خبر سعيد.. تصنيع قطارات الخط الثالث لمترو الأنفاق محليا

[tutankhamoun]

العنوان تريقة طبعا :)

و تريقة ليه يا علا ؟؟؟
ما فعلا شركة سيماف بالإشتراك مع الهيئة العربية للتصنيع بتصنع عربيات السكك الحديدية من زمان
يعني الموضوع مش جديد
الجديد فيه إن التعاون المرة دي هايبقى مع اليابان اللي عملت الخط التاني بتاع المنيب شبرا

إنما يا جماعة عربيات السكك الحديدية صناعة مصرية ماعدا الجرار اللي فيه الموتور زي ما وضحت قبل كدا ووضح بعدي الأستاذ نادر

و بعدين المفروض نفرح ........ مش نزعل و نتريق يا أختي الكريمة
أي حاجة نتقدم بيها و لو خطوة صوغنطوطة .......ربنا يطلعنا من النفق المظلم اللي احنا عايشين فيه

و شكرا لوقتك الكريم و موضوعك الحلو

[OlaOsman]

يعجبني تفاؤلك دايما بالصناعة المصرية يا توت :)

بس المناخ العام و الإهمال السائد لا يبشروا بأي خير - بالنسبة لي على الأقل.

[sab3aawy]

يا جماعة انا بس عايز اقول لكم ان الجيل التالت من قطارت المرحلة الاولى(الاوووووووووووووووووووووووووولى مش التانية، المترو الازرق القديم) مصنع فى مصر بمعرفة شركة سيماف ،(اللى هى العربيات اللى فيها مروحة التهوية متدارية فى السقف وفيها مساكات جلد فى الحديدة اللى الناس بتمسكها وانذار اغلاق الأبواب بيقول دينج دونج مش بيقول بيب زى العربيات الفرنساوى من الجيلين السابقين عليها)
وشغالة بقالها ييجى 15 سنة اهى وزى الفل

فبالتالى احنا مش ضايعين للدرجة اللى بعض الناس بتحاول تصورها لنفسها

عموما مبروك علينا المترو الجديد وعبال ما نشوفه شغال ان شاء الله عن قريب

[OlaOsman]

يا جماعة انا بس عايز اقول لكم ان الجيل التالت من قطارت المرحلة الاولى(الاوووووووووووووووووووووووووولى مش التانية، المترو الازرق القديم) مصنع فى مصر بمعرفة شركة سيماف ،(اللى هى العربيات اللى فيها مروحة التهوية متدارية فى السقف وفيها مساكات جلد فى الحديدة اللى الناس بتمسكها وانذار اغلاق الأبواب بيقول دينج دونج مش بيقول بيب زى العربيات الفرنساوى من الجيلين السابقين عليها)
وشغالة بقالها ييجى 15 سنة اهى وزى الفل

فبالتالى احنا مش ضايعين للدرجة اللى بعض الناس بتحاول تصورها لنفسها

عموما مبروك علينا المترو الجديد وعبال ما نشوفه شغال ان شاء الله عن قريب

انت متأكد يا سبعاوي انه شغال زي الفل؟ الناس الل بيركبوا المترو ده كل يوم فعلا بيشتكوا مرة الشكوى من أعطاله كل يوم و التاني.

[sab3aawy]

انت متأكد يا سبعاوي انه شغال زي الفل؟ الناس الل بيركبوا المترو ده كل يوم فعلا بيشتكوا مرة الشكوى من أعطاله كل يوم و التاني.

كل الأعطال الى انا سمعت عليها كانت اعطال شبكة، لكن انا بتكلم عن العربات نفسها اللى مستحملة زرالة شعب يقتنع افراده انهم احفاد التتار رسل الدمار والخراب على الأرض، ولم يسلم من اذاهم اتوبيس او قطار او حديقة عامة ، قارنى حاله عربات المترو بحالة اى اتوبيس عمرةه 15 سنة هتعشغال فى هيئة النقل العام هتعرفى انا بتكلم على ايه

مش عارف ليه انا افتكرت مرة زمان انا اخدت العربية بتاعة والدى-الله يرحمه-وعملت بيها مشوار ورجعت، بعدها ولمدة سنة كل عطل يصيب العربية يكون السبب فيه هو المرة التى خروجت بها، لدرجة ان احد الاطارات نام بعد خروجى بالسيارة بشهرين واعتبر ابى ان سبب نوم الاطار هو خروجى بالسيارة من شهرين سابقين

[R A N A]

انت متأكد يا سبعاوي انه شغال زي الفل؟ الناس الل بيركبوا المترو ده كل يوم فعلا بيشتكوا مرة الشكوى من أعطاله كل يوم و التاني.

