قاطعوا المنتجات السعودية!!

[bassemali]

أنا مؤيد لسلاح المقاطعه 100% دول شوية عالم زباله وكلامي من أرض الواقع أنا بشتغل هنا بقالي 3 سنين وكنت عايش مع والدي ووالدتي هنا من إبتدائي لغاية ثانوي يعني دول عشرة 20 سنه من عمري بس أنا صابر عليهم لغاية ماأوصل للي أنا عايزه وأقسم بالله إني إن شاء الله هحج تاني وأعمل عمره قبل ماأمشي عشان ماأعتبش البلد دي تاني وأحب أوضح نقطه للأخوه اللي زعلانين على أن السعوديه بقت بتصدر لنا منتجاتها ماهو لازم تعرفوا أن كل المصانع دي مديرينها وعامليها ليسوا سعوديين بل بنسبة 90 % مصريين يبقوا هما برضه ماعملوش حاجه لو مشيوا الأجانب من عندهم يضيعوا لأنهم فشللللللللللللله يبقوا مش متفوقين لا إقتصاديا ولا أخلاقيا ولا دينيا حتى معلش أنا بتكلم من أرض الواقع وعشرة السنين مع ****** دول .
___________
لقد خالفت القاعدة رقم 9 بند "ب" من قواعد المنتدى لذا وجب حصولك على "إنذار" مع عدم تفعيل عقوبة الايقاف تخفيفاً للعقوبة على أن تشدد العقوبة عند ارتكاب مخالفات اخرى.
(إ.م.2)

[Ahmed Samy]

الحجاب من اين جاء؟؟

هل كان موجود في مصر الستينات و السبعينات و ما قبلها ام لا أيام ما كنا بنلبس احسن و افخر و اكثر الموديلات حداثة في العالم؟؟

هل أصبح الناس مسلمون فجأة؟؟



أرجو اني كلامي ميزعلش حد و الإختلاف في الرأي لا يفسد للود قضية.

الحجاب هو فكرة دينية لا تقتصر على الدين الإسلامي فقط .

كان موجود في الستينات و السبعينات بشك قليل و غير منتشر

و كنا بنلبس احسن موديلات باريس و لندن (مش بتاعتنا برضه)

و لحد دلوقتي في محجبات بيلبسوا من باريس بس بيتعبوا على ما يولفوا اللي يرضي رغبتهم في الاحتشام والكلام ده انا عارفه على يدي مش كلام و خلاص .

الناس طبعا ما أصبحوش مسلمين فجأه ...بس الزي المحجب بدأ ينتشر لربطه بالحشمة بشكل أكبر من ربطه بالتدين .


الموضوع لن يفسد الود ما دمنا بنتناقش بشكل مهذب زي ما حضرتك بتعمل .

تقبل ودي

[ahmed1981]

الحجاب من اين جاء؟؟
.

الحجاب جاء بالأمر المباشر من الله تعالى في الدين الإسلامي في القرآن الكريم
وبالتحديد في الآية 59 من سورة الأحزاب
طبعاً أي مسلم لازم يؤمن بالكلام ده لكن لو أي ديانة أخرى مش هتفرق معاه وموضوع ميخصوش أساساً

هل كان موجود في مصر الستينات و السبعينات و ما قبلها ام لا أيام ما كنا بنلبس احسن و افخر و اكثر الموديلات حداثة في العالم؟؟
.

كان موجود بنسبة بسيطة نتيجة للأمية الدينية في ذلك الوقت
وكان جميع النساء في الأرياف يرتدون الحجاب حتى المسيحيات
لو تعرف حد كبير في السن في الريف ممكن تسأله

وإسمحلي أقتبس من كلامك وأقول كان أغلب الناس في المدن المنفتحة كالبغبغانات يقلدون أكثر الموديلات حداثة في العالم

هل أصبح الناس مسلمون فجأة؟؟
.

لا
الناس مسلمون في مصر منذ 1409 سنة هجرية
لكن هناك فترات يحدث بها أمية دينية
ويظن البعض من أهل المدن أن مصر كلها كانت بالميكرو جيب الأمريكي
وكأن جهلهم بحال أهل الريف يعطيهم الحق بمحوه من التاريخ

الإسدال مثلا عراقي صرف..

