& كنت بصدق كدبك .!! &

[Samah AbdAllah]

لا يابسكوتة مستحيل تنسى الخيانة مهما حصل حتى فى اعلى درجات الحب بس زى ما انتى قلتى
ودى نسبة حصولها زى نسبة ظهور العنقاء فى سماء القاهرة ههههههههه

وزى ما قالت توتا ان

واحب ازود على كلام توتا ان الغيرة هى بداية الشك و الشك بداية الخيانة والخيانة زى ما توتا قالت فوق بداية الانهيار

انا طبعا مش بدافع عن الخيانة ومش بقلل من جرحها
وانا فى رأى الكدب هو بداية انهيار الحب لان بيخليك تشك فى كل حرف و كل كلمة وكل فعل
بس زى ما قولت فى احدى ارقى مراحل الحب
ان الله غفور رحيم
يعنى احنا مش احسن من ربنا
فى النهاية كلنا بشر

[totaa]

صدقينى فى حب حقيقى وصادق اصدق من اى حقيقة ممكن تعرفيها

الحب ده يخليكى تسامحى فى اى حاجة حتى الخيانة

اذا كنا بنغلط كتير ونطلب من ربنا يسامحنا مهما كانت اخطاءنا
يبقا مش هنسامح شخص بنحبه مهما كان غلطه حتى لو كان خيانة

بس التسامح ده بيكون فى اعلى درجات الحب وده نادرا لما حد يوصله او يلاقى اللى يستاهله
تقبلى مشاركتى وان اختلفت معك فى الرأى

تحياتى وتقديرى لمشاعرك الرقيقة وقلمك المبدع

بالعكس يا بسكوتة كلامنا مكمل لبعضه وانتى بنفسك بتقوللى اعلى درجات الحب وده نادر ده كلامك انتى ...وأنا برضه كنت بتكلم عن الحب المألوف بين الناس
لكن انا متفقة جدا معاكي انى احيانا بتصادفي الحب اللى ينسيكي حتى روحك ويخليكي
تتسامحى فى كل شىء طالما حاسة من اللى قدامك نفس الحب ده
ميرسي على مرورك وعلى رايك ..وإن شاء الله تخرجي من حالة الاكتئاب دي بسرعة وارجع اشوف ضحكتك منورة من تانى

[magyver]

أحبائي الكرام

يمكن للمرة الأولى سأضع بين أيديكم كلمات بالعامية
وأتمنى أن تلقى استحسانكم ..

كنت بصدق كدبك

إزاى كنت بتقدر تضحك نفس الضحكة ليا وليها.؟

إزاى كان بيقدر قلبك ينبض حب ليا وليها؟

إزاى كنت بصدق عذرك لما تسيبنى وتجرى عليها؟

وعايز قلبى بعد دا كله يطمنلك ...؟؟

إزاى عايز تجرح فيه وهو يكون لك؟؟

أنا مش هقدر تانى اصالح قلبى عليك

انا مش هغفر ضعفي فى حبك ولاهسامح صبرى عليك

أنا هتحمل بعدي وبعدك

شوف حتى أساوتي خدتها منك

أنا مش هبكي من دلوقتي أنا راح اضحك

من دلوقتي هعلم عيني تنسى ملامحك

تنسى كلامك ــ تنسى وعودك ــ أسوةجرحك

انا مش هندم على ايامي اللى أنا عشتها وياك فى خداع

كدة أو كدة مش فارقة معايا وقلبى خلاص تاه منى وضاع

وانت هتفضل تايه حاير عايش حتى الدنيا دى وحدك

تبكي ما تلقى حد يشاركك حتى مواجعك

قلب واحد انت بتملك مش قلبين

حد يعيش الدنيا ويخلص يوم لإتنين؟؟

بقلمي ..توتا

وللجميع منى فائق الاحترام

كلامك جميييل قوي
بجد تسلم ايديكي:b4_388:

انا طبعا مش بدافع عن الخيانة ومش بقلل من جرحها
وانا فى رأى الكدب هو بداية انهيار الحب لان بيخليك تشك فى كل حرف و كل كلمة وكل فعل
بس زى ما قولت فى احدى ارقى مراحل الحب
ان الله غفور رحيم
يعنى احنا مش احسن من ربنا
فى النهاية كلنا بشر

فعلا الكدب دة حااجة فظيعة قوي مايخليش لحد امااااان

[kasten]

ماشاء الله

[ahmed_h_g]

أستااااااااااذ

[totaa]

كلامك جميييل قوي

بجد تسلم ايديكي:b4_388:

فعلا الكدب دة حااجة فظيعة قوي مايخليش لحد امااااان

ميرسي جدا على مرورك وعلى كلامك ومفيش أى كلام بيكون له معنى غير بقارئيه
تقبل فائق احترامي وخالص تحيتي

[totaa]

ماشاء الله

ميرسي على المرور وتقبل فائق احترامي

[totaa]

ماشاء الله

ميرسي .. أسعدنى مرورك وتقبل فائق احترامي

[totaa]

أستااااااااااذ

أستاذ ايه بس؟ هل واضح من أسلوبي إنى ولد ولا إيه؟هههههههههه
عموما ميرسي لمرورك ورايك وتقبل فائق احترامي
تـــــــوتــــــااااا

[ahmed_h_g]

أستاذ ايه بس؟ هل واضح من أسلوبي إنى ولد ولا إيه؟هههههههههه
عموما ميرسي لمرورك ورايك وتقبل فائق احترامي
تـــــــوتــــــااااا

معلش أنا أسف مخدتش بالى
كلامك جميل بصراحه .... الف شكر .

[LORD.ADeL]

يعنى بجد يا توتا مش عارف اقوليك ايه بجد
كلام بالعمي او فصحاا ملكيش حل للابداع عنوان
توتا منتدي نايل موتورز.... تحياتى وتقديري

[totaa]

يعنى بجد يا توتا مش عارف اقوليك ايه بجد
كلام بالعمي او فصحاا ملكيش حل للابداع عنوان
توتا منتدي نايل موتورز.... تحياتى وتقديري

ميرسي بجد ياعادل ربنا يخليك ..مروركم بيسعدنى جدا وكلماتكم بتحفزنى على الكتابة
لك خالص دعواتى وفائق احترامي