استشارة قانونية هامة

[نور القمر]

تمام كدة والله كلامك ريحني جدا متتخيلش كمية القلق اللي كنت فيها احب اطمن بس حضرتك محامي مش كدة ؟؟
بالنسبة لصحة التوقيع هل المحكمة ممكن تستدعي كل الاطراف المشتركة في العقد؟؟
لان في الحالة دي العمة دي هترفض تروح وهل لو رفضت في الزام ليها من المحكمة انها تروح ؟

[ezzatfox]

شوفى يا نور عشان تعملى صحة التوقيع هتشوفى اى محامى تعرفية مش مهم يكون كبير و خبرة و الكلام دة .. لانها قضية سهلة جدا و مش محتاجة خبرة كبيرة .
حضرتك هتعملى للمحامى توكيل عام فى القضايا فى الشهر العقارى و هو هيبتدى فى الاجراءات اللى هى كالاتى :
1- هيكتب صحيفة الدعوى و هيختصم فيها كل الورثة اللى موقعين على العقد .
2- رفع الدعوى امام المحكمة المختصة و تحديد اول جلسة .
3- اعلان الخصوم فى الدعوى .
و فى اول جلسة بعد اعلان الخصوم .. لو حضروا الجلسة مفيش مشكلة .. لو فى حد محضرش او كلهم محضروش هنا بيبقى فية حالتين لو الاعلان تم لشخص الخصم نفسة و مع ذلك محضرش القاضى بيعتبرة حضر .. لكن لو الاعلان تم اداريا ( المعلن الية مكانش موجود و تم ارسال صورة لية عن طريق القسم ) يتم تكليف المدعى باعادة اعلانه مرة اخرى مع تحديد جلسة ثانية .. و لو محضروش الجلسة التانية بردة بيتم الفصل فى الدعوى اى الحكم فيها و يعتبر الحكم صدر فى مواجهتهم لانة تم اعلانهم مرتين و مع ذلك امتنعوا عن الحضور .
المهم سيبك من الكلام دة كلة عشان ممكن فى حاجات مش هتفهميها قوى .. الخلاصة انة حتى لو محضرتش او امتنعت عن الحضور بيعتبر الحكم صادر فى مواجهتها و ممكن حضرتك بعد القضية ما تخلص و يتحكم فيها تعلنيها بالحكم كمان على يد محضر و لو مستأنفتش الحكم خلال 40 يوم هيبقى الحكم حاز قوة الامر المقضى يعنى حكم نهائى لا يجوز الطعن علية بعد كدة باى حال من الاحوال .
يا رب اكون افدتك .. و متقلقيش من حاجة

[dr-mohamed]

طيب كنتي اسئلي يا نور اعتقد انك كنتي في المقابلة بتاعة كارفور
عامة حصل خير

بالنسبة للسؤال الاول .. فا حضرتك ممكن ترفعي دعوى صحة توقيع وهتاخدي حكم ليكي لو العقد صحيح .. اما عن السؤال التاني فيحب ان يكون العقدين نسخة طبق الاصل .. ويستحسن ان المشكلة تحل وديا افضل من المحاكم وخلافه

اتضح في النهاية انه ليس عقد بيع ولكن عقد قسمة تركة فبالتالي كلام حضرتك اصبح في اتجاه اخر وده خطا نور لانه لم توضح من البداية
اما بخصوص العقدين فلا يشترط ان يكونا طبق الاصل ما دام الطرف الاخر سيقر بتوقيعه او سيرفض الحضور للمحكمة لان المحكمة في هذه الحالة ستحكم ضده

دلوقت استفسار من ghost2 يعني ايه (( ترفعي دعوى صحة توقيع وهتاخدي حكم ليكي لو العقد صحيح ))
مهو صحيح وهي ماضية قدام باقي اخواتها يعني يعتبروا شهود على العقد
يعني انا مش فاهمة هل في حاجة قانونية تخليه غير صحيح
دي نقطة
نقطة تاني هل رفع الدعوى لازم في محكمة في نفس المحافظة ولا ينفع في اي مكان
وعلى اي اساس المحكمة تحكم بصحة التوقيع ؟

