ادويه بتعمل دماغ..حكاوي ومغامرات أخوكم الصيدلي ( أنا )

[A7MED_PHARMA]

مساهمه في الفساد؟؟؟
المزلقان بتاع ميت غمر ..الناس كلها بتروح فيه في الاتجاهين رايح جاي من زمان..وكل أهل ميت غمر عارفين كده
مع إن مكتوب عليه بافطه متشغبط عليها ومكتوب بخد صعب انك تقرا إنه إتجاه واحد
أنا من كام سنه بعدي عليه في الاتجاهين..أول مره عرفت إنه إتجاه واحد..كان لما عسكري مرور واقف مستخبي بيصطاد العربيات الملاكي( وسايب بتوع الاجره والميكروباص)
مسكني ...وكان هيعملي مخالفه سير عكس الاتجاه
أروح بقا يتعملي قضيه ..وأدفع 1500 جنيه..على خطأ أنا مليش ذنب فيه
ةلا أدفع رشوه فوريه للعسكري ..ماتقلش عن الـ 300 جنيه
ولا أعمل إيه بالظبط.؟؟
قولي يا استاذنا أعمل أيه ساعتها..أقول للعسكري أنا راجل صاحب مبدء
دفعني الـ 1500 جنيه واعملي قضيه
وبعدين أنا أكيد مش بكون فرحان أو سعيد وأنا بعمل كده
إنت في مصر
وأنا عند مبدئي..انا مش هساهم في ضرر لأي حد بإرادتي...او استفيد ماديا من ادويه مخدره

لكن متقوليش ..أنك تكون ماشي في امان الله..تلاقي نفسك هيتعملك قضيه ,وتدفع فلوس انت تعبان فيها.. ويكون في ايدك حل لها..ومتعملوش
ومتقوليش - انك مثلا - عمرك مادفعت اي مبلغ على سبيل رشوه أو على سبيل الهديه..لأي حد

ومش عاوزك تتخيل اني مبسوط بالوضع المقرف الي وصلنا ليه في كل حته في بدلنا.
لكن صعب انك تعيش ملاك وسط شياطين

وبشكر جدا الإدراه إنها سمحت بتداول الموضوع بين الأعضاء
وبالنسبه للتركيبات الي سبق حذفها
والله ماكان قصدي منها أي ضرر..الي عاوز يعرف حاجه من النت بيعرفها.ولا إيه؟؟

[adel1414]

مساهمه في الفساد؟؟؟
المزلقان بتاع ميت غمر ..الناس كلها بتروح فيه في الاتجاهين رايح جاي من زمان..وكل أهل ميت غمر عارفين كده
مع إن مكتوب عليه بافطه متشغبط عليها ومكتوب بخد صعب انك تقرا إنه إتجاه واحد
أنا من كام سنه بعدي عليه في الاتجاهين..أول مره عرفت إنه إتجاه واحد..كان لما عسكري مرور واقف مستخبي بيصطاد العربيات الملاكي( وسايب بتوع الاجره والميكروباص)
مسكني ...وكان هيعملي مخالفه سير عكس الاتجاه
أروح بقا يتعملي قضيه ..وأدفع 1500 جنيه..على خطأ أنا مليش ذنب فيه
ةلا أدفع رشوه فوريه للعسكري ..ماتقلش عن الـ 300 جنيه
ولا أعمل إيه بالظبط.؟؟
قولي يا استاذنا أعمل أيه ساعتها..أقول للعسكري أنا راجل صاحب مبدء
دفعني الـ 1500 جنيه واعملي قضيه
وبعدين أنا أكيد مش بكون فرحان أو سعيد وأنا بعمل كده
إنت في مصر
وأنا عند مبدئي..انا مش هساهم في ضرر لأي حد بإرادتي...او استفيد ماديا من ادويه مخدره

لكن متقوليش ..أنك تكون ماشي في امان الله..تلاقي نفسك هيتعملك قضيه ,وتدفع فلوس انت تعبان فيها.. ويكون في ايدك حل لها..ومتعملوش
ومتقوليش - انك مثلا - عمرك مادفعت اي مبلغ على سبيل رشوه أو على سبيل الهديه..لأي حد

ومش عاوزك تتخيل اني مبسوط بالوضع المقرف الي وصلنا ليه في كل حته في بدلنا.
لكن صعب انك تعيش ملاك وسط شياطين

وبشكر جدا الإدراه إنها سمحت بتداول الموضوع بين الأعضاء
وبالنسبه للتركيبات الي سبق حذفها
والله ماكان قصدي منها أي ضرر..الي عاوز يعرف حاجه من النت بيعرفها.ولا إيه؟؟

انا متفق مع حضرتك جداااااااااااااااااااااااااااااااا لانى متاكد من حجم السوء اللى وصلنالة وخاصة فى الموضوع دة اللى شمل جميع الفئات مبقاش مقتصر على واحد ببشلة ولا مسجل .

