ادويه بتعمل دماغ..حكاوي ومغامرات أخوكم الصيدلي ( أنا )

[نور القمر]

انا دخلت الوضوع بعد ما الفقرات الغير مسموح بيها اتحذفت
انا شايفة ان معظم الاعضاء واخد الموضوع بهزار وعاجبه الموضوع
بصراحة انا مستغربة !!!!
واللي مستغرباله اكتر ازاي كاتب الموضوع سعيد وفرحان وبيفتخر انه بيدي شرايط من الادوية دي للميكانيكي ولا عسكري المرور !!!!
واللي مستغرباله اكتر واكتر ان الموضوع لسه موجود في الاجتماعي ولم يُحذف !!!!!

[A.Saad]

[color=darkorchid]اcolor]
واللي مستغرباله اكتر ازاي كاتب الموضوع سعيد وفرحان وبيفتخر انه بيدي شرايط من الادوية دي للميكانيكي ولا عسكري المرور !!!!

البلد باظت يا نور

[I.S.L.A.M]

انا دخلت الوضوع بعد ما الفقرات الغير مسموح بيها اتحذفت
انا شايفة ان معظم الاعضاء واخد الموضوع بهزار وعاجبه الموضوع
بصراحة انا مستغربة !!!!
واللي مستغرباله اكتر ازاي كاتب الموضوع سعيد وفرحان وبيفتخر انه بيدي شرايط من الادوية دي للميكانيكي ولا عسكري المرور !!!!
واللي مستغرباله اكتر واكتر ان الموضوع لسه موجود في الاجتماعي ولم يُحذف !!!!!

لان الموضوع موجود على سبيل الدعابة مش اكتر وكمان ياريت الناس ما تكبرش الموضوع ده قوى لانك لو سالت اى طفل فى ابتدائى هتلاقى عارف التركيبات دى حتى لو مش بيشربها يعنى مش اسرار ومعروف للكل اكتر من انواع السجائر الموجودة فى الاكشاك

[zAzU]

خد بالك عشان اعرف واحد اتقتل فى الصيدليه بتاعته عشان مرضاش يبيع ترامادول

[I.S.L.A.M]

خد بالك عشان اعرف واحد اتقتل فى الصيدليه بتاعته عشان مرضاش يبيع ترامادول

والله انا شايف ان الحكومة تخلى الترامادول يتباع عند العطارين وخلاص طالما الناس بقيت حالتها صعبة قوى كده وكمان يرجعو يبيعو النشوق فى المحلات زى زمان بس ليا استفسار صغير هو النشوق ده عبارة عن ايه بالضبط

[newhansol]

انتو عايزين الصراحة انا حاسس ان 99.9% من شباب البلد دى بتضرب والواحد الى مابيضربش بيبقى عيب علية ومش هاينفع الكلام دة
انا مجربتش الحشيش غير مرة واحدة فى حياتى وكان فى الجيش وعملى حرقان فى صدرى وقلت اية القرف دة
انا ليا صاحبى بيضرب الترمال والترمادول والكلام الفاضى دة كانة بيضرب لبان سمارة الى من غير سكر
وانا مش عارف فى اية هوة لية الواحد عايز يبقى مسطول مش فاهم دة حتى بيبقى شكل الواحد زبالة والناس عمالة تشتغلة
وبعدين حذف الموضوع او عدمة مش هايفرق خلاص الادارة حذف المطلوب علشان الى بتسول لة نفسة يجرب التركيبات الى انت قلت عليها دى
(مفيش وصفة كدة على السريع نلحقها قبل ما الادارة تقفل الموضوع ولا حاجة )
على كل حال ربنا يهدى الجميع وخلى بالك يا عم الحاج من العيال الى بتيجلك باليل فى الصيدلية
ربنا يحرسك منهم ويحفظك

[Dr Ahmed]

على فكرة الوهم هو العامل الأول

يعنى لو واحد من دول خد قرص فيتامين وهو مقتنع إنه مخدرات هيدوخ برضه

[أحمد كمال]

