الخيانة العُظمى للأمة .

[ahmed ismail]

خلاص جميل، الشعب اختار الطريق اللي هو شايف فيه مصلحته، و اللي هو طريق غير طريقي و بيضر بمصلحتي، دعواتنا القلبية بالنجاح و التوفيق، بس احنا اسفين عندنا ظروف ما تسمحلناش نمشي معاكم في الطريق ده، بعد اذنك انا مضطر اقفل الباب علشان جايب برد علي العيال عندي في البيت، بس اوعي تقول اني اتخليت عنك، انت اللي اخترت الطريق الغير مناسب لي و ربنا يوفقك....

قصدك بمصلحتى مصر

محدش طلب من مصر انها تحارب مع الفلسطينيين

كل المطلوب من مصر انها متشاركش فى حرب الفلسطنيين
يعنى بمعنى اوضح متاشركش فى حصارهم

خليك على الحياد


مش عايزك تكون معايا فى نفس صفى

بس متخدش موقف عدوى
و تشارك فى حصارى

[newman]

واحنا للاسف بنساعدهم على كده باستسلامنا و خنوعنا و خضوعنا لمخطاطهم

فعلا عندك حق با استاذ احمد ان فى ناس بتحاول تثبط من عزيمتنا وتدفعنا لليأس والاستسلام واسرائيل بتعمل دا فعلا لكن للاسف فى ناس ماشية وراهم وعايزين يوهمونا انوا مفيش فايدة من المقاومة ويجب الاستسلام والرضوخ للامر الواقع

[Dr Zezo]

استاذ توت

كيف حالك اولا ...

ثانيا رأيك بالطبع علي العين و الراس

و رأي حضرتك بالذات له احترام زائد لدي لما لمسته في شخصيتك الكريمة من رقي بالغ و المام بأداب الحوار في مواقف سابقة

فجزاك الله خيرا ...

لكن علي الارض يختلف الواقع تماما ...

طبعا هناك موضوع سابق تحدثت فيه مطولا عن الخطة الاسرائيلية لالحاق او تدبيس غزة لمصر

و لن نكرر الكلام مرة اخري منعا للملل

نأتي للجديد ...

ما هي معلومتنا كمصريين عن الواقع الامني في سيناء ؟!

و اسمح لي و ليسمح لي الافاضل بتوضيح الصورة علي الارض و مقارنتها بخمس سنوات مضت ...

منذ سنوات قليلة مضت كان الامن بشكل كبير يعم شوارع و مناطق سيناء ليس بصورة مطلقة و لكن بشكل كبير يسمح لك و كمصري اقمت في العريش كبري مدن سيناء كثافة بالسكان 17 عاما ان اترك سيارتي مفتوحة ليل نهار و طوال الليل مفتوحة تماما و الزجاج غير مغلق لأصعد الي مسكني و اهبط اليوم التالي فأجد كل شئ في مكانه

امان مطلق تمشي في اي مكان لا مشكلة

اليوم او بالتحديد منذ عامين

زادت الجرائم بشكل مخيف و اصبحت في عز الظهر

ليس بسبب الفقر او البطالة

فمن يرتكب الجرائم هم فئة من البدو " تحديدا من يعمل بالتهريب"

لنبحث معا في الاخبار منذ عاميين لنري كيف قامت قوافل من البدو بسياراتهم الغير مرخصة موديل العام بالنزول الي ثاني اكبر ميدان عام في العريش بالبنادق الالية امريكية الصنع موديل العام علي مقربة من قسم شرطة لتطلق الاعيرة النارية و تحطم المحال لخلاف بسيط علي شراء موبايل من احد المحلات هناك لشخص ينتمي لعائلة الفواخرية

و انتهي الامر بمقتل شخصين كما اتذكر و تدمير ممتلكات ناس ابرياء

و كانت هذه الحادثة هي البداية لسلسلة من حوادث العنف و السرقة و اختطاف الاناث من قلب الميادين العامة في عز النهار " اخرها محاولة اختطاف بميدان جامع التصر "

من اناس يمتلكون احدث السيارات و الكثير من المال اي انهم لا يشتكون من فقر او عوز

انما زاد عليهم المال الوفير نتيجة التهريب و السلاح الذي يأتي من الانفاق للاسف

و للعلم المخدرات و السلاح تدخل الي غزة من اسرائيل وكله بثمنه

و منها الي مصر عبر الانفاق !!

