اشتريت لابتوب جديد وزعلان

[Egyzizo]

شكراً يا جماعة على ردودكم ..
أنا كده استريحت شوية ، يعنى على الأقل مش حاسس انى اتنصب عليا ..

أنا عندى dsl واللاب توب جاى معاه usb modem هدية ..
بس الفكرة فى إن وجود كارت الفاكس ده option ماتخيلتش ان فيه كمبيوتر ممكن يتباع من غيره.

أنا سألت على المودم الخارجى external وعرفت ان فيه أنواع صغيرة خالص فى حجم الفلاشة ، بتخش من ناحية usb والناحية التانية بتبقى دخلة سلك التليفون .. بس للأسف مالقيتهاش حواليا ..

فياريت لو حد يعرف ممكن تكون بتتباع فيه بالظبط يبقى كتر خيركم ..

أنا الحقيقة مش أكيد هاجيبه ، بس على الأقل ابقى عارف سكته لو اتزنقتله.

[bmya]

طيب يا جماعه يعني كده انا جهازي قديم ولا ايه انا عندي كارت فاكس ؟!!!!!!!!!
جهازي acer 5738 G

[ghazy12]

اغلب اللابتوبس دلوقتي مفيهاش مودم ....... و بيبقى عادة option زيادة و انت بتشتري اللابتوب من برة و بيكلف حاجة بسيطة زيادة

صدقني انا جبته في ال HP و في سنة و نص ما استعملتوش 3 مرات على بعضيهم

Dialup modem موجود لوحدة usb بس المشكلة هيبقي غالي يعني ممكن يعدي 150 ج

يعني تجيب مودم اتصالات احسن وسرعتة أعلي

+111111111111

هي دي الخلاصه فعلا, و عادي جداا انه يكون بدون فاكس, لأنه أوبشن زي ما قال أستاذ أحمد

و الـusb modem من اتصالات او فودافون يغنيك عنه و بسرعه أعلى زي ما قال أستاذ محمد سمير

[pro_samir]

طيب يا جماعه يعني كده انا جهازي قديم ولا ايه انا عندي كارت فاكس ؟!!!!!!!!!
جهازي acer 5738 g

قديم لية ؟

الموديل دة جديد أصلا وما شاء الله جميل

[sNIPER_007]

طيب يا جماعه يعني كده انا جهازي قديم ولا ايه انا عندي كارت فاكس ؟!!!!!!!!!
جهازي acer 5738 g

انا زيك بالظبط بس z
g مش

مش عارف ايه وضعنا بقه:10d5c8~1107:

[bmya]

قديم لية ؟

الموديل دة جديد أصلا وما شاء الله جميل

ههههه منا عارف انا بهزر ياباشا
اصل الناس كلها عمالين يقولوا الجديد مفيهوش فاكس لدرجهه اني صدقت ان اي جهاز في فاكس يبقى قديم
عموما كده كده ملوش لازمه ولا عمري استخمته ولا هستخدمه

[youssefmustang]

اغلب الاجهزة معاهاش فاكس مودم

[bmya]

ههههههههههههههه ده انا على كده اشتريت جهاز مميز جدااااااااااااااااااا
عادي يا جماعه هو في حد بيستخدمه اصلا
زي برده كان بيسأل على فلوبي ديسك ههههههههه

[Haitham10]

اعتقد فعلا الموديلات الحديثه واكرر الحديثه .... نادر اوي انك تلاقي فيها مودم لانه بئه من الماضي حاليا ً

[bmya]

اعتقد فعلا الموديلات الحديثه واكرر الحديثه .... نادر اوي انك تلاقي فيها مودم لانه بئه من الماضي حاليا ً

معلش بس ممكن تفهمني تقصد ايه بالحديثه يعني مواصفاته ولا شكله و لا سنه انتاجه ؟!!!

[Haitham10]

المنتجات الحديثه الاصدارات الحديثه
اكيد دة قصدي وقلت نادراً انك تلاقي فيها

[amrbakly]

علي فكرة الناس فاكرة المودم دة دلع مثلا او كمالية

دة في غاية الأهمية اكتر من الناس فاكرة انة مجرد دخول علي النت

الفاكس مودم مهمتة الأساسية أنك بتقدر تبعت فاكسات و تستقبل فاكسات علي الكمبيوتر بمنتهي السهولة و بجودة احسن من أي فاكس حتي لو كان باناسونيك، و دية ميزة تخليك توفر رقم مرعب

انا شخصيا لو لاقيت اللاب مفيهوش فاكس مودم مش حشترية ابدا، لأني فعلا كتير بحتاج ابعت فاكسات من البيت او استقبل فاكسات

[Terrible_DaRsH]

انا معايا Compaq 610 جايبه من شهرين و فيه فاكس ..

[Ralliart]

الموضوع ملوش دعوه بجديد وقديم لان اللاب توب في اي بلد غير مصر المفروض انه كل قطعه بتطلب على حسب رغباتك وكل حاجه بتمنها وبتيجي تستلمه بعديها بفتره بالمواصفات اللي حضرتك حددتها وفيه تجميعات بتبقى جاهزه من الشركه
انما هنا بنشتري المواصفات اللي التوكيل طالبها او التجميعات الجاهزه من الشركه
بس المودم مبقاش ليه لازمه حالياً والفاكسات انقرضت بعد الايميل
دا انا جالي فاكس جديد هديه في كرتونته مش عارف لو حبيت ابيعه هقول للناس ايه ؟ في حد بيشتري فاكس اصلاً!!

[pro_samir]

دا انا جالي فاكس جديد هديه في كرتونته مش عارف لو حبيت ابيعه هقول للناس ايه ؟ في حد بيشتري فاكس اصلاً!!

لا متقلقش مصر بخير

واحب اطمنك ان في جهات وللأسف خاصة مش حكومية كمان وكل اللي وصلهم من التكنولوجيا هو الخطوط الأرضية

ولا تقولي فاكس ولا إيميل ولا انترنت من أساسة

لدرجة خلاص مش عارفين نتعامل مع الناس دي بالتلغراف ولا ازاي