اشتريت لابتوب جديد وزعلان

[mr_kenawy]

انا لسة جايب hp pavillion 1370 تمنه 6300 جنيه فيه كل الاوبشن اللى ممكن تتخيلها ............. ماعدا الفاكس مودم و قالولى برده ان كل الاجهزة الحديثة مافهاش.

[semsem_uno]

يا جدعان كارت الفاكس ده انقرض اصلااااااااااا و مفيش اي لاب حديث بينزل بيه الا نادر جداااااااااااا و شبه مفيش و كان المفروض تسأل يا باشا و تعرف امكانيات الجهاز اللي هتشتريه الأول مش تيجي بعد كده و تتخانق معاه :)
و بعدين ميهمكش ده اصلا ماباقاش اساسي و معدش حد بيستعمل فاكس مودم و مينفعش تركب كارت ل الاب توب ده بيبقي لل كمبيوتر بس

[Terrible_DaRsH]

يا جدعان اسد فتحة الفاكس اللى عندى طيب ولا ايه !

انا جهازى جايبه من شهرين يعنى حديث و موديله حديث كمان و Hp Compaq , هى ممكن ملهاش لازمة اه بس لسه بتنزل فى اجهزة .

[Karim_Monir]

الفاكس مودم بدء ينقرض فعلا وانا شوفت في مول السخاوي كل حاجة usb
نتورك ومودم وتي في تيونر ودش وحاجات تانية كتير لان اتجاه العالم كله لليو اس بي
انا شايف طالما انت معاك مودم هدية هاتلك خط داتا واشحنة في 50 جنية واستعللة وقت ما تكون في حتة مافيهاش انترنت على الاقل سرعتة هاتكون احسن بكتير

[Samah AbdAllah]

قلقتونى قولت اروح ابص بصة عاللاب توب ده ما بقالوش اسبوع
ديل انسيبرين
وطبعا طبعا ملقتش فيه

[bishoy02010]

فعلا ديه حاجة بدأت تنقرض

[bmya]

يا جدعان اسد فتحة الفاكس اللى عندى طيب ولا ايه !

انا جهازى جايبه من شهرين يعنى حديث و موديله حديث كمان و Hp Compaq , هى ممكن ملهاش لازمة اه بس لسه بتنزل فى اجهزة .

مش عارف الصراحه كل شويه يقولك معدش بينزل في الاجهزه الحديثه محسسني ان انا معايا بوتجاز

[Egyzizo]

أنا الجهاز اللى جبته : dual core ، يعنى المفروض انه مش حديث قوى ، ومافيهوش فتحة فاكس.
بينما أختى جابت جهاز توشيبا برضه (بس من أمريكا) ، أحدث من بتاعى (core 2 due) وفيه فتحة فاكس.

واضح ان فيه اتجاه لازالة كارت الفاكس كنوع من الاقتصاد فى تمن الجهاز ، بس ده ما يمنعش ان لسه فيه أجهزة حديثة بتنزل بيه.

[bmya]

أنا الجهاز اللى جبته : dual core ، يعنى المفروض انه مش حديث قوى ، ومافيهوش فتحة فاكس.
بينما أختى جابت جهاز توشيبا برضه (بس من أمريكا) ، أحدث من بتاعى (core 2 due) وفيه فتحة فاكس.

واضح ان فيه اتجاه لازالة كارت الفاكس كنوع من الاقتصاد فى تمن الجهاز ، بس ده ما يمنعش ان لسه فيه أجهزة حديثة بتنزل بيه.

اطن الصوره واضحه عشان ميجيش حد يقول الاجهزه الحديثه مفيهاش فاكس
الراجل جهازه dual core يعني يعتبر قديم اصلا ومع ذلك مفيهوش كارت فاكس
وجهاز اخته core 2 due وفيه كارت فاكس
ايه بقه ظروف الاجهزه الحديث مش بينزل فيها كارت فاكس
الفكره بس انها مش مرتبطه بجهاز حديث ولا قديم عشان يبقى فيه كارت فاكس

[zakiali]

زي برده مره جبت لابتوب Acer Aspire 5538G وبعد فترة كبيرة اكتشفت انه مفهوش بلوتوث مع ان مواصفاته عالية

[Ralliart]

لا متقلقش مصر بخير

واحب اطمنك ان في جهات وللأسف خاصة مش حكومية كمان وكل اللي وصلهم من التكنولوجيا هو الخطوط الأرضية

ولا تقولي فاكس ولا إيميل ولا انترنت من أساسة

لدرجة خلاص مش عارفين نتعامل مع الناس دي بالتلغراف ولا ازاي

طيب دلني عليهم وابيعلهم الاختراع العلمي الرهيب ده