مصرى ومش مصرى

[النوبي]

لما نصدر الغاز لإسرائيل يبقي انا مش مصري
لما نضرب نار علي طفل طالع برج ويموت عسكري مصري يبقي انا مش مصري
لما اسرائيل تموت عساكر مصريين ومنلاقيش حد يدافع عننا يبقي انا مش مصري
لما نستورد الغاز يبقي انا مش مصري
لما وزير يحط قوانين علي مزاجه ويلم اتاوه من الشعب بدون وجه حق يبقي انا مش مصري
لما وزير يسب الدين يبقي انا مش مصري
لما نسلم عزام عزام لاسرائيل يبقي انا مش مصري
لما الانتخابات تتزور والكل عارف وساكت يبقي انا مش مصري طول ما النصابين اللي بيقولوا عليهم حكومه لسه في كراسيهم يبقي انا مش مصري وميبقاليش الشرف اني ابقي مصري

انا مش مصري
انا مش مصري
انا مش مصري
انا مش مصري

----------------
تم تعديل عنوان الموضوع لعدم إستثارة المزيد من الأعضاء
إدارة المنتدى

[النوبي]

[youtube]http://www.youtube.com/watch?v=Tb8rlAwdQYA[/youtube]



بالصور:فلسطين الآن تكشف حقيقة مقتل الجندي المصري في رفح


رفح – فلسطين الآن – خاص –كشفت مصادر أمنية فلسطينية أن نتائج التحقيقات الأولية تشير إلى أن الجندي الذي قتل اليوم على الحدود المصرية الفلسطينية فارق الحياة نتيجة إصابته بنيران مصرية.

وأكدت المصادر ذاتها لشبكة فلسطين الآن الإخبارية أن الأمن المصري المتواجد على الحدود هو من بادر بإطلاق النار على العشرات من الشبان والفتيان الغاضبين الذين اقتربوا من الحدود للتعبير عن غضبهم من جدار الموت الفولاذي

وعن تفاصيل وملابسات مقتل الجندي المصري أوضحت المصادر ذاتها أن أحد الفتيان الذين اقتربوا من الحدود المصرية الفلسطينية اجتاز السياج الحدود وحاول أن يتسلق أحد الأبراج العسكرية التابعة للجيش المصري من أجل القيام بتعليق علم.

وكشفت المصادر ذاتها أن الأمن المصري قام بإطلاق النار على الفتى الذي تسلق البرج مما أدى إلى سقوطه عن البرج وأصيب نتيجة سقوطه على الأرض بكسور، في حين أصيب الجندي المصري الذي كان يعتلي البرج بنيران الجيش الذي أطلق النار على الفتى الذي تسلق البرج مما أدى إلى مصرعه على الفور داخل البرج.

وأشارت المصادر ذاتها إل أن السلطات المصرية قامت باعتقال الطفل الذي سقط من أعلى البرج وقد أفرجت عنه الساعة الحادية عشر ليلا من مساء اليوم الأربعاء الموافق 6/1/2010م، مرجحة إلى أن الأسباب قد تكون لصغر سنه حيث يبلغ من العمر 13 عاما.
انتظار التحقيق
هذا وكعادتها في نشر الحقيقة اتصلت شبكة فلسطين الآن بالناطق باسم وزارة الداخلية الفلسطينية م.إيهاب الغصين من أجل معرفة موقف الوزارة تجاه المعلومات التي حصلت عليها الشبكة من خلال المصادر الأمنية التي كانت تراقب الحدث، قال: ندعو إلى عدم استباق نتائج التحقيقات، مشددا على إلى أن الوزارة تنتظر نتائج التحقيق الذي فتحته.

وطالب الغصين السلطات المصرية بفتح تحقيقٍ مماثل لتجنب تكرار ما حدث على الحدود، مشيرا إلى أن الأجهزة الأمنية قامت بتفريق المتظاهرين وإنهاء التظاهرة تجنباً لمزيدٍ من الاحتكاكات على الحدود مع الأشقاء المصريين، مؤكداً رفض استخدام العنف من قبل أيٍ من الجانبين.
وكانت حركة حماس قد نظمت على الحدود المصرية مسيرة سلمية للمطالبة بالسماح لقافلة شريان الحياة 3 بالمرور لغزة دون معيقات، ودعوة مصر لوقف أعمال بناء الجدار الفولاذي على طول الحدود.
ونترككم مع الصور التي تؤكد أن الجندي المصري قتل داخل البرج العسكري.
في البداية اقترب الفتيان من الشريط



تسلقوا الجدار واقتربوا من البرج





أطلق الأمن المصري عليهم النار


وكانت النتيجة إصابة 35 بجروح 6 منها خطيرة





ومقتل الجندي المصري في البرج



فلسطين الأن

[Ibtal]

............................*

---------------------

* إدارةالمنتدى

[khattab_1989]

