حد سمع عن راوتر اسمه tp link

[kliken]

هل فى حد اشترى او مجرب الراوتر ده اصله موجود حاليا و هو جديد بسعر 220 جنيه و معاه ضمان سنتين تقريبا فمش عارف اجيبه و لا ايه
يا ريت لو حد مجربه او سمع حاجه عنه يقدر يفيدنا و شكرا

[husseinodeba]

Tp-link هو ده الروتر اللى انا باستعمله من حوالى سنه
مشكلتى معاه انه بيحتاج يتعمل له رىستارت احيانا عشان يحش بالخط
معرفسش ا\ا كانت كل الاجهزه كده ولا لا

[kliken]

شكرا على ردك السريع يا باشا
بس هو مالوش عيوب تانى
و هل ممكن توصى حد يشتريها و لا قرفان منه علشان موضوع الريستارت ده
و هل السعر بتاعه معقول كده و لا ايه هو ده سعر ال4 بورت + وايرلس

[melmegharbel]

انا عندى وشغال تمام الحمد لله بدون مشاكل ومركبة فى نصف الشقة عشان الواى فاى يغطى الشقة كلها

[husseinodeba]

انا مجربتش غيره عشان انصح بيه
بس tp link منتشر وده دليل على نجاحه
وسعره معقول
بس فيه 3com اسمع انه نوع ممتاذ

[seaman]

راوتر هايل وانا معايا tp-link 8840 وشغال كويس الحمد لله...وملاحظتيش عيوب فيه توكل على الله السعر كويس انا كنت شاريه من 8 شهور ب 160 جنيه بس شكل اللى هتشتريه نوع احدث

[kliken]

:s_thum1[1]:راوتر هايل وانا معايا tp-link 8840 وشغال كويس الحمد لله...وملاحظتيش عيوب فيه توكل على الله السعر كويس انا كنت شاريه من 8 شهور ب 160 جنيه بس شكل اللى هتشتريه نوع احدث

مش عارف هتأكد من موضوع الموديل طاب هو جهاز حضرتك فيه برضه 4 بورت + الوايرلس برضه

انا عندى وشغال تمام الحمد لله بدون مشاكل ومركبة فى نصف الشقة عشان الواى فاى يغطى الشقة كلها

و طاب لو هو بعيد شويه مثلا فى الدور الارضى ما يغطيش للدور الثالث مثلا
و شكرا

[seaman]

الى معايا مش واير ليس انما فيه اربع بورت ...لكن انا عارف ان الواير ليس يجيب الدور الثالث علشان ان فيه ناس زميلى مركبينه وشغال زى الفل

انت من السويس كمان ...بصره

[kliken]

انت من السويس كمان ...بصره

فرصه سعيده يا باشا والله ما اخدتش بالى انك من السويس
الراواتر اللى معاك كنت جايبه من السويس و لا منين
انا سألت عليه عند واحد فاتح جديد فى سويس مول بتاع اتصالات و عارضه ب 220 جنيه 4 بورت و وايرلس

[sherif_84]

ياباشا فى نوع افضل من الـ tp link وهو d-link انا جايب one port وشغال تمام معايا بس هو يعنى معروف انه افضل

[kliken]

ياباشا فى نوع افضل من الـ tp link وهو d-link انا جايب one port وشغال تمام معايا بس هو يعنى معروف انه افضل

1 بورت و وايرلس ؟
اصل انا عاوزه وايرلس اهم حاجه و يا ريت لو تقولى سعره و شكرا

[أحمد كمال]

هات نت جير

Netgear

انضف راوتر على الاطلاق

3COM و Linksys الوايرلس بتاعهم تعبان

نت جير بابقى في الشارع تحت في العربية و لاقطه من الدور التالت فوق

[youssefmustang]

احسن نوع دلوقتى فى السوق المصرى الـ 3 COM
وفى نوع بس بجد يبقى محظوظ اللى يلاقيه اسمه hitachi يابانى 500 % جبااااار ما بيفصلش ابن خالتى جايبه من الامارات بيقعد اسبوع كامل شغال من غير ما بيفصله بس ما اعتقدش انه يكون فى مصر ولو موجود تمنه هيزيد عن الـ 1000 ملطوش (جنيه) سابقا
اخوكم يوسف

[M.Osman]

هات نت جير

Netgear

انضف راوتر على الاطلاق

3COM و Linksys الوايرلس بتاعهم تعبان

نت جير بابقى في الشارع تحت في العربية و لاقطه من الدور التالت فوق

عندي linksys فيه b & G ... كويس جداً على فكرة .. في الدور التاني و بيلقط تحت في الشارع...

اول مرة اسمع عن نت جير دا..

[أحمد كمال]

Netgear فعلا برقبة اللينكسيس

انا عندي الاتنين ..... نت جير في بيتي و لينكسيس في بيت اهلي

مفيش مقارنة نهائي