عيله محافظه جدا (مسرحيه هزليه من 17 مشهد)

[أحمد كمال]

فين الباقي؟

[nabaster]

اولا انا بشكر nabaster على مجهودة فى نقل القصة ونقلة لكلام مؤلفها وتوضيح الفكرة منها ثانيا كل عام وحضرتك بخير وثالثا هل افهم من كدة ان للقصة بقية ام لا ؟؟؟

وبالنسبة للدراسة فانا والله زيك بالظبط فى الجامعة برضو الامتحانات قربت والواحد ملوش قابلية للمذاكرة وحاسس بالملل لانوا مخلصش ولا ذاكر حاجة عدلة لغاية دلوقتى مش عارف حعمل اية مبقاش ليا نفس اذاكر ذهقت

تسلم يا رايس وكل سنه وانتا طيب

بالنسبه لموضوع المسرحيه وهل ليها كماله ولالا دي في ايد المؤلف

هل ناوي يكملها ولالا ودي ترجعله بقي

استاذ ياقوت
شكرا على نقلك للقصه
وتحياتي الحاره ليك
جزاك الله خيرا
انا كنت متوقع المفاجأه وطلعت في محلها
ومعكننتش علينا ولا حاجه بالعكس خالص

وشكرا لصاحب القصه على اسلوبه الممتع
ونصايحه المستخبيه
وطرحه لمشاكل الشباب ويمكن كتير فينا شاف نفسه في موقف من المواقف دي
عن نفسي شفت نفسي في مواقف كتير
اتمنى انه كان يكمل القصه لانها كانت هتفيد ناس كتير

بس توقعي بقى للقصه
طارق : هيبدأ يعرف دينه واحده واحده ويتعمق فيه ويبقى زي خاله
وائل : هيكره الكوره والكتابه اللي على جسمه مش هتطلع وهيعيش بيها ههههههههههههههه
عبده :كرشه هيكبر اوي من كتر الاكل (الفجع) وهيفضل على نفس الحال
الام : هتحج زي ما كرم وعدها وهتفضل حونينه على ولادها زي ماهيا
كتله : (هههههههههههه) هيتعرض لموقف محرج امام اصحابه ويعرفوا انه جبان ومن هنا يبدأ التغيير
هيما : اتعلم انه يبقى راجل بجد بعد الموقف اللي حصله وهيبص لمستقبله وهيبقى حاجه كبيره
اما الواد اللي مش واد ده (مش فاكر اسمه) : هتفضل فيه الخصله دي طول عمره( على فكره في ناس حقيقيه بالشكل ده ربنا يعفي عنهم) وهيعيش بيها ويموت بيها وهيخلف عيال رجاله بجد هههههههههههههههههه

ههههههههههههههههههههههه يا محمود

طيب بص عندي اقتراح ايه رايك تكملها انتا ؟؟؟ وانا مش هطمع غير في تلت المكسب والتلتين الباقيين ليك :))

أنا أخرت تعليقي للأخر ...... عشان مكنتش عارف اوقف قراءة للمسرحية الجميلة دي ... خاصة لما أحسست بتوجه المؤلف من بين السطور للتوجيه الدينى ومن ثم الأخلاقي للشباب ....
القصة كانت أكثر من رائعة وشكر لمن لفت نظرنا ليها وجابها المنتدي ... انا حتي لم أطق الصبر وبحثت عنها في كل مكان حتي قريت المشهد ال 16 وا ل 17 من بره!!! معلش مكنتش طايق أصبر ......
عموما شكرا جزيلا للإستاذ nabster
وياريت نحاول نتناقش مع بعض في مضمون القصة وكيف نستفيد بها في تربية أولادنا

ياريت فعلا ونحاول نحط نقط تحت كل مشهد عن ايه الي استفدناه من المشهد ده

وشكرا علي حسن المتابعه

ولو انك غشيت اخر مشهدين :))


A.Yakout

[nabaster]

هي دي مسرحية ولا حاجة تانية، لأني مش شايف اي ملامح للمسرحية فيها، الفكرة فيها سطحية جدا، بس انا في بعض المواقف ضحكت جدا، شكرا لصاحب الموضوع.

