بفكر أتجوز و جاهز, هل من نصيحة؟؟؟

[a_tantawy7]

السلام عليكم,
دلوقتي يا أخوان أنا بفكر بجدية في موضوع الزواج, وده نظرا لأني عايش لوحدي بقالي 10 سنين تقريبا, والحمد لله عندي شقة وعربية و وظيفة بمرتب معقول.وعمري 28 سنة تقريبا.
طلبي من الأخوة الأعضاء المحترمين ياريت يحكولنا على أصعب المشاكل اللي بتقابلهم في حياتهم الزوجية لعل وعسى ممكن نتفاداها, لأني بصراحة مش بحب المشاكل و عايز أتجوز عشان أرتاح مش أتعب.
السلام عليكم.

[pro_samir]

مش عارف اقولك ايه والله بس مش عايز أحبطك

عموما أهم حاجه حسن الأختيار ومتتسرعش ، واعلم يا بنى إن الجواز زي البطيخه

[romeo_6887]

انا هقولك وجهه نظري
كل حاجه في الدنيا ليها وشين
الحلو و الوحش
فلو هتستحمل الوحش في الجواز
توكل علي الله
و 1000 مبروك
و بالرفاء و البنين

[mahmoud_magdy]

ربنا يدلك على اللي فيه الخير
ويدلك على بنت الحلال اللي تصونك وتصون بيتك

بص حضرتك مادام نويت
يبقى ان شاء الله ربنا هيكون معاك

دعواتي لك بالتوفيق
ومتنساش تعزمنا عالفرح

[shooter123]

بلاش من الفكرة الطائشة دي الغير محسوبة العواقب
خليك عاقل وبلاش تسرع اتجوز علي 35 كدا واستمتع بحياتك ( عن تجربة )

[a_tantawy7]

ربنا يدلك على اللي فيه الخير
ويدلك على بنت الحلال اللي تصونك وتصون بيتك

بص حضرتك مادام نويت
يبقى ان شاء الله ربنا هيكون معاك

دعواتي لك بالتوفيق
ومتنساش تعزمنا عالفرح

اشكرك يا باشا و أنت أول المعزومين طبعا

[a_tantawy7]

بلاش من الفكرة الطائشة دي الغير محسوبة العواقب
خليك عاقل وبلاش تسرع اتجوز علي 35 كدا واستمتع بحياتك ( عن تجربة )

أيوه يا فندم بس المشكلة أني خلاص زهقت وتعبت من الوحدة, ده غير أن صحابي كلهم اتجوزوا تقريبا, وبعدين 35 ده كتير أوي ولا أيه؟ ياريت حضرتك توضح وجهة نظرك أكتر

[mahmoud_magdy]

بلاش من الفكرة الطائشة دي الغير محسوبة العواقب
خليك عاقل وبلاش تسرع اتجوز علي 35 كدا واستمتع بحياتك ( عن تجربة )

هو الزواج بقى فكره طائشه ؟؟
عموما اختلاف الرأي لا يفسد للود قضيه

لكن ليه يستمتع بحياته لوحده (ايه المتعه في كدا)
مادام في مقدرته انه يستمتع بيها مع شخص اخر

اعتقد ان الزواج من أجمل ما يقرره الانسان
وعلشان يعيش حياه مستقره يبقى لازم الاختيار الصحيح اولا
ثانيا (التفاهم ) ودي نقطه مهمه جدا
ثالثا المستوى الاجتماعي والثقافي والتقارب بين الطرفين
رابعا سي السيد زمنه راح يبقى لازم الزوج ينسى التعصب

[mahmoud_magdy]

اشكرك يا باشا و أنت أول المعزومين طبعا

وانا أكدي هاجي طبعا
بس على شرط
ازازه بيبسي كبيره
وتورتايه لوحدي
دا غير العشا ( فراخ مشويه , وسلطه بطاطس بالمايونيز ) تصدق جعت

[amrico]

هو ايه حكاية الجواز في المنتدى
مش اقل من 3 او اربع مواضيع بتتكلم عن الجواز، مع اختلاف الموضوع
على العموم ربنا يتمم بخير للجميع

[egyegy]

هو ايه حكاية الجواز في المنتدى
مش اقل من 3 او اربع مواضيع بتتكلم عن الجواز، مع اختلاف الموضوع
على العموم ربنا يتمم بخير للجميع

بعيد عنك فرة وضربت في المنتدى

[amrico]

والله تبقى فرة كويسة، وياريت محدش يفضل يأجل، اللي يقدر ياريت يعجل بالزواج، وربنا يرزققكم جميعا بالزوجات الصالحات، ويبارك للمتزوجين في زوجاتهم واولادهم.

[egyegy]

والله تبقى فرة كويسة، وياريت محدش يفضل يأجل، اللي يقدر ياريت يعجل بالزواج، وربنا يرزققكم جميعا بالزوجات الصالحات، ويبارك للمتزوجين في زوجاتهم واولادهم.

طيب شوف المشاركة دي، انا فعلا مقتنع جدا بما قاله صاحب تلك المشاركة، حاولت ان أخفف عن ذاتي صدمة مطالعة الواقع بكلمات نظرية خاوية، لن تغير شيئا.

http://www.nilemotors.net/Nile/3872218148-post122.html

[abo3bdolrahman]

يا أخى الكريم عليك بنصيحة رسولنا الكريم فاظفر بذات الدين هاتريحك جدا و هتخاف ربنا فيك و سترعاك و مالك و أولادك حق الرعاية و طبعا ذات الدين هاتكون فى الغالب من أسرة ذات دين أيضا و بكده يبقى يا هناك و يا سعدك بس يكونوا ذوى دين بجد مش ستار للزواج و ربنا ييسرلك اللى فيه الخير و إن شاء الله مبروك مقدما

[amrico]

طيب شوف المشاركة دي، انا فعلا مقتنع جدا بما قاله صاحب تلك المشاركة، حاولت ان أخفف عن ذاتي صدمة مطالعة الواقع بكلمات نظرية خاوية، لن تغير شيئا.

http://www.nilemotors.net/nile/3872218148-post122.html

انا فعلا قريت المشاركة دي، وبصراحة برضه عجبتني جدا.