اما بالنسبة للقطعة التانية من الارض لسه محصلش مشاكل عليها لكن انا مستبعدش ان ممكن حاجة تحصل في المستقبل منها هي بالذات وموضوع الحل الودي مش ينفع معاها نهائي هي كل همها تطلع كسبانة على د متقدر حتى لو مش حقها وربنا يستر وحسبي الله ونعم الوكيل

فيه حاجات كتير جدا يا نور تخلي عقد البيع الابتدائي غير صحيح وده مش محلها
والمحكمة بتحكم بصحة التوقيع فياي عقد بانها في اول جلسة بتاجل الدعوي لحين اعادة اعلان المدعي عليها فاذا تم اعلانه بطريقة صحيحة ولم يحضر للمرة الثانية فالمحكمة بتحكم ضده

بصى يا استاذه انا عايش تقريبا فى مشكله شبيهه للمشكله دى لدرجه انى اخذت اجازه من الشغل للتفرغ للموضوع ده وباين من كلامك انكوا مش هاتستخدموا الارض حاليا
مشكله الاراضى دى هو الاهمال (الاهمال هو اللى بيضيعها ) مش هاتقدرى تبنيها او مش هاتستغليها او مش محتاجه منها شيىء حاليا عليكى والتخلص منها فورا وباقصى سرعه بيعى الارض وريحى دماغك
وشروط البيع هو انك تعرفى سعر الارض فى المنطقه دى متراوح مابين كام وكام وتعرضى الارض على اقرب ناس ليكى بسعر اقل وتريحى دمغك وبالطريقه دى مش هايضيع حقك وحق اخواتك ياعنى لو سعر المتر بيعمل مثلا 1000ج ممكن تبيعها لعمك او احد عماتك ب950 او 900ج للمتر وتنهى اى معاملات ماديه مع اى حد من الورثه وخصوصا من هو دون الاب والام والاخوات مافيش حاجه تانيه اسمها اقارب
انا معرفتش معنى العقارب اقصد الاقارب الا بوفاه ابى رحمه الله عليه

الموضوع مكانش مستاهل انك تاخد اجازة من الشغل توكيل محامي امين وشاطر كان كفاية بس المكشلة تجيبهم منين وهم اندر من الخل الوفي والغول والعنقاء اليومين دول
ومش كل اللاقارب عقارب يا اخي اكيد بيبقي فيه حد منهم كويس لكن طبيعة الزمن خلت محدش فاضي لحد
والبيع طبعا اتضح من كلام نور انه غير ممكن

هوا ده المفروض فعلا لكن في الحاله دي احنا امام عقد محرر بخط يد احد الورثه وموقع من جميع الورثه اذا مفيش حد من الورثه يقدر يطعن بالتزوير علي العقد لان التوقيعات سليمه وفي حالة الطعن بالتوزير وطلع العقد سليم المحكمه بتغرم الطاعن مبلغ مالي وكمان بيعطي للمدعي الحق في رفع دعوي تعويض وهما اكيد هيكونو عارفين كدا
كلامك مظبوط ان العقد المسجل اقوي شئ علشان كده انا قولت ترفع دعوي صحة ونفاذ عقد البيع وليس صحة توقيع لان دعوي صحة ونفاذ بيكون الخصم فيها الاطراف الموقعه علي العقد ويختصم فيها الشهر العقاري علشان كده بيكون العقد مسجل . طبعا كلامي بطريقه مبسطه علشان محدش يغلطني
طبعا الحل الودي اقصر الطرق تماما لكن احيانا بنجبر للجوء للقضاء . طبعا دعوي صحة التوقيع بتحكم فيها المحكمه بعد اعلان المدعي عليه بقبول الدعوي لكن هي دعوي ضعيفه جدا بس بنلجا ليها في الامور العاديه لكن هي طبعا بتكون قويه لو حضر المدعي عليه واقر امام المحكمه بصحة التوقيع اما في الحاله المعروضه اعتقد الاطراف مش هيحضرو للمحكمه للاقرار

ومين يقدر يغلطك يا استاذ سامح كلامك صح طبعا
لكن مصاريف دعوي الصحة والنفاذ كبيرة خاصة مع اتضاح كبر المساحة واعتقد ان ظروف نور لا تسمح بتحملها بجانب اتعاب المحامي فالافضل صحة توقيع لان المصاريف القضائسية اقل فيها