قلة منهم اصبحت تسطو علي السيارات علي طريق العريش القنطرة بالاسلحة

و الاخرين اصبحوا يقطعوا الطريق مما استلزم تجريد حملة من قوات امن بورسعيد و الاسماعلية لتطهير الطريق منهم بالقوة

و هم يقاتلون بالسلاح !!!



المصيبة ان الحكومة مهما فعلت لن تستطيع ان تسيطر علي هولاء القلة الخارجة عن القانون مثيري الشغب

لأن الوضع هناك غير الوضع في وادي النيل " كما يقول اهل البلد "

ففي الوادي انت انسان معروف له محل اقامة معروف و محل عمل و معروف اقاربه و اماكنهم و معروف ان يمكن ان تذهب او تختبئ عند من

اما هناك حيث افراد العائلة كلهم سلمان و سلمان و سليمان و سالم الي اخر هذا التشابه


و ليس هناك مكان لهم محدد

فهذه خيمة و جوارها خيمة

و هناك مغارات في الجبال

و وديان

و دروب لا يعرفها الا هم و ابناء جلدتهم ...

فما العمل غير قطع الطريق الاساسي عليهم

و لا يهمني صراحة من يدفع لتمويل الجدار

كما لا يهمني ايضا كيف ستنقص الاموال لدي الفلسطنين علي الطرف المقابل من الانفاق

و ما يهمني هو ان تنتهي الفوضي التي تجعل ابي في سنه هذه يتحمل الجلوس في سيارته انتظارا لانتهاء درس اختي الصغري خوفا عليها من المضايقات

بعدما كانت اختها الاكبر منها منذ سنوات خلت تستطيع العودة الي البيت شتاءا بعد انتهاء الدرس في العاشرة مساءا دون ان يمسها سوء هي و زميلاتها

و ما اعرفه ان هناك معبر اسمه معبر العوجة " كرم ابو سالم " مجهز تجهيزا كاملا تعبر اليه كل يوم شاحنات البضائع بكافة انواعها من مصر الي اسرائيل و منها الي غزة

هل سمع به احد ؟!

للاسف هناك من يتلاعب بالامور لصالحه

و مثلما تظاهر غربيون سابقا في قلب اسرائيل ضد اسرائيل فلماذا لم يذهبوا هذه المرة

و لماذا كبري الصحف البريطانية اليوم تتهم مصر بارتكاب جريمة

و لماذا دعاوي مقاطعة البضائع المصرية

خطة قذرة

و اسرائيل صامتة و امريكا تشاهد

و نحن للاسف نضغط و نتهم من غير ان نعلم ما يجري علي الارض

و سيدي الكريم العقيد خالد انت محق بالفعل فالعرب لا يستحقون منا اي جهد او محاولة استرضاء لاحد

و للعلم تأكيدا علي حديثك

كما ذكرت سابقا كان جدي لامي معلما و انتدب في الستينات تحديدا في منتصفها للعمل بالجزائر براتب له و لزملائه من المصريين تتكفل به خزينة الدولة العبيطة - اعتذر - اي مصر

و بالطبع اصطحب جدي اولاده معه هناك للاقامة

و لن احكي عن صنوف الاهانة التي كان يتعرض لها جدي و اولاده بدءا بولد الفول و الطعمية و انتهاءا بالسب و القذف

و كل هذا و مصر كانت وقتها من كانت

و عبد الناصر ملئ السمع و البصر

لكن لا فائدة هم هكذا

و سيظلوا هكذا ...

