مصر لسة فيها امانه

[hh]

فى ناس ماينفعش اساسا تعرض عليها حاجه زى كده واكيد اللى بيعمل كده استحاله هايقبلها ودى طبيعه فى البنى ادم اللى عنده امانه

أختلف معاك, يعني اللي لقى ال i phone في سيلانترو ده أكيد الويتر, تفتكر لو عرضت عليه 200-300 جنيه حيرفض خصوصا لو أصريت؟؟ نفس الشئ بالنسبة للشاب اللي عنده 19 سنة ده شاب صغير و حتلاقيه يا أما طالب يا أما ظروفه مش قوي و بيشتغل, و في الحالتين ممكن جدا يفرح بالفلوس. و برضه اللي ينسى حاجة في محل أو صيدلية الاحتمال الأكبر انه العامل اللي بيبيع هو اللي حيلاقيها و أنت عارف طبعا دول مرتباتهم عاملة ازاي, ربنا يعينهم.

و على فكرة مافيهاش حاجة ابدا انه يقبل مكافأة, ده حقه و ما يقللش من أمانته اللي ربنا سبحانه و تعالى حيجازيه عليها. و ما ننساش ان اللي بيلاقي حاجة كان يقدر يبيعها بأضعاف الفلوس اللي ممكن تتعرض عليه, يبقى لما يكون أمين المفروض يكافأ, و أنا معلوماتي ان ده المفروض شرعا ان اللي يلاقي حاجة من حقه 10% منها.

[gebreel]

يا جماعة الامانة و الجدعنة ملهاش علاقة لا بزمان ولا مكان ليها علاقة بتربية و الحمد لله بالرغم من كل السلبيات اللي بقت موجودة لكن لما بيحصل موقف بنلاقي الجدعنة غصب عننا طفحت على وش كل واحد فينا و عمل اللي اهالينا و اجدادنا ربونا عليه دي حاجة

الحاجة التانية المال الحلال عمرو ما يضيع زي ماقالو

الحاجة الثالثة ان اكيد حضرتك في يوم من الايام عملت حاجة لشخص و كانت كويسة و ربنا ردهالك في الموقف ده

عاش يا رجالة مصر يا طيبين يا جدعان ... =)

[أبو إياد]

أختلف معاك, يعني اللي لقى ال i phone في سيلانترو ده أكيد الويتر, تفتكر لو عرضت عليه 200-300 جنيه حيرفض خصوصا لو أصريت؟؟ نفس الشئ بالنسبة للشاب اللي عنده 19 سنة ده شاب صغير و حتلاقيه يا أما طالب يا أما ظروفه مش قوي و بيشتغل, و في الحالتين ممكن جدا يفرح بالفلوس. و برضه اللي ينسى حاجة في محل أو صيدلية الاحتمال الأكبر انه العامل اللي بيبيع هو اللي حيلاقيها و أنت عارف طبعا دول مرتباتهم عاملة ازاي, ربنا يعينهم.

و على فكرة مافيهاش حاجة ابدا انه يقبل مكافأة, ده حقه و ما يقللش من أمانته اللي ربنا سبحانه و تعالى حيجازيه عليها. و ما ننساش ان اللي بيلاقي حاجة كان يقدر يبيعها بأضعاف الفلوس اللي ممكن تتعرض عليه, يبقى لما يكون أمين المفروض يكافأ, و أنا معلوماتي ان ده المفروض شرعا ان اللي يلاقي حاجة من حقه 10% منها.

انا باقول فى ناس ماينفعش تعرض عليهم حاجه زى كده
وطبعا فى ناس انت اكيد من نظرتك ليهم هاتعرض عليها وده طبعا عمره ما يقلل من شأن الشخص ولا حرام حتى

يبقى لازم يكون بينا اتفاق هو ان العرض بيكون حسب الموقف نفسه

[نور القمر]

ربنا يفرح قلبك , وانا فعلاً والله كنت بدور على العربية مش فاكر ركنتها فين لغاية ما لقيتها , وكان ناس فراشين قدامها بيبيعوا كراسات واقلام وعلشان كدة مكنتش لاقيها..... شايفك كملي ضحك يلا.

