ايه رايكم في زواج الاجانب

[araberphilosoph]

قصدك في المتعه الجنسيه يعني؟؟
والله ده موضوع نسبي
صحيح انا عمري متجوزت مصريه بس بتهي لي الموضوع ده بيختلف من واحد للتاني
بس انا مش هتجوز واحده بس عشان بتعرف تمتعني اكتر
انا بتكلم عموما
قدامك الاختيار ايه مصريه ولا اجنبيه؟؟

[Xpert]

بص يا سيدي .. الصراحه انا مش عارف اقولك ايه .ز بغض النظر عن الجنسيه او او او .. و احب اقول انا معايا جنسيه سويسريه .. هم حاجه الراحه النفسيه . بغض النظر عن الحاجات التانيه .. الموضوع مش موضوع جواز من اجنبيه ولا جواز من هنديه .. الموضوع كله يتمحور حوالين الراحه النفسيه .. بمعني ..انت طالب ايه في شريكه حياتك ؟ بس الفكره بقي ان المواصفات تكون جديه ... بمعني .. مش هاجي اقول عاوزها شعرها اشقر و عنين خضرا و بتعرف تطبخ .. لاء .. انت عاوز حاجه تكون مناسبه امكانتك الاجتماعيه .. عاوز زاحده تكون طيبه (اه فيه حريم مفتريين .. اسمع مني ..) .. عاوز واحده محترمه و عارفه اصلها و عارفه نفسها .. مش بتاع الكلام الفاضي و الكلام ده .. عاوز واحده تكون مناسبه لسنك او اصغر منك حاجات بسيطه .. يعني انت عندك مثلا 25 سنه .. مش عاوزها 16 ولا 45 .. حاجه وسط تناسبك .. و اهم حاجه تكون فاهمه دماغك ماشيه ازاي ..
يعني من الاخر .. الموضوع مش موضوع هيا منين .. الموضوع موضوع هيا مين ...
طبعاً انا مع كلام "الريس" لأنك لو بصيت كويس .. هاتلاقس بنت البلد عارفه دماغك و "الاعيبك"و العادات و التقاليد واحده .. لأن الاصل واحد و التربيه متقاربه ..بس ده مايمنعش انك تلاقي حاجه مناسبه ليك عند الاجانب..
اتش اتش اس ... الموضوع كله تراضي ... انك تبقي راضي و تراضي اللي قدامك ..
فيلوسوف العرب قال كلام مظبوط برضه .. (مع اني مسيحي ) .. بس نسيت حاجه يا حج .. ماتعممش !! .. مش كل اللي انت بتقوله يمشي علي كله .. لن العالم فيه الابيض و الاسود و الرمادي .. يعني لو حاطط الكلام ده استاندردز .. هاتتفاجيء كتيير ..
مصطفي بكري : كل اللي حاطط اسسه علي الفلوس و الهجره و الكلام ده بيفشل بعد مده اقصاها سنه .. يبقي لا طال ابيض ولا اسود .. و بيسافروا يشتغلوا ويترز في المطاعم و بيمسحو الاطباق و العيشه زباله .. اختار ما ببين كرامتك ولا الهجره و نقي .. اللي يسافر يسافر بشرفه و كرامته .. مش بالطرق دي .. انا شوفت حاجات و مناظر بعيني والله يا جدعان .. تخليك تفكر الف مره قبل ما تسافر ..

[araberphilosoph]

يا ريس هنتكلم عن الواقع ولا هنتكلم كلام حماسي بس
اسال اي شاب مصري تختار تاخد اي جنسيه اوروبيه ولا تفضل كده
وشوف هيقول ايه؟؟
شايف ان تقاتليدنا كلها صح؟؟؟ طب هاسال حضرتك سوال واحد
تفتكر ان حياتنا ماشيه قريبه من الاسلام؟؟ تفتكر كل عاداتنا وتقاليدنا واخلاقنا قريبه من الاسلام؟
انا بتكلم عن الواقع والواقع اللي احنا عايشين فيه؟؟؟ مش كلام حماسي
انا مصري وفخور بمصر بس مش بواقع مصر
بمصر التاريخ الجدعنه دفء الاحاسيس
بس مش فخور تماما بواقع مصر
تماااااااااااااااااااامممممممممممممممممممممماااااا اااااااا
اما ان المصريات اهلي وقريابي انا مقلتش حاجه صح وان في مصريات ممتازات ماختلفتش
انا اللي اقصده ان احنا بنعقد كل حاجه في حياتنا و بناخد بالاشاعات مجرد انطباعات!!!
الاجنبيه منحله؟؟ والمصريه احسن؟؟ ليه؟؟
لو مصريه سمرا اجمل من 1000 اجنبيه؟؟ بصراحه؟؟ معتقدش
انا بتكلم عن الواقع الي عايشه الشباب ليش الا
الواقع اللي ملوش اي معني ان نهرب منه بالاحاديث الحماسيه!!!
والدنيا بقت اصغر كتير اوي يا ريس وقريب اوي مش هيبقي في خصوصيه لاي شعب
هتبقى موضوع حضارات وبس
وتقبل تحياتي

