عاوز اتجوز.............. اة عاوز اتجوز فيها حاجة ؟؟؟

[MegaDeth]

كنت فين ؟
مع مين ؟
اتأخرت ليه امبارح ؟
بتكلم مين ؟
هترعج امتى ؟
و اناشالله بقا رايح القهوه تعمل ايه ؟ متروح على البيت !
مجتش عندنا ليه امبارح ؟
انا عاوزه اخرج !


اكمل ولا .......

[egyegy]

المقصود ما يلي:

1- علمتني الحياة والتجارب خاصة في موضوع الجواز، أن يكون الكلام بحساب مع أهل مراتك، ولا تتكلم في الفاضية والمليانه، لأن هذا يقلل من قيمتك عندهم، لأنهم يتعمدوا أن يفهومك أو بمعني ادق يعرفوا مواطن القوة والضعف عندك، حتى يحددوا لبنتهم خطة التعامل معك وكيفية ترويضك، وكأنها حرب..... على الفكرة أنا زي ما قولتك الكلام من الواقع والله لو حد قاله ليا كنت دفعت نص عمري علشان أولا أسمعه وثانيا أعمل به.

2- في النهاية يكون الإحترام والتقدير ( آسف والخوف) لزوج البنت قليل الكلام ، ويكون له حساب خاص من أهل زوجته، بعكس العريس الأمور أبو دم خفيف والظريف ، في الأول الكل بيضحك والناس مبسوطة ، بس بعد كده تكتشف أنك خسرت حاجات كثيرة ربما لن تستطيع استردادها مرة أخرى.

3- حاول أن تركز على الفهم الجيد والرؤية الواضحة لخلفية هذه الناس والدوافع المشكلة لسلوكهم وبالتالي سلوك زوجة المستقبل ، ولكن الذي يحدث العكس أنك تتعب نفسك وتحاول ان تفرض شخصيتك أقصد ان تفهموهم من أنت في حين أن الأفضل أن تفهم من هم أولا.

بالبلدي أشتري بقدر المستطاع أحسن ما تبيع
لأنك بعد كده سوف تكتشف حقيقة هذه الناس ، ولكنك كنت تكدب نفسك، أو لأنك لم تعطي لنفسك الفرصة لتفهمهم

- كأنك تصف طاولة المفاوضات قبل معاهدة فيرساي، لدي قناعة بأن الله يؤتيك ثمار عملك بقدر نواياك تجاه هذا العمل، النوايا السيئة دائما مايكون حصادها مر، اما الطيبة (وليست الساذجة) فحصادها عند الله في نهاية الأمر، سواء شُكرت عليها من البشر أم تم تقريعك، قد تقول انني اعيش يوتوبيا خاصة بي، بعيدة عن الواقع الاجتماعي المهين الذي نراه ونتعامل به يوميا.
في ظني ان طريقة الخروج المثلى من دوائر الإشكاليات الإجتماعية والانهيار الأخلاقي لمجتمعنا، هي تطبيق اليوتوبيا على ارض الواقع حتى ولو بشكل جزئي.

- تحياتي لك وسعيد بالزخم الذي تحدثه تعليقاتك وآرائك في كل الموضوعات التي تشترك بها.

[R A N A]

انا حقيقي اكتئبت من الموضوع ده جدا وكل مادخل اقرا الردود الجديدة اكتئب اكتر واكتر واحمد ربنا اني متجوزتش
وبرده نفس حالة الإكتئاب بتجيلي كل ماكلم صديقة من صديقاتي المتزوجات حديثاً والبائسات حالياً وتحكيلي عن مأساتها مع جوزها واد ايه هي بتحسدني عشان لسة متجوزتش ولا شوفت الويل اللي هيا فيه.

هاقول ايه الله يسامحكوا

[ehaballam]

اة انا عاوز اتجوز

الكلمة دى قلتها مش شوية كنت انا واصحابى قاعدين على الكافتيريا بندردش وكل واحد فينا قال هوة نفسة اية والى قالة عربية دودج والى عاوز يسابق فى رالى ووووو انا قلتلتهم عاوز اتجوز كلهم ردوا برد واحد وهوة ................ مش لازم اكتبها
المهم:

لية الجواز مش عيب ولا حرام
مش غلط ولا استهتار
مش تضييع وقت ولا تتضيع فلوس

لية لما نجيب سيرة الجواز نلاقى الناس بتقول :

مش دلوقتى
دى مسؤلية
انت شكلك فاضى
يلا ياهبل انت غاوى نكد
عيش حياتك
بلاش الاستعجال
بلاش الزواج المبكر خليها على ال40 احسن
الحياة بقت صعبة اوى
اهل العروسة بيطلبوا طلبات غريبة

