مصرى ومش مصرى

[seqoia]

جيران آه .. اللى بيقولوا عليك يهودى .. وبيقولوا مصرائيل ..

:d

قلنا بلاش التعميم ده ازاي تحكم على شعب من كلام كام واحد تافه او حتى حكومة تافهة عندهم

وبعدين صحيح انهم مش من حقهم يقولوا كده

ولكن اللي ادالهم الفرصة هي تصرفات بعض من بيدهم القرار عندنا

[seqoia]

قصدى من وجهة نظرى ..
اننا لو كنا نقدر نتعاون مع امريكا ..
كان زمان الوضع دلوقتى احسن بكتير ..
واسأل بتوع السعودية بما انك كنت هناك
او اسأل دبى او قطر

حضرتك انا مش مع الحكومات الخليجية ومش معوجود قواعد امريكية هناك

بس مش معنى انهم غالطانين ان احنا نغلط

وممكن الوضع ماديا يكون احسن لو اتفقنا مع امريكا (بشكل مؤقت لاناس معينين)

بس الوضع وطنيا واخلاقيا مش هيبقى كويس

[deee]

حضرتك انا مش مع الحكومات الخليجية ومش معوجود قواعد امريكية هناك

بس مش معنى انهم غالطانين ان احنا نغلط

وممكن الوضع ماديا يكون احسن لو اتفقنا مع امريكا (بشكل مؤقت لاناس معينين)

بس الوضع وطنيا واخلاقيا مش هيبقى كويس

طب وهى الناس بتهج وتتغرب وبتستحمل حاجات ميستحملهاش بنى آدم ليه ؟؟
معشان الوضع المادى وتأمين المستقبل ..

بالنسبة للوضع الوطنى انا مش فاهم حضرتك هيتأثر سلبياً ازاى ..

بالنسبة للوضع الاخلاقى .. نفسى اعرف مش هيبأه كويس ازاى ؟؟
الوضع الاخلاقى عندنا يا استاذ فى أدنى مستوياته على مر التاريخ ..

وبعدين لو افترضت معاك اننا اخلاقنا زى الفل والعالم كله بيحلف بيها ..
هتيجى امريكا تقولك اقتل واسرق وازنى ؟؟؟؟
اللى فيه مصلحة ليك ولوطنك اعمله ده اللى انا اعرفه ..
وهى دى الوطنية ..
مش شوية شعارات وكلام بيتقال فى اى مناسبة ,,
انت فاكر ان الاتحاد الاوربى معمول محبة ولا عشان اروبيتهم ؟؟
لأ ده عشان المصلحة العامة
وشوف دلوقتى هو فين ..

[Dr Ahmed]

ليه كده يا دكتور ؟

أنا كنت نويت أتوقف عن الرد فى الموضوع ده لعدم فائدة الحوار فيه لكن مقدرش مردش على حضرتك...
أكيد أرواح الفلسطينيين مش مهمة عند اللى نوهت عنهم بدليل مشاركات العديد من الأخوة ووصف بعضهم للفلسطينيين بألفاظ غير آدمية ثم بألفاظ غير أخلاقية ثم النعرة العنصرية باعتبارهم متخلفين و و و ثم لهجة واحنا مالنا وهم اللى جابوه لنفسهم ثم موضة حماس هى السبب فى الشبورة وغير ذلك أما الطرف الثانى الذى يبنى الجدار مشاركا أعدائنا ضد إخواننا فلا يوجد أى دليل لافتراض العكس بل جميع الأدلة تؤيد أننا الآن نسعى لإلقاء فلسطين (وليس إسرائيل) فى البحر.

