قاطعوا المنتجات السعودية!!

[mohamed_kta]

السلام عليكم

أحنا لو هنعمل كده أظن لازم كمان نقاطع المنتجات الليبية علشان أعدموا مصرى مشكوك فى برأته و حبسين مصرين كتير واخدين إفراج و لسه محبوسين و نقاطع المنتجات الأمريكية علشان النهارده طلع تقرير بيقول أن فيه مصريين أتبعتوا لمصر من السجون الأمريكية علشان يتعذبوا هنا و لازم نقاطع الفلبين علشان حبست شيخ أزهرى ظلم .

يا أخونا لو هنتكلم بجد عن اللى بيحصل فينا بره يبقى هنقاطع منتجاتنا أحنا

[Mohd_Adel_Amin]

والله يا جماعة انا اعتقادي الشخصي انها لازم تكون سياسية في المقام الأول ولازم سفارتنا هناك تتحرك ويبقى ليها دور أساسي في حياة المصريين .
الواحد لما كان هناك عمره ما حس ان ليه سفارة وعمره ما حس انهم بيساعدوه في أي حاجة ..
فيه سفارات ثانية بتعمل نشاطات اجتماعية وثقافية .. احنا عندنا على فكرة الأنشطة دهية بس مسميات بس كل اللي بيحصل فيها انك تقدر تخلص فيها اوراقك لو انتا في السعودية وعايز تخلص اوراق لمصر ..
بس الواقع ان فيه واجب كبير على المقيمين هناك وعلى تحسين سمعتهم الضايعة.

والدي كان بيحكيلي انهم مرة الناس بلغته بإن القنصلية عاملة يوم ترفيهي مجاني أول كل شهر للأطباء وراح سأل طلع الكلام مضبوط بس مش بيبلغو حد (علشان يوفرو) المهم ان الأطباء اتفقو انهم يفعلو النشاط ده وراحو اليوم ده وكانت مهزلة كعادة اي اجتماع مصري , مع ملاحظة انهم دكاترة يعني من الآخر شبعانين , كانو بياخدو الوجبات المجانية ويخبوها في شنطهم ويطلبو كمان !! ويخلو المكان اللي يقعدو فيه مزبلة !! ويحصل خناقات بين الأهالي بسبب خناقات الأطفال !! وغيره كثيييير من سلوك شعبنا المتحضر .. ومتنسوش ان ده كله صدر من أطباء علشان الناس اللي بتبرر لشعبنا همجيته بسبب فقره .

ومرة أمير مدينة الخرج المدينة اللي والدي ساكن فيها طلع رحلة مجانية للعمرة لمن لا يستطيع تكلف مصاريف العمرة ولمن لا يعلم رحلة العمرة من الخرج الى مكة 3 ايام شاملة الإقامة بتتكلف 150 الى 175 ريال (ده كان أيامي مش عارف الوضع اتغير والا لأ).. ولن تتخيل ان الاتوبيسات كانت كلها عبارة عن مدرسين مصريين كلهم راحو حجزو مع بعضهم ومسابوش فرصة للعمال الغلابة من جميع الجنسيات !!
مع ان اقل راتب مدرس عمره ما يقل عن 3000 ريال

[human]

حتى لو مجانيه
الانتعاش الاقتصادى اللى هما بيكسبو منه فى ظل موسم الحج انتعاش اقتصادى غريب و حركه رهيبه فى البضائع
يعنى حتى لو ببلاش فهما بيكسبوا مكاسب مهوله من الحجاج

[Mohd_Adel_Amin]

يا أخونا لو هنتكلم بجد عن اللى بيحصل فينا بره يبقى هنقاطع منتجاتنا أحنا

والله معاك حق

[semsem67]

