هو الموضوع بيحصلى انا بس ولا بيحصلكم

[Mohamed.Ramah]

طبعا انا اخترت اخوانى هنا فى المنتدى علشان افضفض معاهم
الموضوع وما فية اننا بعد ما كنت بخرج مع اصحابى وبنتجمع ودايما بنتصل ببعض وانا اللى كنت سباق فى المواضيع دة انا اللى اجمعهم ودايما عندى المبادرة بالسؤال وانا بطبيعت شخص اجتماعى اللى حصل ان كل دة راح بمعنى بعد اما كانوا بيتصلو بطلو يتكلمو وبعد اما كنا معا بعض ممكن نشوف بعض كل فترة كبيرة تكاد تصل لسنة وانا طبعا ابتديت احس بالموضوع دة
لان اتصالاتى لاتلقى بالرد عليها بالاتصال وانقطعت صلتى باصحابى اصحاب المنطقة واصحاب الثانوى والموضوع دة مدايقنى جدا لدرجة اننا مبقتش انزل اخرج نهائئيا وجالى حالة اكتئاب التليفون لايرن نهائيا ولا اى سؤال كانهم اختفوا انا مش عارف اعمل اية للعلم عمرى ولازعلت حد منى ولا اتخنقت مع حد

[mazagngi2010]

الدنيا تلاهى والموضوع ده مع معظم صحابى ماعدا 4 هما اللى باقيينلى

[mahmoud_magdy]

طبيعي جدا
الكلام دا بيحصل مع الاقارب
مش هيحصل مه الاصحاب تفتكر ؟!!!

[dr_abooody]

طبيعي جدااا انا لسة مخلص سنة الامتياز من اسبوع و من ساعتها محدش بيعبر التاني و دة لأن الدنيا تلاهي

[M.Osman]

عــــــــــــــــــــــــــادي
جـــــــــــــــــــــــــــــداً

[Mohamed.Ramah]

[QUOTE=musiccairo;3872115892]طبيعي جدا
الكلام دا بيحصل مع الاقارب
مش هيحصل مه الاصحاب تفتكر ؟!!![/QUOTE

موضوع يدايق فعلا لانك ولا كانهم يعرفو ولا انت تعرفهم

[Mohamed.Ramah]

من الواضح ان دة بقى العادى فى زمن مفيهوش اصحاب الواحد بقى يتاقلم مع الوضع لا حول ولا قوة لا بالله

[mada121977]

ده طبيعى فعلا .. الحياه واللى فيها بيغيروا طباع الناس وعاداتهم وان شاء الله لما تجوز هتلاقى العلاقه انقطعت اكتر من الاول
الخل الوفى مكدبش اللى قال انه من ثالث المستحيلات

[نور القمر]

انا كنت زمان بكتئب زيك لما حد عزيز يقصر معايا ونبدأ ننسى بعض وبعدين اكتشفت اني انا كمان مقصرة مع الكثير لاسباب مختلفة
هي الدنيا كدة ناس رايحة وناس جاية
وحاول تخرج من حالة الاكتئاب دي هتلاقي نفسك اتعرفت على ناس جديدة وكونت علاقات جديدة

[haitham gazaly]

كبر دماغك وروق نفسك كده ومتزعلش نفسك خالص
ده بقى العادى
والله العظيم انا بكالريوس السنة دى وفى صحابى وقعوا منى السنة اللى فاتت وكلمتهم اكثر من مرة ومحدش عبرنى برنة
ده غير اصحابى فى المنطقة بالرغم من انى زى حضرتك بالظبط اجتماعى على طول ومبحبش انسى اى حد
والتليفون ساكت بقاله 3 ايام مبيطلعش الا صوت البطارية فارغة
والدنيا ملاهى واعتبرنا اصحاب

[gebreel]

بص يا باشا عادي جدا اللي بيحصل ده للاسف
تلاقي في الاجازة مفيش تليفون ليك الا كل فين و فين و يكون حد عاوز حاجة منك
في الدراسة يعني تبدأ التليفونات ترن شوية
قبل الامتحانات تبقى عاوز ترمي التليفون من الشباك من انو مبيسكتش
للاسف بقينا ملناش غير المصلحة و بس
بس في المقابل لما يبقالك صاحب حقيقي تلاقيه جنبك بجد و مايحسسكش باي حاجة و تلاقيه اصيل
فبالرغم من اللي بيحصل ده لكن ده بيعرفك مين اللي معدنو طيب من اللي معدنو اققل جودة

[Mohamed.Ramah]

انا كنت زمان بكتئب زيك لما حد عزيز يقصر معايا ونبدأ ننسى بعض وبعدين اكتشفت اني انا كمان مقصرة مع الكثير لاسباب مختلفة
هي الدنيا كدة ناس رايحة وناس جاية
وحاول تخرج من حالة الاكتئاب دي هتلاقي نفسك اتعرفت على ناس جديدة وكونت علاقات جديدة

باذن الله وشكرا على النصيحة

[Mohamed.Ramah]

كبر دماغك وروق نفسك كده ومتزعلش نفسك خالص
ده بقى العادى
والله العظيم انا بكالريوس السنة دى وفى صحابى وقعوا منى السنة اللى فاتت وكلمتهم اكثر من مرة ومحدش عبرنى برنة
ده غير اصحابى فى المنطقة بالرغم من انى زى حضرتك بالظبط اجتماعى على طول ومبحبش انسى اى حد
والتليفون ساكت بقاله 3 ايام مبيطلعش الا صوت البطارية فارغة
والدنيا ملاهى واعتبرنا اصحاب

انا ححاول اتاقلم مع الموضوع وشكرا ليك ولمشاركتك زانا يسعدنى اننا نكون اصحاب

[Mohamed.Ramah]

بص يا باشا عادي جدا اللي بيحصل ده للاسف
تلاقي في الاجازة مفيش تليفون ليك الا كل فين و فين و يكون حد عاوز حاجة منك
في الدراسة يعني تبدأ التليفونات ترن شوية
قبل الامتحانات تبقى عاوز ترمي التليفون من الشباك من انو مبيسكتش
للاسف بقينا ملناش غير المصلحة و بس
بس في المقابل لما يبقالك صاحب حقيقي تلاقيه جنبك بجد و مايحسسكش باي حاجة و تلاقيه اصيل
فبالرغم من اللي بيحصل ده لكن ده بيعرفك مين اللي معدنو طيب من اللي معدنو اققل جودة

كلامك صح

[sarah5]

صدقني عادي جدا كل الناس بقيت كده خلاص محدش بقي صاحب صاحبه الا قليل اوي
يبقي حواليك 10 اصحاب شوية يبقوا 5 شوية يبقوا 3 شوية يبقوا 1 وشطارتك بقي انك تحافظ علي ال 1 ده
يعني حاول يبقي ليك صاحب انتيم اللي هو مهما حصل اتخرجت اتجوزت سافرت يفضل معاك وجمبك لان الصداقة دي حاجة اساسية في الحياة
ولو عندك صاحب بجد هيقدر يساعدك ويخرجك من حالة الاكتئاب