بخصوص انفلونزا الخنازير-ادوية لا تتعاطاها

[Karim_Monir]

فعلا طعم كاتا فاست غاية في القرف
بس وجع الضهر يخليك تبلع اي حاجة ربنا يعافيكم
وشكرا دكتور امجد على التوضيح
لاني فعلا لما ضربت كتافسات في الفجر النهاردة
قايم معدتي تاعباني جدا وشربت لبن على الصبح مع اني مش بطيقة عشان يخفف وجع معدتي شوية
والكاتافلام ده بلبعة زي الاسبرين
يووووووف
شكرا جزيلا لكل اللي شارك بمعلومة
واولها زميلنا عمرو راشد السبب في الموضوع

[pro_samir]

ربنا يرحمنا برحمتة

شكرا علي التنبيهات

والف سلامة ليكم

[Dr Zezo]

فعلا التنبيه غاية في الاهمية

و في العادة و كما نري الناس مدمنة للادوية المسكنة بشكل عنيف خاصة ما يطلق عليها NSAID مضادات الالتهاب اللا استرودية مثل

الداكلوفيناك و البروفين

و امثالهم

و هي علي كثرة الاستخدام ضارة بالمعدة و الكلي

و للتوضيح اكثر

هذه الادوية تعمل علي تقليل او منع الالم عن طريق تثبيط البروستاجلندين في الجسم

هذا التثبيط للبروستاجلندين يتم عن طريق تثبيط انزيمي cox1 and cox2 و هذا دور nsaid



حتي لا نشعر بالالم من مواقع الالتهابات

المشكلة هنا ان انزيم cox 1 يفرز من اجل انتاج البروستاجلانين في المعدة

و دور البروستاجلاندين في المعدة تنشيط افراز bicarbonate and mucus ليبطن غشاء المعدة من الداخل

و بالتالي يمنع المعدة من ان تهضم نفسها " سؤال العلوم الشهير "

اذا عندما يقل cox1 يقل البروستاجلندين في المعدة فيقل افراز bicarbonate and mucus و بالتالي تصبح حماية المعدة ضعيفة و تجعل الشخص عرضة للاصابة بقرح المعدة

و هذا السيناريو ليس ملزما بالطبع لكن هذا عامل من العوامل التي تزيد من احتمالات تعرضك للقرحة مع اسباب اخري كالعصبية و التدخين الخ

هذا الامر يحدث بالية اخري في الكلي ايضا

و بالتالي تؤثر هذ الادوية علي الكلي ايضا

هذا عن cox 1

اي ان NSAID المذكورة بالاعلي تثبط انزيمي cox 1 and cox2 و بالتالي تمنع افراز البروستاجلاندين اما عن انزيم cox2 فهو يفرز في اماكن الالتهاب لذا هذا الانزيم تحديدا هو المطلوب القضاء عليه

لذا و اصلاحا للامر توجد ادوية تسمي NSAID selective cox2

اي تعمل علي cox2 فقط تجنبا للمضاعفات السابق ذكرها

منها

celebrex لكن اعتقد انه غير مصري لذا اظن ان بديله المصري هو

arythrex


or

celoxib

اما بخصوص انفلونزا الخنازير


فهناك فرق بين نزلة البرد العادية و بين الانفلونزا التي هي اشبه بانفلونزا الخنازير

و للتفريق بين البرد و الانفلونزا


الانفلونزا

سخونية

و صداع و الم في العظام و ارهاق شديد

و كحة بلا بلغم

ارهاق شديد يجبرك علي الجلوس في المنزل

و الاعراض تظهر بسرعة خلال ساعات

علاج الانفلونزا العادية و انفلونزا الخنازير يعتمد في الاساس علي الحالة الصحية للمصاب

و يتم فيها اعطاء المريض ادوية مضادة للفيروسات

و هما نوعين

1- التاميفلو

و هو القادر علي علاج نوعي الانفلونزا - الموسمية و الخنازير-

لكنه لا يباع في مصر

2- ADAMINE يباع في مصر ب 5 جنيهات


او VIRA FLU

يباع في مصر ب 2 جنيه

الاثنين قادرين علي تحسين حالة الانفلونزا العادية

و هناك بعض الاقوال انهما قادرين علي كبح جماح و شفاء انفلونزا الخنازير خاصة لو كانت الحالة الصحية للمريض جيدة - اقصد مناعته-
و هناك حالات تقاوم هذا الدواء