[nab!l]

صاحب الموضوع جاب لنفسه وجع الدماغ

[A7MED_PHARMA]

و الله يا باشا المبادىء مبتتجزاش .

و لو كل مرة عملت كده يبقي انت بتساهم فى فساد البلد دى زيادة ..

لو كل واحد عمل كده و الله الناس الكويسة هتختفى , يبقي واحد فاسد و مدمن و انا اروح اساعده علشان يخلص لى مصلحتى .

انا عندى ارضي بابتلاء ربنا بالبلد دى و لا انى اساهم فى الفساد .

طيب قولي
في موقف زي بتاع المزلقان ده
المفروض - كراحل صاحب مبادئ-
تعمل ايه
هتديله رخصتك
يدفعك 1500 جنيه وقضيه
وتروح تجيب محامي
وترفع قضيه ع الحكومه انها محطتش يافطه واضحه ع المزلقان
وتطالب بحقك في ساحات القضاء
وتطالب باسترداد قيمه الغرامه الي دفعتها
وطبعا ده كله من جيبك ووقتك
وطبعا مش هتاخد حقك وهيقولولك حط راسك في الباكابورت
.................................................. .........
موقف زي بتاع امين الشرطه
تلاقي معمول ليك مخالفه على حاجه عبيطه ..زي سبحه في المرايه او كلمه كاتبها على عربيتك..او بادج مهنتك
المفروض تعمل ايه
تدفع قيمه الغرامه
وتجيب محامي
وتروح ترفع قضيه ع الحكومه بتعديل قانون المرور لعدم جديه اسباب المخالفات
وتطالب باسترداد قيمه المخالفه
وطبعا ده كله من فلوسك ومن وقتك..وبرضووو هيتقالك " حط راسك في الباكابورت"

................................
ولما موظف معطل مصالحك ..عشان مكسل يقوم يخلصلك ورقه ويعمل شغله الي بيقبض عليه فلوس
المفروض برضوو
تجيب محامي
وتروح ترفع قضيه ع المصلحه أو الوزاره
وتتهمهم بتعطيل مصالح المواطنين ..او تتهمهم بطلب رشوه
وبرضووو مش هتلاقي قدامك غير الباكابورت



.
إنت في مصر يا محترم
ودي مش دعوه مني للسلبيه ..بس دي دعوه للواقعيه
وده رأي شخصي طبعا

[msobhy]

احب اقول لحضرتك انك ساهمت بشكل بالغ الفاعلية فى زيادة الاحباط اللى عندى بسبب مصر والمصريين
.
.
.
أحب اقول لحضرتك على موقف حصل لى وكان زى الزفت - واحده قريبتى تعبت بشكل مفزع وكان عندها الم فى اسفل الظهر بشكل مفزع - الست ديه بطبعها هادئة جدا جدا جدا - تخيل واحده شبه بتصوت فى الشارع من كتر الالم - دخلنا اقرب مركز طبى الدكتور قال شوية كلام (طبعا مكنتش معاهم) وأخدت مهدئ بسيط والدكتور قال انها لازم تاخد مسكن قوى مرتين واخدنا اسم الدواء
تخيل حضرتك من الساعة 1:00 بعد نص الليل لغاية الساعة 3:30 واحده معاك فى العربية وبتلف بيها ومش لاقى المسكن ده
وكل صيدلى اسأله على بديل يقول مفيش ودور فى الاجزخانه الفلانية
طبعا انا اكتشفت ان الموضوع عباره عن تطريقة
فى النهاية دخلت صيدليه انا ووالدتى وزوج قريبتى واخدنا الصيدلى من جوه الصيدليه وخرجناه بره وورناه الحالة اللى شبه بتموت علشان يدينى الدواء - طبعا الباشا باع لنى امبول واحد فقط ومرضيش يبيع لنا الجرعة التانية وقال تيجى تاخدها بنفسها - فعلا كنت هاقتل اهله ساعتها لكن الباشا قال ان الحقن ديه تعتبر فعلا مخدرات وممنوع خروجها حتى بالروشته - الحمد لله ربنا وفقنى واحد صاحبى صيدلى تانى يوم كان جاب لى الحقنة اللى فاضلة وان كان هو نفسه كان شاكك فى انى باكلمه الساعة 8 صباحا وبقوله عايز حقنة نازلة جدول