زوجي بيعمل مواقف مشابهة كتير واكتر حاجة بتجنني لما ينسى مفتاح العربية جواها ويتصل بيا عشان الحقة بالنسخة التانية ولازم لو دخلنا باركنج انا اللي احفظ مكان العربية عشان ياما دوخني معاه عليها

[mensho]

فى موقف حصل معايا كنت راكن واقف مع صحابى وحاطط الموبايل على الشنطة بتاعت العربية
وبعدين مشينا رحت بركن العربية عايزة اعمل مكالمة مش لاقى الموبايل ادور مش لاقية افتكرت انى سبتة عالشنطة نزلت بصيت ملقتوش رحت رجعت للمكان اللى كنت فية الطريق حارتين ملقتوش وانا رايح
وانا راجع بقى من نفس الطريق لقيت واحد ماسك الموبايل مدارى فى كشك صغير وفاتحة وعمال يدور يطلع الشريحة ازاى عشان هية صعبة شوية عندى
قومت راكن جمبة هوة شكلة من الفلاحين وقلتلة الموبايل دة بتاعى
قام ابتسم كدة ابتسامة واحد زعلان
وقالى طب نوعة اية
قلتلة نوكيا يا عم
قالى اة دة نوكيا وماسكة فى ايدة
نزلت خدتو بيقلى الحلاوة قلتلة اتمشى يا عم
وخدت تليفونى ومشيت

[أحمد كمال]

على فكرة الحاجة الأحسن إنك تعمل ندر بمبلغ معين وتطلعة لوجه الله وده اللى أنا نويته إمبارح قبل ما الاقى الموبايل وإن شاء الله هاطلع المبلغ يوم الجمعة

الندر المشروط مكروه جدا ..... و لكن لو عملته لازم تنفذه

و قال عنه رسول الله صلى الله عليه و سلم .... تستخرج به الصدقة من البخيل

تخيل ان الواحد مننا لا سمح الله يتشرط على ربنا في النذر و يقول لو حصل كذا هاعمل كذا ..... فيها سوء أدب مع الله ......

[A_H_M_A_D]

الندر المشروط مكروه جدا ..... و لكن لو عملته لازم تنفذه

و قال عنه رسول الله صلى الله عليه و سلم .... تستخرج به الصدقة من البخيل

تخيل ان الواحد مننا لا سمح الله يتشرط على ربنا في النذر و يقول لو حصل كذا هاعمل كذا ..... فيها سوء أدب مع الله ......

كلام مظبوط

المفروض الصدقة تخرج في جميع الأحوال

[M.Osman]

لقيت صاحبي بيكلمني (طلع صاحب الكشك بيتصل باخر رقم) و بيقول لي الو يا استاذ كيمو (صاحبي كان مسميني كيمو عالموبايل هههههههههه) ..... من فضلك خلي صاحبك ييجي ياخد تليفونه انا الكشك بتاع السجاير في المكان الفلاني .......

ههههههههههههههه

http://www.nilemotors.net/Nile/3872424095-post27.html

[rockana9112007]

متابع الموضوع الجميل

[abogogo]

مرة لقيت محفظة مليانة ورق مهم بطاقة قسيمة زواج وورق كتير وفلوس واضح ان صاحبها شايل فيها كل ورقه المهم واصول كمان وعلى فكره كان من اسوان المهم كان فيها اندكس تليفونات طلعت الاندكس واتصلت برقم بدايته كان تابع لسنترال النزهة زي تليفوني اتصلت بالرقم ده طلع بتاع ولاد خالت الشخص ده المهم بعد التوضيح عرفت انه من اسوان وكان جايب زوجته تتعالج في القاهرة واتفقنا على معاد وقبلته وكان في منتهى السعادة ....المهم بعديها بشهرين المحفظة بتعتي ضاعت كنت لابس ترلنج سوت ووقت وكان فيها البطاقة والرخصة ورخصة العربية وكرنيه الشغل والنقابة وورق مهم و200 جنيه لقيت صديق كان الكارت الشخصي بتاعة في المحفظة بيقولي ان واحد اتصل بيه ووجد المحفظة وهو مستنيني في ميدان الحجاز المهم روحت وقابلت الشخص الامين ده والصدفه الغريبة انه كان من اسوان كل لما افتكر الموقف ده بفرح اوي وبحس ان ربنا معايا وقريب اوي
وآسف للاطاله