لكنه في بعض الحالات نافع

الدليل علي حديثي حتي لا يخرج احد ويقول اني بافتي

هذه الصورة من موقع منظمة الصحة العالمية




WHO | Antiviral drugs and pandemic (H1N1) 2009

و بدل ما كنت هاعمل موضوع مفصل استاذ كريم وفر علينا الموضوع

و ربنا يبعد عنا و عنكم كل شر

و يجعله عامر

[د.محمود صلاح]

شكرا على التنبيه , فعلا الباراسيتامول أو الأدول او البانادول أو السيتال أو الابيمول كلهم مسمى واحد وهو اامن مسكن وخافض حرارة للأطفال ( مع وجود خطورة تسمم منه اذا اخذ بجرعات عالية )

[Dr_Smart]

جزاك الله خيرا
انا بس حبيت اوضح ان الاسبيرين و كل الادوية التي بها مكونات الاسبيرين ممنوع اعطاؤها لاي مريض يعتقد انه مصاب بعدوى فيروسية بما في ذلك انفلونزا H1N1 لان ذلك قد يسبب متلازمة تسمى ري Reye's syndrome و هو اختلال يصيب معظم اعضاء الجسم و خاصة الكبد و المخ... وذلك لمن تقل اعمارهم عن 20 سنة

لذا بالاضافة الي القائمة التي اعلنها د/ عبد الرحمن تأكد عن شرائك لأي خافض حرارة او مسكن انه مافيهوش اسبرين
ملحوظة للاسبرين اسماء علمية تانية زي:
acetylsalicylate
acetylsalicylic acid,
salicylic,
salicylamide,
phenyl salicylates

تاني هذا ينطبق على كل الامراض الفيروسية بما في ذلك الانفلونزا سواء الموسمية او H1N1

وقانا الله واياكم

هو ده الكلام

الفكره بس ان الادويه دي ممنوع استخدامها للاطفال في أي عدوى فيروسيه سواء انفلونزا الخنازير او غيرها عشان ممكن تسبب مرض خطير اسمه Reye's syndrome

وبالتالي لو عايزين ندي الاطفال خافض حراره تستخدم مادة ال paracetamol فقط وممنوع اعطاء أي مسكن آخر من مجموعة ال NSAIDs زي الاسبرين والكتافلام والفولتارين وغيرهم

[أحمد كمال]

شكرا على التنبيه , فعلا الباراسيتامول أو الأدول او البانادول أو السيتال أو الابيمول كلهم مسمى واحد وهو اامن مسكن وخافض حرارة للأطفال ( مع وجود خطورة تسمم منه اذا اخذ بجرعات عالية )

و فيه كمان مسمى تجاري تاني يا دكتور Tylenol برضه باراسيتامول

[maka]

«الصحة» تحذر من استخدام أدوية معينة فى حالة الإصابة بارتفاع الحرارة - منقول من المصرى اليوم

أصدرت وزارة الصحة نشرة إرشادية بالأدوية المحظور استخدامها فى حالة ارتفاع درجة الحرارة أو الإصابة بأنواع الأنفلونزا، خصوصاً فيروس «H١N١» المعروف بمرض أنفلونزا الخنازير، وحذرت النشرة التى وضعتها لجنة فنية من أساتذة وخبراء أمراض الباطنة والصيدلة وطب الأطفال، من استخدام الأدوية التجارية المشتقة من الاسم العلمى للدواء وهو «ديكلوفينك صوديوم» Diclofenac sodium، وذلك لجميع المراحل السنية، وهى الأدوية التى تباع تحت الأسماء التجارية التالية:

فولتارين Voltaren، بيبى ريليف Baby Relief، أولفين Olfen، ريميافين Rheumafen، ريمارين Rumarene، دولفين Dolphin، دوكلوفين Doclophen، ديكلوفينك Declofenac، فاروفين Pharofen، نيروفيناك Neurofenac.

