هو الموضوع بيحصلى انا بس ولا بيحصلكم

[Dr Zezo]

الحمد لله اني مش اجتماعي .....

[mazagngi2010]

الحمد لله اني مش اجتماعي .....

+111111111111111111111111111111

[TIMODAX]

عــــــــــــــــــــــــــادي
جـــــــــــــــــــــــــــــداً

[Terrible_DaRsH]

ده حال الدنيا عادى جدا جدا , بكره هتتعود على كدا .

[Dr Zezo]

انا زملائي نوعين

1- نوع لا يعرفني الا لمصلحة و هولاء افهمهم من النظرة الاولي و اتعامل معهم بنفس المبدأ ودول كتييييييييييير

2- و نوع اخر لا يطلق عليهم زملاء لكن اصدقاء " اثنان فقط"

لكن اسلوبنا مختلف

نحن لا نلزق لبعض و كل يوم لازم نكلم بعض و نتقابل

لأ مفيش الكلام ده

كل واحد عارف ظروف التاني - علي الرغم من اننا في نفس السنة و نفس الكلية- و متفهمها

و لا نتكلم الا عند الاشتياق او الحاجة للنصيحة او لابلاغي بشئ يهمني او ابلاغ صديقي بشئ يهمه

و هكذا

اما نعد نلزق في بعض خروج و تليفونات و لوم وعتاب ليه مكلمتنيش و ليه و ليه !!!

الموضوع ده مش فارق كتير

احساسي انهم يكلموني من اجل تنبيهي لأمر ما يتصورون انه يهمني او ابلاغي بأنهم فعلوا شيئا ضروريا من اجلي من دون ان

اطلبه منهم

امر يغنيني تماما عن المظاهر الاخري الزائفة للصداقة

برضه اعتقد الموضوع في النهاية يرجع لطبيعة كل فرد منا

[الغزالى]

هههههههههه الحال من بعضوا انا مشكلتى فى اللى تولع الكلية انى معرفش حد فا ببئى قاعد بشد فشعرى هناك واللى عرفتهم كلهم الحمد الله والشكر لله مصالح
كبر دماغك وعيش احسن ماتتعب رغم انى مش عارف اكبر دماغى بس بحاول على قدر الامكان

[الغزالى]

كبر دماغك وروق نفسك كده ومتزعلش نفسك خالص
ده بقى العادى
والله العظيم انا بكالريوس السنة دى وفى صحابى وقعوا منى السنة اللى فاتت وكلمتهم اكثر من مرة ومحدش عبرنى برنة
ده غير اصحابى فى المنطقة بالرغم من انى زى حضرتك بالظبط اجتماعى على طول ومبحبش انسى اى حد
والتليفون ساكت بقاله 3 ايام مبيطلعش الا صوت البطارية فارغة
والدنيا ملاهى واعتبرنا اصحاب

اية يا هيتم يا حاتم العقل دة يخريب بيت دماغك

[samoevil911]

انا لله وانا اليه راجعون ..
اغرب حاجة في ردود الاعضاء ان الموضوع بالنسبلهم بقي عادي

لأ دا مش عادي ..
احنا اشهر حاجة كانت عندنا -وللاسف مش عارف راحة فين- ودي اللي كانت بتميزنا عن الاجانب ان احنا عندنا ود وبنسأل عن بعض

صحيح ممكن نبعد فترة بس بنجمع تاني


بس الواقع ان دلوقتي الناس افتقدت معظم المعاني الحلوة اللي كانت فينا زمان .. وبقي العادي ان احنا حلزونات وكل حلزون في قوقعته قافل علي نفسه ..

الصراحة لو مكنش ليك صديق من وانت صغير هو جارك مثلا او بتربطك به رابطة قوية .. يبقي اعرف ان انت هتفضل كدا كل مرحلة وليها صاحبها .. واللي هيبقالك صديق العمل لحاااد ميتنقل او العمل ينتهي .. وهكذا دواليك


مش عارفين الدنيا كمان واخدانا علي فين؟؟!