أنا شخصيا مش عارف إزاي أشتري منتجاتهم وأشغل مصانعهم وأروج تجارتهم -مصر بتستورد منهم بثلاثة مليار دولار سنويا ابتداء من الملح والبسكويت و الألبان والشامبووبطاريات السيارات ايه سي ديلكو إلى أنظمة الري بالتنقيط والخراطيم - والظاهر إن الخراطيم دي هي اللي بيجلدوا إخواننا الأطباء بها -إزاي أنا أعمل كده وهم بيهينوا طبيبين في الخمسينات من العمر بالجلد في الشارع 1500 جلدة ، دا الواحد لو عنده حمار ميقدرش يجلده كل هذا العدد ،و بصراحة مستغرب جدا من ردود الناس في المنتدى وبعضهم ناقص يقول إن شراء منتجات السعوديه واجب ديني!!!!!!! وإن مقاطعة هذه المنتجات هو معصية!!! . أنا رأيي بصراحة شديدة أن مقاطعة منتجات هؤلاء هي أقل حاجة نعملها لو عندنا أدنى احترام لأنفسنا وبني وطننا وياريت الناس وخصوصا السيدات ؛ -لأن معظم منتجاتهم منتجات غذائية- تعمل كده فعلا ونتذكر جميعا صوت السياط وهي تلهب ظهر الطبيبين وممكن تلهب ظهر أي مصري هناك قد يكون أخ أو أب أو خال أو عم أو صديق لأي واحد منا. والإخوة اللي بيقولوا إن العيب في المصريين اللي بيكرهوا بعض وقلبهم مش على بعض . طيب يا جماعة ماهو لما نشتري منتجاتهم ونروج تجارتهم وهم بيجلدوا إخواننا في الشارع ده يبقى اسمه إيه ؟؟؟!! يبقى انتوا كمان بتكرهوا المصريين اللي زيكوا وبقيتوا انتوا واللي بتعيبوا عليهم وعلى تصرفاتهم واحد

[MTAK]

يا جماعة لى تعقيب صغير

المشكلة فى السعودية عقوبة الجلد و لا العدد
لو العدد انا متفق معكم انه مبالغ فيه
و لو على العقوبة
ارجو ممن يتشدقون بحقوق الانسان و ما الى ذلك
اولا عقوبة الجلد اسلامية و شريعة اسلاميه و لا معنى للهجوم عليها
ثانيا ادعوهم ليشاهدوا تلك العقوبة تنفذ لايف
الجلد بيكون فى مكان عام
و بيكون بعصا و ليس كرباج
له ظابط ان من يجلد يكون ذراعه ملتصق بجسمه و لا يتحرك الا ساعده فقط
"يعنى مش بيعزق فى ظهر المجلود"
و اترك لكم التعليق

[aliabutaleb]

والله انا شايف إننا لو عملنا حملة قومية لتحسين المنتج المصري وتوعية الناس لإعطاءه الأولوية في الشراء ظروف اجتماعية وسياسية كتير أوي هاتتحسن

كل شوية نطلع بدعوات لمقاطعة منتج دولة معينة والأولى أن تكون الحملات لشراء منتجاتنا
وساعتها ده هايكون له مردود إيجابي على اقتصادنا وعلى حياتنا ومش هاتخلينا نتحوج لحد

[Dr Ahmed]

ولا هنعرف نقاطع أى حاجة طول ما منتجاتنا أقل من غيرها

اللى نقاطعه نعمل أحسن منه الأول

[أبو عبدالله]

الحكومة السعودية لا تتقاضى أي مبالغ نقدية مقابل تأشيرات الحج والعمرة وكلها تأشيرات مجانية ومكتوب على التأشيرة أنها مجانية .
وتحدي إللي يثبت العكس

وانا معاك اني اتحدى احد يثبت العكس
ويقولي فرق الفلوس بيروح فين

اذا كان النواب بتوع مجلس الشعب كانو بيحاسبوا الحكومة الرشيدة على الفلوس بتاعت الحق وبيقولو مكسبها راح فين والفرق اللي الناس دافعاه فيين وقالو ان وزراة الداخلية بتكسب مبالغ مهولة من حج القرعه اللي هو بــ 14 الف جنيه