والبنطلون الجينز الملزق الزي يظهر أكثر مما يخفي أمريكي صرف

الإسدال و النقاب
و لا تقول لي زي اسلامي فتلك النوعيات من الملبس هم من اصل عرقي و قبلي لا علاقة له بأي دين ايا كان.
الإسدال مثلا عراقي صرف.
النقاب سعودي ايضا و قادم من القبائل السعودية و من الزي السعودي كحال العباية الخليجي التي تقبل عليها الفتيات بكثرة.

وبخصوص قول حضرتك إن فيه حجاب عراقي وفيه حجاب سعودي وغيره
أقول لحضرتك إن الإسلام لم يحدد زي أو شكل للحجاب ولكنه وضع ثلاث شروط لأي زي ليصبح إسمه حجاب حتى لو كان شوال
وهذه الشروط هي:
* لا يشف ما تحته
* لا يصف ما تحته
* لا يكون زينة في حد ذاته

ولو هناك امرأة إرتدت أي نوع من الملابس تنطبق عليه هذه الشروط فهو حجاب

وطبعاً الأزياء تتطور والبدلة التي نرتديها اليوم ليست كأختها من مئة سنة
وأيضا الملاية اللف تطورت وأصبحت عباية

و هي ليست من أزيائنا المصرية او حتي تشابهها

لكن بالنسبة لمسألة الزي الرسمي المصري ال 100 %
طبعا ليس الميكرو جيب بتاع الستينات في مدن مصر وإنت نفسك قلت أنه زي عالمي

لو بتبحث عن الزي المصري الأصيل ممكن أدلك تلاقيه فين
في ناس جمعت صور فوتوغرافية لمصر قبل أكثر من مئة سنة
وهناك صور مرسومة لحال مصر من رسامين عالميين ترجع لأكثر من مئتي سنة وأكثر
بص فيهم كويس
هتلاقي الستات المصريات وأكرر المصريات يلبسون عباية سوداء وغطاء على الوجه (برقع)
وتجد الرجال جميعهم بالجلاليب وعلى رؤسهم عمم

وبعض الصور هتلاقي فيها شوية خواجات لابسين بدل زي اللي أنا وإنت بنروح بها الأماكن الرسمية

ولو لم يتسنى لك الأمر لرؤية تلك الصور عليك ببعض الأفلام الوثائقية عن عصر ما قبل الثورة وسترى ما أقصدة

تعرف لو بنات مصر كلهم يرجعوا يلبسوا ملاية لف حيبقي احسن من كدة علي الاقل زي مصري 100%.

قصدك إن كان فيه حجاب زمان إسمه الملاية اللف
عموماً هذا إجابه منك لسؤالك الثاني الذي قمت أنا بالإجابة عليه من قبل

وطالما حضرتك قبلت الزي المستورد الذي قلده المصريون في المدن مثل البغباغاوات على حد تعبيرك في الستينات وهو الميكرو جيب والميني جيب وغيره
فلنعامل أي زي آخر يقلده الناس في الحاضر بنفس المعاملة حتى نصبح منصفين

وأنا لا أدعو لتقليد أحد معين ولكن أدعو لعدم تحميل أي مقلد الكثير من اللوم (العباية السعودي أو الإسدال العراقي) مع التغاضي عن المقلد الآخر (بنطلون جينز أمريكي ملزق في الجلد يجسم العورات) وغض الطرف عنه
وكأن الهدف هو مهاجمة طرف معين وفقط

وختاماً تأكد تماماً بكامل الود لحضرتك
وواضح من كلام حضرتك ثقافة الحوار الهادىء

ونحن نعترض فقط على بعض المشاركين في هذا الموضوع الذين إكتفوا بإلقاء السباب هنا وهناك

[human]

الاستاذ احمد
بجد رد فى غايه الاناقه والجمال
الله يفتح عليك
كلام و تحليل ممتاز

[SAMER_ENGINES]

وختاماً تأكد تماماً بكامل الود لحضرتك
وواضح من كلام حضرتك ثقافة الحوار الهادىء

ونحن نعترض فقط على بعض المشاركين في هذا الموضوع الذين إكتفوا بإلقاء السباب هنا وهناك

بجد مكنتش متوقع اننا نكمل اسلوب الحوار بالشكل الجميل ده انا كتبت الرد اللي فات ده و انا متأكد اني دي تقريبا اخر مرة ادخل الموقع مش عشان حد هيمنعني بس حقنا للدماء .