فكرة البيع مستبعدة تماما لاسباب كتير
اولها انها مساحات كتيرة ومحدش عايز يشتري الكل محتاج سيولة
ثانيا انها كل ما نملك وفي منها مباني وفي منها قرب يدخل كردون المباني وبالتالي بيعها بخسارة علينا وقيمة الارض عموما بتتزايد مع الزمن
ده غير انها مش مهملة احنا بنأجرها لفلاحين بيزرعوها
ده المنطق والشرع اللي اتطبق منه الجزء اللي على هواهم بس
يعني لما تيته وصت بوصية لصالح عمي وتراجعت فيها قبل وفاتها وقالت استفتوا الشرع رفضوا فتاوي الازهر واصروا على تنفيذها ولما بابا وصى بوصية لصالحنا رفضوا تنفيذها مع انه وصاهم كلهم
لكن اقولك ان ربنا بالمرصاد والكوارث المادية بدأت تظهر بوادرها على من ظلمنا
شكرا لك
بس ده مش عقد بيع
عقد البيع المفروض فيه طرف بائع وطرف مشتري
لكن صيغة العقد كانت فيما معناها انها توزيع لميراث كل من الجدة والاب
يعني احنا لتسهيل وتبسيط العقد اخدنا نتائج توزيع ميراث تيتة وبابا الاجمالية لكل فرد بدون الدخول في التفاصيل اد ايه من بابا واد ايه من تيته

نور
ادامكم حل من اتنين:
1- رفع دعوي لطلب اعلان الوراثة للجدة وللاب وطلب دعوي فرز وتجنيب لتقسم الميراث وفق الشريعة الاسلامية وافراز وتجنيب نصيب كل وارث و ده ينهي كل المشاكل بتاعتكم ويعاد تقسيم لاتركة من جديد خاصة لو كان العقد اللى عملتوه غير صحيح من الناحية الشرعية في تحديد الانصبة
اما ان تيتة وبابا عملوا وصية فالوصية لاشفوية لا يعتد بها القانون الا اذا اقر بها جميع الورثة وبالتالى اعمامك وعماتك لن يقروا بها يبقي نسيبنا منها خالص
2- رفع دعوي صحة توقيع ضد الاعمام والعمات لاثبات ما جاء بالعقد اللى تم توقيعه فاذا حضروا اول جلسة وطعنوا بالتزوير في توقيعاتهم تحال الدعوي لخبير وفي حالة ثبوت صحة التوقيع تحكم المحكمة لصالحكم ويتم تغريم من طعن بالتزوير
وفي حالة اقرارهم للعقد تصدر المحكمة حكمها بصحة توقيعاتهم ويصبح العقد بما فيه حجة عليهم
لكن خدي بالك عليهم هما فقط وليس على الغير بمعني ان ممكن حد منهم يبيع اكتر من نصيبه للغير حسن النية ولن تستطيعوا ان تفعلوا شئ للغير سوي الحصول على تمن نصيبكم واكيد هايبقي اقل من التمن الحقيقي
وفي حالة عدم حضورهم نهائي سيتم التاجيل لاعادة اعلانهم وفي حالة عدم حضورهم تانى جلسة يحكم بصحة توقيعهم

اللى فهمتة انة تم عمل عقد قسمة اتفاقى بين الورثة لتوزيع التركة .. و احد الورثة رجع فى كلامة و طمعان فى حاجة زيادة او مكان اميز ... تمام كدة
طالما ان تم تحرير عقد القسمة و تم التوقيع علية من الورثة بارادتهم و كامل اهليتهم يصبح العقد ملزما لهم و لا يجوز تراجع احد الاطراف عنة بارادتة المنفردة .
و ممكن حضرتك ترفعى دعوى صحة توقيع لهذا العقد لاثبات صحة توقيع الورثة و ضمان عدم تمكنهم مستقبلا من الطعن على توقيعهم و يمكن رفعها امام المحكمة الجزئية الموجود بها موطن المدعى علية و هى اجرائتها بسيطة و غير مكلفة .
بالنسبة لاختلاف نسخ العقد .. زى ما استاذ سامح تفضل و قال .. مفيش اى مشكلة .. لان البند مكتوب بخط احد الورثة و تم التوقيع منهم بما يفيد موافقتهم و علمهم بوجود هذا البند المضاف .

