في الاداره مفيش job description ولا quality control ولا customer service محترمه الا ما رحم ربي
                      و الاساليب المصريه في العمل دايما وضيعه و منحطه و التفكير دايما منحصر في المكاسب الشخصيه دون النظر لمصلحه المكان ولا المصلحه العامه
                      ده حتي كان في مقوله بتتقال بره علي الموضوع ده بيقولك اللبناني بيسرق بس قليل و محدش يحس بيه و المكان يشتغل و المصري يسرق المكان كله و يجيب ضرفه
                      و بحكم خبرتي في العماله المصريه فامصري مننا لما بيسافر يشتغل اول حاجه يعملها انه يخذوق المصريين زمايله و يسعي لتدميرهم ده غير الفرعنه اللي اول ما بيوصل لموقع يسمحله بيها بيبدء فورا في تطبيقها علي اللي تحته في السلم الوظيفي, و موضوع تصرفات المصريين ده مخلي معظم الدول تحاول تجيب عماله من دول اخري و ده أدي فعلا الي تقليل حجم العماله المصريه المطلوبه في الخارج بطريقه محسوسه و بيتجهو الي دول زي الهند و باكستان و بنجلاديش حيث العماله بتتميز بالطاعه و الادب و طاعه القوانين و الحرص و التفاني في العمل و كل ده بمرتبات اقل بكتير من المصريين بيطلبوها
                      شباب اغنيه المصريين اهما ممكن تتحول الي المصريين اهما بلطجه و نفسنه و سرقه جيل بعد جيل متخلفين
                      و بمناسبه الربط بين ده و زياره طبيب الاسنان و كوني طبيب اسنان كمان احب اسئل هو انتي ليه حاطيتي العنوان ده مع انه لايمت لقلب الموضوع

                      Comment


                      • #12
                        راى شخصى

                        لا بكرة مش احلى من النهاردة
                        انا مش عاوز اكون متشائم بس كل الدلائل والانحدار السريع بيقول
                        ياريت بكرة يبقى زى النهاردة

                        Comment


                        • #13
                          المشاركة الأصلية كتبت بواسطة Lord of the flies مشاهدة المشاركة
                          لا بكرة مش احلى من النهاردة
                          انا مش عاوز اكون متشائم بس كل الدلائل والانحدار السريع بيقول
                          ياريت بكرة يبقى زى النهاردة

                          الله ينور عليك
                          المهم ان دكتور السنان براءة من دم العصب
                          [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                          Comment