و نحن لسنا بحاجة لأحد منهم و هذا حقيقة

هم بحاجة الينا و هذا هو حالهم امة منتهكة بعدما تراجعنا

دعونا لا نتأثر و نخلط الاوراق ببعضها دعونا ننظر الي مصالحنا و اهدافنا اولا

و لا نجعل نظرتنا السيئة " و هي علي حق في امور كثيرة" الي من يحكمنا تصبغ كل افكارنا

نعم من يقود مخطئ و يقودنا من فشل الي فشل حتي ما يحدث من ازمة المتظاهرين و طريقة ادراتها السيئة تدل علي ذلك

لكن في بعض الاحيان يجب الاعتراف ان ما يفعل الان لصالحنا

نحن مهانون و مكروهين مهما فعلنا

فدعونا لا نتلفت اليهم و نمضي الي مصالحنا

عندما ننتبه الي مصالحنا عندها فقط ..

ستحل القضية من جذورها و لن يكون هناك وجود لمشكلة اسمها اسرائيل ..

و يمكن للعرب وقتها البحث عن مشاكل جديدة ليغرقونا فيها كعادتهم المقيتة

[ahmed ismail]

و بالمناسبة، في الدول الديمقراطية بتتعمل الانتخابات كل فترة لاعادة تقييم اداء الحكومات، فاذا كانت حماس علي الشعبية الجارفة اللي حضرتك بتقول عليها، يدخلوا الانتخابات تاني و يتثبتوا من شعبيتهم و يا دار ما دخلك شر

حضرتك بتكرر العبارة ديه كتيير وانا رديت عليها قبل كده و حضرتك تتجاهل الرد

يا ترى حماس رافضة انها تخش انتخابات جديدة

المعلومة ديه ايه مصدرها

[Dr Zezo]

فعلا عندك حق با استاذ احمد ان فى ناس بتحاول تثبط من عزيمتنا وتدفعنا لليأس والاستسلام واسرائيل بتعمل دا فعلا لكن للاسف فى ناس ماشية وراهم وعايزين يوهمونا انوا مفيش فايدة من المقاومة ويجب الاستسلام والرضوخ للامر الواقع

مفيش حد بيعمل كده

هو اللي بيعمل كده مش بيحاول تثبيط عزيمة قدر ما هو مقتنع بما يقوله

بالاضافة الي ان الخلاصة مع احترامي لكافة الاراء المعارضة

لا حل و لا سبيل الا بالقتال

اما خلاف ذلك فهو تضيع للوقت

لكن السؤال الحقيقي

كيف و متي تقاتل و ليس السؤال

اسنقاتل ام لا

و القتال ليس دفاعا عن احد

فلا احد يستحق للاسف

انما نقاتل في سبيل الله و دفاعا عن قضية عادلة و عن خطر يتهددنا

اما غير ذلك و مع احترامي لأي اراء مخالفة

لا يوجد اي حل ...

اخيرا لا يوجد اي دليل علي ان المواجهة المقبلة ستكون هي النهاية التي تحدث عنها القران الكريم

و اري ان الاعتماد علي مثل هذا فيه نوع من التواكل لربما يفسر واقعنا

خالص احترامي للجميع

[Dr Zezo]

حضرتك بتكرر العبارة ديه كتيير وانا رديت عليها قبل كده و حضرتك تتجاهل الرد

يا ترى حماس رافضة انها تخش انتخابات جديدة

المعلومة ديه ايه مصدرها

حماس منذ عام كامل و شعبيتها تتراجع بشكل مخيف

و هذه اقوال اسمعها بنفسي من فلسطنيين يخرجون من غزة الي مصر عبر رفح

و اسمعها كثيرا

و تحديدا عن الفساد المنتشر و الثراء الذي لحق بأصغر افرادها

لكن هذا لا يعني انه سقوط لخيار المقاومة فالمقاومة ليس ممثلة في حماس و ليست حكرا علي احد