[araberphilosoph]

استاذ expert انت قلت مربط الفرس (مش مهم هي منين المهم هي مين) ده اللي نفسي اوصله ان احنا مناخدش الموضوع بالشبه اهم حاجه الشخص مش البلد
اما موضوع العادات والتقاليد فده موضوع طويل ومن الاخر مش كل حاجه عندنا صح واخلاقنا بقت سيئه جدا انتهازيه ووصلويه وحاجه زفت
فلو الواحد لقه واحده اجنبيه لقطه زي مبيقولوا يبقى يتوكل المفروض متفرقش موضوع الجنسيه دي حاجه واهله ممكن يتقبله الموضوع لازم يكون تفكيرهم احسن
تعرف الاعيبك؟ هاهاها هو اللواحد بيلعب ليه مش عشان يخصل على حاجه مش عارف يوصلها لكن لو كان في حريه صح يبقى هتلعب ليه الا اذا كنت من الاساس نيتك وحشه
الموضوع سخن واحلو
والموضوع الجديد هيبقي قنبله

[Xpert]

بصوا يا جدعان .. معلش اعزروني بس ده بقي حال المجتمع المصري .. مجتمع خلاص انحا و انحلت اخلاقياته .. اصبح الجنيه همه الرئيسي و اصبح مليئاً بالمجاملات الفاضيه .. و الوعود الكاذبه و اهتم بمصلحه الفرد بغض النظر عن مصلحه الاخرين .. احترف الكدب و الفساد بقت شغلته الوحيده .. و بقي كله بيضحك علي كله و لو يطوول ياكلك هايكلك صاحي .. انت راجل عشت بره و عارف المعامله الانجليزي ازاي .. و المعامله المصري ازاي .. المصري طول ماهو جنبك بيبقي جنبك عشان عاوز منك مصلحه .. و لو احتجت انت منه حاجه ماتلاقوش .. الانجليزي شغال بنظام فيد و استفيد ..
انا راجل زي ما بيقولو تربيه بره .. اتربيت بره مصر .. و عايش في بلدي تعبان و راضي ( الميكس ابن الكلاب ده جابلي انفصام شخصيه بجد .. )

يا عم فيلوسوف العرب .. تقاليدنا مش صح .. و بعيده تماماً عن الصح ..بس الواحد عنده انتماء للوطن ودي حاجه في الدم .. بغض النظر انا مولود فين ... انا مولود في سويسرا و العائله من مصر .بحب مصر و سويسرا قد بعض .. انا زعلان علي حال الشعب المصري .. و في نفس الوقت صعبان عليا نفسي .. انا مصري و فخور بمصر برضه .. و زعلان علي حال البلد كل مدي في الانحدار ..
هوه فعلاً الناس كلها بتشرب من الاشاعات كتير .. و ده عيب الشعب المصري برضه ..
و معني انهم جابو حاله في التليفيزيون يقولك اخدت العيال و هربت يبقي كلهم هايهربوا..
معني انهم جابوا حاله ان واحد سلم نفسه في السفاره و رجعووه مصر يبقي هايمسكوك ..
يا جدعان فتحوا عنيكو شويه و زي ما فيه ده .. اهه عندكم الراجل متجوز اهه و زيه كتيير ... ماسمعناش يعني حاجات وحشه - بعد الشر- ..
يالا علي الله حال البلد يتحسن شويه ..
عيب عليك يا اخ فيلوسوف العرب .ز احنا دايسين و اتداسنا في البلد دي كتيير برضه :d

يا جدعان اللي كان مسافر بره او متجوز من بره يتكلم عن نفسه شويه برضه و يقول كان فين و ايه تجاربه الشخصيه .. ايه يا عم فيلوسوف انت ضحكت علينا ولا ايه :d
مع تحياتي المصريه و السويسريه علي حد السواء
و كل عام و انتم بخير .. و عيد سعيد و احجزولي شويه لحمه ياللي مش راحمين حلل اللحمه
اخوكم من ارض الوطن
جون
:d

[الريس]