يخرب بيت ولاد الحرام اللي ما خلوش لولاد الحلال حاجة

اما بنتي كانت صغيرة (اقل من 4 شهور) و كانت بتاخد نقط المغص بشكل دائم يوميا و ادوية اخرى للمغص او فيتامينات و غيره كنت باحتاج السرنجات عشان اعير كمية الدوا صح و اديهولها في بقها من غير ما ينقط برة او نغلط في الجرعة..... فكنت باجيب بالعشر سرنجات من حين لاخر

مرة باكلم صيدلية مشهورة باتعامل معاها بالتليفون و طلبت السرنجات و فوجئت برفضه و قال ايه لازم السرنجة مع الامبولات فقط

يهديك يرضيك مفيش

و بما ان انا اصلا باجيب ادويتنا كلها من هناك لانها متعاقدة مع التامين الصحي بتاعي ..... مدير الفرع يعرفني كويس لكثرة ترددي عليهم

اما رحت المرة اللي بعدها باعاتبه ..... قال لي معلش .... اصل المدمنين مقضيينها و احنا بنخاف و بتاع بس بنبيع لك اما بتيجي عشان شكلك محترم و بتاع ....... لو اتصلت قول للدكتور عالتليفون انك تعرفني شخصيا و اديله رقم تليفون بيتك اللي متسجل عليه بياناتك عندنا عشان يعرف انك عميل قديم و بتاع

[Egyzizo]

أنا برضه دخلت بعد ما الوصفات اتشالت ..
..
حاجة تزعل بجد
للأسف
للأسف
للأسف
.
.
.
.
.
.
يا ريتنى كنت دخلت بدرى ..

[Karim_Mohy]

يا جماعة في ناااس كتيير جدا بتضرب الحاجات دي والحشيش اللي للاسف باه من السهل تجيبو وتخلص بيه حاجات كتير لدرجة انك لو مبتشربش مع جروب مثلا وفيهم محترمين وفئات كويسة تحس نفسك انك غريب الاطوار في وسطهم

المشكلة ان في ناس بتحب تجرب كده زي السجاير ولما بتتعود.....انسي

ربنا يسترها علينا اجمعين

والاستاذ احمد فارما واضح حسن نيته انه كاتب الموضوع عشان يحكي معانا اللي بيشوفه في شغله...ربنا يعينك...ويهدينا جميعا

[amrbakly]

ههههههههههههههه موضوع فقري اخر حاجة

و انا اقول لما كنت باخد الفلورست و انا عندي برد بنام زي الفرخة الدايخة كدة لية أتارييييييييييييية

اكتشفت بقي اكتشاف عبقري مع اخر دور انفلونزا ممكن ينفع الإخوة الضاريبة

الـكــــــــونـــــــجــــســــــتــــــــال

الله يحرقة بجاز مش كان بيعملي دماغ ..... دة مع الأنفلونزا بيتحول إلي الفنكوش و ممكن تلاقي نفسك تحولت لتورتاية علي رأي احمد مكي و مصر تنام في التلاجة .... 650 ميللي جرام باراسيتامول يعني تقريبا ربع قرش حشيش مغربي


إلا هو الفاكسين بيعمل كام يا صديقي اليومين دول لو تقدر تسلكلي واحدة علشان انا جالي فوبيا من أنفلونزا الخنازير !

[amrbakly]

علي فكرة اللي فقري اخر حاجة التاجات اللي المنتدي عملها أوتوماتيك للموضوع

تحس انك ممكن تعمل سيناريو فيلم الكيف

و الناس اللي بتقول حذف الموضوع .... يا جدعان ثقافة يالا نغطي علي كل مشكلة دية فكست خلاص انسوا بقي طريقة التفكير الناصرية اللي ودتنا في داهية و خلت محاكمة امين شرطة تتحول لقضية امن قومي ولا بتاع

[A7MED_PHARMA]