لا ياعلا المرحلة اللي بتعطل كتير دي اللي هيا المترو الأزرق العادي اللي هو من محطة المرج - لحلوان ده فعلا سخيف وبيعطل احياناً .
اما باللنسبة لمترو الجيزة وشبرا فده ياجماعة يعتبر كويس واعطاله قليلة جدا بجد انا كنت بركبه لمدة اكتر من سنة كل يوم من التحرير للدقي وعمره ماعطل بيا يوم واحد وماشي كويس جدا بس هو عيبه الزحمة فقط.

لكن المترو رغم كل مساوئه احسن 100 مرة من الاتوبيس والميكروباص والقرف بتاع الجمعية التعاونية الزفت ده :K15:.

على الأقل مبيوقفش في اشارات وممنوع فيه التدخين واللي بيخليه مش حضاري هي الناس اللي بتركبه والناس اللي منظماه او القائمين على تنظيمه .
ولو اهتموا شوية بجد هايبقي حاله احسن من كده كتير.

بالنسبة بقي للتصنيع المحلي والله ياجماعة في حاجات صناعة مصرية وكويسة فعلا بس للأسف احنا عندنا مراقبة الجودة اللي المفروض اني هيا اقوي ادارة في اي مؤسسة مفيش اهتمام بيها واللي مساكينها شوية سفهاء مرتشين معندهومش ضمير لاني بلاحظ ان معظم عيوب الحاجات النصاعة المصرية هي عيوب تقفيل (Finishing) ودي طبعا المهمة الاساسية لإدارة الجودة في اي مصنع اساساً :K15:.
يالا بشرة خير انا مستنية المترو ده من زمان ويمكن وقتها ابيع العربية واركب المترو اهو اريح واوفر من السواقة في الشوارع المنيلة ووسط الناس الغريبة الاطوار دول :k41:.

[Samir Elshahawy]

بالنسبة بقي للتصنيع المحلي والله ياجماعة في حاجات صناعة مصرية وكويسة فعلا بس للأسف احنا عندنا مراقبة الجودة اللي المفروض اني هيا اقوي ادارة في اي مؤسسة مفيش اهتمام بيها واللي مساكينها شوية سفهاء مرتشين معندهومش ضمير لاني بلاحظ ان معظم عيوب الحاجات النصاعة المصرية هي عيوب تقفيل (Finishing) ودي طبعا المهمة الاساسية لإدارة الجودة في اي مصنع اساساً :K15:.

طيب ازاي المنتج المصري كويس لما مراقبة الجودة زفت ؟؟

[R A N A]

طيب ازاي المنتج المصري كويس لما مراقبة الجودة زفت ؟؟

مانا قولت في حاجات بتبقي كويسة مش كله كويس يعني ومش كله وحش برده والعيب في مراقبة الجودة اللي هي المفروض بتراجع على المنتج بشكله النهائي.

بجد انا في حاجات بشتريها وبتعجبني جدا وبعد ماستهلكها والاقيها تقعد معايا كتير وتستحمل ابص علي التيكت الاقيه صناعة مصرية بجد.

يعني انا احياناً بشتري لبس أو شوز شكله بيعجبني واشتريه عشان شكله وخلاص وابقي متوقعة انه هايبوظ او هايجراله اي حاجة لما يتغسل وانه مش هايعمر معايا خالص ولكن بلاقيه كويس جدا ويقعد مدة طويلة ويستحمل وفي الاخر اكتشف ان المنتج صناعة مصرية ودي حصلت معايا بجد.
بس اللي لاحظته بجد اننا عندنا مشكلة في التقفيل يعني تلاقي الحاجة شكلها حلو جدا وخامتها كويسة وتستحمل وتيجي تلاقيهم بوظوا الطبخة على شوية ملح ، مثلا تلاقي خيط مش متقفل كويس يفك من حتة معينة تلاقي سوستة بايزة مثلا اينعم بيبقي حلها بسيط ومش مكلف بس حاجة تزعل يعني فيها ايه لو كانوا فنشوه صح يعني؟
طبعا كلامي مش معناه ان منتجنا احسن منتج في العالم ولا كل المنتجات المصرية كويسة بس في بعضها بيبقي فعلا كويس.
وهي في الأول والأخر وجهات نظر .

[Samir Elshahawy]

طبعا كلامي مش معناه ان منتجنا احسن منتج في العالم ولا كل المنتجات المصرية كويسة بس في بعضها بيبقي فعلا كويس.
وهي في الأول والأخر وجهات نظر

طبعا وجهة نظر سليمة و بأحترم رأيك و علي فكرة العامل المصري كويس جدا و العقول عندنا ممتازة بس الادارة و البيروقراطية اجارك الله هاتعملي فيهم ايه ؟