المسألة مش حماسة
ده اقتناع .. انا قلتلك انا سافرت 13 بلد في اول رد علشان اوصلك نقطة اني فاهم الفروقات كويس
انا قدامي اخد جنسية ممكن تكون بمقاييسك من احسن الجنسيات و انضفها على قولك (النرويجية) لان الشركة اللي بشتغل فيها هناك و عاوزين اني استقر هناك
انا دخلت كل السفارات و طلعت كل التاشيرات و مفيش حد فتح بقه معايا .. مش واسطة مع اني قادر .. لا علشان كل حاجتي و ورقي سليم .. و تخصصي نادر و مطلوب
انا مش من انصار الانسحاق للغرب او للاجانب
دي حاجة
مال واقع مصر .. بجنسية مصر .. الجنسية تشرف في اي وقت .. و واقعنا احسن من ناس كتيييييييييييير .. مازال في معروف .. و مازال في امان رغم انه بيقل :( .. و انا مبستريحش الا في بلدي
اما موضوع التدين
انا متاكد ان الاغلبية العظمي اخلاقها و قربها من الاسلام اكتر من 90% من الدول التانية .. احنا بس الوحش عندنا بيبان اكتر .. لاسباب كتير مش وقت الكلام فيها
بالمناسبة .. و مسيحيين مصر اكثر تدينا من مسيحيين الدول التانية يعني كلامي يشملهم .. و مش علشان اقلية .. لا علشان هما ناس متدينيين و ملتزمين
جملة (انا اللي اقصده ان احنا بنعقد كل حاجه في حياتنا و بناخد بالاشاعات مجرد انطباعات!!!
الاجنبيه منحله؟؟ والمصريه احسن؟؟ ليه؟؟ ) مش فاهمها اوي .. لكن لو فهمي صح .. هارد عليك و اقولك التعميم غلط طبعا .. و كل ثقافة و ليها قيمها .. و الغلط في حته مش غلط في حته تانية
الواقع محدش بيهرب منه و لا حاجة .. و اللي الشباب عايشينه من حلم و وهم ان اي حاجة برة هو اللي اسمه هروب من الواقع .. انا ممكن افتح موضوع منفصل احكيلك 50 قصة نجاح لناس اعرفهم .. نجحو علشان عاوزين ينجحو مش علشان قاعدين على القهوة بيطرقعو صوابعهم
و تقبل مودتي

[araberphilosoph]

يا expert باشا
انا حاسس بيك والله (خصوصا موضوع انفصام الشخصيه دي) انا نفسي ومنى عيني ان احنا نغير طريقه تفكيرنا شويه والله يا عالم هنبقى مفيش زينا بس للاسف احنا بننغلق على نفسنا وبنكدب ونصدق نفسنا!!! لحد مافتكرنا ان كل اللي عندنا صح
بس والله لو الواحد فكر بحياديه 10 دقايق هيضرب نفسه ستين صرمه!!!!
ربنا يستر على البد دي
بالمناسبه انا عايش في مصر وعمري ماسفرت اوروبا لسه (متجوز المانيه من سنتين بس لسه مفكرتش في السفر وعايشين هنا في مصر بس في طابا) بس بجد الواحد نفكيره اتغير جدا
ونفسي نفكها شويه

[araberphilosoph]

يا ريس
كلامك صح بس موضوع الانسحاق ده انا ضده تماما
بالعكس انت لازم تصبغ عيلتك بصبغتك انت بما انك رب الاسره !! بس مش تفكر ان كل حاجه عندك صح !!! وموضوع الشباب اللي بيهرب للوهم صح مليون الميه مش بقولك طريقه تفكيرنا عايزه تتغير!!!
انا اللي اقصده ان احنا عندنا نوع من انواع الاغترار بالنفس زياده عن اللزوم
وده بيغظني اوي !!
جنسيه تشرف اه بس واقع؟؟ مش عارف ؟؟ مش عايز ادي حكم
احنا احسن من ناس كتير صح بس مش دي مكانتنا اللي نستهالها احنا احسن من كده بكتيييييييير بس نغير طريقه تفكيرنا شويه هنبقى جامدين مووت
وتقبل تحياتي يا ريس واختارناك وبايعناك

[Xpert]

طب يا عم .. ماتقول من الاول ..
بص بما ان احنا بقي في الموضوع ده .. انا هاسالك سؤال واحد .. طبعاً انت متجوز اجنبيه اهه و عندك عيال اكيد ..
هل تيجي في يوم .. و تندم انك اتجوزتها ؟.. لو بتفكر تسافر (بما انك اتجوزت اجنبيه .. و دي هاتسهلك السفر) .. هاتسافر ليه ؟ ايه السبب ؟
كمان انا احب اقول
ان احنا عندنا مشكله و المشكله دي محدشش حاسس بيها دلوقتي .. بس هاتظر قريب . مش عاوز اقول ايه هيا .. بس حلها ان خانه الديانه تتشال من البطاقه و تتحط مكانها خانه فصيله الدم (ايوه الحقيقيه مش بتاعه الشهاده ام 10 جنيه دي ..)
مشكله الوهم بتاع الشباب دي بقي نتيجه "مكانتنا الحضاريه" اللي وصلنالها و دي بقي لازم نتحمل عواقبها و نتائجها .. و تاثيرها بيبان اهه في الشباب اللي عمال يغرق في البحر و هوه بيتهرب ايطاليا .. و في الفلوس بتاعه التاشيرات المضروبه و و و و ..
و علي فكره .. انا شاب عندي 21 سنه ..