لا حول و لا قوة إلا بالله
و البهوات اللي عملين فيها رجالة دول هيفضلو ساكتين لحد إمتى ؟؟؟
منظر العسكري و هما منزلينه صعب جدا
والفلسطينيين عايزين إيه مننا ؟؟؟ كل حاجة مصر مصر مصر ... هو إحنا خلفناهم ونسناهم
كام مصري أستشهد علشانهم و حاولنا نساعدهم كتير و برضه مش عاجبهم ...
فلسطين فيها كام مليون مش عارفين يعملوا جيش على بعضه
و لو نرجع شوية بالسنيين كده و نشوف مي اللي باع ارضهم و كام خاين منهم على نفسهم
حسبي الله و نعم الوكيل ... ليها حق إسرائيل تعمل فينا كده و أكتر من كده كمان

[khattab_1989]

إلي مش مصري يسيب مصر علشان تنضف.

هو حضرتك مش ملاحظ إن الرد ده فظ شويتين تلاتة ؟؟؟!!!!!!!!!!!!!!!!!!!!!!

[Dr Ahmed]

إلي مش مصري يسيب مصر علشان تنضف.

اللى "مش مصرى" عارف إن المصرى دلوقت مش مفخرة لأسباب أكتر من انها تحصى وهو دا واللى زيه الأمل اللى ممكن يغيّروا الحال إنما اللى مبسوطين بالمصرى اليوم هم دول اللى جايبيننا لورا ومن غيرهم البلد أحسن

[النوبي]

إلي مش مصري يسيب مصر علشان تنضف.

والله لو بايدي اسيبها للي مش حاسس بقذارتها (اسف) قذاره حكومتها

[amr mokhtar]

بصراحة الواحد مبقاش عارف الحقيقة فين
انا أصبحت أقرأ ردود الناس المؤيدة للجانب الفلسطينى .. و أرى أنهم على حق
و أقرأ الردود المعاكسة و أرى ان فيها قدر من المنطق

و مش عارف ليه مفيش رد رسمى من وزارة الداخلية او الخارجية؟
انا محتاج أشعر انى أعيش فى وطن له حكومة صاحية و عندها الردود اللى توقف المهزلة دى
هو إحنا مش من حقنا نعرف إيه اللى بيحصل بدل ما كل واحد بيقول وجهة نظره الشخصية
و لا كمان أصبح مش مهم ان الناس تبقى عارفة حاجة

بس هرجع و أقول للأخ نوبى
إيه اللى يخلينى أصدق مصادر الأخبار الفلسطينية؟؟
جايز هم كمان بيكدبوا

[النوبي]

بصراحة الواحد مبقاش عارف الحقيقة فين
انا أصبحت أقرأ ردود الناس المؤيدة للجانب الفلسطينى .. و أرى أنهم على حق
و أقرأ الردود المعاكسة و أرى ان فيها قدر من المنطق

و مش عارف ليه مفيش رد رسمى من وزارة الداخلية او الخارجية؟
انا محتاج أشعر انى أعيش فى وطن له حكومة صاحية و عندها الردود اللى توقف المهزلة دى
هو إحنا مش من حقنا نعرف إيه اللى بيحصل بدل ما كل واحد بيقول وجهة نظره الشخصية
و لا كمان أصبح مش مهم ان الناس تبقى عارفة حاجة

بس هرجع و أقول للأخ نوبى
إيه اللى يخلينى أصدق مصادر الأخبار الفلسطينية؟؟
جايز هم كمان بيكدبوا

يا سيدي بلاش تصدق الفلسطينيين وبلاش نسامح في دم العسكري المسكين (اللي كان ممكن بكل بساطه اني اكون مكانه) بس ليه نسامح في دم اخواتنا اللي اسرائيل قتلتهم عن عمد
بلاش طيب ليه احنا بنبني جدار المفروض انه كان بيتهرب من خلاله سلاح للمقاومه واكل وشرب للمدنيين واللي عايز يقول انه كان فيه تجاره مخدرات والكلام الفاضي ده اقوله المخدرات موجوده وبتتزرع في مصر من الاول مش محتاجين حج واهيه وكلام مايبلش الريق لما يضربوا نار علي طفل 13 سنه انا اسف اسف اسف
فيييييينك ياحكومه
فييينك ياحكومه يلي اكلتينا ورمتينا وعرتينا وذلتينا وخلتينا منسواش الارض اللي بنمشي عليها

[yahiahelaly]

انا مصري حتى النخاع لحد ما اموت يا نوبي لحد مينصلح حالها
الجاي اسؤ وبعديه احسن بكتير
نصبر ان الله مع الصابرين
لو انتة قولت كده وانا وكل المصريين يبقى هو ده الخراب
تبقى ديه النهايه
فاكر ساعه حورات ماتش والجزاير انا فرحت جدا بلخساره عشان بينت اد اية احنا ممكن نتفق
بلرغم لو الكورة هية الي عملت كدة
غــــــــدا يــــــــــــوم أفـضـــــــل