[maka]

لو انت قصدك على اصحاب السهر والخروج والقهوة فمعظم دول بتبقى صادقتهم خداعة اصحاب للتسلية فقط ووقت الفراغ , لكن

الصاحب اللى وقت الشدة تلاقيه واقف فى ضهرك فدول قليلين جدا , اما النوع الثالثة اصدقاء المصلحة فانا بقطع التعامل معاهم نهائى

من الاول او اتسلى عليهم لو فاضى وبالى رايق

وعموما اى نوع من 1 او 2 فكل فترة برفع عليهم سماعة التليفون للسوال او التهنئة ووصل الروابط الاجتماعية

[د.أحمد سمير]

أنا هاقولك ببساطة سبب هذا الشعور ..
في مرحلة ما من الحياة يصير الصديق مثل فرد من الأسرة تطلعه على مستجدات حياتك كل يوم وهو كذلك .
مع بدء الحياة العملية ينشغل كل منكما في حاله .. ولكن لأن صورة الصداقة القديمة لازالت في مخيلتك .. فإنه حينما تتحادثان يطغى الشعور لديكما بعدم اكتراث أي منكما بالآخر .. لماذا ؟
لأن الانفصال اليومي حدث وخلاص .. بمعنى إنك وهو في المقابل انفصلتما عن الأحداث اليومية المشتركة أو التي كانت تطغى على أحاديثكما كل يوم .
فتجد المكالمة تتلخص في .. انت عامل إيه .. الحمد لله .. إيه الأخبار .. زي الأهرام .. عندك جديد .. لا جديد في المنطقة .. طيب مش عايز حاجة .. تسلملي .. سلام سلام ..

أو أن تتحول إلى الحديث عن رغبة في لقاء لا يتم وهكذا تنفصم أواصر العلاقة تدريجياً حتى تنتهي ..

الحل في هذه المرحلة هو أن تعيد تقييم أصدقائك وفق مواقفهم السابقة معك لا وفق قعدتهم معاك على القهوة أو مذاكرتكم مع بعض ..الخ
والصديق الذي تصطفيه تحمله .. اتصل بيه وقدر ظروف انشغاله عنك .. ولا تسمح للعلاقة أن تنتهي حتى لو جافاك .. قدر ظروفه والتمس له عذره ..

في النهاية احتسب كل ما تفعل في ميزان حسناتك عند العلي القدير وقتها وطالما لا تبتغي مصلحة معه سوى المودة في الله ستجد الله عز وجل يعينك على تحمل هذه الصداقة ويزيدها قوة لو كان هذا الشخص يستاهل .. أو يبدلك خيراً منها ..

والصديق الصدوق نعمة لا يقدرها سوى من فقد صديقاً عزيزاً ..
تقبلوا جميعاً خالص مودتي

[Terrible_DaRsH]

الواحد بيتخدع كتير اوى اوى فى اصحاب و اصدقاء بس بيتعلم فى الاخر ..

لما يكون لك صديق مع بعض 10 سنين و كل يوم يفكرك انكم اخوات و مع بعض فى كل حاجة و تعمل علشانه اللى

معملتوش لنفسك و اخرتها ينكر كل حاجة و يصاحب ناس تانية , يبقي الواحد لازم يفكر 1000 مرة قبل ما يقول ده ( صاحبي ) ..!

[haitham gazaly]

بقولك ايه يا محمد يابن عمى خليك فى كوزك لما نعوزك
وكمان ابقى اكتب هيثم صح

[elassar2010]

بقت عادى احنا كنا شلة كبيرررررررررررررررة فى الكلية بعد ماخلصنا الكلية مافيش حد ععرف حد لدرجة انى مسحت اسماءهم بارقامهم

[chicobon]

انا كمان عندي نفس المشكلة و مش لاقي حد اكلمه اخر صديق ليا حاولت اتصل بيه يمكن يحن و يقابلني اول ما رد قال كلام كده مش مفهوم و انا مشغول اوي و قافل الخط في وشي بعدين شكله اتكسف علي دمه و اتصل هو و قالي معلش اصلي مشغول في الشغل معوني انا كنت متصل بيه يوم اجازته و كنت حاسس انه خلاص مش عاوز يعرفني بجد انا زهلت من افعال الناس تبقي واكل معاهم عيش و ملح و في لحظة خلاص مش عاوز يعرفك يعني كل السنين ديه كنت بتشوفني و اشوفك علي اي اساس
بقينا في زمن صعب جدا حد عاوز يفتحلك قلبه و يكون صحبك الا لما يكون في منك مصلحة ربنا يصبرني علي الدنيا ديه

[الغزالى]

بقولك ايه يا محمد يابن عمى خليك فى كوزك لما نعوزك
وكمان ابقى اكتب هيثم صح

نئى كلامك يا هيثم احنا مش قاعدين فى السوق
معلش يا جماعة ابن عمى برضو