حد سمع عن راوتر اسمه tp link

[Abdo_Eldesokey]

طبعاً الـ NetGear لا يعلى عليه .. كفاية شكله أساساً يوهم




أنا عندي الـ D-Link وممتاز ، ومش بحتاج أرستره إلا مرة كل شهر مثلاً



بالنسبة للـ TP-Link مجربتوش ، بس واحد صاحبي عنده شبكة ضخمة ومشغلها بيه ، وبيقلي إنه حمار شغل ومش عامل أي مشاكل

على العموم الفرق بين الـ TP-Link والـ D-Link مش كبير ، في حدود 20-30 جنيه

بس تبقى في المضمون

[bmya]

انا عندي tp link من شهر مارس اللي فات وراميه في البلكونه من غير اي حمايه وبيطلع عينه تراب وشمس وانا طحنه داون لود ومش برستره غير كل اسبوعين مره وانا اللي برستره عشان بيصعب عليه اصلا من اللي بعمله فيه
هو 4 بورت بس مش وايرلس كان ب 140 جنيه

[MomoMedo]

انا عندي اكسس بوينت تي بي لنك وشغالة كويس بقالها فترة حوالي 6 شهور تقريبا

[m7nsh]

انا عندي اكسس بوينت تي بي لنك وشغالة كويس بقالها فترة حوالي 6 شهور تقريبا

ممكن معلومات عن اسعار الأكسس بوينت ؟؟ و انواعها ؟

[pro_samir]

هو شغال مش وحش والسعر معقول وتغطيتة ف الوايرلس كويسة لأن الأنتنا بتاعتة ،
5dpi

عندى فى البيت انا حاطة فى الدور السادس فى أخر الشقة و بيلقط وايرلس من الدور الأول لكن بصعوبة شوية

مشكلتة فعلا انة ساعات بيفصل وتضطر ترسترة لكن دة مع الأستخدام المنزلي مش هيضايقك قوي

والدي لينك أفضل منة هيكون فى رينج 280 لكن تغطيتة فى الوايرلس مش هتجيب معاك كتير قوي زية إلا لو فى نفس الشقة فا هيغطي كويس مش فارقة

دول أنسب حاجة فى فئة أقل من 300 جم

ممكن معلومات عن اسعار الأكسس بوينت ؟؟ و انواعها ؟

التى بى لينك 108 ميجا (سرعة الترانسفير على الشبكة) عامل حوالي 180 جم

ومناسبة برضو للأستخدام المنزلي مش هتحتاج حاجة اكبر ، انا شغال بيها فى البيت ومعقولة .. كل فين وفين برضو لما تحتاج ريستارت

باختصار التى بي لينك دة عامل زى العربية ال128 رخيص وشغال

[kliken]

شكرا يا شباب و جزاكم الله خيرا

[bassem.naguib]

انا عندي tp link من شهر مارس اللي فات وراميه في البلكونه من غير اي حمايه وبيطلع عينه تراب وشمس وانا طحنه داون لود ومش برستره غير كل اسبوعين مره وانا اللي برستره عشان بيصعب عليه اصلا من اللي بعمله فيه
هو 4 بورت بس مش وايرلس كان ب 140 جنيه

نفس اللي حاصل معايا بالظبط انا حاطه برضه في البلكونه وبعامله زي الصرمة القديمة ومع ذلك مقلش لآه .. وهو راوتر كويس جداً بالنسبة لسعره .. بس فيه أفضل منه في "الواير لس" طبعاً

هات نت جير

netgear

انضف راوتر على الاطلاق

3com و linksys الوايرلس بتاعهم تعبان

نت جير بابقى في الشارع تحت في العربية و لاقطه من الدور التالت فوق

النت جير أنظف راوتر على الاطلاق في مصر .. كلامك مظبوط يا باشا مليون المية .
وبالنسبة لمدى تغطية "الواير لس" فده بيبقى على حسب إمكانيات الراوتر نفسه ونظاق تغطيته .. يعني على سبيل المثال الراوتر "نت جير" فيه منه 3 فئات .. وكل فئه بيبقى ليها نظاق تغطية معين .. وللتغلب على الموضوع ده ولإعطاء نطاق تغطية أكبر .. يستخدم الأكسس بيونت لتقوية الاشارة .

لو حضرتك ناوي تجيب راوتر "واير لس" يبقى عليك وعلى "النت جير"

[MomoMedo]

ممكن معلومات عن اسعار الأكسس بوينت ؟؟ و انواعها ؟

كان في نوعين تي بي لينك وانا بشتري
نوع اربعة بورت دة اللي انا جبته تقريبا كان ب 210
وفي نوع واحد بورت واحد بيتحط فيه السلك اللي جي من الروتر وبيطلع وير لس بس كان ب 190

[Terrible_DaRsH]

Net gear
ثم
D - link
ثم
Tp link

ال tp link بقاله عندى مدة طويلة و شغال زى الفل ..

هات نت جير

Netgear

انضف راوتر على الاطلاق

3COM و Linksys الوايرلس بتاعهم تعبان

نت جير بابقى في الشارع تحت في العربية و لاقطه من الدور التالت فوق

انا بدخل واير ليس من الموبايل او اللاب من راوتر واحد صاحبي ساكن فى الشارع اللى بعدى ( Tp link ) ..

[ahmadyusuf]

انا كان عندى TP-Link و عندى D-Link و الـ TP-Link على فكره احسن و مبحتاجش اعمله Restart خالص و المدى بتاعه كويس اوى و انصح بيه