مـحـتـار فى شراء كاميرا جداً ...!

[El.Hossieny]

السونى فوق الجميع واهم حاجة تشوف ضمان صيانة يكون قريب من بيتك مش فى محافظة تانية عشان مراكز قليلة الى بتعمل صيانة صح للكاميرات

طيب يا اسلام ايه مراكز الصيانة اللي بتعمل صيانة كويسة للكاميرات

[CryptonX]

السامسونج دى موجودة فين يا كريم ؟
و عرض راديو شاك لسه شغال ؟
و العرض على اللون الـ Pink فقط و لا السيلفر كمان ؟

ده عرض من Btech وكيل SONY في مصر , و Radioshack عنده الاتنين السوني و السامسونج جميع الالوان . انا جبتها من فرع City Stars

بضمان Btech - سنة تقريبا

Samsung ,كيلها هو Metra و دي شركة مشهورة في توكيلات لوازم الكومبيتور و كدة - وكيل Creative .

صحيح يا كريم انت جبت الكاميرا بضمان ولا من غير ضمان ؟؟

.

بضمان طبعا . انا شاريها من Radioshack وعارف انه ممكن يكون اغلى بس علي حساب خدمة العملاء و الضمان .

[M.Mosaad]

صحيح يا كريم انت جبت الكاميرا بضمان ولا من غير ضمان ؟؟



طيب فى الفوتو عاملة معاك ايه .

الفوتو وهمي جميل جدا في كل الاوضاع

يعني كنا في عيد ميلاد و طفينا النور و صورت علي الفلاش برضة جميله جدااا و مهما كبرت علي الكمبيوتر الصورة بتبقي حلوة جدااااااا حتي مع الزووم و انت بتصور
و هي توكيلها بي تك

[M.Mosaad]

يا ريت يا محمد باشا لو ينفع تحط صورة بالكاميرا عشان نشوف جودة الصور ... و جزاك الله خيرا

من عنيا الاتنين هحاول احط صورة
لما اروح البيت انشاء الله .

[Terrible_DaRsH]

بضمان طبعا . انا شاريها من radioshack وعارف انه ممكن يكون اغلى بس علي حساب خدمة العملاء و الضمان .

تمام , اصل سعرها كده حاليا من غير ضمان فافتكرتك جبتها بالسعر ده من غير ضمان , يبقي العرض كان خصم فرق الضمان .

من عنيا الاتنين هحاول احط صورة
لما اروح البيت انشاء الله .

منتظر الصورة يا باشا بس اوعى تنسي و يا ريت تكون من مسافة بعيدة شوية بدون زووم يبقي كتر خيرك :) .

[kasten]

مشكوووووور والله يعطيك الف عافيه

[zalpany2000]

السلام عليكم

انا برضو كنت محتار نفس حيرتك ديه من شهرين
كنت في ألمانيا و عجبتني الكاميرا الFuji s2000
و سعرها كان ما يقرب من 2400 مصري هناك

كنت في كارفور من شهر تقريبا ... و لاقيتها ب 1500 جنيه بس معاها كارت 2 جيجا

الكاميرا دي فيها ميزتين ماشوفتهمش في الباقي
1- العدسة بتاعتها wide يعني بتجيب نطاق اوسع في الصورة
2- بتصور فيديو HD

غير ان الزوم بتاعها مش معقول ما شاء الله 15 X optical zoom

بس هي مشكلتها شوية في حجمها .. مش compact ويمكن علشان كده رخيصة نسبيا

اخيرا .. صناعتها مش صيني .. لا فيتنامي

بجد صورها هايلة جدا

FinePix S2000HD | Fujifilm Global
ده الرابط بتاعها
تحياتي

[د.محمود صلاح]

ياجماعة انتم نسيتم حاجة مهمة جدا , ألا وهى بطارية الكاميرا

أغلبهم بتكون بطارية قلم بتتشحن بجهاز شحن خارجى

انا لدى كاسيو فئة ال EXilim البطارية بتاعتها شبه بطاريات الموبايل طويلة المفعول بأشحنها تقريبا كل شهر مرة وبتتشحن فى مكانها يعنى لا داعى لنزع البطارية من مكانها
بس لا بد من شبك الكاميرا بالقاعدة بتاعتها للشحن
القاعدة بها مخرج التلفزيون ومخرج الشحن ومخرج الكمبيوتر وكل هذا لتخفيض حجم الكاميرا ,

من أفضل الكاميرات بالسوق لينوكس اليابانى التابعة لبناسونيك ذات التصوير الذكى Ai ولكن عيبها نزع البطاريات خارج الكاميرا للشحن .

حاول البحث عن الكاميرات ذات الحساسات الضوئية CCD مثل اللينوكس السابقة الذكر

[Sharky]

ده عرض من Btech وكيل SONY في مصر , و Radioshack عنده الاتنين السوني و السامسونج جميع الالوان . انا جبتها من فرع City Stars

بضمان Btech - سنة تقريبا

Samsung ,كيلها هو Metra و دي شركة مشهورة في توكيلات لوازم الكومبيتور و كدة - وكيل Creative .



بضمان طبعا . انا شاريها من Radioshack وعارف انه ممكن يكون اغلى بس علي حساب خدمة العملاء و الضمان .

كريم
B-tech عاملة عرض على السونى بـ 999 جم !

هو عرض راديو شاك غير B-tech و لا انت إشتريتها من فترة؟

[Terrible_DaRsH]

كريم
B-tech عاملة عرض على السونى بـ 999 جم !

هو عرض راديو شاك غير B-tech و لا انت إشتريتها من فترة؟

العرض انتهى , لان سعر الكاميرا 999 بالضمان و من غير ضمان ب 850 .

العرض كان الكاميرا بالضمان ب 850 و دلوقتى اعتقد انه انتهى لانى برده لسه شايف B-Tech ..

[human]

Sony makes worst compact cameras..and it's durability is not the best..
please read reviews online before buying
Sony is not the best when it comes to digital photography.

[solyahmed]

انا اشتريت كاميرا فوجي من كارفور من اسبوعين في عرض ب 777 جنيه امكانيات حلوه وصور جميله وسعر حلو وده لينك لمواصفات وصور الكاميرا
Fujifilm FinePix J30

[Terrible_DaRsH]

انا اشتريت كاميرا فوجي من كارفور من اسبوعين في عرض ب 777 جنيه امكانيات حلوه وصور جميله وسعر حلو وده لينك لمواصفات وصور الكاميرا
fujifilm finepix j30

شفتها فى كارفور .

بس ممكن تورينا صورة , و يا ريت كل واحد معاه كاميرا يورينا صورتها عاملة ازاى .

[aliabutaleb]

يا ريت يا محمد باشا لو ينفع تحط صورة بالكاميرا عشان نشوف جودة الصور ... و جزاك الله خيرا

لو عاوز تشوف نماذج للصور اللي واخداها أي كاميرا هاتلاقي على الصفحة الرئيسية لموقع فليكر لينك اسمها Camera Finder اضغط عليه ودور على الكاميرا اللي بتفكر تجيبها هاتشوف صور ملتقطة بيها فتقدر تقرر الجودة دي مرضية بالنسبة لك ولا لأ.
للأسف أنا في الشغل وفليكر محجوب عندي لولا كدة كنت حطيت رابط مباشر له.

[zaza_lanos]

اهم حاجة متجبش كاميرا ببطارية خالص هتفضى كل شوية وهتعذبك
هات كاميرا ببطارية ليثيوم و بتتشحن زى الموبيل
وانا مع الكانون