[Dr Ahmed]

أنا بس عايز أسأل : كان زمان فيه إختيار (أضف فلان إلى قائمة التجاهل) ، مش لاقى الاختيار ده ، بتكلم جد والله أنا عايز أعرف إزاى تمنع انك تشوف مشاركات أشخاص بعينها ؟

[seqoia]

الوضع الوطني هيتاثر سلبا بان قاراراتنا هتبقى بايد المريكان زي ما هو حاصل في معظم دول الخليج

انا متفق معاك مئة بالمئة ان وضعنا الاخلاقي الآن في ادنى مستوياته

ولكن لا نريد اننزيد الطين بلة بان نصبح متعاونين مع اكثر دول العالم اجراما (وهذه جريمة اخلاقية)

اللي في مصلحة لية ولبلدي اني يبقى امني القومي في ايدي مش في يد امريكا واسرائيل

[MNBahr]

لما نصدر الغاز لإسرائيل يبقي انا مش مصري
لما نضرب نار علي طفل طالع برج ويموت عسكري مصري يبقي انا مش مصري
لما اسرائيل تموت عساكر مصريين ومنلاقيش حد يدافع عننا يبقي انا مش مصري
لما نستورد الغاز يبقي انا مش مصري
لما وزير يحط قوانين علي مزاجه ويلم اتاوه من الشعب بدون وجه حق يبقي انا مش مصري
لما وزير يسب الدين يبقي انا مش مصري
لما نسلم عزام عزام لاسرائيل يبقي انا مش مصري
لما الانتخابات تتزور والكل عارف وساكت يبقي انا مش مصري طول ما النصابين اللي بيقولوا عليهم حكومه لسه في كراسيهم يبقي انا مش مصري وميبقاليش الشرف اني ابقي مصري

انا مش مصري
انا مش مصري
انا مش مصري
انا مش مصري

مصر مايشرفهاش إنك تبقى مصري..ولا عمرك هتحس البلد دي عملتلك إيه..عشان إنت مش عايز...روح كده جرب عيش في حتة تانية هتعرف إن مصر أحسن مكان في الدنيا ..دي مذكورة في القرآن ..معلش اللي زيك هم اللي جايبنا ورا !!
------------------
تحذير للعضو لشخصنة الحوار
إدارة المنتدى

[seqoia]

مصر مايشرفهاش إنك تبقى مصري..ولا عمرك هتحس البلد دي عملتلك إيه..عشان إنت مش عايز...روح كده جرب عيش في حتة تانية هتعرف إن مصر أحسن مكان في الدنيا ..دي مذكورة في القرآن ..معلش اللي زيك هم اللي جايبنا ورا !!

ارجوا ان نفهم ما يقصده صاحب الموضوع قبل ان نهاجمه بهذه الحدة

من الواضح من سياق الموضوع ان الستاذ نوبي يريد ان يقول ان هناك امور يجب ان تعدل في مصر

والا سوف يصبح الاعتزاز بالهوية المصرية امام العالم في خطر

[معتز]

أنا كمان مش مصري و لا يشرفني أكون مصري و لو ممكن اني اتنازل عن الجنسية المصرية أنا أول واحد هتنازل (كفاية ان في أي دولة لما تيجي تسافر بيخلوا المصريين يدخلوا مع الهنود و الجنسيات التعبانة و اللي سافر دبي أو أي دولة عربية هيفهم كلامي)

انا سافرت دبى ودول عربية كثير..............بس انا مش موافق على كلامك ......واتحداك ان تكون فعلا عاوز تتنازل عن جنسيتك.........الاف البشر بيحلموا بالجنسية دى.لو مش مصدق روح الداخلية وشوف قوائم الانتظار...........اللى بيخد الجنسية بيعتبر نفسة اتولد من جديد.........اخيرا.....اللى عنده ام فقيرة ومش جميلة....مبيروحش يدور على ام غنية او جميلة..........الحمد الله على انك مصرى وانا مصرى وربنا يديمها نعمة

[deee]

الوضع الوطني هيتاثر سلبا بان قاراراتنا هتبقى بايد المريكان زي ما هو حاصل في معظم دول الخليج

انا متفق معاك مئة بالمئة ان وضعنا الاخلاقي الآن في ادنى مستوياته

ولكن لا نريد اننزيد الطين بلة بان نصبح متعاونين مع اكثر دول العالم اجراما (وهذه جريمة اخلاقية)

اللي في مصلحة لية ولبلدي اني يبقى امني القومي في ايدي مش في يد امريكا واسرائيل

يا أستاذى الفاضل انا مش قصدى تعاون يبأه الامن القومى فى ايد الامريكان زى ماحضرتك بتقول ..
دى من ضمن السيادة المصرية ومحدش يقدر يقرب منها ..