و لربما كان اكبر انتصارات حماس و اكبر خطاياها في ان واحد هو النجاح في الانتخابات و الدخول الي معترك الحياة السياسية

[dodino2006]

عموما انا لم اقصدك انت بالذات بس واضح ان انت قاعد بره واتاثرت بيهم ومتعرفش حاجة عن مصر ولا الى بيحصل فيها من جراء حكومة متخلفة فى كل القطاعات
وواضح كمان ان حضرتك متعرفش كتير عن فلسطين ولا الى يحصل فيها ولا المفاوضات الى حضرتك بتكلم عنها لدرجة ان ابو مازن ودا اكتر واحد مع اليهود يأس من خداع اليهود وقرر انوا يستقيل
وعلى فكرة انا دكتور يعنى مش فى ثانوية عامة ولا حاجة
بس اللى بيضايقنى الناس الى عايزة تموت القضية الفلسطينية وملهمش دعوى بالاقصى الاسير الذى يئن توجعا من دنس اليهود وغفلة من المسلمين البعيدين عن دينهم

سواء ده كان ردك او غيره، انا كنت كده ولا كده هكتب اعتذرلك حتي و لو كنت لسه في اعدادي، لاني ليس من طبعي الغلط في حد، بس كلامك كان استفزازي من الدرجة الاولي، و عيب لما توصف المخالفين لك بانهم مش فاهمين، بل بالعكس انت فاهم و انا فاهم، و لكننا مختلفين في وجهات النظر، انت شايف ان طريقتك هي الامثل و انا ايضاً شايف ان طريقتي هي الامثل، و كلانا رأيه يحتمل الخطأ او الصواب....

بالنسبة لوجودي في الخارج، فهو وجود مؤقت لمهمة معينة لم تزد عن ثلاث سنوات، و اعرف اخبار مصر و المنطقة اكثر ما اعرف اخبار الحي اللي انا ساكن،، حتي التلفزيون عندي مش بيشتغل غير علي القنوات المصرية و العربية،، بس تقدر تقول ان وجودي خارج مصر اداني فرصة للتفكير بصفاء و هدوء اكثر.... و في النهاية ارجوك تقبل اعتذاري

قصدك بمصلحتى مصر

محدش طلب من مصر انها تحارب مع الفلسطينيين

كل المطلوب من مصر انها متشاركش فى حرب الفلسطنيين
يعنى بمعنى اوضح متاشركش فى حصارهم

خليك على الحياد


مش عايزك تكون معايا فى نفس صفى

بس متخدش موقف عدوى
و تشارك فى حصارى

مش بقولك الموقف اكثر تعقيداً ؟؟ اولاً اني اكون علي الحياد مش معناه اني اسيب حدودي وكالة من غير بواب، و استطيع ان اعددلك اكثر من ١٠ اوجه للخطورة من هذا الوضع

ثانياً: هناك طرف في الموضوع، طريقه يتفق مع طريقي، بل انه عاني معايا فترة كبيرة من الزمن و يطلب معونتني، فكيف اتخلي عنه، في حين وقوفي علي الحياد قد يضر بهذا الطرف ؟؟؟

[Terrible_DaRsH]

د \ زيزو احييك بشدة على مشاركتك القيمة دى ..

و للاسف الاخوة الاعزاء مازالوا يفكرون بعواطفهم حتى الان ..

[ahmed ismail]

استاذ توت

كيف حالك اولا ...

ثانيا رأيك بالطبع علي العين و الراس

و رأي حضرتك بالذات له احترام زائد لدي لما لمسته في شخصيتك الكريمة من رقي بالغ و المام بأداب الحوار في مواقف سابقة

فجزاك الله خيرا ...

لكن علي الارض يختلف الواقع تماما ...

