الخطوبة موضوع محير فعلا

[ashouhdy]

أوعى تريح البنت .... هى ى خلاصة تجارب سنيين ! و اهم حاجة عشان تكسب البنت ........... أتقل عليها البنات بيتجننوا ع الراجل التقيل و بيكرهوا عمى الراجل المدلوق

[mohamedbook]

انا هتجنن من المواضيع دى يا جدعان والله العظيم انا اعصابى تعبانه اوى الايام دى .. نفسى اتعرف على واحده معاى فى الترينينج وانا معجب بيها ومش عارف حتى اروح اكلمها وغالبا هنخلص ترينينج خلاص بكره وانا بجد مش عارف اعمل حاجه ومتوتر وكل ما اشوفها مقدرتش حتى اروح اكلمها والله هتجنن
اعصابى بايظه على الاخر وصحابى النهارده والله كانوا بيقولولى ان وشى اصفر اوى وانا عندى هبوط طول اليوم ومش قايل لحد من الناس اللى معاى ف الشغل خالص اصلا وقايل ل صحابى المقربين بس وكلهم نصحونى انى اكلمها لكن انا مش عارف مش عارف مشششش عارفففففففف

يعني ايه تتعرف عليها
لو عايز تمشي معاها عشان مشروع خطوبه فده مش من حقق
اما لو معجب بيها وعايز تخطبها ايه الي مخوفك طلاما مبتعملش حاجة غلط الها انا عايز اتقدملك ومعجب بيكي وعايز اقابل ولدك وشوف رد فعلها ايه هو دة الصح وروح قابل والدها وعرف ظرفهم ايه وحياتهم ازي لو نفع كمل منفعش يبقي تنسحب بدون ازعاج
اما موضوع انك تتعرف عليها فده سلوك مش كويس اتحداك لو ترضاه لاختك او حد من قاربك .

[mxz911]

وعى تضيع فرصة من ايديك وصدقنى ندمك بعد كدة حيكون اصعب من جنونك دلوقتى بمنتهى البساطة روح افتعل اى حوار فى الشغل فى التريينيج حاجة بتسأل عنها اى هبل يعنى و الكلام حيجيب بعضة بس اوعى ترتب كلام لأنك حتتلخبط
شوف اقولك احلى طريقة
ارمى نفسك و خلاص و غصب عنك حتتكلم :))))

أوعى تريح البنت .... هى ى خلاصة تجارب سنيين ! و اهم حاجة عشان تكسب البنت ........... أتقل عليها البنات بيتجننوا ع الراجل التقيل و بيكرهوا عمى الراجل المدلوق

شكرا لردك بس انا والله من النوع المتوتر اوى ومش عارف هعمل ايه مع انى ممكن اكلم غيرها بطريقه عاديه جدا لكن مع دى مش عارف ليه حاسس انى بهنج ومش بقدر اقرب حتى اكلمها وغالبا طريقه الرمى وخلاص دى اللى هتحصل وبجد انا محتاج دعائكم جامد :(

يعني ايه تتعرف عليها
لو عايز تمشي معاها عشان مشروع خطوبه فده مش من حقق
اما لو معجب بيها وعايز تخطبها ايه الي مخوفك طلاما مبتعملش حاجة غلط الها انا عايز اتقدملك ومعجب بيكي وعايز اقابل ولدك وشوف رد فعلها ايه هو دة الصح وروح قابل والدها وعرف ظرفهم ايه وحياتهم ازي لو نفع كمل منفعش يبقي تنسحب بدون ازعاج
اما موضوع انك تتعرف عليها فده سلوك مش كويس اتحداك لو ترضاه لاختك او حد من قاربك .

انا مقصدتش انى اتعرف عليها من باب الصحوبيه وبتاع .. انا مش بتاع الكلام ده اصلا وطبعا مرضاهوش لاختى او حد من قرايبى .. لكن عاوز اتعرف عليها على الاقل عشان يبقى ف كلام بيننا على اساس لو حصل نصيب اقدر اروح اتقدملها
وعلى فكره انا مريت بتجربه زى دى زمان واكبر دليل انى حاسس انى مش بعمل حاجه غلط انى عرفت اختى على البنت اللى كنت عاوز ارتبط بيها بس محصلش نصيب
وانا عموما بحب اخش البيوت من ابوابها لكن مينفعش نظام انى اتقدملها من غير ما حتى اكلمها او احسسها انى معجب بيها !

ادعولى بجد انا متوتر جدا وايامى بقيت صعبه اوى والله مش عارف ايه ده
وعموما ف اى حال من الاحوال الحمد لله

[ahmed_h_g]

وبعدين ؟؟؟؟
مفيش حل
خلاص نلغى موضوع الخطوبه من أساسه .

[hesham22822]

مرة شيخ بيقول لجماعة يا جماعة كل واحد يروح لمراتة يبوس ايديها و رفقا بالقوارير فواحد قال لة انا مش متجوز قال لة بوس ايدك وش و ضهر .