انا بستغرب الناس بتجيب الكلام ده منين

يبقى المصري هو اللي ماصص دمك هنا وهناك ويقعدك طول اليوم الصبح في الشمس علشان متتحسبشي ليله جديده

ويقولي السعودية بتاخد فلوس

بتاخد ايه يا جماعه الله يصلح حالكم بس

طيب انا اتحدى اي احد انه يقدر يقولي ان مصر لو كان فيها الحرمين كان عرف يعمل ثمن اللي بيتعمل خدمه لزوار الحرمين في السعودية

انا عاوز اعرف اللي بيتكلم راح وشاف ايه هناك علشان يقول هنا

زي بالظبط يقولك المنتجات الصيني والصين بتكسب مننا وبتبيع الحاجه بايظه وبسعر عالي

تكتشف ان المصري هو اللي بيروح يطلب اقل جوده ويأتي هنا يطلب اكبر سعر


يا جدعان حاسبو المصريين قبل ما نحاسب غيرنا

شوفو المصريين بيكسبوا كاممن الحج
و انت تعرفوا السعودية بتاخد كام منه


ده السعودية تأشيرة العمره 250 جنيه
وكانت من حوالي اربع سنين 50 جنيه

والعمره دلوقتي 5000 جنيه

[أبو عبدالله]

اللى مستغربله بقى ان احنا بنستورد من السعوديه احنا شعب بتاع كلام وبس نقعد نطلع القطط الفطسانه فى الغير ومش بنشوف عيوبنا واللى يقعد يقول دول بقر ومالهمش فى حاجه والبترول اللى مخليهم كده اعدنا نتكلم كتير لما فى الاخر سبقونا ولسه ياما هنشوف




..mokhtar..

هو ده اللي صوتنا اتنبح فيه والله يا مختار
لدرجة انهم كانوا هيتهمونا بالخيانة العظمى خلاص

بنشتم فيهم ونقول مش عارف ايه
والملك يأتي يخفضلهم البنزين ايام ما كان بيعلى دوليا
والله وانا كنت في السعودية ايامها

شوف الناس كانت بتبايع ازاي امراءهم في الشارع
ايام المبايعه بتاعت الملك
ونقولك مش عارف ايه


طيب خلى حكومتنا تعمل قرار واحد من قراراتهم

[Michael_Lanos]

"لا تعليق"

[ahmed1981]

آسف
لن أشترك في ذلك
أعرف سعوديين على قمة الذوق والعلم والأخلاق
هل آخذهم بذنب بعض السفهاء أو بعض الظنون

فأنا دائماً أرفض التعميم
لأن الذي يعمم غالباً يكون مخطئ

[PRO-DRIVE]

احلي شيئ في الموضوع ان كل مؤيدينه هم من اعترض علي مقاطعه الدنمارك او امريكا


عموما قبل ما تفكروا في الموضوع فكروا في المنتجات المصريه اللي بتروح هناك برضه :)

[ahmed1981]

مش فاهم ازاى يعنى ؟؟؟؟؟؟؟؟؟؟؟؟؟؟ممكن حضرتك توضح النقطة دى
المليارات الى بتتصرف على الحرم منين انا اعرف انها من فلوس الحج

جميع التأشيرات مجانية أو شبه مجانية
حكومة مصر هي التي تهبر سعر التأشيرة وخاصة تأشيرة الحج أم 10000 جنيه

[Dr_Smart]

عموما قبل ما تفكروا في الموضوع فكروا في المنتجات المصريه اللي بتروح هناك برضه :)

جووووون

اكيد طبعا احنا اللي هنخسر اكتر

لا أملك سوى الدعاء وربنا يتقبل مننا .. يا رب أصلح أحوالنا