اتعلمت اتقبل الراي والراي الاخر

بس متهيالي مع وصول المسرحيه في وقت كتابتي للمشاركه دي لاكتر من 2000 مشاهده يبقي ده اصراحه نجاح اعتز بيه

ده غير طبعا الردود الي قدام حضرتك

ولو اني برضه نبهت قبل كده ان ده مش نجاحي اكتر ما هو نجاح المؤلف لاني مجرد ناقل لها

بس برضه كل واحد ليه ظروفه ويمكن ده الي مخلي حضرتك مش قادر تحس هيا ليه مميزه

تسلم ايدك يا احمد والله على تعبك ونقلك القصه الرائعه دى

انا توقعى لنهايه القصه كان مؤلم شويه , كنت شبه واثق ان طارق هيموت وده اللى هيغير الدنيا من حواليه سواء اهله او اصحابه

بس بجد كاتب القصه موهبته رائعه وربنا يجازيه خير على رسالته فى القصه

نوح صديقي حبيبي

طبعا بشكرك علي حسن متابعتك للمسرحيه

والله اعلم يمكن توقعك في محله خصوصا ان القصه لسا ملهاش نهايه

بالنسبه للمؤلف ان شاء الله في خطوه بفكر اخدها بس عايز رايكم معايا

ألف شكر على القصة الظريفة يا أحمد أنا ادخرت التعليق لحين انتهائي من قرائتها وإتمامها.

يكفي تشريفك لموضوعي يا رايس

وشرف ليا اثنائك ده

A.Yakout

[nabaster]

شكر خاص لكاتب القصة لانها بجد قصة حية تشعر انك ترى ابطالها امامك وده اسلوب سهل ممتنع
طبعا سواء اتفقت معه فى اراءه او اختلفت الا اننى معجبة باسلوبه الرشيق فى الكتابة واتوقع له مستقبل جميل لو اهتم بالثقافة واللغة العربية
اما بالنسبة للاخ احمد فانا اشكره شكر جامد جداواحييه تحيه خاصة ليس لانه نقل القصة ولكن لانه قراها اولا وهذا يدل على بصيص امل فى شبابنا اللى تقريبا معظمهم نسى اللغة العربية ولم يعد يقرا الا ماتوفر له على النت من المنتديات
تحيه كبيرة لك يا احمد واتمنى اسمع عنك انك بقيت دودة قراءة
والف شكر على القصة الجميلة دى:b4_033:

بصراحه رد حضرتك ده وسام علي صدري

بس فعلا في كتير هنا في المنتدي شباب زيي وفي سني مش بس بيقروا لا بالعكس ليهم اقلام مميزه ومقالات في صحف شهيره

الي جذبني للمسرحيه دي فعلا اسلوبها وبساطتها الي بتوصل للقاريء العادي

لاننا بناعني دلوقت في بعض المقالات من (فزلكة الكاتب)

بجد شكرا علي ردك ومستني راي حضرتك في الخطوه الي عايز اخدها بخصوص المؤلف

A.Yakout

[nabaster]

ميرسي يا نابستر بجد
و في انتظار باقي القصه

فين الباقي؟

انتو مش واخدين بالكم من المشاركات الي بعد اخر مشهد؟؟؟؟ :)))

صباح الفل يا ابو كمال ;)

فين باقي القصه يا لايل ؟
ربنا يوفقك في الامتحانات
و متنساناش ماشي

ترجملي بقي الكلمه الكبيره دي :))

وشكرا علي الدعوه الجميله وربنا يوفقنا جميعا ان شاء الله
A.Yakout

[Mohamed.Raafat]

قصة جميلة جدا جدا جدا
و ياربتكمل على خير زي ما انا متوقع
و ربنا يهدي طارق و وائل
و بقية اصحابهم وااحنا كمان و باقي اصحابنا

مجهود رائع يا nabaster و شكرا جداااااااااااااااااا ليك
و للأستاذ مؤلف القصة دي

[dolly13]

بصراحه رد حضرتك ده وسام علي صدري

بس فعلا في كتير هنا في المنتدي شباب زيي وفي سني مش بس بيقروا لا بالعكس ليهم اقلام مميزه ومقالات في صحف شهيره

الي جذبني للمسرحيه دي فعلا اسلوبها وبساطتها الي بتوصل للقاريء العادي

لاننا بناعني دلوقت في بعض المقالات من (فزلكة الكاتب)

