& كنت بصدق كدبك .!! &

[totaa]

أحبائي الكرام

يمكن للمرة الأولى سأضع بين أيديكم كلمات بالعامية
وأتمنى أن تلقى استحسانكم ..

كنت بصدق كدبك

إزاى كنت بتقدر تضحك نفس الضحكة ليا وليها.؟

إزاى كان بيقدر قلبك ينبض حب ليا وليها؟

إزاى كنت بصدق عذرك لما تسيبنى وتجرى عليها؟

وعايز قلبى بعد دا كله يطمنلك ...؟؟

إزاى عايز تجرح فيه وهو يكون لك؟؟

أنا مش هقدر تانى اصالح قلبى عليك

انا مش هغفر ضعفي فى حبك ولاهسامح صبرى عليك

أنا هتحمل بعدي وبعدك

شوف حتى أساوتي خدتها منك

أنا مش هبكي من دلوقتي أنا راح اضحك

من دلوقتي هعلم عيني تنسى ملامحك

تنسى كلامك ــ تنسى وعودك ــ أسوةجرحك

انا مش هندم على ايامي اللى أنا عشتها وياك فى خداع

كدة أو كدة مش فارقة معايا وقلبى خلاص تاه منى وضاع

وانت هتفضل تايه حاير عايش حتى الدنيا دى وحدك

تبكي ما تلقى حد يشاركك حتى مواجعك

قلب واحد انت بتملك مش قلبين

حد يعيش الدنيا ويخلص يوم لإتنين؟؟

بقلمي ..توتا

وللجميع منى فائق الاحترام

[haitham gazaly]

بجد كلام جميل جدا مبتفكرش تكتب شعر وتحاول تنشره فى اى جريدة
وكمان انت فى الخليج يعنى وطن الشعر كله

[الغزالى]

بجد كلام جميل جدا مبتفكرش تكتب شعر وتحاول تنشره فى اى جريدة
وكمان انت فى الخليج يعنى وطن الشعر كله

ركز كدة يا هيثم دة بنت واسمها توتا ودى الشاعرة بتاعة المنتدى هنا

[Samah AbdAllah]

تفتكرى اللى يحب ممكن ينسى ويقسوا بالسهولة دى مهما كان الجرح ؟؟؟؟؟

[الغزالى]

تفتكرى اللى يحب ممكن ينسى ويقسوا بالسهولة دى مهما كان الجرح ؟؟؟؟؟

تفتكرى انتى
مختفية اليومين دول فين بتجهزى لنقالب هنا فالمنتدى ولا اية

[yoko]

ما شاء الله عليكي تحفة بجد بس أنا بحب الأغاني بالفصحى أكتر

[totaa]

بجد كلام جميل جدا مبتفكرش تكتب شعر وتحاول تنشره فى اى جريدة
وكمان انت فى الخليج يعنى وطن الشعر كله

ميرسي يا هيثم .. مرورك أسعدني وكذلك تعلقيك ولكن ..
أول حاجة حاسة كلامك بصيغة التذكير مش عارفة ليه؟ ههههههههههههه انا توتا
ومش توت هههههههههه
نيجي بقى لموضوع النشر ده وإن الخليج وطن الشعر
بالنسبة للنشر ...وهل ممكن استمتع بقراء وتعليقات أكتر من اللى بتابعها فى جميع
المنتديات اللى انا مشتركة فيها؟ وده فى حد ذاته بيسعدنى وبيشبع رغبتى

بالنسبة للشعر هنا ... معظم شعر الخليج سواء بالسعودية أو الامارات او حتى الكويت بيحاكى البيئة البدوية أو بيمس لهجتهم وأنا صعب ألاقي نفسي فيها خالص

وهنا كان موجود برنامج للشعر كل يوم أربعاء على قناة عجمان اشتركت مرة فيه
وقرأت بصوتى قصيدة والحمد لله وجدت استحسان الناس حتى الناقد أشاد بالكلام

وكنت ناوية أكمل بس البرنامج ذهب مع الريح ومش عارفة السبب ياترى ليه؟ هههههههههههههه ياخوفي تكون بتفكر فى نفس اللى بفكر فيه
فقررت اكتفى المنتديات والمدونة بتاعتى وخلاص
ميرسي على الاهتمام وسررت جدا بمرورك تقبل فائق احترامي

[totaa]

ركز كدة يا هيثم دة بنت واسمها توتا ودى الشاعرة بتاعة المنتدى هنا

خلاص بعد ايه؟ سبق السيف العزل وخلاص

[eng.octooo]

تفتكرى اللى يحب ممكن ينسى ويقسوا بالسهولة دى مهما كان الجرح ؟؟؟؟؟

هىىىىىىىىىىىىىىىىىىىىىىىىىىىىىىىىىىىىىىىىىىىىى انتى فكرتينى بالموضوع لية حرام عليكىىىىىىىىىىىى بس موضوع حلو يا توتا

[الغزالى]

خلاص بعد ايه؟ سبق السيف العزل وخلاص

ينهار ابيض رجعنا تانى للكلام الى مش بيتفهم اية سبق السيف العزل هى العزل دى معناها العزل من السلاح ولا اية لحسن انا وطول عمرى بجيب الدرجات النهائية فى العربي

[totaa]

تفتكرى اللى يحب ممكن ينسى ويقسوا بالسهولة دى مهما كان الجرح ؟؟؟؟؟

الرقيقة بسكوتي ... ميرسي على مرورك اللى بيسعدنى جدا
بالنسبة لسؤالك :ـ اللى بيحب بجد وحب صادق بيسامح وممكن ينسى
كل شىء الا الخيااااااااااااااااااااااانة فدي البداية لانهيار اى علاقة واى حب
تقبلي خالص تحيتي وفااائق احترامي

[الغزالى]

هىىىىىىىىىىىىىىىىىىىىىىىىىىىىىىىىىىىىىىىىىىىىى انتى فكرتينى بالموضوع لية حرام عليكىىىىىىىىىىىى بس موضوع حلو يا توتا

اية يا عم انت بتتلككككككككك ولا اية

[eng.octooo]

من دلوقتي مش قادر اعلم عيني تنسى ملامحك

[eng.octooo]

اية يا عم انت بتتلككككككككك ولا اية

ههههههههههههههه بس والله ياغزالى فاكرهاااااااااااااا لحد دلوقتى وكل ما اشوف اتنين مع بعض ولا اغنية حلوة افتكر

[totaa]

ما شاء الله عليكي تحفة بجد بس أنا بحب الأغاني بالفصحى أكتر:ta_clap[1]:

ميرسي يوكو ...على كلماتك الرقيقة ومرورك بالفعل اسعدني
وأنا متفقة معاك ولكن لكل مقام مقال ..وأحيانا تلاقي نفسك بتميل للعامية
لكن الفصحى لا غبار عليها وايام أم كلثوم رجل الشارع العادي جدا كان بيغنى معاها
جميع القصايد بمنهتى الطلاقة والسهولة ..ياتري ايه اللى غير الذوق المصري للصورة
اللى بقينا عليها دلوقتى؟
تقبل تحيتي وفائق احترامي