أخيرا مايكل جاكسون يعلن اسلامه

[ibrahimsaad]

منذ عده اشهر وكنت اسمع اشاعات عن اسلام مايكل جاكسون لكن اتضح انها اشاعات اما الان فقد صارت حقيقه

المصدر

http://www.almesryoon.com/ShowDetails.asp?NewID=56777&Page=13

مايكل جاكسون يشهر إسلامه


المصريون – (رصد) : بتاريخ 22 - 11 - 2008
اعتنق المغني الأميركي "مايكل جاكسون" الإسلام وغير اسمه إلى "ميكاييل"وذكرت صحيفة ذا صن البريطانية أمس ان "جاكسون" الذي ارتدى لباساً إسلامياً واعتمر قبعة صغيرة جلس على الأرض وأقسم بالولاء للقرآن بحضور إمام في احتفال أقيم في منزل صديق له في لوس انجلوس.

ويأتي ذلك قبل أيام على حضور جاكسون لجلسات المحاكمة في لندن في القضية التي رفعها ضده الشيخ عبدالله بن حمد آل خليفة، النجل الثاني لملك البحرين بتهمة خيانة الأمانة. ونسبت الصحيفة إلى مصدر لم تحدده قوله ان جاكسون الذي تربى على معتقدات شهود يهوه قرر اعتناق الإسلام خلال استخدامه لاستوديوهات صديقه لتسجيل ألبومه الجديد، ونقلت عن منتج وكاتب مسلمين حضرا المراسم ان جاكسون بدا «محبطا» بعض الشيء.

وقال المصدر ان الحاضرين «بدأوا يحدثونه عن الإيمان وكيف انهم أصبحوا أناساً أفضل بعد تحولهم وقد تقبل جاكسون الفكرة، وطلب إلى أحد الائمة الحضور فردد جاكسون الشهادتين، واختار اسم (ميكاييل( لانه يعود إلى أحد ملائكة الله، بعدما رفض اسم (مصطفى)".

وذكرت الصحيفة ان المغني البريطاني كات ستيفنز الذي غير اسمه إلى يوسف إسلام بعدما اعتنق الإسلام حضر لمساعدة جاكسون، إلى جانب الكاتب الكندي ديفيد وارنسبي والمنتج فيليب بوبال.
وكان عبدالله بن حمد آل خليفة رفع دعوى قضائية بحق مغنى البوب الشهير يطالبه فيها بتعويض قدره 4،3 ملايين جنيه استرليني (7 ملايين دولار( ، وجاء القضية بعد أيام قليلة على اضطرار «جاكو»، لبيع مزرعته في ولاية كاليفورنيا «نيفرلاند» بسبب مشاكله المادية.

---------------------
اللهم ثبته على الدين وانفع به الاسلام والمسلمين

[sab3aawy]

اشك

خبر اعلان مايكل جاكسون اسلامه بقاله اكتر من 15 سنة بيتنشر فى الصحف ب 500 صيغة مختلفة وكل مرة يؤكد الناشر ان كل المرات السابقة كانت اشاعة اما ما ينشره هو فهو الخبر اليقين

لكن سؤالى هو، ما هو هذا الاهتمام الرهيب بأن ينضم هذا المطرب المخنث غريب الأطور المتبرئ من اصله ولونه الى زمرة المسلمين ، ما الذي سيكسبه الاسلام بانضمام ابن جاكسون اليه، هل ابن جاسكون هو المهدى المنتظر الذى سيوحد راية المسلمين ويقوى شوكتهم ؟ هل ابن جاكسون هو الذى سيجعل المسلمين يوجهون جهادهم للعلم والمعرفة والارتقاء وسط الأمم بدلا من توجه كرابيجهم الى ظهور بعضهم البعض؟ هل ابن جاكسون هو الذى سيسقيم العدل فى الأرض، ان اسلم ابن جاكسون فلنفسه وان لم يسلم فلا كسبنا شيئأ ولا خسرنا، لذلك اتمنى فعلا ان افهم ما سر الجرى الرهيب طوال 15 عام خلف هذا الخبر الذى لا يتحقق ابدا مثل "جودو الذى لا يجئ ابدا"

[iBiZa]

هو دة اصل الخبر:

http://www.thesun.co.uk/sol/homepage/showbiz/bizarre/article1954666.ece

[elassar2010]