كنت عارف ان موضوعي هيشوفه ناس كتير أوي
.....
أنا شفت حد كان بيقول إني علمت الناس حاجات اسرار..واني علمتهم طرق ممكن يضربوا بيها..:b4_592:
دي معلومات عامه الايام دي..والحاجات دي أنا معرفتهاش من دراستي في الكليه,أنا عرفتها من صيادله قبلي اتعاملوا مع الاوساط دي .وهما برضوو عرفوها من المدمنين دول بنفسهم..
وبعدين الأخت الي قالت إني فخور إني بديهم للصنايعي أو لأمين الشرطه..
طيب دي حد يرد عليها يا جماعه.جربي مره يا استاذه تتسحب رخصك او تتعملك مخالفه عكس سير( رزاله من امين الشرطه) وشوفي هتعملي ايه.؟؟؟
أو الصنايعي يفضل راكنك جمبه عشان يعملك شغلانه في عربيتك؟؟؟
انا اعرف واحد صاحبي خلص عربيته سمكره ودوكو في 48 ساعه بس.عشان كان واعد الصنايعيه بشريطين.؟؟؟شفتوا بقا
أو جربي تقفي في طابور عشان تخلصي ورق أو رخصه أو أي مصلحه حكوميه,طلعي الشريط ده وشوفي هيعمل ايه؟؟
وبالذات لما يعرفوا انك صيدلي ويتعمدوا يأخروك بالقصد عشان يطلبوا منك وانت تضطر تجيب لهم غصب عنك عشان تخلص.
وبعدين الحاجات دي أنا مش ببيعها لحد أو بعمل خدمه للمدمنين -زي مابعض الاعضاء علقوا على موضوعي-
أنا كان هدفي اوريكم مشكله موجوده في مجتمعنا -الواضح من ردود بعض الاعضاء-ا محدش يعرف حاجه عنها نهائي

.
.
.
والي كان بيقول ربنا يخليك للمدمنين
عذراً
ده يا اما مفهمش انا قصدي ايه من الموضوع..أو يا إما غير واعي لكلامه
أنا قلت إني بتخانق معاهم بشكل شبه يومي
ولو كنت ببيع الحاجت دي..كان زماني راكب الفئه السابعه دلوقتي
وبعدين اي حد بيعرف يعرف حاجه
يدخل على ال google search
محدش حاجه اليومين دول بتستخبا على حد
وانا مش فاهم أنا ليه موضوعي إتفهم غلط بالشكل ده

[A7MED_PHARMA]

يعني هقولكم مثلا
أنا اشتريت عربيتي بترخيص سير مؤقت..رحت المرور من يومين عشان اجيب الرخصه بدل الترخيص المؤقت
المفروص انك هتعمل ايه بالظبط
*تروح لموظف يديك ورقه تروح تدفع بيها مبلغ 10 جنيه في الخزنه
* تاخد ورقه من الخزنه انك دفعت الـ 10 جنيه ..وتديها للموظف
*الموظف يقولك روح عند شباك الكمبيوتر استلمها بعد 10 دقايق




انا عملت الحاجات دي من 9 صباحا - لحد الساعه 2 ظهرا
والله العظيم د حصلي
5 ساعات مش عارف انا متأخر ليه ومش فاهم فيهم
للأسف مكنش معايا اي ادويه من دي..للأسف..كان زماني رحت الساعه 9 , خلصت 9,10

والموضوع مفيش فيه اي افتخار باني بدي عسكري المرور أو الصنايعي
بس الواحد بيكون مضطر..عشان يخلص
وبعدين امناء الشرطه ده مصدر رزقهم الوحييعني انا اعرف امناء شرطه بتيجي عاوزه تبيعلي الحاجات دي في الصيدليه
بقولهم جبتوه منين..بيمسكوه في حملات المباحث


انا بحاول انقل لكم صوره من واقع موجود

[Terrible_DaRsH]

و الله يا باشا المبادىء مبتتجزاش .

و لو كل مرة عملت كده يبقي انت بتساهم فى فساد البلد دى زيادة ..

لو كل واحد عمل كده و الله الناس الكويسة هتختفى , يبقي واحد فاسد و مدمن و انا اروح اساعده علشان يخلص لى مصلحتى .

انا عندى ارضي بابتلاء ربنا بالبلد دى و لا انى اساهم فى الفساد .