بجد شكرا علي ردك ومستني راي حضرتك في الخطوه الي عايز اخدها بخصوص المؤلف

طبعا انا عندى امل يكون فيه زيك كتير
بس لى تعليق صغير انى ست مش راجل صحيح مش صغيرة قوى بس مش كبيرة برده
خد بالك انا بعاكسك اهو هاهاهاها
اقولك انا مش هاعاكسك عشان اجوزك بنتى هى لسة فى رابعة ابتدائى بس بكرة تكبر وتبقى عروسة حلوة زيك كدة

[محمد محمد]

من اعمال ياقوت التي لاتنسي....الرفع للأفادة.

[ahmedbasto]

قصة رائعة واسلوب كتابة أروع

[nabaster]

من اعمال ياقوت التي لاتنسي....الرفع للأفادة.

ياااااااااااااااااااااااااااااااه لسا فاكر يا محمد

فكرتني بالقصه دي

ولحد اللحظه دي بفكر اكلم كاتب القصه يجي هنا المنتدي علي اساس ان ممكن يكملها

A.Yakout

[E30power]

مسرحية اكتر من رائعةة بكل المقايسس بحد ....بالذ1ات الواد هيما دة

مجهووود اكتر من رائع يا نابستر ...تسلم ايدك يا باشا ...
وحقيقى فنااان الى كتبها ..

[yousef1978]

السلام عليكم ورحمة الله وبركاته

في الأول بأشكر الأخ الكريم اللي ألف هذه القصة وكمان الأخ الكريم اللي نقلها فالداعي إلى الخير كفاعله

انا لي بعض الملاحظات ارجو أن تتقبلوها بصدر رحب

1- القصة ظريفة ودمها خفيف وأعتقد إنها تجتاز حاجز السبعين في المائة كتقييم
وده يعرفنا إن الفن والأدب والغناء والتمثيل وغيرهم ممكن نستخدمهم في نشر الفضيلة والأخلاق وممكن نتركهم لناس تانيين ينشروا بيهم الرزيلة وسوء الأخلاق ويلونوا المجتمع بصورة قذرة غير حقيقية

وهنا أتذكر مقولة للشيخ الجليل محمد الغزالي رحمه الله تعالى ( آن الأوان للفن أن يتدين وللمتدينين أن يتفننوا )

2- مع إحترامي لرأي كاتب القصة واعتراضه فأنا نفسي أوصلكم معنى معين

لازم يكون الإنسان الملتزم ذكي في نفس الوقت وما يرفضش شئ غير لما يقوم بوزنه في الأول
لازم نعمل مقارنة قبل ما نبدي رأينا أو غضبنا أو تأييدنا لشئ معين

وعلشان رأيي يكون واضح لكم يا ريت تكملوا قراءة كلامي للآخر

هل لو القصة لم تنشر على هذه المواقع هل كان المشتركين فيها هيبطلوا يتكلموا في أي شئ وبعبارات خارجة عن الدين
بالعكس كانوا هيتناولوا موضوع تافه او قيم آخر ويعلقوا عليه بنفس الكيفية ونفس التجاوزات - وإن كان بعض الإخوة لا يرى إنها تجاوزات فهذا رأيه واحترمه بشدة

يعني وجود موضوع هادف وسط جو غير أخلاقي هو رفع من اخلاقيات هذا الجو وهذا الوضع

وهناك قاعدة فقهية رهيبة تقول ( ما لا يدرك كله لا يترك كله )

يعني مثلا : لو احنا في منتدانا واحد يهودي نشر إهانة للرسول صلوات الله وسلامه عليه هل بالنسبة له أضاف لنفسه أم لا
أكيد أضاف لمبدأه وإن كان مبدأه قذر وأضر بنا وإن كنا على خلق

الرسول صلوات الله وسلامه عليه يقول لأمنا السيدة - رضي الله عنها وأرضاها - ردا على سؤالها : أنهلك وفينا الصالحون يا رسول الله قال :( نعم إذا كثر الخبث ) صدق رسول الله

يعني زيادة الخبث تستجلب هلاك الله للمجموع

وفي نفس الوقت يمكن أن نفهم من الحديث أنه إذا زاد الخير وقل الخبث لارتفع هلاك الله عنا وغضبه علينا