المهم انا لو ترجمت الكلام الى فات دة لنفسى هاقول:
دة وقتة
دى مسؤلية ممتعة بتحس فيها بقيمة الحياة
دى احسن ما اقعد فاضى
انا بحب الحياة والرومانسية
بلاش تأخير
بلاش الزواج المبكر جداااا خليها فى العشرينات
الحياة حلوة بس احنا نعمل الى علينا
اهل العروسة نفسهم يأمنوا حياة بنتهم

شفتوا الموضوع حلو ازاى امممممممم مين هنا عاوز يتجوز ؟؟؟

على فكرة الموضوع مش جرىء ولا حاجة دة موضوع ممكن يكون سابق لوقتة بس مش كتيير صح؟؟؟؟

لأني أنا راجل متجوز ... فـأنا ببص على المشاركة دي وليا تعليق واحد .....
ههههههههههههههههه
أهلا بيك .....في جملة قالها جحا الله يحرق اللي اتجوزوا قبلي ومانصحنييش ....واللي اتجوزوا بعدي وماتعظوش بيَّا....
ليه يا ابني تعمل في نفسك كده ماإنت كويس .... بس سؤال إنت عندك كام سنة .... بلاش قبل 25 واخرك 33 ...علشان ولادك يتربوا في عزك إن شاء الله .... وميبقاش الفرق في السن كبير....

[dr.amr]

انا حقيقي اكتئبت من الموضوع ده جدا وكل مادخل اقرا الردود الجديدة اكتئب اكتر واكتر واحمد ربنا اني متجوزتش
وبرده نفس حالة الإكتئاب بتجيلي كل ماكلم صديقة من صديقاتي المتزوجات حديثاً والبائسات حالياً وتحكيلي عن مأساتها مع جوزها واد ايه هي بتحسدني عشان لسة متجوزتش ولا شوفت الويل اللي هيا فيه.

هاقول ايه الله يسامحكوا

هههههههههههههه
مش للدرجه دي
الجواز لابد منها
هو القصد انك تحسني الاختيار وده بيبان من البدايات بيكون هناك مؤشرات
وتتاني لأنها غالبا بتبقي واحده في العمروانك ماتستعجليش
بس لكن ماحدش يقدر يخالف كلام الرسول اللي بيحضنا علي الزواج لو وجدنا الظروف المناسبه

[ehaballam]

- كأنك تصف طاولة المفاوضات قبل معاهدة فيرساي، لدي قناعة بأن الله يؤتيك ثمار عملك بقدر نواياك تجاه هذا العمل، النوايا السيئة دائما مايكون حصادها مر، اما الطيبة (وليست الساذجة) فحصادها عند الله في نهاية الأمر، سواء شُكرت عليها من البشر أم تم تقريعك، قد تقول انني اعيش يوتوبيا خاصة بي، بعيدة عن الواقع الاجتماعي المهين الذي نراه ونتعامل به يوميا.
في ظني ان طريقة الخروج المثلى من دوائر الإشكاليات الإجتماعية والانهيار الأخلاقي لمجتمعنا، هي تطبيق اليوتوبيا على ارض الواقع حتى ولو بشكل جزئي.

- تحياتي لك وسعيد بالزخم الذي تحدثه تعليقاتك وآرائك في كل الموضوعات التي تشترك بها.

نوايا طيبة فكرتني بنفسي من 3 سنين كده ....نصيحة في الحياة عامةً ...كن قليل الكلام ...لأن من قل كلامه كل خطاه ... وصدقني أنا لو الزمن رجع بيَّ كنت حطت لساني في بقي في مواقف كتيرة

[ehaballam]

كنت عاوز أضيف نقطة هامة متعلقة بي شخصيا

أنا لما رحت أخطب .. طبعا زي الأهبل ..رحت أقولهم قال الله وقال الرسول ، وهم مشكورين الله يكرمهم ما قصروا وكانوا دائما يقول وراء كل كلمة صدق الله العظيم أو صلى الله عليه وسلم.

وفضلت أقول وأقول وأقول أنا بحب كذا وبكره كذا ، والمفروض الراجل والست ست.. إن حد منهم ينطق ويرد عليا.. تقريبا كانوا بيقولوا الجدع عبيط ولا أيه.

بعد كده نقلت على خطيبيتي اللي هي مراتي حاليا ، وقولتلها أنا ما بشغلش مراتي، تروح هي راده عليا وتقول انها لا تحترم الراجل اللي بيشغل مراته .. الله وأكبر ..