كما حذرت اللجنة الفنية من الأدوية المشتقة من الاسم العلمى نيموسوليد Nimesulide مثل عقارى: سوليد ونلسيد Sulide Nilsid.

وأكدت اللجنة أن هذا الدواء ثبت بإجماع منظمة الصحة العالمية وهيئة الدواء الأوروبية أنه يتسبب فى أعراض جانبية خطيرة، مما أدى لوقف تداوله فى بلاد كثيرة للأطفال أقل من ١٢ سنة.

أما بالنسبة للمرحلة السنية أقل من ١٨ سنة، فأوضحت النشرة أنه يحظر استخدام الإسبرين فى حالات ارتفاع درجة الحرارة والإصابة بالأنفلونزا للأطفال بشكل عام، وأكدت أن الاسم العلمى للدواء: Acetyl Salicylic - Acid-Salicylate، والذى ينتج تحت اسمى: Aspirin - Aspegic.

ونبهت اللجنة إلى أن هذين العقارين يتم إعطاؤهما للأطفال أقل من ١٨ سنة لدواع علاجية يحددها الطبيب.

ونصحت اللجنة جميع المواطنين فى حالة ارتفاع درجة الحرارة باستخدام الأدوية ومستحضرات الباراسيتامول.

[maka]

شكرا على التنبيه , فعلا الباراسيتامول أو الأدول او البانادول أو السيتال أو الابيمول كلهم مسمى واحد وهو اامن مسكن وخافض حرارة للأطفال ( مع وجود خطورة تسمم منه اذا اخذ بجرعات عالية )

و الباندول بينصح بيه كمسكن لمرضى الضغط

[shifu]

volatren is a pain relief

people take it when they have pain in the leg if the person is old

or if you came out of hospital

the talk shows said that the child who took the voltaren syringe dyed not from the voltaren but he had old problems with his heart

and one talk show bought one doctor and he said that voltaren has nothing to do with the death and it does not interact with the h1n1

[ahmedfd]

و الباندول بينصح بيه كمسكن لمرضى الضغط

أنا معلوماتي إن مش كل البانادول مناسب لمرضى الضغط، يعني مثلاً بانادول إكسترا مش مناسب ...
المناسب بس هو بانادول العادي اللي هوا لون الشريط أزرق أو بانادول نايت اللي لون الشريط موف ... يا ترى الكلام ده صح؟

[Karim_Monir]

بجد ربنا يكرمكم على كمية المعلومات لمفيدة دي
وان شاء الرحمن محدش فينا يتضر ياخد منها حاجة وشكرا جزيلا لدكتو زيزو مع كل الاخوة اللي شاركون معلومات غاية في الاهمية

[mido777]

شكرا يا جماعة على التوضيح
وممكن اعرف لو واحد زيى مش بيحب ياخد أدوية
ايه البديل فى حالة البرد العادى

[Dr_Smart]

شكرا يا جماعة على التوضيح
وممكن اعرف لو واحد زيى مش بيحب ياخد أدوية
ايه البديل فى حالة البرد العادى

السوائل الدافيه ... يعني ليمون دافي نعناع يانسون اي حاجه دافيه

وطبعا طبق شوربه بخضار متين عليه لمون

ولو فيه سخونيه الكمادات اهم من خافض الحراره

[mido777]

السوائل الدافيه ... يعني ليمون دافي نعناع يانسون اي حاجه دافيه

وطبعا طبق شوربه بخضار متين عليه لمون

ولو فيه سخونيه الكمادات اهم من خافض الحراره

شكرا جزيلا

[أحمد كمال]

أنا معلوماتي إن مش كل البانادول مناسب لمرضى الضغط، يعني مثلاً بانادول إكسترا مش مناسب ...
المناسب بس هو بانادول العادي اللي هوا لون الشريط أزرق أو بانادول نايت اللي لون الشريط موف ... يا ترى الكلام ده صح؟

ايوة كلامك صح

بانادول اكسترا فيه كافيين و ده بيرفع الضغط

و بانادول كولد اند فلو فيه Pseudoephedrine و ده برضه بيرفع الضغط