سحب الرخص

[eng_mkhalaf]

ياعم دة لو عايز يطلع أية فى العربية هيطلعة - مينفعشى معاهم اللون دة - اشترى دماغك يا أما بالفلوس أو تسيبة يعمل غللى عايزة

[Ahmed Hassan]

1- عدد كبير منكم بيدى الرخص لأميناء الشرطه اوحتى للعساكر.. وده غلط كبير جدآ لأن القانون بيعطى الظابط فقط حق سحب الرخص. الأمين ده اخرته يكتبلك مخالفه فقط.. اما ياخد الرخص لا والف لا

انا مش اول مره اسمع الكلام ده.. بس بصراحه مش متأكد انه صح.. ممكن حد يأكد او ينفي المعلومه دي مع توضيح الدليل؟!!

[modux]

ياعم دة لو عايز يطلع أية فى العربية هيطلعة - مينفعشى معاهم اللون دة - اشترى دماغك يا أما بالفلوس أو تسيبة يعمل غللى عايزة

+10000000000

[د.أحمد سمير]

بالفعل ليس من حق أمين الشرطة سحب الرخص .. لكن المشكلة إن القانون يعطي له الحق في الاطلاع عليها .. فكدة أو كدة هتسلمه الرخص في إيده .
لكن نصيحة على السريع كدة .. لو قابلك أمين شرطة لوحده وكانت غزالتك رايقة شوية بخ فيه ، لما يقولك وريني الرخص قوله وريني الكارنيه ، ولو قاوح هزأه .. بيخاف وبيتهت .
تقبلوا خالص مودتي

[SS]

هو فعلا حق سحب الرخص مقتصر على الظباط بس ، و الامناء و المندوبين و بالتأكيد العساكر ليس لهم هذا الحق و اخر صلاحياته هو تحرير مخالفة زى ما الدكتور احمد ذكر ...لكن فى اللجان و الاكمنة مفروض انه بيطلع عايها للتأكد من صحتها او لعرضها ع الظباط لكن ليس له الحق ف سحبها. بالنسبة لموضوع البخ ف الامناء او الظباط الصغيرين فده مافيش مشكلة منه الا ف حاجة واحدة انه ممكن يستلم عربيتك مخالفات للصبح لما تروح تدفع المخالفات تلاقيها من النوعية الغريبة اللى كلنا عارفينها و تلاقيها كلها ف حتت لعمرك رحتها ولا سمعت عنها.

[dr_3eshoo]

مش من حق امين الشرطه يسحب رخص
د انا هطلع <تييييييييييييييييييييييت>

[وائل عطية]

تخيلي للمشهد بوحه واقف في لجنه وراكب عربيه زباله وشكلها يقرف ومخبطه من كل ناحيه
الضابط بيقوله رخصك كتب الوصل وقاله سبب السحب (امن ومتانه) يرد بوحه ويستهبل (امل ونتانه ايه سعاتك) العربيه ده نضيفه ولسه مفليها الصبح ههههههههههههههههههههههههههههه

هههههههههههههههههههههههههههههههههههههههههههههههههه ههههههههههههههه

والله انت راجل عسل :D:D:D

[tutankhamoun]

أنا مرة كنت في إشارة مع واحد صحبي و كنا أول عربية و صاحبي هو اللي كان سايق و هوب الإشارة فتحت و هوب العربية بطلت من صاحبي و رأسها و ألف سيف متدورش . و الأغبية اللي ورا هاتك يا زمامير و شتيمة بدل ما ينزلوا يزوقوا معانا العربية على جنب
المهم جالي أمين شرطي و كان صعيدي و التفاهم معاه كان صعب جدا
و عايز يسحب الرخصة أو يعمل مخالفة علشان العربية عطلت
فقلولته أول مرة أسمع إن في مخالفة علشان العربية عطلت
يقولي مليش دعوة هاديك مخالفة يعني هاديك مخالفة أقوله يا عم الحج طيب أحنا نعمل أيه هو أحنا قصدنا نوقفها و لا أحنا عيزين عطلة ؟
يقولي مليش دعوة .......... و تحس بقى أنه غبى أو أكنك بتكلم طفل في الحضانة ( و على رأي إسماعيل ياسين مليش دعوة أنا عايز أروح عند أمي )
المهم جاء واحد أعلى منه شوية و راح أخينا ندهلوه و حكالوه الحكاية
راح الأخ التاني اللي جاء قالوه بأنت عايز تعمل مخالفة علشان كدا ...!!؟؟؟؟
و قالوه أديله الرخصة و سيبه يمشي
و قال أتفضل يا بيه أحنا آسفين
و دي المرة الوحيدة في مصر اللي وقفت أتناقش مع العاهات دي

[Mohamed_Hegazy]

وانا كنت سايق العربية بالليل وكنت ناسى النور لان كان فية نور من برة اعد البوليص ماشى وريا ومشغل الفلاشر وانا ولاواخد بالى خالص والاخر عند اشارة وقف موازى لعربيتى وشاور فا زوجتى قالتلى كلم بيشاور لك والاخر قال وبكل ادب شغل النور لانك ناسية ياريت نشوف 10/1من الاخلاق دى مع ان احنا اولى بيها - حدث فى تورونتو

[tarekkasaby]