تخيلوا لو واحد اسرائيلي بقى عضو في مجلس الشعب المصري هل هذا سيضيف لنا أم له
أكيد هو اختراق لملجس الشعب بتاعنا

طيب لو واحد فلسطيني سواء كان مسلم او مسيحي محترمين انضم للكنيست الاسرائيلي هل هو بيضر أم بينفع
أكيد بينفع لأنه بيكون وسطهم وعارف إيه اللي بيدور عندهم ومن أين يتم اختراقهم

طيب لو واحد بقى من الناس الكويسين نضاف اليد دخل مجلس الشعب بتاعنا

أكيد هيكون في مصلحة البلد لأنه لو ما نفعناش مش هيضرنا ولو ما قدرش يمنع عن الناس الضرر يكفيه شرف المحاولة


دايما احنا بنشتكي إن الشيطان وأولياؤه يحاولون وضع السم لنا في العسل

ولكن لم نحاول أن نضع نحن الكثير من العسل في سم الآخرين لعلنا ننقذهم

وطبعا ده بيكون من غير تجاوزات مننا
يعني أنا كتبت مقالة وقدرت أنشرها في كل المواقع الكويسه واللي مش كويسه ليه ما أنشرهاش
إيه الضرر الي هأسببه ليهم

أنا لن أشترك معهم في المهاترات ولا في الكلام الذي أرفضه ولكني سأعرض عليهم بضاعتي ومن غير احتكاك نهائي

ربما تقع كلمة من كلماتي في قلب أحدهم فتكون سببا في هدايته أو تغيير فكره في داخله للأفضل


أنا سأحكي لكم موقف ربما ليس هذا مكانه
في العراق هناك شخصية سنية أحترمها جدا وهو الدكتور طارق الهاشمي
هذا الرجل تم قتل أخوه ثم أخته وهو نفسه دائما تحت التهديد من المجرمين هناك

رغم ذلك لم يترك المجال لهم

أحد العراقيين المحترمين قابلني وأخذ يتهم الرجل بأنه قد خرج عن الأمة وعن كل شئ
كل ذلك فقط لأنه رفض أن يترك الساحة لغير المحترمين لكي يبرتعوا فيها براحتهم

أنا قلت للرجل هل الأفضل أن يقوم بترك الأمر كله للمجرمين
ألا يوجد من يدافع عن مصالح الناس ويكون واجهة لهم بصورة رسمية ويكون رجلا فاضل

من يدافع عن حقوق المسجونين ومن يعترض عن القوانين الباطلة ويوضحها للناس
مذا سيخسر المجرمون لو كل إنسان شريف ترك لهم المجال بدون أي معارضة

ألم تعرف ان سيدنا يوسف طلب من حاكم كافر ان يترك له نصيب من الملك لكي يخفف الوطأة عن الناس ويحفظ اموالهم
هل هو بذلك بدل دينه أو شارك في ظلم الحكم الشي كان موجودا في مصر أم أنه شارك في الجانب المشرق من هذا الحكم

أنا هنا لا أتهم مشتركي هذه المنتديات من غير المتدينين أنهم شياطين والعياذ بالله ولا أدعي أن غيرهم ملائكة

لكن أنا أريد أن أوصل فكرة أنه طالما أن المجال يتسع للجميع فلابد أن يقوم كل واحد أن يدلو بدلوه

يجب أن يقوم كل من يرى نفسه ملتزما دينيا ان يشارك في الحياة ويتميز بخلقه الذي يختاره لنفسه كما يجاهر غيره بمبادئه ويشارك بها دون خجل أو كسل

لا أن يترك الساحة للجميع ثم يشتكي انه يقع عليه الضيم والظلم والتهميش وأن البلد والدنيا قد سيطر عليها الأوباش


أنا متأسف للإطالة وضرب أمثال من أشياء مختلفة
لكن يا رب تكون فكرتي وصلتكم

ومنتظر أي نقد لكلامي علشان أتعلم منكم

[mada121977]

في العراق هناك شخصية سنية أحترمها جدا وهو الدكتور طارق الهاشمي
هذا الرجل تم قتل أخوه ثم أخته وهو نفسه دائما تحت التهديد من المجرمين هناك