وقلت كمان معلش انا أحيانا بقى عصبي شويه فأبقى سبيني لما اهدأ ويبقى نتكلم ، تروح رادة انها سوف تفعل كما كانت امها المحترمة تفعل عندما يغضب أبيها وتدخل الحمام وتقفل الباب على نفسها. يا عيني يا قلبي

طبعا نمت وغمضت عيني وصحيت من الأحلام ما لاقيت غير وأنا معاكم في المنتدي وبقول حسبي الله ونعم الوكيل

أنا طبعا مش هأقول على اللي حصل بعد الجواز مش بسنة بشهرين لأنكم أكيد فهمتوا القصة
حسبي الله ونعم الوكيل

لا تنسوا أن زوجتي لا تعرف أنني منضم لهذا المنتدي علشان كده أنا بتكلم براحتي

صدقني حاسس بييك ...وفي عز خوفي عليك ....الخ الخ

[ehaballam]

هههههههههههههه بس انتوا ادعولى اتجوز ههههههههههه بس انت الجواز عاملك مشكلة لية بس ؟؟؟؟؟؟ دة حتى الجواز راحة بال وحب الحياة

هههههههههههههههههههههههههههههههههههههههههههههه

[dr.amr]

وماتنسوش يا جماعه
((( الزوجه الصالحه خير متاع الدنيا )))

[ehaballam]

مشكلة فعلا، طيب ممكن اعرف ليه، مع اننا مجتمع متدين.

مجتمع بيمثل التدين..مش متدين....
الموظف اللي بياخد رشوة الصبح ويقعد بليل في الجوامع ده مش متدين
اللي المرور بيعملوا مش تدين
اللي سواقين الميكروبص بتعمله مش تدين
الحشيش مش تدين
الخ
الخ

[dr.amr]

مجتمع بيمثل التدين..مش متدين....
الموظف اللي بياخد رشوة الصبح ويقعد بليل في الجوامع ده مش متدين
اللي المرور بيعملوا مش تدين
اللي سواقين الميكروبص بتعمله مش تدين
الحشيش مش تدين
الخ
الخ

معاك حق وهو ده سبب المشكله
الناس بقت تتجوز وكل همهم مين اللي يفرض كلمته في البيت
مابقاش الاساس تاسيس بيوت تعبد الله
لازم ربنا يضيق علينا شويه علشان نرجع لصوابنا مره اخري
الدين مش بس قعده في الجامع
الدين حياه الدين معامله

[amrico]

لا حول ولا قوة الا بالله

انا شايف كلام غريب جدا، عن ان الزواج كبت حريات، ونهاية الحياة، واكتئاب، و و و و ....
بالنسبة لي بفضل الله وبحمده، انا قربت اكمل 5 سنين متزوج، والله محسيتش بيهم وحاسس ان الزواج ده، كان نقطة تحول كبيرة في حياتي!! ترقيات، زيادة مرتب، سفر برة اكتر من الأول، بركة في الرزق والحمد لله، وبأكد على كلمة "البركة".
اهم حاجة التفاهم والتخطيط للحياة انت وشريكة حياتك، وعدم الأنانية في القرارات. أي قرار متعلق بالحياة لازم تناقشوه مع بعض، وطبعا لازم الصراحة التامة مع بعض.
وبالنسبة لتأجيل الزواج، والناس اللي بيقولوا خليك لسن 35 عشان تستمتع بحياتك، طيب انا الحمد لله لسه مكملتش 35 وعندي ولدين 4 سنين وسنة، والحمد لله مستمتع بحياتي جدا.
ايه اللي يمنع انك تستمتع بحياتك وانت معاك مراتك واولادك، بالعكس هايكون سعادتك اكبر لما تحس انك بتسعد نفسك وبتسعدهم معاك.

وانا بشبه الشخص اللي بيتجوز في سن كبير بالطالب اللي سنه كبير 29 سنة مثلا و عايش حياته بالطول والعرض وتلاقيه لسة مخلصش جامعة، وتلاقي زميله عنده 21 او 22 سنة ومتخرج، وبدأ حياته العملية.
وارجو ان محدش يزعل مني

واسف للإطالة

[dr.amr]

لا حول ولا قوة الا بالله

انا شايف كلام غريب جدا، عن ان الزواج كبت حريات، ونهاية الحياة، واكتئاب، و و و و ....
بالنسبة لي بفضل الله وبحمده، انا قربت اكمل 5 سنين متزوج، والله محسيتش بيهم وحاسس ان الزواج ده، كان نقطة تحول كبيرة في حياتي!! ترقيات، زيادة مرتب، سفر برة اكتر من الأول، بركة في الرزق والحمد لله، وبأكد على كلمة "البركة".
اهم حاجة التفاهم والتخطيط للحياة انت وشريكة حياتك، وعدم الأنانية في القرارات. أي قرار متعلق بالحياة لازم تناقشوه مع بعض، وطبعا لازم الصراحة التامة مع بعض.
وبالنسبة لتأجيل الزواج، والناس اللي بيقولوا خليك لسن 35 عشان تستمتع بحياتك، طيب انا الحمد لله لسه مكملتش 35 وعندي ولدين 4 سنين وسنة، والحمد لله مستمتع بحياتي جدا.
ايه اللي يمنع انك تستمتع بحياتك وانت معاك مراتك واولادك، بالعكس هايكون سعادتك اكبر لما تحس انك بتسعد نفسك وبتسعدهم معاك.