الموضوع انة كل متنحسر اضواء الشهرة عنة يطلع موضوع انة اعلن اسلامة كل فترة يطلعها علشان الجرايد تكتب ومتنسهوش لانة مديون حاليا وبيبيع من ممتلكاتة وبيفلس
وبعدين الاسلام مش محتاج واحد زى دة الاسلام برىء منة ومش محتاجة لانة هيبقى عار على المسلمين

[human]

هو ده موضوع مهم؟
طيب ما تايسون اسلم و بعدين؟؟
عقيدته هو حر فيها يعنى لا نصر للدين ان اى حد يخش او يطلع منه
الاسلام اكبر من الاشخاص دول او حتى غيرهم
اللى لتقال عنهم انهم عزه للاسلام كانو ايام الرسول بس مايكل جاكسون ممكن يكون عزه!!!

[sab3aawy]

عموما دى شوية روابط لنفس الخبر على فترات زمنية مختلفة:

مايكل جاكسون يعتزم التحول للاسلام: يديعوت احرنوت 25-11-2005

http://www.ynetnews.com/articles/1,7340,L-3174956,00.html

مايكل جاكسون يؤكد تحوله للاسلام: انباء الأديان 24-2-2007

http://www.religionnewsblog.com/17555/michael-jackson-islam

مايكل جاكسون يبنى مسجدا: انباء الاديان 2 -3-2006

http://www.religionnewsblog.com/13811/michael-jackson-is-building-a-mosque

ياخواننا ده واحد فاضى وشايف ناس سذج كل ما يقول انه هيعلن اسلمه يهيصوا ويسقفوا ويقيموا الأفراح واللييالى الملاح، يبقى ايه المانع انه كل ما يلاقى نفسه فاضى يشتغلهم شوية؟ ويمكن يرجعله اى مصلحة من الاعلانات او الاستضافات فى البرامج خاصة مع حالة الفلس التى يعانى منها،

[abzoabzo]

مش شايف شئ مهم

[Dr Ahmed]

أنا أفرح لو أى واحد غيره دخل الإسلام
دا لو كان دخل بجد
إحنا ناقصين بلاوى!!!

[ibrahimsaad]

ياجماعه

الواحد بيفرح لما بيشوف حد من دول بيدخل الاسلام لعل وعسى يكون فيه خير ولاتنسوا ان العبره بحسن الخاتمه وليس بحياته الماضيه

فمثلا رابعه العدويه كانت قبل الاسلام شئ وبعده شئ اخر وغيرها كثير من الامثله

فلازم الواحد يحسن الظن بغيره والله اعلم بما فى الصدور

عموما نتمنى الهدايه للجميع

[Bossy_Fadl]

انا باسمع الخبر بقالي خمس سنين علي الاقل

و بعدين حتي لو المرة دي صح

الاسلام مش هيكسب شيء و لا مايكل جاكسون هيضيفله شيء بانتسابه له

و الله لو اسلم فعلا يبقي هو اللي كسبان

و عموما ربنا يهديه و يهدي امثاله

و ميرسي لحضرتك استاذ ابراهيم

[Terrible_DaRsH]

اه فعلا الخبر ده بقاله كتير اوى ..
بس انا كان عندى اغنية اسمها الله الرحمن لمايكل جاكسون من حوالى 6 اشهر تقريبا ..
يعنى هو غناها من 6 شهور واسلم دلوقتى ..!!
ربنا يهدى الجميع ..

[Bossy_Fadl]

مش هو اللي غناها

اللي غناها مغني تاني مسلم من جنوب افريقيا اسمه جون بيكا

و انا شوفت الكليب بتاعها في التي في

هما بس حبوا يدعموا الاشاعه بموضوع الاغنيه فلبسوها لمايكل جاكسون

لكن مش هو المغني خالص

[elmadawy]

والله يا جماعه انا بصراحه اشك في هذا الخبر ولكن ربنا يهديه

[أبومعاذ]

والله يا جماعه انا بصراحه اشك في هذا الخبر ولكن ربنا يهديه

+111111111111
بس برضو ايمانه مش هيزيد ولا ينقص من الاسلام في شيئ ومش موضوع يستحق اننا نترقبه ان هو يسلم

[Lion_Heart]

كلمة.. اخيرا .. توحى وكأننا منتظرين على احر من الجمر اسلامة , ربنا يهدينا جميعا ونسأله حسن الخاتمة .