بس بجد الطريقة بتاعتكم تشجع الواحد علي ابداء الرأي سواء كان صح او غلط بس المهم اني مفيش مصادرة علي الرأي و ملقتش حد قال لي (لحد دلوقتي) أنت كذا......... او كذا.........
و حتي لو حد قال كفاية عليا الردود المهذبة اللي قريتها و اي حد هيجرح بعد كدة مش هيفرق معايا.

و بجد بشكرك يا أستاذ أحمد 1981 علي مجاملتك الرقيقة الجميلة و تأكد اني اللي بيسب و خلاص هو انسان دماغه فاضية من جوة و كل اللي جواه حقد و غل لفئة معينة عايز يشوهها و يسبها و خلاص و تأكد اني إن شاء الله عمر الحوار بيننا ما حيوصل للسب ابدا لاننا كمان داخلين في الاصل نتكلم في حاجة كلنا بنحبها و اجتمعنا عليها و هي العربيات بغض النظر عن اي دين او شكل او لون و كمان عمر ما مستوي الحوار بيننا كناس محترمين و مثقفين حيوصل إلي السباب لأني كل واحد دينه غالي عليه مهما كان حتي لو كان اللي قدامي ده دورزي و لا بوزي فأكيد هحترمه لاني ده معتقده اللي اعتنقه و بقي منهجه في الحياة فأكيد هيكون بيدافع عنه بشتي الطرق.
و شكرا مرة تانية لسعة صدركم.

[human]

انا ممكن اختلف معاك فى الرأى تماما
و لكنى سأحارب حتى الموت فى سبيل ان تقول رأيك

مش فاكر مين اللى قال كده بس انا مؤمن جدا بالمقوله ديه

[SAMER_ENGINES]

متشكر اوي يا هيومان و علي فكرة التوقيع بتاعك حلو اوي اول مرة اخد بالي منه و علي رأيك هانت.

[fatalerror9]

صاحب المقال الأصلي يتارجح ما بين الجهل الشديد حين يصف هارون الرشيد بالسلطان بتاع الجواري ودا يدل على ان معلوماته عن هارون الرشيد جاية من القناة التانية و ما بين حاجة تانية مش لاقيلها وصف حين يصف اللحية سنة النبي بنبات الرمرام الذي لا شكل له اما المقطع الاخير (لكن لا نقاطع منتجات من استغلوا فقرنا و جوعنا و ضيق بلدنا علينا...و جعلوا من ابنائنا عبيدا) فيدل على غباء شديد فالاولى نشوف مين اصلا سبب فقرنا و جوعنا و ذلنا في بلدنا و اللي خلانا نتذلل لغيرنا و نعمل بالسخرة في غير بلدنا
عموما انا ضد نظام الكفيل جدا و بكرهه بشدة و لكن كلام هذا الكاتب يقطر علمانية من النوع الذي يدعو لكراهية السعودية و السعوديين لسبب او لغير سبب ولو كانت السعودية مثل لبنان ما حمل لها هذا الكاتب مثل هذه الكراهية
يا اخواني السعودية زيها زي مصر فيها اللي بيكره المصريين و فيها اللي بيحبنا و فيها المتدين و فيها اللي مش متدين و مش معقول نعمم كل حاجة على كل السعوديين

+99999999999999999999999999999999999

weselna ledarga men el da3f we alhawan 3alashan mesh 3arfeen ne2kel nafsena wala nesh3'al weladna
el mesh be7term nafso mafeesh 7ad 7ay7termo

men el a7'er e7na el sabab
el amriky aw el oroby be7term nafso
falanas te7termo bel zoo2 aw bel 3afya eza lazem

es2lo nafsoko meen el besma7 be2hana el mowaten el masry fe balado
fa mates2aloosh 3ano bara

e7na mesh qadreen 3al 7omar fa bentshater 3al barda3a.

wa ALLAH a3la we a3lam

[human]

fatalerror9
بليز رايت ان ارابك ماى ايز هيرتس مى ايفرى تايم اى ترى تو ريد ساتش بوستس زيس اس ريلى هارد اند اى وانت تو اندرستاند وات يو رايت بات زيس واى اي فايند ات امبوسيبل
ايزر رايت ان اينجليش اور ارابيك