                          • #14
                            المشاركة الأصلية كتبت بواسطة amir مشاهدة المشاركة
                            احب اشارك و اعلق علي الموضوع ده خصوصا انه مش اول مره يحصل كده في بلدنا العزيز
                            الموضوع و المشكله تتمثل في الاداره المصريه
                            في البلاد الاخري محدش بيمسك مدير او حتي مندوب مبيعات الا بعد تأهيله و دراسته للموضوع ده و بيبقي محترف و بعد كده بيتعامل مع العملاء
                            اما الوضع المصري فاللي بيحصل ان اي "بوبي" بيسيبوه يتعامل مع العملاء و طبعا العقده المصريه الفرعونيه العتيده بتاعت هما اللي عايزيني بتشتغل بسرعه و بينتج عنها اللامبالاه و التجهم في وجه العملاء
                            و ده بيحصل فعلا من اول السوبرماركت لغايه اغلي الاشياء اللي تحب تشتريها
                            مع ان الوضع المفروض يكون غير كده اطلاقا و البائع او مسؤول المبيعات يكون صاحب ابتسامه عريضه و يستقبلك بكل ترحاب و يرد علي كافه استفساراتك بكل ادب و تواضع ده انت عميل محتملpotential customer و المفروض انه يخليك عميل حقيقي و دائم loyal customer و ده عمره ما ييجي بالاسلوب المصري السخيف ده
                            و الموقف ده اتكرر معايا للاسف بس في فرع منصور الطيران, كنت داخل علي الراجل في مكتبه بسأله علي الاوبتر و الافيو و كان مركز مع التليفونات الاول و فضل منفضلي و الادهي و الامر ان بعد كده جت بنت دخلت تسأل و هو طبعا ركز معاها هي و كله نشاط و همه للاجابه عليها(لأنه مش محترم ولا محترف) و طبعا خد نصيب لا بأس به ابدا من عصبيتي و قله ادبي اليوم ده, لأن مش معقول ابقي انا نازل من بيتنا مخصوص علشان اجيله و يسيبني و يرد علي ناس في التليفون مش مكلفين نفسهم المجيه ده غير موقفه انه بيمشي الشغل علي هواه و حب يخدم البنت و سايبني ملطوع
                            و ده مش ذم في منصور بالتحديد لان الوضع مؤسف في مختلف الاماكن
                            و لو تفتكرو البلد دي نضفت و حالتها الاقتصاديه و الاجتماعيه و المعيشيه كمان كانت زي الفل امتي؟
                            ايام الاحتلال للاسف
                            لكن تجيب شويه عالم جهله و غير مؤهلين زي اي مصري و تسيبهم ياخدو قرارات جاهله و يديرو بطريقه عاطفيه( و حتي في المسلسلات شوفو كده المدير بيعامل مرؤوسيه كانهم عبيد امره و هواه و انك بتشتغل في مكان يبقي اولوياتك منحصره في طاعه الرئيس و رضاه) و دايما يديك احساس ان الشراكه و الشركاء ممكن يتخانقو و يعلو صوتهم علي اي حد علي اساس انهم اصحاب المكان و لو مش عاجبك يبقي الباب يفوت جمل!!!!
                            ده الاسلوب المصري في الاداره مفيش job description ولا quality control ولا customer service محترمه الا ما رحم ربي
                            و الاساليب المصريه في العمل دايما وضيعه و منحطه و التفكير دايما منحصر في المكاسب الشخصيه دون النظر لمصلحه المكان ولا المصلحه العامه
                            ده حتي كان في مقوله بتتقال بره علي الموضوع ده بيقولك اللبناني بيسرق بس قليل و محدش يحس بيه و المكان يشتغل و المصري يسرق المكان كله و يجيب ضرفه
                            و بحكم خبرتي في العماله المصريه فامصري مننا لما بيسافر يشتغل اول حاجه يعملها انه يخذوق المصريين زمايله و يسعي لتدميرهم ده غير الفرعنه اللي اول ما بيوصل لموقع يسمحله بيها بيبدء فورا في تطبيقها علي اللي تحته في السلم الوظيفي, و موضوع تصرفات المصريين ده مخلي معظم الدول تحاول تجيب عماله من دول اخري و ده أدي فعلا الي تقليل حجم العماله المصريه المطلوبه في الخارج بطريقه محسوسه و بيتجهو الي دول زي الهند و باكستان و بنجلاديش حيث العماله بتتميز بالطاعه و الادب و طاعه القوانين و الحرص و التفاني في العمل و كل ده بمرتبات اقل بكتير من المصريين بيطلبوها
                            شباب اغنيه المصريين اهما ممكن تتحول الي المصريين اهما بلطجه و نفسنه و سرقه جيل بعد جيل متخلفين
                            و بمناسبه الربط بين ده و زياره طبيب الاسنان و كوني طبيب اسنان كمان احب اسئل هو انتي ليه حاطيتي العنوان ده مع انه لايمت لقلب الموضوع
                            للاسف كلامك كله صح
                            و اعتقد كلمه العصب مات المقصود بيها البنيه الاساسيه للاخلاق و الذوق انعدمت عند اغلبيه الشعب المصرى
                            حملت دمى على كفى وما نكست اعلامى وصنت العشب فوق قبور اسلافى[SIGPIC][/SIGPIC]

                            Comment


                            • #15
                              المهم بعد كل الحوارات دي مين اللي موت العصب ؟ ههههههههههههههه

                              Comment

                              Working...
                              X