لو العقد مخالف للشريعة الاسلامية في تحديد انصبة الورثة يتم اللجوء للقضاء بطلب ابطال العقد وتقسيم التركة وفق الشريعة الاسلامية ولابد ان تعيد المحكمة تقسيم التركة وفق الانصبة الشرعية لان احكام الميراث من الشريعة الاسلامية وبالتالى من النظام العام ولا يجوز للافراد الاتفاق على مخالفتها

تمام كدة والله كلامك ريحني جدا متتخيلش كمية القلق اللي كنت فيها احب اطمن بس حضرتك محامي مش كدة ؟؟
بالنسبة لصحة التوقيع هل المحكمة ممكن تستدعي كل الاطراف المشتركة في العقد؟؟
لان في الحالة دي العمة دي هترفض تروح وهل لو رفضت في الزام ليها من المحكمة انها تروح ؟

المحامي بتاعكم هو اللى بيرفع الدعوي وبيعمل اعلان لكل الورثة الاخرين المدعي عليهم وفي اول جلسة لو محضروش القاضي بياجل الدعوي لجلسة تالية لحين اعادة الاعلان فاذا لم يحضروا الجلسة التانية القاضي بيحكم بصحة التوقيع وتنتهي الدعوي

[tamertamer]

هوا ده المفروض فعلا لكن في الحاله دي احنا امام عقد محرر بخط يد احد الورثه وموقع من جميع الورثه اذا مفيش حد من الورثه يقدر يطعن بالتزوير علي العقد لان التوقيعات سليمه وفي حالة الطعن بالتوزير وطلع العقد سليم المحكمه بتغرم الطاعن مبلغ مالي وكمان بيعطي للمدعي الحق في رفع دعوي تعويض وهما اكيد هيكونو عارفين كدا


كلامك مظبوط ان العقد المسجل اقوي شئ علشان كده انا قولت ترفع دعوي صحة ونفاذ عقد البيع وليس صحة توقيع لان دعوي صحة ونفاذ بيكون الخصم فيها الاطراف الموقعه علي العقد ويختصم فيها الشهر العقاري علشان كده بيكون العقد مسجل . طبعا كلامي بطريقه مبسطه علشان محدش يغلطني



طبعا الحل الودي اقصر الطرق تماما لكن احيانا بنجبر للجوء للقضاء . طبعا دعوي صحة التوقيع بتحكم فيها المحكمه بعد اعلان المدعي عليه بقبول الدعوي لكن هي دعوي ضعيفه جدا بس بنلجا ليها في الامور العاديه لكن هي طبعا بتكون قويه لو حضر المدعي عليه واقر امام المحكمه بصحة التوقيع اما في الحاله المعروضه اعتقد الاطراف مش هيحضرو للمحكمه للاقرار

كلام سليم 100 فى 100

[نور القمر]

ايوة يا كايرو انا كنت في المقابلة مع البنات بس مكنتش عارفاك انت مين ومعرفش انك محامي ده غير ان المشاكل دي استجدت من يومين بعد ما الامور كانت هديت عموما تشرفنا والف شكر ليك

بالنسبة للجوء للمحكمة للتقسيم الشرعي كان مستحيل بالنسبة لنا لاسباب
كتير اولها اننا معرفتنا باملاك بابا وتيته شفوية تقريبية بدون اي اوراق وبابا مكنش مدي خوانة وكان واثق في اخوه
بالاضافة اننا فضلنا الحلول الودية
واحنا خلاص كنا رضينا بالتقسيم واستعوضنا ربنا وقلنا الحمد لله ربنا بارك لنا في حين ان غيرنا ربنا انتقم منه فورا واتنصب عليه في مبلغ خرافي
كدة انا الحمد لله قلبي اطمئن وان شاء الله نرفع الدعوى في اقرب وقت بس سؤال اخير هل ينفع نرفع الدعوى هنا في القاهرة ولا لازم هناك ؟؟

[dr-mohamed]

لازم هناك يا نور القمر في موطن المدعي عليه