طبعا هناك موضوع سابق تحدثت فيه مطولا عن الخطة الاسرائيلية لالحاق او تدبيس غزة لمصر

و لن نكرر الكلام مرة اخري منعا للملل

نأتي للجديد ...

ما هي معلومتنا كمصريين عن الواقع الامني في سيناء ؟!

و اسمح لي و ليسمح لي الافاضل بتوضيح الصورة علي الارض و مقارنتها بخمس سنوات مضت ...

منذ سنوات قليلة مضت كان الامن بشكل كبير يعم شوارع و مناطق سيناء ليس بصورة مطلقة و لكن بشكل كبير يسمح لك و كمصري اقمت في العريش كبري مدن سيناء كثافة بالسكان 17 عاما ان اترك سيارتي مفتوحة ليل نهار و طوال الليل مفتوحة تماما و الزجاج غير مغلق لأصعد الي مسكني و اهبط اليوم التالي فأجد كل شئ في مكانه

امان مطلق تمشي في اي مكان لا مشكلة

اليوم او بالتحديد منذ عامين

زادت الجرائم بشكل مخيف و اصبحت في عز الظهر

ليس بسبب الفقر او البطالة

فمن يرتكب الجرائم هم فئة من البدو " تحديدا من يعمل بالتهريب"

لنبحث معا في الاخبار منذ عاميين لنري كيف قامت قوافل من البدو بسياراتهم الغير مرخصة موديل العام بالنزول الي ثاني اكبر ميدان عام في العريش بالبنادق الالية امريكية الصنع موديل العام علي مقربة من قسم شرطة لتطلق الاعيرة النارية و تحطم المحال لخلاف بسيط علي شراء موبايل من احد المحلات هناك لشخص ينتمي لعائلة الفواخرية

و انتهي الامر بمقتل شخصين كما اتذكر و تدمير ممتلكات ناس ابرياء

و كانت هذه الحادثة هي البداية لسلسلة من حوادث العنف و السرقة و اختطاف الاناث من قلب الميادين العامة في عز النهار " اخرها محاولة اختطاف بميدان جامع التصر "

حضرتك اتفاقية كامب ديفيد هى اللى متسببة فى وضعك الامنى حاليا فى سيناء

انت سيادتكعلى سيناء سيادة منقوصة ليك عدد معين من قوات الشرطة تتواجد فيها و البدو ( الاعراب ) بطبيعتهم عصاه و معظمهم مهربين مخدرات و لى وقعة شخصية تعرضت ليها فى سيناء و اترفع عليا سلاح من خمس سنوات هناك
متجيش حضرتك ترجع فشلك الامنى فى سيناء على الاانفاق و نوهم انفسنا ان السلاح اللى معاهم ده من غزة

حضرتك علاقات بدو سيناء مع المهربين الاسرائليين كبيرة جدا و هى السبب فى الوضع الحالى و متهيالى وضع عصابات تهريب الافارقة لاسرائيل اكبر دليل ان التهريب فى الاصل مع الجانب الاسرائيلى ومعظم علاقات البدو مع الجانب الاسرائيلى

فده مش مبرر ابدا اولا ورينا الرجولة و الشطارة على طول الحدود لكن انت قصرته على منطقة معينة فقط

يبقى الواضح من القصد مش تامين حدودك و الا كان اولى تامن حدودك مع اليهود اللى بيجليك منهم البلاوى المخدرات و السلاح لكن الواضح انه خطة لاحكام الحصار على غزة اقتصاديا فبالتالى محاولات تبرير الوضع الحالى بالمحافظة على امن مصر القومى مكشوفة اوى

و ما اعرفه ان هناك معبر اسمه معبر العوجة " كرم ابو سالم " مجهز تجهيزا كاملا تعبر اليه كل يوم شاحنات البضائع بكافة انواعها من مصر الي اسرائيل و منها الي غزة

هل سمع به احد ؟!