[mohamedbook]

لاحول ولا قوة الا بالله
ياجماعة الفساد فينا احنا احنا الي مش كويسين نستاهل الي يجرلنا
هو من الضابط ومين الوزير ومين المرتشي الي قاعد يقضي مصالح الناس ومين القاضي
ومين الموظف المرتشي ومين ومين ومين
احنا لي بقينا مش كويسين الفساد انتشر بين افراد الشعب
قاضي مرتشي هو ابن من ابناء مصر الفاسدين
ضابط اليل الادب ومجرم مهو بردة من ابناء مصر الفاسدين
للاسف الفساد انتشر بين افراد الشعب لدرجة انك لوحطيط رقيب علي واحد هتلقي الرقيب دة بردة حرامي
والله احنا الي مش كويسين
طب لو حنا مش حرميه ومرتشين بنقبل ليه نخلي واحد حرامي ومرتشي يتحكم في الي جابونا
هتألي مهو احنا لي مش بنعيه في منصبة (الحكومة)
هقلك ساكت ليه لو جبان تستاهل الي يجرالك ولو موافق يبقي اكيد راضي واكيد هتكون حرامي زيه
لا يوجد خيار بين الاثنين
وفي الاخر في الايام دة والي بيحصل عيني عينك
لا افتخر اني اكون مصري

[zaza_lanos]

يا جماعة اهدوا شوية وصلو على النبى
الكلام ده بدافع الغيرة على البلد

واذا وجدت سلبيلت فده على سبيل النقد البناء وليس للهده
فمش طالبة نجرح فى بعض ونمشى وراء الكلام السريالى للحكومة


وهى مدمتش لحد وان شاء الله هتتغير غصب عن عين قطاعين الطرق

[النوبي]

وهى مدمتش لحد وان شاء الله هتتغير غصب عن عين قطاعين الطرق

يارب افرجها من عندك

[A7MED_PHARMA]

امبارح بالليل انا وبابا قاعدين نسمع ونشوف البرامج الحواريه ع المحور

.
بابا قالي كلام كتير امبارح
من ضمن كلامه:" اول اعلان يقابلك في الجرايد عاوزين فيه صيادله لدوله اوروبيه ..روح ياأحمد..واطلع من البلد دي"


.
النوبي عنده حق
إطلع بره وقول إنك مصري
هتنضرب بالجزم ..عشان مش وراك حد ياخدلك حقك

دكتوره /مروه الشربيني
الاطباء المصريين في السعوديه
وامتهان كرامه المصريين في بلدهم وبره بلدهم
ده حتى لما القراصنه الصوماليين خطفوا مصريين
مصر سابت ولادها للموت
مصر سابت حق الدكاتره المصرين بره
مصر مخدتش حق الدكتوره مروه الشربيني
مصر سابت وزير الاسكان السابق يسرق فلوس الناس
مصر سابت عز وأمثاله يبنوا امبراطوريات من لحم ودم الناس
مصر سابت الغاز الطبيعي يتسرق مننا
مصر اقامت جدار عزل حديدي ...بأوامر من الي مأكلينا ومشربينا
مصر بتضرب ولادها بالجزم ونفضت جيوبهم
مصر سابت ولادها ينضربوا في السودان بالسكاكين والمطاوي
مصر سابت ولادها للرعب حتى الموت في الجزائر
مصر منعت قوافل الخير لمساعده اهل غزة
مصر سابت الوزراء ...
مصر سايبه كلاب الشرطه تنهش في لحم الناس
مصر إلي نعرفها ماتت من زمان
مصر دي غير مصر إلي كلنا بنحبها

.
وأنا كان نفسي أقول ..مصري وأفتخر
بس للأسف مش قادر أقولها

[النوبي]

انا مصري حتى النخاع لحد ما اموت يا نوبي لحد مينصلح حالها
الجاي اسؤ وبعديه احسن بكتير
نصبر ان الله مع الصابرين
لو انتة قولت كده وانا وكل المصريين يبقى هو ده الخراب
تبقى ديه النهايه
فاكر ساعه حورات ماتش والجزاير انا فرحت جدا بلخساره عشان بينت اد اية احنا ممكن نتفق
بلرغم لو الكورة هية الي عملت كدة
غــــــــدا يــــــــــــوم أفـضـــــــل

انا مقدر كلامك وفاهم حضرتك قصدك ايه وانا مش بقول اتخلوا عن وطنيتكم لا انا باعلن موقفي وبحدده من منظوري اذا كانت مصر هي الحكومه يبقي انا مش مصري لان الواضح من مصر تصرفات الحكومه
انا مسلم اولا اذا كنت شايف بلدي تعمل حاجه ديني مايرضاش بيها يبقي انا مسلم وبس