مـحـتـار فى شراء كاميرا جداً ...!

[Terrible_DaRsH]

مــحــتـار فى شراء كاميرا لقلة الخبرة بالموضوع ده :)

نزلت كارفور و اخدت جولة انحصرت فى Canon & Sony ..

شفت كاميرات كتيرة جدا و لكن للاسف مفيش كاميرا فيها كل المميزات ! يعنى كاميرا تكون حلوة فى الصور و وحشة فى الفيديو :( و العكس .

ده كلام البائعين هناك سواء سونى ولا كانون , كل ما تعجبنى واحدة تطلع حلوة فى حاجة ووحشة فى حاجة تانية ..

يا ريت الناس اللى عندها خبرة بالموضوع ده تقولى ايه انسب كاميرا ممكن اجيبها و تكون :

- ميجا بيكسل عالى و نقاء قوى فى الصورة .

- فلاش زينون او قوى عموما .

- كارت ميمورى .

- كفائة فى الصور و الفيديو بنفس القدر .

- Option لذيذ و خفيف .

- مش مهم حجمها .

- اهم حاجة سعرها ميكونش عــــــالى لانى مش هستخدمها بصفة يومية .

شكراً مقدمــا .

[Ahmed Selim]

على حد علمى.....مفيش

أنت عاوز تشترى كاميرا ديجيتال هتلاقى تصويرها الفيديو معقول بس مش جيد
عاوز كاميرا فيديو هتلاقى تصويرها ال still pictures معقول بس مش جيد.

يا ريت تحدد أكتر أنت أيه اللى يهمك فيهم عشان تعرف تقرر.

[Terrible_DaRsH]

ما انا محتار فى كده بقي .

انا محتاج الفيديو جدا و محتاج الفوتو برده جداا , بس ممكن الفوتو اهم , يعنى مثلا تكون الكاميرا تصويرها 100% بالنسبة للفوتو و 80% للفيديو .

[Sherif Sharaf]

أنا أنصحك بكاميرا نيكون بجد الكاميرات النيكون ممتازة جداً وعن تجربة شخصية وهى أفضل من السونى من وجهة نظرى (أنا عندى خبرة مش بطالة بالكاميرات وامتلكت حوالى 5 كاميرات حتى الآن - 2 عادية منهم واحدة نيكون و3 ديجيتال منهم 1 سونى و2 نيكون)
أنا بصراحة معرفش إيه الموديلات اللى موجودة فى السوق دلوقتى بس عموماً النيكون كاميرا أكثر من رائعة أياً كان الموديل

[Islam_galal]

لو استخدام منزلي
تبقي السوني ممتازة بعدسة كارل زيس و في حدود 5 ميجابيكسل كفاية و كارت ميموري 2 جيجا و تصوير الفيديو يكون بجودة الـ dvd و أعتقد السعر حيبقي في حدود 1500 إلي 2000

لو محتاج إمكانيات أعلي (إحترافية) تبقي النيكون

[Terrible_DaRsH]

انا من هواة تصوير الطبيعة يا جماعة و بحب اصور اللقطات النادرة و الاماكن الجذابة و التصوير الشخصي برده ..

بس برده فى مناسبات كتيرة هحتاج فيها الفيديو .

انا هقولكم على الكاميرات اللى عجبتنى كامكانيات لكن للاسف معنديش خبرة كافية علشان اعرف دى المناسبة ولا لا ؟

دى اولهم :

[A_H_M_A_D]

السوني كاميرا ممتازة جدا و امكانياتها كويسة قوي بالنسبة لسعرها المعقول ولاستخدام الشخص الهاوي مش المحترف يعني

[Eng. Rafy Samy]

في كاميرا سوني موجودة في كارفور 8 ميجا بيكسل + تصوير فيديو (عالي الجودة ) HD تمنها في جدود 1700
انا ناوي عليها ان شاء الله.

[human]

هات فوجى هايبرد
اى واحده هتبقى كويسه

[Terrible_DaRsH]

هات فوجى هايبرد
اى واحده هتبقى كويسه

يا ريت تحدد الموديل , لحسن انا بقيت تايه اكتر من الاول :)

و دى تانى كاميرا عجبتنى و بصراحة داخلة دماغى شوية , يا ريت لو حد له خبرة فى الموضوع ده يقولى رايه .

[human]

يا ريت تحدد الموديل , لحسن انا بقيت تايه اكتر من الاول :)

و دى تانى كاميرا عجبتنى و بصراحة داخلة دماغى شوية , يا ريت لو حد له خبرة فى الموضوع ده يقولى رايه .

لو عايز كومباكت يبقى ال canon ديه فى الجون
صور حلوه و فيديو معقول
و عموما انا بكره السونى فى الكاميرات ال still و بكره السينسور و البروسيسور بتاعهم و موضوع كارل زيس ده كلام فى الدعايه و ماترميش ودنك ليه

شوف برضه الفوجى
اى FUJI هتبقى حلوه و ارخص و امكانيات كتير و كمان صور افضل - بس انا بتكلم على الhybrid مش ال كومباكت

[Terrible_DaRsH]

لو عايز كومباكت يبقى ال canon ديه فى الجون
صور حلوه و فيديو معقول
و عموما انا بكره السونى فى الكاميرات ال still و بكره السينسور و البروسيسور بتاعهم و موضوع كارل زيس ده كلام فى الدعايه و ماترميش ودنك ليه

شوف برضه الفوجى
اى FUJI هتبقى حلوه و ارخص و امكانيات كتير و كمان صور افضل - بس انا بتكلم على الhybrid مش ال كومباكت

الفوجي مش منتشرة اوى و مشفتهاش فى كارفور و لا راديو شاك و معرفش اسعارها .

سيبك من الكانون اللى فاتت :) و قولى رايك فى دى بم انك تعرف الفوجى :



و عاوز رايك برده فى ال Panasonic لان فى كاميرا جامدة جدا عاجبانى برده :)

[El.Hossieny]

متااااااااااااااابع باهتمام لنفس الغرض

[Sharky]

متابع برضه لنفس الغرض

[aliabutaleb]

فرق الأسعار المبالغ فيه جداً بين مصر وودول تانية كتيرة بيخللي الواحد دايماً بينصح إنه يشتري الكاميرات من برة مصر