[mahamedaraby]

نسيت احكي على موقف حصل معايا,
كنت نزلت الفجالة اجيب كتب خارجية للاولاد لان احيانا مبلقاش كل الكتب فى المكتبات المهم رحت لاول مكتبة لقيت 70% من الكتب عندة اشتريتها وقلتلة هاسيبها عندك لغاية ما اشتري الباقى.
وقعدت دخت على ييجى 12 مكتبة وفية كتاب مش لاقية , قلت اكلم مراتي اسالها إذا فية كتا بديل ... وادور في جيوبى مش لاقي الموبايل .... رجعت سألت في الـ 12 مكتبة لغاية مالقيتة عند اول واحد رحتلة ... اول ما دخلت المكتبة .. قاللي اطمن الموبايل موجود لقيتة بعد ما مشيت.
المهم اخذت الموبايل والكتب وقلت اودى الكتب في العربية وبعدين الف على بقيتهم.
أوصل للعربية .. اني الاقي مفاتيح العربية مش لاقيها .. رحت شايل الكتب على قلبي ولفيت تاني على الـ 12 مكتبة أسال على المفاتيح .. وكل واحد يقوللي لقيت الموبايل , اقولة آة بس مش لاقي مفاتيح العربية وبعد 7 مكتبات لقيت المكتبة رقم 8 اول ما دخلت قاللي مفاتيحك يابية موجودة .. وسألني لقيت الموبايل .
ورجعت العربية حطيت الكتب وامنت على نفسي ومشيت وقلت اكيد دلوقت المكتبات كلها بتتكلم على الجدع اللي شارب مخدرات وجاي يشترى كتب..
تفتكروا دي بوادر زهايمر .. ولا دة الزهايمر بنفسة.
طبعاً اكيد دلوقت واقعين على نفسكم من الضحك .. ماشي

اية دة .. انا نسيت اني كنت داخل اكتب الموقف دة علشان كنت مبسوط اني لاقيت حاجتي وقعدت ادعي للناس دي بالخير.

ههههههههههههه

موقف جامد الصراحه بس انا لومكانك كنت يئست من اول مكتبتين

[النوبي]

مع الاسف اخويا الكبير لسه راجع من مؤتمر gulfood في دبي وكان راكب تاكسي نسي الكاميرا المهم انه دور علي التاكسي ولقيه بعدها بيومين وبيسال السواق علي الكاميرا بيقوله هو انت ماضيتني علي شيك انا ملقيتش حاجه المهم اخده للشركه اللي مشغلاه قالوله احنا مش في ايدينا حاجه لو تحب نبعته معاك واعمله محضر وبالفعل راح وعمله محضر وطبعا الكاميرا شكرا للانسانيه
اللي يدايق انه راح يشتري زيها مالقيش كل اللي لقاه كان صيني وطبعا بتاعته كانت ياباني !!!!!!!!!!!!!!!!!!!!!!!

[D . a .\ AYMAN]

مرة كانت المدام نازلة من العربية في المنيل وكان الموبايل بتاعها في إيدها ووقع منها من غير ماتاخد بالها وكان n73 لسة نازل وطلعنا عند والدي وقعدنا بعد حوالى 3-4 ساعات لاقيت المدام بتكلمني على الموبايل وهية قاعدة جنبي (طبعا إحنا فاكرين إن الموبيل في الشنطة بتاعتها) أدور مش موجود روحت مكلم الموبيل بتاعها لاقيت واحد بيكلمني بيقوللى إنه لاقى الموبيل في الشارع وطلب آخر رقم منه ومستنيني في المكان الفلاني ... نزلت روحتله لاقيتهم مجموعة من الشباب الصغيرين وقفين ومعاهم الموبيل وتقريبا كان في بعض العربيات داست عليه لإنه كان مدمر تماما ... شكرتهم وخدته .... والحمدلله وماشاء الله لسة الموبيل دا شغال لغاية دلوقتي بعد ماغيرتله الشاشة بتاعته فقط