أخيرا مايكل جاكسون يعلن اسلامه

[mohamed_kta]

السلام عليكم

الاسلام قيمة أكبر من أن تزيد أو تنقص بأعلان شخص عن أسلامه أو لأ لكن الشخص هو الذى يسمو بالأسلام و ليس العكس و من خلال متابعتى لقناة بى بى سى البريطانية سمعت أن مايكل جاكسون ترك البحرين ومرفوع عليه قضية من العائلة المالكة هناك و على كل حال الامريكيون بينظروا لمايكل نظرة الجنون يبقى مش معقول نفرح أحنا حتى ولو كان الخبر صحيح " صدقونى لو صح هو الكسبان مش حد تانى ".

[abzoabzo]

+111111111111
بس برضو ايمانه مش هيزيد ولا ينقص من الاسلام في شيئ ومش موضوع يستحق اننا نترقبه ان هو يسلم

10/10 كلام الناس العقلين الله ينور عليك

[Hossam.Hamdy]

مش هو اللي غناها

اللي غناها مغني تاني مسلم من جنوب افريقيا اسمه جون بيكا

و انا شوفت الكليب بتاعها في التي في

هما بس حبوا يدعموا الاشاعه بموضوع الاغنيه فلبسوها لمايكل جاكسون

لكن مش هو المغني خالص

+1111111111111111111111111111111

[wawoo]

انا باسمع الخبر بقالي خمس سنين علي الاقل

و بعدين حتي لو المرة دي صح

الاسلام مش هيكسب شيء و لا مايكل جاكسون هيضيفله شيء بانتسابه له

و الله لو اسلم فعلا يبقي هو اللي كسبان

و عموما ربنا يهديه و يهدي امثاله

و ميرسي لحضرتك استاذ ابراهيم

مين قال ان الاسلام مش حيكسب شىء , هو لما يضاف للمسلمين فرد جديد دة مش مكسب , مكسب طبعا , كل انسان ينتقل اللى الهدى عن طريق الاسلام , دة مكسب للاسلام اكيد , و بعدين لية التقليل من اسلامة , عشان يعنى هو مغنى و عشان الماضى بتاعة ,
و اية المشكلة الاسلام ياجب كل ما كان قبلة , و حنروح بعيد لية ما معظم اصحاب الرسول كانو من الكفار اساسا , و ربنا هادهم على يد الرسول ,و كان الرسول كل يوم يفرح بأيمان اى فرد جديد , لانة اكيد حيضيف للاسلام و المسلمين , و الله وحدة هو اعلم بنواية كل واحد ,و هو اعلم بالقلوب , و نحن لنا الظاهر و لنا اعلان الشهادة , يبقى مايكل بقى مسلم مئة فى المئة بمجرد اعلانة الشهادة , انما التشكيك فى ايمانة او التقليل من شانة , لمجرد تارخية الفنى او العاقئدى دة مش مقبول .

و لو تاملت فى الامر لوجدت فية عبرة جميلة و تفكر رائع , اذ كيف ينتقل شخص من اقصى الضلال و الا اقصى الايمان و الهداية , هناك عبرة جميلة فى اسلام هذا الرجل , و ان كان يدل على شىء فهو يدل على مدى روعة هذا الدين و هذا النور و الذى يثبت بلا شك انة من عند الله
و يأكد احاديث رسول الله فى ان العبرة بالخواتيم , و ان هناك من يعمل بعمل اهل النار , ويسبق علية الكتاب فيكون من اهل الجنة .

من كان يصدق ان هذا الشخص فى يوم من الايام سوف يسلم , و لكنة نور الله اذا دخل قلب العبد الصادق وصل بة الى الإيمان .
انة مكسب بلا شك له و للاسلام و لكل المسلمين , وكان الاولى بنا ان نحتوى هذا الشخص و ان نساعدة فى هذا الطريق بدل من التعامل مع الخبر على انة لا يعنينا او لن يضيف شىء , فبدل من انا نكون كل منا رسول لهذا الدين , اصبحان حتى نلفظ كل من ينتمى الى هذا الدين لمجرد ماضية وان تاريخة يحتوى على كذا و كذا , و ذلك بدل من ان ندعو لهذا الدين ونستثمر اسلام هذا الرجل فى الدعوة لهذا الدين .

رسول الله ارسل للناس كافة , و لم يرسل فقط للناطقون باللغة العربية او سكان الوطن العربى فقط , انما ارسل لجميع البشر , و نحن بالتاكيد نفرح بانضمام اى شخص جديد لهذا الدين اى كان ماضية او اصلة او مهنتة .

الاسلام ليس حكر على احد , و كم من المسلمين يؤدون الفرائض الخمس و الاسلام منهم بريء و كام من حديثى العهد بالاسلام , لكن كلهم شوق و رغبة فى التعرف اكثير على هذا الدين , لكن ربما يمنعهم مجتمعهم او وظيفتهم او لغتهم من الوصول الى هذة الغاية .

ان شاء الله يحسن اسلام مايكل و يكون من اهل الجنة , و يغفر لة الله كل ما كان منة فى الماضى , و يهدية و يهدينا جميعا لكل ما يحب و يرضى , و كل عام و الجميع بخير .

[Dr Ahmed]

أتمنى بدل ما نزيد فى العدد (وإحنا أصلا كتير ما شاء الله) إن حال وتفكير المسلمين المتواجدين حاليا ينصلح فعلا قبل قولا

[mohamed_kta]

Dr Ahmed أتمنى بدل ما نزيد فى العدد (وإحنا أصلا كتير ما شاء الله) إن حال وتفكير المسلمين المتواجدين حاليا ينصلح فعلا قبل قولا

الكلام ده صح