رغم ذلك لم يترك المجال لهم

أحد العراقيين المحترمين قابلني وأخذ يتهم الرجل بأنه قد خرج عن الأمة وعن كل شئ
كل ذلك فقط لأنه رفض أن يترك الساحة لغير المحترمين لكي يبرتعوا فيها براحتهم

والله القصه جميله فعلا واول مره اخد بالى منها
انا اسف لخروج ردى التالى عن موضوع القصه ولكن لكل مقام مقال

بالنسبه للهاشمى انت تقصد رئيس الحزب الاسلامى !يعنى من وجهه نظرك الراجل ده بطل انه تعاون مع الاحتلال والروافض وواخد الدين ستار لتحقيق اهدافه الشخصيه والاستمرار فى سده الحكم ... اظن اى حد متابع لما يحدث فى العراق سيتأكد من مواقف هذا الهاشمى والاجنده التى ينفذها لحساب اسياده الامريكان والروافض تقدر تقولى الهاشمى ده عمل ايه ايام ماكانت الفلوجه بيصب عليها حمم القصف واصبحت اثرا بعد عين .. تقدر تقولى عمل ايه فى المعتقلين السنه اللى اعدادهم لا حصر لها فى المعتقلات السريه للروافض والامريكيين .. تقدر تقولى عمل ايه فى جماعات الارهاب الاسود التابعه لمقتدى الصدر اللى بيعشقوا قتل المسلمين السنه ... واكم من امثله على ان هذا الهاشمى هو مجرد غطاء على ان العراق به ممثليين شرعيين عن السنه وان لهم دور فى الحكم الى جوار الشيعه والاكراد
على الجانب المقابل فيه هيئه علماء المسلمين والتى لها دور بارز فى دعم المقاومه والوقوف فى وجه الروافض والامريكييين والهيئه دى تعتبر الممثل الشرعى والوحيد عن السنه فى العراق وليس هذا الهاشمى وحزبه الاستسلامى

[yousef1978]

السلام عليكم ورحمة الله وبركاته

أخي العزيز جزاك الله كل خير على ردك ومحاولة إفهامي للأمور

بالنسبة للدكتور طارق الهاشمي فهو أحد كبار رجال السنة
أولا هو ليس زعيم الحزب الإسلامي لأن الحزب الإسلامي هو حزب شيعي يرأسه حاليا عمار الحكيم ابن عبد العزيز الحكيم الذي كان يعادي - لأنه مات منذ فترة قريبة - كل ما هو سني أو إسلامي رغم إنه بيسمي حزبه الحزب الإسلامي

بالنسبة للدكتور طارق الهاشمي فالغالب إن المليشيات الشيعية هي التي قتلت أخوه ثم أخته لكي تستثنيه عن المشاركة في العملية السياسية

الرجل لم يتخلى أو يوقف دفاعه عن المقاومة العراقية

وأحب أوضح لك ان ليس كل الشيعة سواء ففيهم المعممين وفيهم العوام وفيهم حاليا فصيل كبير بدأ يكفر بكل الخزعبلات ويطالب بعلمانية تحترم الدين كما هو النموذج التركي وفيهم أيضا جزء مقاوم وخصوصا الذين يؤيدون العرب ويرفضون السيطرة الفارسية

السنة في بداية وضع الدستور رفضوا المشاركة في وضعة فكانت النتيجه أنه تم اعتماد دستور في بداية الاحتلال يجني على حقوقهم

يعني الروافض والخونة قالوا للسنة شكرا على كده ريحتونا من الدوشة انتوا كده سبتولنا الليلة بإرادتكم

وتم عمل دستور يكرس الطائفية ويدعو للتقسيم وجائت الحكومات والوزارات كلها شيعية رافضية وأخذت تنكل بالسنة وتم عمل المذابح للعلماء والزعماء والعامة من السنة وكانت أجهزة الأمن والجيش لاتي سيطر عليها الروافض وغلواء الشيعة وعملاء إيران وامريكا كانت تلك الاجهزة تقبض على أهل السنة من بيوتهم ثم بعد أيام يجدوا جثثهم ملقاه وسط أكوام الزبالة بعد تشويهها ولا أحد يعرف ماذا يدور في أقسام الشرطة ولا في المعتقلات ولا في الوزارات والأموال تنهب والبترول يباع بعقود لمدد زمنية بعيدة ووووو