للاسف هناك من يتلاعب بالامور لصالحه

و مثلما تظاهر غربيون سابقا في قلب اسرائيل ضد اسرائيل فلماذا لم يذهبوا هذه المرة

و لماذا كبري الصحف البريطانية اليوم تتهم مصر بارتكاب جريمة

حضرتك العالم كله معتقد و بقى عنده قناعة ان اسرائيل هى عدوة فلسطين

خلينا نمشى بمنطقية واحدةواحدة

هل يا ترى اطلب من العدو انه يرأف بضحيته ولا اطلب من الجار المحايد دخلو المساعدات لمتضرر

يعنى بحارب ناس حدخلهم مساعدات اظن ابسط قواعد علم المنطق تتنافى مع ده

و لماذا دعاوي مقاطعة البضائع المصرية

خطة قذرة

و اسرائيل صامتة و امريكا تشاهد

و نحن للاسف نضغط و نتهم من غير ان نعلم ما يجري علي الارض

نحن للاسف من ارتضينا لانفسنا هذا الوضع

نحن من تبنينا الاجندة الامريكية الصهيونية

نحن من اصبحت سيناء مسرح للعمليات و الاتفاقات الامريكية الاسرائيلية

حقائق لا تقبل الجدال

عندما ننتبه الي مصالحنا عندها فقط ..

ستحل القضية من جذورها و لن يكون هناك وجود لمشكلة اسمها اسرائيل ..

و يمكن للعرب وقتها البحث عن مشاكل جديدة ليغرقونا فيها كعادتهم المقيتة

كلام مبهم يحتاج للتوضيح

[ahmed ismail]

حماس منذ عام كامل و شعبيتها تتراجع بشكل مخيف

و هذه اقوال اسمعها بنفسي من فلسطنيين يخرجون من غزة الي مصر عبر رفح

و اسمعها كثيرا

و تحديدا عن الفساد المنتشر و الثراء الذي لحق بأصغر افرادها

لكن هذا لا يعني انه سقوط لخيار المقاومة فالمقاومة ليس ممثلة في حماس و ليست حكرا علي احد

و لربما كان اكبر انتصارات حماس و اكبر خطاياها في ان واحد هو النجاح في الانتخابات و الدخول الي معترك الحياة السياسية

الاستطلاعات على ارض الواقع و الاستطلاعات فى الضفة

بتقول غير كده

و عموما ان غدا لناظره قريب لما تتعمل انتخابات و حماس تسقط فيها نبقى نقول الكلام ده

لكن حتى الان الشعب مع حماس
حتى يغيير راية فى الانتخابات المقبلة

[ahmed ismail]

مش بقولك الموقف اكثر تعقيداً ؟؟ اولاً اني اكون علي الحياد مش معناه اني اسيب حدودي وكالة من غير بواب، و استطيع ان اعددلك اكثر من ١٠ اوجه للخطورة من هذا الوضع

ثانياً: هناك طرف في الموضوع، طريقه يتفق مع طريقي، بل انه عاني معايا فترة كبيرة من الزمن و يطلب معونتني، فكيف اتخلي عنه، في حين وقوفي علي الحياد قد يضر بهذا الطرف ؟؟؟

اه الكلام ده اللى مطلق على عواهنه

هو فى حد قال لما نفتح المعبر و يبقى عليه رقابة كلملة ومعروف مين داخل ومين خارج و كل مستجل ومتاييد

يبقى انا كده سايب الحدود وكالة من غير بواب

معلهش كلام مش منطقى اللى حاصل دلوقتى هو اللى من غير بواب

و انت مش قافل الحدود بمزاجك انت متبنى الموقف الامريكى صراحة و مش عايز تفتح الحدود و قافل المعبر


لو كنت فاتح المعبر من الاول مكنش حد قالك حاجه على الانفاق لكن انت موقفك وصورتك مفضوحة امام العالم

[newman]