زير واز ايه توبيك باى توت سبيكنج ابوت ساتش بيهافيور ترى تو ريد ايت

[Ahmed Samy]

وختاماً تأكد تماماً بكامل الود لحضرتك
وواضح من كلام حضرتك ثقافة الحوار الهادىء

ونحن نعترض فقط على بعض المشاركين في هذا الموضوع الذين إكتفوا بإلقاء السباب هنا وهناك

الله يفتح عليك يا سيد أحمد
انا لا أقصد ما اقتبسته فقط بل المشاركة كلها من أولها و حتى نهاية الاقتباس

[fatalerror9]

fatalerror9
بليز رايت ان ارابك ماى ايز هيرتس مى ايفرى تايم اى ترى تو ريد ساتش بوستس زيس اس ريلى هارد اند اى وانت تو اندرستاند وات يو رايت بات زيس واى اي فايند ات امبوسيبل
ايزر رايت ان اينجليش اور ارابيك

زير واز ايه توبيك باى توت سبيكنج ابوت ساتش بيهافيور ترى تو ريد ايت

i m realy sorry my kb is only english but i will try to fix the issue
i love to have an arabic identy and write using arabic not english
isALLAH iwill try to solve it

shokran le 7adretak

[nasr-eldeen]

الناس مسلمون في مصر منذ 1409 سنة هجرية
لكن هناك فترات يحدث بها أمية دينية
ويظن البعض من أهل المدن أن مصر كلها كانت بالميكرو جيب الأمريكي
وكأن جهلهم بحال أهل الريف يعطيهم الحق بمحوه من التاريخ

أوافق معاليك في كل ما قلته بس لي ملحوظة الناس قبل 1409 هجرية كانوا أيه أو أيه الدلالة لهذا التاريخ ؟
تم الفتح الأسلامي لمصر في عهد أمير المؤمنين عمر بن الخطاب رضي الله عنه على يد القائد عمرو بن العاص رضي الله عنه سنة 21 هجرية

http://ar.wikipedia.org/wiki/%D8%A7%D9%84%D9%81%D8%AA%D8%AD_%D8%A7%D9%84%D8%A5%D8%B3%D9%84%D8%A7%D9%85%D9%8A_%D9%84%D9%85%D8%B5%D8%B1

[ahmed1981]

أوافق معاليك في كل ما قلته بس لي ملحوظة الناس قبل 1409 هجرية كانوا أيه أو أيه الدلالة لهذا التاريخ ؟
تم الفتح الأسلامي لمصر في عهد أمير المؤمنين عمر بن الخطاب رضي الله عنه على يد القائد عمرو بن العاص رضي الله عنه سنة 21 هجرية

نحن الآن في آخر سنة 1429 هجرية
وفتح مصر كان في سنة 21 هجرية
الفتح الإسلامي لمصر مر عليه = 1429 - 21 = 1408 سنة هجرية
وحيث أننا في آخر سنة 1429
فمعنى ذلك أنه مر من الزمان على الفتح الإسلامي لمصر = 1409 سنة هجرية
أتمنى يكون الأمر إتضح

[JD_Cairo]

وختاماً تأكد تماماً بكامل الود لحضرتك
وواضح من كلام حضرتك ثقافة الحوار الهادىء

رغم اختلافي مع بعض النقط و الأراء اللي حضرتك ذكرتها في الموضوع ده انما لا يسعني إلا تسجيل اعجابي و احترامي لشخصك و لاسلوبك في الحوار .... بارك الله فيك و أصلح لك أمرك كله .... و فعلا المداخلة ديه من أفضل ما قرأت مؤخرا في كافة المنتديات

http://www.nilemotors.net/Nile/showpost.php?p=547350&postcount=78

[nasr-eldeen]

نحن الآن في آخر سنة 1429 هجرية
وفتح مصر كان في سنة 21 هجرية
الفتح الإسلامي لمصر مر عليه = 1429 - 21 = 1408 سنة هجرية
وحيث أننا في آخر سنة 1429
فمعنى ذلك أنه مر من الزمان على الفتح الإسلامي لمصر = 1409 سنة هجرية
أتمنى يكون الأمر إتضح

فهمت يا باشا