مصر لسة فيها امانه

[kmhbravo]

[OVERLINE][OVERLINE]إمبارح كنت فى سيلانترو الميرغنى بعد ما شربت القهوة وكلت ساندوتش نسيت الموبايل بتاعى I-Phone على الكرسى وحاسبت ومشيت وبعديها ب 3 ساعات إكتشفت إختفاء الموبايل وطبعاً إتصلت من تليفونى التانى لاقيته مقفول فقلت كل موبايل وانا طيب خلاص إتسرق وكل اللى عليه راح خلاص وما كونتش ناوى أروح أسأل عليه بس بعد 10 دقايق أما ركزت شويه إفتكرت إنى كنت قافل الموبايل بنفسى فإتجدد الأمل ونزلت لسه بأسأل مدير المحل أم مطلع الموبايل وإداهونى ومش عايز أقولكم قعدت أشكره اد إيه وفرحت اكتر إن لسه فى أمانه فى مصر
[/OVERLINE][/OVERLINE]

[أبو إياد]

الحمد الله والله الواحد بيكون سعيد لما يسمع عن مواقف تمت بالشكل ده

[lancerevolution]

الحمد لله إن لسة فى حد كدا ربنا يباركله

[A_H_M_A_D]

لو كنت نسيته في قهوة بلدي كان زمانه راح بطن الزير

[kmhbravo]

لو كنت نسيته في قهوة بلدي كان زمانه راح بطن الزير

إسمح لى مش متفق معاك لأن الأمانه مالهاش زمان ولا مكان . ما هو كان ممكن الولد اللى بينظف الترابيزة يضربه فى جيبة وخلاص وحصلت معايا قبل كدة كنت باتكلم مكالمة وانا جنب العربية وبعد ما خلصت المكالمة حطيت الموبايل على سقف العربية عشان كنت باقلع الجاكت وحطيته فى العربية ومشيت والموبايل نسيتة على السقف وطبعاً وقع وبعد نص ساعة إفتكرت وإتصلت بالموبايل الراجل رد عليا وحدد لى مكانه وروحت أخدته منه وشكرته طبعاً

[أحمد كمال]

مرة نسيت شنطة اللابتوب في صيدلية من حوالي 4 سنين بسلاطاتها ببا غنوجها و تاني يوم افتكرت و لقيتها عندهم

و مرة نسيت نضارتي في سبكترا و كلمتهم اما روحت قالوا لي شلناها اتفضل تعالى خدها

و مرة واحد صاحبي نسي موبايله في كشك سجاير في الشرابية ....... لقيت صاحبي بيكلمني (طلع صاحب الكشك بيتصل باخر رقم) و بيقول لي الو يا استاذ كيمو (صاحبي كان مسميني كيمو عالموبايل هههههههههه) ..... من فضلك خلي صاحبك ييجي ياخد تليفونه انا الكشك بتاع السجاير في المكان الفلاني .......

[Xander2010_Evo]

يااااااه
بردو البلد دي لسه فيها خير :)

[Ghamrawy]

انا والدتى الموبيل و قع منها فى تاكسى من زيزينيا لسموحة و اتصلت عليه و رد السواق و راح لها بعد ما خلص الطلب اللى كان معاه و رجعلها الموبيل تانى

[Haitham10]

وانا نسيت موبايلي 5800 في توك توك وكل موبايل وانا طيب مع انى مديله ضعف الاجرة ومظبطه :) :)

[kh_talaat]

وأنا مره كنت في مشوار وبعد ما روحت وغيرت هدومي بدور على الموبيل مش لاقيه ، فأتصلت عليه يمكن يكون واقع مني في البيت لقيت واحد بيرد عليا وبيقولي انه لقاة في شارع المنيل وهو واقف منتظرني عشان آجي أستلم الموبيل ورحت لقيته شاب عندة 19 سنة وخدت الموبيل وشكرته

والله مصر فيها ناس محترمه كتيييييير بس المشكلة ان الناس السيئة هي اللي بتظهر كتير عشان مفيش رادع أمني في الشارع