اللى قصدى عليه ..
هو تعاون اقتصادى .. تعليمى .. خدمى .. تنظيمى ..الخ ......
مش شرط امريكا بعينها .. ولكن اتعاون مع اى بلد يكون ليها الريادة والافضلية فى المجال اللى انا محتاجه هنا عشان احقق التقدم التحضر ..

[seqoia]

يا أستاذى الفاضل انا مش قصدى تعاون يبأه الامن القومى فى ايد الامريكان زى ماحضرتك بتقول ..
دى من ضمن السيادة المصرية ومحدش يقدر يقرب منها ..

اللى قصدى عليه ..
هو تعاون اقتصادى .. تعليمى .. خدمى .. تنظيمى ..الخ ......
مش شرط امريكا بعينها .. ولكن اتعاون مع اى بلد يكون ليها الريادة والافضلية فى المجال اللى انا محتاجه هنا عشان احقق التقدم التحضر ..

اولا _ انا فعلا سعيد بالنقاش مع حضرتك

ثانيا _لو ده قصد حضرتك محدش يقدر يقولك تلت التلاتة كام

آسف لو فهمت حضرتك غلط

بس المشكله ان حكومتنا بتتعدى الحدود دي وبتخلي امريكا واسرائيل يدخلو في سيادتنا

[deee]

اولا _ انا فعلا سعيد بالنقاش مع حضرتك

ثانيا _لو ده قصد حضرتك محدش يقدر يقولك تلت التلاتة كام

آسف لو فهمت حضرتك غلط

بس المشكله ان حكومتنا بتتعدى الحدود دي وبتخلي امريكا واسرائيل يدخلو في سيادتنا

والله انا اللى سعيد بمناقشة حضرتك المحترمة وهكون سعيد اكتر لو اتقابلنا فى مناقشات تانية ..

[holiel]

الفلسطينيين عايزين مننا أيه؟؟؟ و الناس اللى بتعمل مظاهرات علشان الجدار عايزيين أية؟؟ من غزة جالنا المتفجرات اللى موتت نلس كتير هنا فى الحوادث ألأرهابية فى سينا! الناس دى بتعض ألأيد اللى طول عمرها بتتمد لهم بالخير.
أحنا طول عمرن بنحارب علشان غيرنا....العرب كلهم حلوين أوى فى الكلام على مصر .....فى مقولة على لسان العرب بتقول(( هانحارب هانحارب لغاية أخر جندى مصرى))!!!
يعنى أحنا بس اللى نحارب و نموت و هما بالكلام بس!!!
كفاية علينا حرب و بهدلة و كل بلد يشوف مصلحتة فين .

مصر عمرها ما حاربت علشان حد الا اذا نسيت من النيل الى الفرات وللاسف فلسطين هى خط الدفاع قبت الاخير لنا

[holiel]

انا سافرت دبى ودول عربية كثير..............بس انا مش موافق على كلامك ......واتحداك ان تكون فعلا عاوز تتنازل عن جنسيتك.........الاف البشر بيحلموا بالجنسية دى.لو مش مصدق روح الداخلية وشوف قوائم الانتظار...........اللى بيخد الجنسية بيعتبر نفسة اتولد من جديد.........اخيرا.....اللى عنده ام فقيرة ومش جميلة....مبيروحش يدور على ام غنية او جميلة..........الحمد الله على انك مصرى وانا مصرى وربنا يديمها نعمة

ما هى يا ريتها ام مش جميلة او فقيرة كنت استحملتها دى ............*ل

تحذير لوصف مصر بوصف مخز
إدارة المنتدى

[Col. Eng. Khaled]

مصر عمرها ما حاربت علشان حد الا اذا نسيت من النيل الى الفرات وللاسف فلسطين هى خط الدفاع قبت الاخير لنا

و حرب اليمن ....... اليمن برضه خط دفاع قبل الأخير ؟؟؟؟؟؟؟؟؟؟؟؟؟؟؟؟؟؟؟؟