حته كده كوميدي علشان الموضوع ميبقاش بايخ اصل انا بموت في افشات الافلام
اول ما الضابط قال امن ومتانه افتكرت محمد سعد في فيلم بوحه وجه في بالي قفشه من قفشات الافلام
تخيلي للمشهد بوحه واقف في لجنه وراكب عربيه زباله وشكلها يقرف ومخبطه من كل ناحيه
الضابط بيقوله رخصك كتب الوصل وقاله سبب السحب (امن ومتانه) يرد بوحه ويستهبل (امل ونتانه ايه سعاتك) العربيه ده نضيفه ولسه مفليها الصبح ههههههههههههههههههههههههههههه

مداخله بسيطه كده علشان نروق من حرقه الدم
ده كان احمد حلمى فى فيلم ظرف طارق
انما محمد سعد لو كان حصله الموقف ده كان قال للظابط صبح صبح يا عم الحج

[mohamed_rhem]

والله العظيم في كل مجال في الصالح فيه الطالح
يعني مره سنه 2000 تقريبا اول ما كانت موضه الحزام
حصلي موقفين كومديين الاول كنت راكب عربيه ورايح الرست هاوس مقعدتش هناك كتير ورجعت علي طول المهم سا يق كذا ساعه وزهقان وانا راجع في ميدان عبدالمنعم رياض شاورلي عسكري
وقفت رخصك اديته الرخص راح موديها للضابط
ولاقيته بيكتب وصل نزلت
خير يا باشا قالي حزام
قولتله انا كنت رابطه اسأل اللي سحب مني الرخصه
مع العلم انا من طول المشوار كنت متضايق منه فكنت منزله من فوق كتفي يعني تحت باطي
الضابط سأله كان رابط الحزام ولا لاء
قاله سعاتك كان منزله
قاله سؤالي واضح كان رابطه ولا لاء
قاله وهو مطاطي في الارض اه
راح رامي الدفتر والقلم في وشه وقاله بتحرجونا مع الناس
واداني الرخصه وقالي احنا اسفين
الموقف التاني حصلي في بنها
كنت راكب مواصله داخليه
الاجره 10 قروش
ركبت قدام جنب السائق
متعود اني اربط الحزام (السواقين بيقولي اربطه)
بمد ايدي علي الحزام
السواق قالي حيلك حيلك
هو كل واحد حيركب ببريزه حيتحزم قبل ما ينزل
بيتكلم جد والله
قولتله المرور قالي قولهم السواق هو اللي قالي متربطش الحزام
(هو كل واحد حيركب ببريزه حيتحزم قبل ما ينزل) افشه تضحك مش كده

[Nile Heart]

بالفعل ليس من حق أمين الشرطة سحب الرخص .. لكن المشكلة إن القانون يعطي له الحق في الاطلاع عليها .. فكدة أو كدة هتسلمه الرخص في إيده .
لكن نصيحة على السريع كدة .. لو قابلك أمين شرطة لوحده وكانت غزالتك رايقة شوية بخ فيه ، لما يقولك وريني الرخص قوله وريني الكارنيه ، ولو قاوح هزأه .. بيخاف وبيتهت .
تقبلوا خالص مودتي

تمام.

فعلآ من حقه يطّلع عليها..وبس
ده مافيش مشكله فيه لآنه لازم يرجعهالك تانى ببساطه لآنه لا يحمل دفتر ايصالات.. ده بيكون عهده الظابط بس

فالخلاصه ان الأمين ده مافيش منه خوف.. المشكله لو فيه ظابط واقف

[oshy]

والله العظيم في كل مجال في الصالح فيه الطالح
يعني مره سنه 2000 تقريبا اول ما كانت موضه الحزام
حصلي موقفين كومديين الاول كنت راكب عربيه ورايح الرست هاوس مقعدتش هناك كتير ورجعت علي طول المهم سا يق كذا ساعه وزهقان وانا راجع في ميدان عبدالمنعم رياض شاورلي عسكري
وقفت رخصك اديته الرخص راح موديها للضابط
ولاقيته بيكتب وصل نزلت
خير يا باشا قالي حزام
قولتله انا كنت رابطه اسأل اللي سحب مني الرخصه
مع العلم انا من طول المشوار كنت متضايق منه فكنت منزله من فوق كتفي يعني تحت باطي
الضابط سأله كان رابط الحزام ولا لاء
قاله سعاتك كان منزله
قاله سؤالي واضح كان رابطه ولا لاء
قاله وهو مطاطي في الارض اه
راح رامي الدفتر والقلم في وشه وقاله بتحرجونا مع الناس
واداني الرخصه وقالي احنا اسفين
الموقف التاني حصلي في بنها
كنت راكب مواصله داخليه
الاجره 10 قروش
ركبت قدام جنب السائق
متعود اني اربط الحزام (السواقين بيقولي اربطه)
بمد ايدي علي الحزام
السواق قالي حيلك حيلك
هو كل واحد حيركب ببريزه حيتحزم قبل ما ينزل
بيتكلم جد والله
قولتله المرور قالي قولهم السواق هو اللي قالي متربطش الحزام
(هو كل واحد حيركب ببريزه حيتحزم قبل ما ينزل) افشه تضحك مش كده

جامده الأفشه دى مووووووووووووووت
يا عم كنت قوله طيب هدفع ربع جنيه و سيبنى أربط الحزام هههههههههههههههههههههه