ايه رأى حضرتك بقى فى كل اللى حصل بسبب المدمنين وبسبب اللى بيساعدوهم
انا مش بالوم على حضرتك لأنك جزء من المنظومة المصرية
لكن انا بلوم على نفسى انى للأسف جزء من المنظومة ديه

[human]

يا حبيبتى يا مصر

[shady_hamdy]

اانتوا لية عاوزين الموضوع يتحذف دة واقع عايشين فية 80% من الشباب بيضربوا دة الواقع

[shady_hamdy]

الناس الى معترضة على الموضوع تيقى سلبية دة و اقع كبير جدا فى كل حتة انا بخلص صيانة عربيتى بشريط بدون ما ادفع مليلم

[I.S.L.A.M]

احنا فى زمن المسخ

[A7MED_PHARMA]

لازم تعذر الصيادله الي مارضيوش يدولك
التفتيشات الصيدليه بييجوا يطلعوا عين اهل الصيادله ..ومحاضر شرطه وقواضي بتعملها اداره الصيدله للصياده المخالفين وبتوصل لحد الغاء ترخيص الصيدليه
واداره الصيدله دي ملهاش أي حل..ولو ابوك وزير الصحه نفسه

والتفتيش الصيدلي الي بينزل ع الصيدليات بيكون صعب
لدرجه ان التفتيش لو نزل..الصيادله بيعرفوا بعض عشان الكل يقفل
اصلهم بيتلككوا على الهوا
.................................................. ..............
وبعدين المدمنين بيعملوا البدع عشان ياخدوا الحاجه دي من الصيدليه
يعني مثلا في واحد ( شمام) بيجي كل يوم عاوز ..أقوله مفيش
وكل يوم نفس الموال..الصبح وبالليل

جالي توكتوك وقف قدام الصيدليه نزلت منه ست عجوزه ومعاها واحد ( تعبان اوي) ومغطي وشه بشال ابيض.
الست دالخ تقولي " عمك الحاج يا ابني عنده تعب وعاوز حقنه ( الرامول).هيا نطقته غلط
نسيت اقول ان الراجل ده لما نزل من التوكتوك راح مرمي ع الارض ..وااااااه..وااااايه...وااااااووووه..ياقلبي ..تعبان تعبان يعني

طلعت ابص على الراجل الي صعب عليا ده وطلعت اقوله سلامتك..لقيته هوا الراجل بتاع كل يوم ييجي يسألني ع الترامادول
جي جايب مراته وتوك توك ..وجي يمثل عليا

ربنا يعينه ويشفيه من الي هوا فيه

[A7MED_PHARMA]

وللعلم ياشباب

أنا بكره الوضع الي احنا فيه..وكل يوم بيعدي عليا..بتخنق اكتر واكتر
وبتحنق اكتر اني مضطر اني اتعايش مع الوضع
لازم تدي عشان تاخد
لازم تدفع عشان تقضي مصالحك
..
ربنا يطهر قلوبنا وقلوب الناس كلها

[wahba87]

انا مرة جت واحدة غلبانة , طلبت من والدى دواء معين , وقالت ان عندها صرع

والدى بحسن نية قالى اروح اجيبه , وكنا بالليل , روحت صيدلية و سألت على الدواء ده طبعا من غير روشته وﻻ حاجة

خدتلى جرعة تهزيق ساعتها طبعا , ومكنتش مدرك ايه اللى بيحصل

الله اعلم الست دى كان عندها صرع فعلا ولا لأ

المهم يا ريت محدش يستجيب لحد يطلب منه يجيبله دواء من غير ما يكون متأكد ان الشخص فعلا محتاجه

[Dojuar]

و الله يا باشا المبادىء مبتتجزاش .

و لو كل مرة عملت كده يبقي انت بتساهم فى فساد البلد دى زيادة ..

لو كل واحد عمل كده و الله الناس الكويسة هتختفى , يبقي واحد فاسد و مدمن و انا اروح اساعده علشان يخلص لى مصلحتى .

انا عندى ارضي بابتلاء ربنا بالبلد دى و لا انى اساهم فى الفساد .