وانا بشبه الشخص اللي بيتجوز في سن كبير بالطالب اللي سنه كبير 29 سنة مثلا و عايش حياته بالطول والعرض وتلاقيه لسة مخلصش جامعة، وتلاقي زميله عنده 21 او 22 سنة ومتخرج، وبدأ حياته العملية.
وارجو ان محدش يزعل مني

واسف للإطالة

معاك حق
ربنا يكرمك ويباركلك في حياتك
ويرزقني وشباب المسلمين الزجه الصالحه
ولو انها بقيت عمله صعبه

[yousef1978]

فيه كتير من النكت المحترمة والأمثلة أو الحكم المفيدة اللي بتوضح نواحي من نواحي الحياة الزوجية

يا ريت اللي عنده حكمة او نكتة كويسه يقولها في الموضوع ده

أنا هأبدألكم بنفسي

يقولوا :
- قبل ما تناسب حاسب
- اللي تحبه لا تحاسبه ولا تناسبه
- اللي ما ترضاش بيه القرعة تاخده ام الشعور ، وده مثل مهم جدا وبيتفهم من كذا ناحية بس تقريبا بيتقال للي راح لواحدة ورفضته لآي سبب فبيقولوله ما تزعلش نفسك بكره ربنا يرزقكك أحسن منها
- يا واخد القرد على ماله يضيع المال ويبقى القرد على حاله
- خدوهم فقراء يغنيهم الله

اما من النكات فأذكر
- واحد متجوز راح يبارك لصاحبه على جوازه لقي وضعه حلو ومراته بتحترمه قوي قوي قاله قولي إزاي خليت مراتك تحترمك وتخاف منك كده
قاله بسيطة جيت يوم الدخلة ودبحتلها القطة
قاله يعني انا لو دبحت قطة لمراتي هتحترمني
صاحبه قاله طبعا وجرب مش هتخسر حاجة
قام صاحبنا جاب قطة كانت بتغلس عليهم في البيت وقام دابحها
رجعت مراته شافت المنظر قالته ايه اللي هببته ده يا منيل
قالها إيه دبحتلك القطة
راح مراته ضربته بالكف على وشه وقالتله : كان من الأول يا روح أمك

- واحد جه يوم زفافه وقعد مع مراته بيقولها تعالى بقى أما أقولك على صفاتي علشان نبقى واضحين من الأول
قالتله يا حبيبي صفاتك هأشوفها بنفسي من غير ما تشرحهالي

عفوا للإطالة وشكرا للجميع

[eng.octooo]

لا حول ولا قوة الا بالله

انا شايف كلام غريب جدا، عن ان الزواج كبت حريات، ونهاية الحياة، واكتئاب، و و و و ....
بالنسبة لي بفضل الله وبحمده، انا قربت اكمل 5 سنين متزوج، والله محسيتش بيهم وحاسس ان الزواج ده، كان نقطة تحول كبيرة في حياتي!! ترقيات، زيادة مرتب، سفر برة اكتر من الأول، بركة في الرزق والحمد لله، وبأكد على كلمة "البركة".
اهم حاجة التفاهم والتخطيط للحياة انت وشريكة حياتك، وعدم الأنانية في القرارات. أي قرار متعلق بالحياة لازم تناقشوه مع بعض، وطبعا لازم الصراحة التامة مع بعض.
وبالنسبة لتأجيل الزواج، والناس اللي بيقولوا خليك لسن 35 عشان تستمتع بحياتك، طيب انا الحمد لله لسه مكملتش 35 وعندي ولدين 4 سنين وسنة، والحمد لله مستمتع بحياتي جدا.
ايه اللي يمنع انك تستمتع بحياتك وانت معاك مراتك واولادك، بالعكس هايكون سعادتك اكبر لما تحس انك بتسعد نفسك وبتسعدهم معاك.

وانا بشبه الشخص اللي بيتجوز في سن كبير بالطالب اللي سنه كبير 29 سنة مثلا و عايش حياته بالطول والعرض وتلاقيه لسة مخلصش جامعة، وتلاقي زميله عنده 21 او 22 سنة ومتخرج، وبدأ حياته العملية.
وارجو ان محدش يزعل مني

واسف للإطالة

بجد مشاركتك دى فرحتنى اوى ياريت الناس كلها متفائلة زيك كدة ربنا يكرمك وخليلك اولادك