[الريس]

وتقبل تحياتي يا ريس واختارناك وبايعناك

:):):):):):D:D:D:D:):):):):)

بص يا باشا .. انا و الله متفهم كتير من كلامك .. بس علشان انا اشتغلت برة .. و (اتعكيت) جامد
انطباعاتي ..مختلفة شوية .. الفساد و الظلم و التحرش و الاستعباد و كل اللي نفسك فيهموجود برة و اكتر من هنا
بس هناك متغلف بسوليفان
و هنا ملفوف في ورقة جورنال
برة القانون لا يطبق على الجميع بس شكله بيطبق على الجميع
هنا مش بيطبق و باين انه مش بيطبق

اللي انا مع حضرتك فيه ... اننا لازم نكون احسن كتيييييييييييييييييييييييييييييييييييييييييييير من اللي احنا فيه .. بس ده مش هيحصل غير بإيجابية اكتر في التفكير
و تقبل مودتي .. و هاحطك في التشكيل الوزاري الجاى وزير سياحة

[الريس]

و هاخلي expert يمسك وزارة القوى العاملة و الهجرة ياللا ان شالله ما حد حوش

[Xpert]

شكلك كده يا ريس كنت في ايطاليا
ماشي يا عم تشكر علي الوزاره .. بس ممكن امسك وزاره الماليه ؟ و احنا من اتباعك يا ريس
:d:d:d:d:d:d:d:d:d:d:d:d:d:d:d:d

[Falcon.Crest]

in fact my dears, i see that every marraige is aseperate case, depend on both man and women but i prefer egyptian

[amr mokhtar]

بصراحة شديدة انا اتلخبطت يعنى مش عارف انا كلامى اللى انا قلته صح و لا غلط

بس الموضوع ده كله نسبى و حسب كل واحد بيفكر إزاى و فعلآ هو كله موضوع نصيب ليس اكثر و لا أقل و أهم حاجة هى الراحة النفسية و الأخلاق الكويسة فى الزوجة
طبعآ انا ضد تمامآ موضوع الزواج بأجنبيات لغرض السفر او الهجرة او الأغراض الإنتهازية دى

عارفين مشكلة هذا النوع من الزواج ان هو محتاج انك تكون متأكد مليون فى المية انها تصلح ليك يعنى لازم تكون إختبرتها فى أكثر من موقف و خليت أهلك يتعاملوا معاها كتير عشان تكون مطمن من اللى انت بتعمله
لكن المصرية بتكون سهلة فى الموضوع ده يعنى فى الغالب بتكون معرفة الأهل او جيران من زمان فبيكون عملية التأكد منها أسهل و أقل
لكن لو واحد قابل أجنبية و تأكد انها مناسبة ليه بشرط انها تكون مسلمة معتدلة و محترمة يبقى إيه المانع؟؟
و بعدين الموضوع ده المفروض انه بعيد عن معايير الجمال فيا ريت بلاش كلام فى الموضوع ده

و يا جماعة خدوا بالكوا برضه من حاجة نسبة كام اللى بيتجوزوا بأجانب يعنى واحد كل 1000 مثلآ
يعنى فميش خطورة على بنات مصر نهائيآ

[araberphilosoph]

بص يا expert
انا عمري مندمت علي الجوازه دي ابدا بالعكس وصدقني انا مفكرتش في موضوع السفر عشان عايز اسافر لهدف مش اسافر عشان السفر(نفسي اكمل الدكتوراه )
بالنسبه لموضوع الديانه في البطاقه انا شايف انه عادي مش هتفرق كتير احنا بس اللي لازم نظرتنا عن الدين تتغير !!!
اما موضوع المكانه الحضاريه فردها مثل واحد (مكانتك فيمت تحسن فعله لا ما تدعيه)

بجد مصر بلد جامده اوي في السياحه بس عندنا حتجات كتير لو اتغيرت اضمن ليك ان شاء الله اقل واجب 30 مليون سايح في السنه(حاليا 9 مليون بالعافيه)
تسلم يا ريس بس والنبي ضم لي الخارجيه عليها اهو كله توفير في النفقات