[M.Mosaad]

سبحان الله المفروض تبقي دي القاعدة لكن نعمل ايه في الزمن دة بقي

ربنا يسترها

[melmegharbel]

الحمد لله على سلامة تليفونك، وانا مبسوط إنك كتبت الموضوع ده عشان ننشر الخير بدلا من الشر وده بيخلى الناس تبطل إكتئاب

[Ahmed Sharaf]

[overline][overline]إمبارح كنت فى سيلانترو الميرغنى بعد ما شربت القهوة وكلت ساندوتش نسيت الموبايل بتاعى i-phone على الكرسى وحاسبت ومشيت وبعديها ب 3 ساعات إكتشفت إختفاء الموبايل وطبعاً إتصلت من تليفونى التانى لاقيته مقفول فقلت كل موبايل وانا طيب خلاص إتسرق وكل اللى عليه راح خلاص وما كونتش ناوى أروح أسأل عليه بس بعد 10 دقايق أما ركزت شويه إفتكرت إنى كنت قافل الموبايل بنفسى فإتجدد الأمل ونزلت لسه بأسأل مدير المحل أم مطلع الموبايل وإداهونى ومش عايز أقولكم قعدت أشكره اد إيه وفرحت اكتر إن لسه فى أمانه فى مصر[/overline][overline]
[/overline][/overline]

إسمح لى مش متفق معاك لأن الأمانه مالهاش زمان ولا مكان . ما هو كان ممكن الولد اللى بينظف الترابيزة يضربه فى جيبة وخلاص وحصلت معايا قبل كدة كنت باتكلم مكالمة وانا جنب العربية وبعد ما خلصت المكالمة حطيت الموبايل على سقف العربية عشان كنت باقلع الجاكت وحطيته فى العربية ومشيت والموبايل نسيتة على السقف وطبعاً وقع وبعد نص ساعة إفتكرت وإتصلت بالموبايل الراجل رد عليا وحدد لى مكانه وروحت أخدته منه وشكرته طبعاً

مرة نسيت شنطة اللابتوب في صيدلية من حوالي 4 سنين بسلاطاتها ببا غنوجها و تاني يوم افتكرت و لقيتها عندهم

و مرة نسيت نضارتي في سبكترا و كلمتهم اما روحت قالوا لي شلناها اتفضل تعالى خدها

و مرة واحد صاحبي نسي موبايله في كشك سجاير في الشرابية ....... لقيت صاحبي بيكلمني (طلع صاحب الكشك بيتصل باخر رقم) و بيقول لي الو يا استاذ كيمو (صاحبي كان مسميني كيمو عالموبايل هههههههههه) ..... من فضلك خلي صاحبك ييجي ياخد تليفونه انا الكشك بتاع السجاير في المكان الفلاني .......

انا والدتى الموبيل و قع منها فى تاكسى من زيزينيا لسموحة و اتصلت عليه و رد السواق و راح لها بعد ما خلص الطلب اللى كان معاه و رجعلها الموبيل تانى

وأنا مره كنت في مشوار وبعد ما روحت وغيرت هدومي بدور على الموبيل مش لاقيه ، فأتصلت عليه يمكن يكون واقع مني في البيت لقيت واحد بيرد عليا وبيقولي انه لقاة في شارع المنيل وهو واقف منتظرني عشان آجي أستلم الموبيل ورحت لقيته شاب عندة 19 سنة وخدت الموبيل وشكرته

والله مصر فيها ناس محترمه كتيييييير بس المشكلة ان الناس السيئة هي اللي بتظهر كتير عشان مفيش رادع أمني في الشارع

ربنا يبارك في كل ابطال هذة المواقف اللي عندهم ضمير وبيراعوا ربنا..

[M.Zaher]

انا بقى في مره نسيت فرخه في التاكسي و طبعا قعدت ارن عليها و لا هيا هنا اصلها كانت مدبوحه و متنضفه

[Mostafa Hessen]

الحمد لله مصر لسه بخير مهما حصل