حاسس بضيق يخنقني

[Nile_Storm]

انا مش عارف انا بكتب ايه
بس قلت افضفض بجد هطق هتجنن
حاسس ان فيه حاجه غلط
ياجماعه حاسس ان ربنا غضبان عليا و مش عارف اعمل ايه
الشعور ده هيجننني و راعبني و الامور عندي من سئ لاسؤا
مهما تفانيت في عملي الاقي الفشل ادامي برضه
اللهم لا اعتراض طبعا
اتخنأت تعبت
حاسس ان الدنيا ضاقت عليا اوووووووووووي
معلش سامحوني حبيت افضفض هنا شويه
سامحوني

[ahmad--ezzat]

وحد ربنا ياباشا...اكيد مشاكل مع اصحابك
هو حضرتك بتصلى؟

[Nile_Storm]

وحد ربنا ياباشا...اكيد مشاكل مع اصحابك
هو حضرتك بتصلى؟

الحمد لله

لأ
مشاكل مع الاهل و في الدراسه
احباطات بلا اخر
لو اصحاب مكنتش هتضايق كده يعني

[NoRmAl]

معلش ولا يهمك
صلى دايما وادعى كتير وان شاء الله ربنا يفك كربك
احساسك ان ربنا غضبان عليك اكيد نابع من جواك بأنك بتعمل حاجه غلط
لو كده
حاول تبطلها...تصلحها...تواجها
كمان مش لازم كمان المشاكل تتحل فى يوم وليله
ولكن احساسك انك فى مرحله التغير والمواجهه وانك عايز تصلح الامور
هيريحك نفسيا
من نحيتى انا هدعيلك من كل قلبى
وربنا يوفقك ويرضى عنك

[مؤمنة]

ليه بس كده ربنا سبحانه وتعالى كريم قوى قوى ورحيم بينا اياك والياس من حل امورك مهما كانت المشكله حاول انك تبسطها علشان تقدر تحلها لانك طول ما انت مكبرها قوى عمرك ماهتعرف تحلها
اكثر دايما من الصلاه على حبيبى وحبيبنا رسول الله (ص)والاستغفار
صلى كتير وادعى والح فى الدعاء وربنا يفك كربك

[Mohamed.Ramah]

استعيذ بالله من الشيطان الرجيم وحاول تركز تفكير فى صلاتك وواظب على قراءة القران حاول تغير من مودك علشان متملش حاول تغير جو وفكر بهدوء انت عاوز اية شوف حد بترتاحلة واتكلم معاة شاركة برايك واكيد باذن الله ربنا يفرج كربة عنك ويشيل الغمة من صدرك ان مع العسر يسر حاول متباقش حاطط فى تفكيرة ان كل حاجة وحشة والدنيا مقفلة اعمل اللى عليك والباقى على الله وحاول متنفعلش بسرعة وامسك نفسك ومتزعلش من اقل كلمة سواء فى البيت الشغل الشارع الدنيا مش مستهلة انا عارف ومجرب لما بيبقى الواحد مخنوق بيتصرف ازاى صدقنى متخليش الشيطان يغلبك ويسيطر على تفكير ان كل حاجة وحشة وطول اما انت حاطط فى تفكيرك منا مهما عملت حيحصل اية النتيجة واحدة دة غلط وربنا غفور رحيم يغفر لعبادة التوابين حاول تستغفر ربنا وتعمل اللى بقلك علية صدقنى حالك حيتغير وتفكيرك حيهدى وحيقل الملل والشعور بالخنقة

[أبو عبدالله]

{ وَمَنْ أعْرَضَ عَنْ ذِكْرِي فإنَّ لَهُ مَعِيشَةً ضَنْكاً }

يبقى الحل تعمل ايه
تقوم تتوضأ وتصلي على أد ما تقدر ان شاء الله
ويبقى كده طلعت من الاعراض عن الذكر
وان شاء الله خير

[محمد جلال]

{ وَمَنْ أعْرَضَ عَنْ ذِكْرِي فإنَّ لَهُ مَعِيشَةً ضَنْكاً }

يبقى الحل تعمل ايه
تقوم تتوضأ وتصلي على أد ما تقدر ان شاء الله
ويبقى كده طلعت من الاعراض عن الذكر
وان شاء الله خير

كلام فى الجول ويا سلام لو تصلى فى المسجد ليها طعم تانى وجرب الاحساس ده هتنسى الدنيا والمشاكل لانك فى بيت ورحاب الله بلا اى حواجز فانصحك بالصلاة فى المسجد وربنا يفرج همك ويهدينا جميعاً .

[SeiffoZ]

انا زيك بالضبط .. بس الفرق إنى بقيت عصبى زيادة و بقيت أتعصب على أى حد ...

بس بحاول أهدى الموضوع حبتين ...

دواء Tritico 50 ml ... ده مهدئ طبيعى و مضاد للإكتئاب ... بس مش لحالات الإكتئاب المرضية .... ده خفيف بيساعد على النوم بعمق ...

أنا بأخده و حاسس إنه مش بيأثر بس بيخليك تنام بعمق و تبقى ظاحسن ...

[Abdo_Eldesokey]

{ وَمَنْ أعْرَضَ عَنْ ذِكْرِي فإنَّ لَهُ مَعِيشَةً ضَنْكاً }

يبقى الحل تعمل ايه
تقوم تتوضأ وتصلي على أد ما تقدر ان شاء الله
ويبقى كده طلعت من الاعراض عن الذكر
وان شاء الله خير

ربنا يباركلك يا أبو عبد الله

أنا كل ما ألاقي نفسي مخنوق بفتكر الآية دي .. بستريح على طول

لأني بعرف إن أنا السبب في أي ضيق يحصلي بسبب ذنب أذنبته

نفسي الآية دي تبقى قدام كل واحد طول يومه ... بجد هتفرق كتير

[khpopo]

الاستغفار ..........
ربنا يعفو

[bmya]

لا اله الا انت سبحانك اني كنت من الظالمين

[sarah5]

استمر في الدعاء والصلاة وحتي لو دعيت وصليت وفضلت كده متزعلش لان هتلاقي فجأة ربنا فرجها لأن ربنا ليه حكمته في كل حاجة وحاول تسمع قراءن كتير وتشغله دايما وكمان مهم تبعد نفسك عن المشاكل لو مش قادر تحلها يبقي متزودهاش وان شاء الله ربنا هيكرمك ويساعدك

[magomago]

لا تنسى الصدقه

[نور القمر]

ربنا يفك كربك يا نايل
انت اكيد الامتحانات موتراك زيادة الفترة دي
واللي يبقه حاسس بغضب من ربنا ده دليل على انه انسان كويس وقريب من ربنا وطامع يكون افضل
الصلاة والدعاء والصدقة