زي ما الرئيس الراحل أنور السادات خرج عليه مراكز القوة وأرادوا أن يحرجوه فقدموا استقالتهم بالجملة فقال كلمته المشهورة : انا لو كنت هأحاكمهم كنت هأحاكمهم بتهمة الغباء السياسي لأنهم كده اختاروا مصير أنا ما كنتش أحلم بيه ، وقبل استقالتهم وقالهم مشكور

الدكتور طارق الهاشمي رأى أن ترك الأمر كله لهم لن يمنعهم عن ما يفعلوه

أسس جبهة جديدة من السنة ومن الشيعة العرب المعتدلين ومن العلمانيين منهم واستطاع في الإنتخابات الأخيره أن يفوز

وطبعا مع النزاع الجديد بين ايران وأمريكا وحاجة أمريكا في أن تخرج من المستنقع العراقي بجنودها سالمين بدل أن تجعلهم إيران دروع بشرية في حالة قيام حرب بينها وبين اسرائيل
وجد الرجل الكثير من المكاسب لأهل السنة ولم يتنازل عن مبدأه ولم يعارض المقاومة الحقيقية

الرجل ببساطة جعل لأهل السنة قدم في الحكم وقدم في المقاومة

وعلى فكره السنة في العراق هم أغلبية إذا تم إضافة الأكراد وهم سنة بالإجماع


وهأذكرلك مثال على ذلك بسيط

في تركيا قام كمال أتاتورك بقلب النظام وألغى الإسلام من كل شئ هناك ، منع الأذان والحجاب وكتابة القرآن باللغة العربية وأغلق المدارس الاسلامية وقتل العلماء وأقال قادة الجند واستبدل الجيش كله بيهود من الدونمة ومن العلمانيين المعادين للإسلام وفعل ما لم يفعل
ووصل الأمر بتركيا أن البنات تعرض في بتارين زجاج بمحلات للدعارة والعياذ بالله وصور الدعارة والوساخة يطول شرحها
ولكنه رغم ذلك ترك قانون يعاقب على جريمة الزنا

هل تعتقد أنه ترك مثل هذا القانون علشان يحارب الزنا
اكيد لا
ولكن علشان يخوف الناس من الشريعة الإسلامية اللي هي أصلا غير موجودة نهائيا في تركيا

لما جاء رئيس الوزراء رجب طيب أردوغان العلمانيين هناك عملوا دوشة على القانون ده
الراجل بكل بساطة عمل اجتماع للبرلمان وألغى القانون
طبعا فيه ناس متدينين زعلوا وكأن الرجل دعى للفجور وللزنى أو كأن القانون كان عامل شئ
لكن رجب طيب لأنه زكي فهم إن الموضوع مش موضوع قانون الموضوع موضوع توجه الدولة نحو إيه بالضبط

يعني ممكن تكتب مائة مادة في الدستور أن الإسلام هو مصدر التشريع الوحيد وفي نفس الوقت تلغي كل ما هو إسلامي من البلد وممكن تلغي أي مادة في الدستور تشير لدين الدولة وفي نفس الوقت البرلمان لا يجيز أي شئ يعارض التشريع الإسلامي
وعلى فكره التشريع الإسلامي ليس هو الحدود الإسلامية
لأن الحدود لا تمثل سوى اثنين في المائة من التشريع
وآخر شئ يتحدث عنه الإسلام هو الحدود والعقوبة

أرجو أن يكون رأيي صحيح وتستفيد منه وأنا أكيد استفدت من رأيك الجميل كثيرا

وأرجو أيضا أني بكده ما اكونش خرجت عن الموضوع الرئيسي للحوار وإن الموقع المحترم لا يعتبر أن هذا كلام في السياسة لأني لم أتكلم نهائيا عن مصر أو السياسة فيها وكل الحديث عن مبادئ عامة

والسلام عليكم ورحمة الله وبركاته

[SHNORY]

بعد اذن اخي وحبيبي احمد ياقوت
حرفع القصه دي علشان فعلا تعتبر من اجمل الكتابات في المنتدي
دعما لحمله طالما مفيش جديد يبقي نرفع القديم