1+

احب اقول لحضرتك انك ساهمت بشكل بالغ الفاعلية فى زيادة الاحباط اللى عندى بسبب مصر والمصريين
.
.
.
أحب اقول لحضرتك على موقف حصل لى وكان زى الزفت - واحده قريبتى تعبت بشكل مفزع وكان عندها الم فى اسفل الظهر بشكل مفزع - الست ديه بطبعها هادئة جدا جدا جدا - تخيل واحده شبه بتصوت فى الشارع من كتر الالم - دخلنا اقرب مركز طبى الدكتور قال شوية كلام (طبعا مكنتش معاهم) وأخدت مهدئ بسيط والدكتور قال انها لازم تاخد مسكن قوى مرتين واخدنا اسم الدواء
تخيل حضرتك من الساعة 1:00 بعد نص الليل لغاية الساعة 3:30 واحده معاك فى العربية وبتلف بيها ومش لاقى المسكن ده
وكل صيدلى اسأله على بديل يقول مفيش ودور فى الاجزخانه الفلانية
طبعا انا اكتشفت ان الموضوع عباره عن تطريقة
فى النهاية دخلت صيدليه انا ووالدتى وزوج قريبتى واخدنا الصيدلى من جوه الصيدليه وخرجناه بره وورناه الحالة اللى شبه بتموت علشان يدينى الدواء - طبعا الباشا باع لنى امبول واحد فقط ومرضيش يبيع لنا الجرعة التانية وقال تيجى تاخدها بنفسها - فعلا كنت هاقتل اهله ساعتها لكن الباشا قال ان الحقن ديه تعتبر فعلا مخدرات وممنوع خروجها حتى بالروشته - الحمد لله ربنا وفقنى واحد صاحبى صيدلى تانى يوم كان جاب لى الحقنة اللى فاضلة وان كان هو نفسه كان شاكك فى انى باكلمه الساعة 8 صباحا وبقوله عايز حقنة نازلة جدول

ايه رأى حضرتك بقى فى كل اللى حصل بسبب المدمنين وبسبب اللى بيساعدوهم
انا مش بالوم على حضرتك لأنك جزء من المنظومة المصرية
لكن انا بلوم على نفسى انى للأسف جزء من المنظومة ديه

1+

وللعلم ياشباب

أنا بكره الوضع الي احنا فيه..وكل يوم بيعدي عليا..بتخنق اكتر واكتر
وبتحنق اكتر اني مضطر اني اتعايش مع الوضع
لازم تدي عشان تاخد
لازم تدفع عشان تقضي مصالحك
..
ربنا يطهر قلوبنا وقلوب الناس كلها

لم تظهر اي ندم في اول البوست بل بالعكس اللي يقرا موضوعك يشعر انك بتتفاخر!!

انا هاديك مثل بس بعيد عن الموضوع:

"مرة يسأل والدتي عن حد فقير عشان اتصدقله قالتلي فلان بس متدوش فلوس عشان ممكن يجيب بيها سجاير... بس هات بيها اكل او تموين احسنله و لبيته"

[A7MED_PHARMA]

مش ندم
ده سخط على وضع انت متضطر تعيش معاه
وبخلاف الادويه دي
المصريين كلهم لازم يدفعوا حاجه للعسكري او الموظف او العامل او .. ..او .....
عشان دفع الضرر الي ممكن يحصلك منه.
انا عارف ان الموظفين بياخدوه لغرض الجنس
والصنايعيه بياخدوه لغرض السهر والشغل

انا مش بديله حشيش او مخدرات ( بالمعنى المعروف)
وبرضوو مش بقول انه صح.لكن بينطلب منك لما يتعرف انك صيدلي..وبينطلب بالاسم .ومش بيرضوا ياخدوا فلوس كمان..لا..لازم البتاع ده

وعاوزك تعرف حاجه
روح شوف اي حد بيطلع رخصه جديده .. أو رخصته اتسحبت
هتلاقيه بيدور على شريط عشان يروح يجيب رخصته المسحوبه أو يطلع رخصه


عارف انت في السجن( زي مابنشوف في الافلام) تلاقي العمله الي بيتم تداولها بين المساجين ..هي السجاير
وهوا ده العمله الجديده بين الناس الايام دي

ووالله ..انا لما بديه لحد ..مش بكون فرحان اني بديله بلاوي زرقا زي دي

بس انا قلت وبقول- المضطر يركب الصعب-
وانا حكيت مواقف كتير

[viper911s]

يا استاذ احمد فارما انت كلامك صح وللاسف
انتى الى تقصدة اظهار حاجة ناس كتير مش شايفاها (جزى من عالم الليل)
احنا اسؤا بكتيييييييييييييييييييييير اوى ووصلنا للاسؤ
احيك على صراحتك انا بأيدك الاغلب يعرف التركيبات دى دى بقت معلومات عامة
يارب نجينا كفاية كلام الواحد لو قال الى بيشوفة هتكرهوها اكتر بكتيييييييييييييييييييييير