الى السادة اعضاء المنتدى-هـــــام

[Dr Ahmed]

اما بقي موضوع شعب مسلم، يعني هو لو مش مسلم حلال فية الشتيمة يعني مثلا

القصد إظهار بالغ الخطأ
يعنى مش مجرد هتشتم لأ هتشتم شعب كامل مسلم بمعنى إن ليهم وجه من أوجه الحقوق على كافة المسلمين .

[kholio]

كلام حضرتك متحضر ومظبوط 100 في ال 100 ولازم يتنفذ ويعمل بيه لان الناس اللي بتشتم دي بتدي فكرة غلط عن الشعب المصري كله وبتدي رد فعل مش كويس عن المصريين

[aboudelmsry]

استاذ كريم

انا شايف ان عند حضرتك حق في كل كلمة كتبتها

اللي بيحصل ده لايمكن يكون بسبب هزيمتنا في المباراة

الناس في عندها كبت وعندهم شعور بالاضهاد

فكان نتيجة كده انهم خرجو كل اللي جواهم

بصورة نوعا ما عدائية

وان كان هناك قلة غوغاء من الجزائريين اخطئو في حقنا

فيجب ان تكون اخلاقنا اسمي وارقي من اننا نعبر او نمجد من تصرفاتهم بالرد عليهم

فمجرد تهميش هذه الاقلية ووضعها في مكانها الصحيح هوا ده رد اعتبار لينا

وشكرا جزيلا لحضرتك

[mohamedhamam]

بغض النظر عن من كان على حق و من كان على صواب من جميع الزملاء أعضاء المنتدى و كذلك المشرفين على المنتدى و كذلك منسقين المنتدى فقدر الله و ما شاء فعل يجب غلق هذا الموضوع نهائياً لأنه أخذ أكبر من وقته و كذلك أكبر من حجمه و يجب أن تكون ادارة المنتدى حاسمة و حازمة فى مهلة اليوم المتبقى لازالة جميع التوقيعات الغير ملائمة و لا تتناسب مع رقى و تحضر جميع أعضاء المنتدى و أعتقد أن قمة الرقى و التحضر أن لا ننزلق للصغائر و لا نتتدنى الى أى مستوى كرد فعل عن أى شىء حدث و فى النهاية أهنئكم جميعاً بعيد الأضحى المبارك و ندعو الله جميعاً فى هذه الايام المباركة أن يصلح المولى عز وجل حال الأمة العربية الى ما هو فيه الخير ان شاء الله

[Eslam.Adly]

انا مش هاقول ان كلام أ/كريم من الاخر(لازم نهدى وكده) وبردو مش هانتقده (ونقول خليها ولعه).
بس ان حاسس انى تعبت من كتر التشتت الى احنا بقنا فيه.
مش لازم طالما احنا عندنا جو بلادنا بعض السلبيات الكتير زى (نفوذ ,سلطة ,نصب ,....الخ) من بعض الناس يبقى نستحمل الضرب والتهزييق من اى دولة تانية.

[misoalex]

فعلا الموضوع بقى رغى وكلام *كلام
كل سنه وانتم طيبين

[smsm_cato]

والله نعم الكلام والراى يا استاذ كريم احنا فعلا تعبنا من الكلام اللى بيتقال والتصرفات اللى بتشحن الناس زيادة لا وبالعكس بتبين للناس ان احنا اللى بنكره الجزائر وخلاص بدون وجود اى دلائل اعلامية تدين الجزائر هما عملوا اللى عملوة وسكتوا على كده احنا اللى عمالين نتكلم وخلاص نصبر لحد مانشوف الحكومة هتعمل ايه هيا صاحبة القرارات الجزرية فى الموضوع ده

[Karim_Mohy]

كل سنة وانتم جميعا بخير ويارب المنتدي يكبر علي طول

[sarah5]

اكيد كلنا مع حضرتك ومتفقين معاك

[Anxs111]

والله مفيش أحلى من الكلام المتزن . أنا لما شفت واحد في منتدي فولكس بدأ يسخن وعاش في دور المحارب أصابني الضيق وكان نفسي أرد بس كنت مشغول ولما رجعت من شغلي عشان أرد لقيت الموضوع إتشال . ده دليل إن في ناس هنا في المنتدى بتأدي شغلها صح عشان صوت العقل يغلب دايماً.

أنا حاولت كتير أهدي عشان الموضوع في مغالطات كتير . الفتنة ورد الفعل وكل ما إفتح site مصري ألقى قلت الأدب وعلى فيسبوك باردو لحد ما دخلت في إكتأب بدأ يأثر عليا في شغلي مش لأني فرفور لء بل لأني أرى الكراهية بين المسلمين وهو المني يمكن أكتر من سقوط العراق . لأن المره دي بين بعضينا وبنكرة بعض .

أنا إنهردة عازم جاري الجزائري عندي في البيت هو وأسرته عشان الرجل ده أنا بحبه و في وقت الشدة في الغربه هو ده اللي وقف معايا وفي بنا خير كتير اتبنى في خمس سنين .

نصيحة عشان تلقى صديق وعشان تحب أخ ليك ده بياخد سنين . وعشان تكره أخ ده بياخد دقائق . أنت مين بتحول تحب ولا تكره . أكيد اللي بيحب غير اللي بيكرة في كل شيء .

جزيل الشكر ليك يا أستاذ كريم

[medo1527x]

كلام جميل،،،،،،،،،،،
صحيح صوابعك مشزي بعضها (قصدى فى التصرف عند الغضب)
بس كان لازم التنبية وأى إنسان لازم يرقى مهما كانت الظروف وميعاملش كل واحد بإسلوبه والا هيجره الى التدنى والوضيعة
قدر الله وماشاء فعل على الماتش وحسبنا الله ونعم الوكيل على الإسائه ودا مش ضعف أو قلة حيلة الرسول علمنا كدا (لانه مهم عمل هو مسلم زيك زيه)

[مصراوي جدا]

كل سنة وانتم طيبين

[zahiralg]

شكرا لك اخي كريم على هذا الكلام الجميل ما حدث ليس لنا ذنب فيه جميعا انا من الجزائر واحب ام الدنيا والشعب المصري احب ان احييكم جميعا واتمنى لكم عيد سعيد وشكرا

[mmedali1978]

قولنا الكلام ده من الاول الناس زعلت مننا يا استاذ كريم الف شكر لحضرتك على اعاده ظبط النفس ولا مكان للمتعصبين ويا ريت الناس اللى كانت بتشتم الشعب الجزائرى المسلم الشقيق ان يراجعو انفسهم فهناك يوم للحساب عند الله عز وجل وماذا سيقول من يشتم ويسب شعب مسلم مناضل ويهتف ويهلل ويستقبل بكل ترحاب قاتلى شعب فلسطين التى ستظل عربيه ولا محاله من للانتصار فى النهايه وكل عام وانتم بالف خير اعاده الله علينا وعليكم وعلى الامه الاسلاميه بالخير واليمن والبركات

[rsm82]

اللهم لا تؤاخذنا بما فعل السفهاء منا