انما نقاتل في سبيل الله و دفاعا عن قضية عادلة و عن خطر يتهددنا

الا ترى حضرتك ان القتال فى سبيل المسجد الاقصى ليس فى سبيل الله وتحريرفلسطين ليس دفاعا عن قضية عادلة يبقى كدا المجاهدين فى افغانستان والصومال والشيشان مابيدفعوش عن قضية عادلة
وبعدين انا مش بقول اناحنا نحارب لا بس على الاقل مانحربش المقاومة فى غزة المفروض نساعدهم على الاقل وبعدين ان غدا لناظره لقريب يعنى لو احنا منعنا المقاومة دلوقتى وجت اسرائيل احتلتنا تانى لقدر الله هايبقى ساعتها ممكن نطلب منهم ان نهرب اسحلة علشان نحارب بيها اسرائيل

[dodino2006]

اه الكلام ده اللى مطلق على عواهنه

هو فى حد قال لما نفتح المعبر و يبقى عليه رقابة كلملة ومعروف مين داخل ومين خارج و كل مستجل ومتاييد

يبقى انا كده سايب الحدود وكالة من غير بواب

معلهش كلام مش منطقى اللى حاصل دلوقتى هو اللى من غير بواب

و انت مش قافل الحدود بمزاجك انت متبنى الموقف الامريكى صراحة و مش عايز تفتح الحدود و قافل المعبر


لو كنت فاتح المعبر من الاول مكنش حد قالك حاجه على الانفاق لكن انت موقفك وصورتك مفضوحة امام العالم

اولاً احيي دكتور زيزو علي رأيه المتميز كالعادة....

ثانياً: حضرتك حاول تاخد كلامي ككتلة واحدة بدون تجزئة، يعني عايزني افتح المعبر علشان ادعم نظام حماس في جليطته و مساعدته في التسويف و ابقاء علي فلسطين منقسمة لدولتين لصالح الاحتلال الاسرائيلي ؟؟ يا استاذي احنا دلوقت نسينا كل حاجة عن الاحتلال و بدلاً ما نتكلم عن المفاوضات الفلسطينية - الاسرائلية، اصبحنا بنتتكلم فقط عن المفاوضات الفلسطينية - الفلسطينية، و دخلنا مصر في اللعبة، و الله انا ابتديت انسي ان في اسرائيل محتلة اراضي فلسطينية و محاصرة غزة

[ahmed ismail]

اولاً احيي دكتور زيزو علي رأيه المتميز كالعادة....

ثانياً: حضرتك حاول تاخد كلامي ككتلة واحدة بدون تجزئة، يعني عايزني افتح المعبر علشان ادعم نظام حماس في جليطته و مساعدته في التسويف و ابقاء علي فلسطين منقسمة لدولتين لصالح الاحتلال الاسرائيلي ؟؟ يا استاذي احنا دلوقت نسينا كل حاجة عن الاحتلال و بدلاً ما نتكلم عن المفاوضات الفلسطينية - الاسرائلية، اصبحنا بنتتكلم فقط عن المفاوضات الفلسطينية - الفلسطينية، و دخلنا مصر في اللعبة، و الله انا ابتديت انسي ان في اسرائيل محتلة اراضي فلسطينية و محاصرة غزة

انت عايز تجبر حماس على حاجات هما رافضينها

حماس رافضه تمضى على شئ مش فى مصلحتها و مصلحة من اختاروها و ده حقها

يبقى قولها بصراحة

ايوه انا مشارك فى حصارهم عشان مش راضيين يخضعوا و يرضوا يمضوا على اللى بقول عليه


يبقى كده نستاهل كل اللى بيتقال علينا و احنا نفسينا معترفيين بيه


احنا محاصريين شعب غزة لاختلاف وجهات النظر


و لتذهب المروءه الى الجحيم

[newman]

ادعم نظام حماس في جليطته و مساعدته في التسويف

كل دا علشان حماس اختارت طريق المقاومة ورفضت الخضوع لاسرائيل زى بتوع فتح