بخصوص انفلونزا الخنازير-ادوية لا تتعاطاها

[Karim_Monir]

في ظل اللخبطة اللي عايشنها في وباء انفلونزا الخنازير
والواحد مش عارف هايعمل ايه لو هو او حد عزيز علية جاتلة الاعراض
وصلتني الرسالة دي من زميلنا عمرو راشد وحبيت اعرضها عليكم وخاصة الاطباء :

---------------
الرسالة دة مش زى الرسايل الفوروارد العادية وارجوا انكوا تهتموا بيها جدا


الدكتور عبدالرحمن شاهين المتحدث الرسمى باسم وزارة الصحة اكد ان الادوية التالية فيها خطر شديد عند الاصابة بالانفلوانزا وفى حالة ارتفاع درجة الحرارة يتم استخدام الكمادات وفى حالة عدم الاستجابة يتم استخدام الباراسيتامول

Dciofenac sodium الاسم العلمى

Voltaren

Suilde محظور استخدامه دوليا

nilside محظور استخدامه دوليا

baby relief

Olfen

Rheumafrn

Rhumarene

dohlphie

doclophene

pharafen

Neurofen


ارجو ابلاغ الرسالة ونشر الخبر

[Karim_Mohy]

جزاك الله خيرا يا أ. كريم

[أبو إياد]

جزاك الله خيرا

[أحمد كمال]

Sulide مش محظور دوليا ولا حاجة

Nimesulide - Wikipedia, the free encyclopedia

[أحمد كمال]

من ضمن الاسماء التجارية الاخرى لل Diclofenac Sodium

Cataflam
Catafast

احذروا !

[amgad29]

جزاك الله خيرا
انا بس حبيت اوضح ان الاسبيرين و كل الادوية التي بها مكونات الاسبيرين ممنوع اعطاؤها لاي مريض يعتقد انه مصاب بعدوى فيروسية بما في ذلك انفلونزا H1N1 لان ذلك قد يسبب متلازمة تسمى ري Reye's syndrome و هو اختلال يصيب معظم اعضاء الجسم و خاصة الكبد و المخ... وذلك لمن تقل اعمارهم عن 20 سنة

لذا بالاضافة الي القائمة التي اعلنها د/ عبد الرحمن تأكد عن شرائك لأي خافض حرارة او مسكن انه مافيهوش اسبرين
ملحوظة للاسبرين اسماء علمية تانية زي:
acetylsalicylate
acetylsalicylic acid,
salicylic,
salicylamide,
phenyl salicylates

تاني هذا ينطبق على كل الامراض الفيروسية بما في ذلك الانفلونزا سواء الموسمية او H1N1

وقانا الله واياكم

[Karim_Monir]

ممكن توضيح يا دكتور امجد لقائمة د.عبد الرحمن

احمد انت متاكد ان كتافاست هو Diclofenac Sodium
اصل باخده على طول عشان ضهري
وايه اضرارة عشان انا بخده كتير
وايه البديل الكويس كمسكن قوي وسريع وخفيف على المعدة بس يكون منتج محلى عشان التغطية الطبية

[أحمد كمال]

ممكن توضيح يا دكتور امجد لقائمة د.عبد الرحمن

احمد انت متاكد ان كتافاست هو Diclofenac Sodium
اصل باخده على طول عشان ضهري
وايه اضرارة عشان انا بخده كتير
وايه البديل الكويس كمسكن قوي وسريع وخفيف على المعدة بس يكون منتج محلى عشان التغطية الطبية

أيوة متأكد

Catafast هو Voltaren هو Cataflam هو Diclofenac Sodium ,

اضراره انه تقيل على جدار المعدة و يا ريت ماتاخدوش على بطن فاضية نهااااااائي

المسكن القوي و سريع و خفيف Mobic او Mobitil

[Abo_Lina]

طيب دي التي لا نتعاطاها
نتعاطى إيه ?

[Karim_Monir]

كنت باخد موبيك فعلا وكان هايل
بس منهم لله الدكاترة بيكتبو اللي بيكسبوهم مش اللي يراعي المريض
خاصة انه عارف ان معدتي تعبانة من المسكنات
طبعا مش كل الدكاترة

[أبو إياد]

انت ازاى يا كريم بتستحمل طعم الكاتافاست ده انا لما باكون خلاص متدمر ممكن اخده غير كده صعب اوى ربنا يكون فى عونك

[أحمد كمال]

انت ازاى يا كريم بتستحمل طعم الكاتافاست ده انا لما باكون خلاص متدمر ممكن اخده غير كده صعب اوى ربنا يكون فى عونك

مرة كان عندي التهاب جامد في فقرات الرقبة و قعدت اخده شهر

فعلا طعمه يااااااااااااااعععععععععععععععععععععععع


يقلب البطن

و مالوش حل

جربت اخلطه بميت حاجة مفيش فايدة

عصير برتقال

عصير تفاح

بيبسي و سفن اب

مفيش فايدة طعمه بيغطي على اي حاجة

[amgad29]

القايمة اللي اعلنها الدكتور عبدالرحمن عبارة عن ادوية ممنوعة بسبب اثارها الجانبة العالية اللي حدوثها مع الانفلونزا يزيد من احتمال حدوث مضاعفات زي Nimesulide اللي بتأثر على الكبد و فعلا الدوا دا اتمنع من اسواق كتير في اوروبا و حتى اسرائيل.
المجموعة التانية هي Diclofenac sodium وده بسبب اثارها الجانبية على المعدة اللي ممكن تسبب نزيف ممكن يكون مميت و خاصة مع المدخنين (مصر بها اعلى نسب تدخين) او اللي ليهم تاريخ مرضي بامراض القلب.
التحذير من المجموعتين دول عام و مش قاصر على انفلونزا H1N1 وان كان وجود الانفلونزا ممكن يزود التاثير الجانبي للامراض.
المجموعة التالتة هي الاسبيرينات و ده عام لكل الامراض الفيروسية

[أحمد كمال]

القايمة اللي اعلنها الدكتور عبدالرحمن عبارة عن ادوية ممنوعة بسبب اثارها الجانبة العالية اللي حدوثها مع الانفلونزا يزيد من احتمال حدوث مضاعفات زي nimesulide اللي بتأثر على الكبد و فعلا الدوا دا اتمنع من اسواق كتير في اوروبا و حتى اسرائيل.
المجموعة التانية هي diclofenac sodium وده بسبب اثارها الجانبية على المعدة اللي ممكن تسبب نزيف ممكن يكون مميت و خاصة مع المدخنين (مصر بها اعلى نسب تدخين) او اللي ليهم تاريخ مرضي بامراض القلب.
التحذير من المجموعتين دول عام و مش قاصر على انفلونزا h1n1 وان كان وجود الانفلونزا ممكن يزود التاثير الجانبي للامراض.
المجموعة التالتة هي الاسبيرينات و ده عام لكل الامراض الفيروسية

يا نهار اسود

انا بقالي اربع ايام باخد كاتافلام

و انا مدخن و عندي تاريخ بامراض القلب و معدتي ضعيفة و بتلتهب كتير ....... يانهار طين

[H.ibrahim]

جزاكم الله خيرا عنا اجمعين