الموبايل الصيني وقناة الناس

[A7MED_PHARMA]

أنا مش هتكلم عن موضوع قناة الناس
علشان دي قلة زوق غير مسبوقة منهم ..

المهم بقا

مش من حق الشركات تتعدى على الملكيات الشخصية بالشكل ده
مش من حقهم
ولو حد يقدر يرفع عليهم قضية ..ولاد التييييييييييييت

[A7MED_PHARMA]

انا قولت في اول مشاركة ان القناة بتعلن عدم مسئوليتها عن المنتجات المعلنة يعني لم احملها مالا يخصها من مسئولية وشايفة ان المسئولية كاملة تقع على الشركة المعلنة وانا بالفعل بعت لادارة القناة اميل ويحتوي على الخبر المنشور في المصري اليوم
اما بخصوص الموبايل الصيني انا مش بتكلم في ضرره على الصحة او عدمه
انا بتكلم في نقطة ان ممكن الموبايل يتباع للمواطنين بناءا عن اعلانهم وتاني يوم الخدمة تتوقف ومدام مش معلن الى الان ايه الموبايلات المعتمدة وايه الموبايلات الغير معتمدة اذن في احتمال 50% انها تكون مش معتمدة وبالتالي ده فيه غش للناس

اما بالنسبة للكاميرا السوني الكوري فده نوع من انواع الغش
لان في ناس كتير ميعرفوش غير ان سوني ماركة محترمة وميعرفوش اذا كانت كوري ولاياباني وبالتالي فيه استغلال لسمعة الشركة الحسنة في ترويج منتج ليس محل ثقة
وميفرقش عن ماركات الاجهزة اللي بتقلد اسم ماركات شهيرة ويبقه اختلاف بسيط في الحروف وبتقلد لوجو المنتجات الشهيرة
كل دي حالات تقع تحت بند الغش

القناة تشيل وزرها
علشان بتعلن على شاشتها عن منتج ..هما عارفين إنه مش أصلي
وعارفين إن الناس هتفتكره أصلي
مش لازم يكون إثبات بالورق أو بمستندات
كفايا إنهم عارفين ...إنهم كده بيغشوا الناس
وحسبي الله ونعم الوكيل

[eng.octooo]

اكتر حاجة بتدايقنى فى قناة الناس اعلانات الشركة السعودية وبالذات (الواد الى لابس نظارة الى كلامة مش مقنع وتحس بالكدب بينط من عينية )
ودايما طالع بيعلن عن بطاطين ولحافات شكلهم زبالة ويقولك ( والدتى ماصدقتش انهم بالتمن دة .. التجار يمتنعون احنا مش عاوزين مكسب (طيب فاتحيين لية ؟) وممنوع الناس تتصل بينا من الخليج (يعنى هما هايبصوا لدى يا ...) ..

وتلاقيهم بيعلنوا عن طقم صينى 900000000000 قطعة ب 3 ج ازاى ماتسألوش والتليفون الى نور قالت علية دة وجايبلك مقطع صوت نقى جداااااااااااا مايطلعش من الاى فون ويقولك دة صوت التليفون بتاعنا وشكلة مناسب لرجال الاعمال ( دة الغفير عندنا مش هايرضى ياخدة ببلاش)


كفاية كدة لان دمى اتحرق بجدددددددد

[I.S.L.A.M]

أنا مش هتكلم عن موضوع قناة الناس
علشان دي قلة زوق غير مسبوقة منهم ..

المهم بقا

مش من حق الشركات تتعدى على الملكيات الشخصية بالشكل ده
مش من حقهم
ولو حد يقدر يرفع عليهم قضية ..ولاد التييييييييييييت

+1111111111111111111111111111111
اصلا مفيش حاجه اسمها قناة دينية وقناة مش عارف ايه كله بيزنس وتجارة واعلانات وديرتى وركس وكله بيقلب عيشه اقصد بيسرق عيشه

[Terrible_DaRsH]

الشباب دول جابوا من الاخر , ههههههههههههه

YouTube - ‫ظ…ظˆط¨ط§ظٹظ„ ظ‚ظ†ط§ظ‡ ط§ظ„ظ†ط§ط³.mp4‬‎

[أبو إياد]

هههههههههههههههه يادرش انا بايظ ضحك

واهم ميزه انه بيستقبل مكالمات

[نور القمر]

هههههههههههههه تحفة الفيديو ده يا درش
واضح ان كل الدكاترة عندهم موهبة التمثيل شوفت لهم كذا يوتيوب خرافة

[pro_samir]

أظن ان مش كل التليفونات هتتوقف ، اللي عرفتة من المواضيع هنا انهم هيتعاملو معاها بالسيريال والمكرر هيتوقف ..

انا معايا Anycool d58 بقالة سنة و 3 شهور كان بضمان سنة وكل التعاملات في الوكيل كانت من خلال السيريال فا مستحيل يكون السيريالات فية متكررة لأنة ترقيم دولي ، وأكيد اى نوع صيني نضيف نسبيا أو لية ضمان هيكون نفس الوضع ، زي ما سمعت انهم 3 انواع معرفش بتاع الناس دة منهم ولا لأ

بخصوص الأعلانات في حد ذاتها فا ربنا اللي يعلم مدي قرفي منها بس اكيد الناس دي ليها عذرها لأن دي اكبر مصدر تمويل للقناة وكونهم قالو انهم مش مسؤلين عنها كأنهم بيقولو كل واحد عقلة في راسة وملناش دعوة ..

والمصريين ما شاء الله عاقلين بزيادة ، كان في مرة برنامج مش فاكر علي قناة اية كانو عاملين حلقة علي الهوا نقد للنوعية دي من الأعلانات و في وسطها عملو اعلان عن هواء ولا مانا فاكر مية مفيدة جدا وبتشفي من أمراض وشوية اشتغالات ، قبل ما الأعلان يخلص كانت الناس بتتصل بيهم عايزة تشتري !!! يعني حتي الناس شكلها مبتسمعش غير الأعلانات وسايبين الحلقة ولا اية مش فاهم ؟ بتهيألي النوعية دي من الناس بتحب يتنصب عليهم وهما حرين

ومحدش مننا اصلا بيدفعلهم ولا بيمولهم علشان ننتقدهم في حاجة زي دي ولا نلقح كلام ملوش لازمة عليهم ولا نفترض فيهم انهم عاملينها بزنس .. حتي لو بيكسبو من القناة فا عادي يعني اية المشكلة

واللي بيقرف من الأعلانات زيي في عندة زرار في الريموت اسمة Mute أو ممكن يغير القناة خالص ويريح نفسة

[pro_samir]

الشباب دول جابوا من الاخر , ههههههههههههه

YouTube - ‫ظ…ظˆط¨ط§ظٹظ„ ظ‚ظ†ط§ظ‡ ط§ظ„ظ†ط§ط³.mp4‬‎

هههههههههههه

[نور القمر]

عارف بالنسبة لاعلانات المواد اللي بتشفي من كذا وكذا انا ببقه حاسة بالناس اللي بتشتري لان اكيد جربوا ادوية واطباء كتير ومرضهم مستعصي فزي ما بيقولوا الغريق بيتعلق بقشاية
المريض بيقول لنفسه انا هجرب وخلاص يمكن تصيب
وديما في اعلانتهم بيلعبوا على الشعوب الغلبانة
لو ركزت في اعلان البانر تلاقيه كاتب تليفونات دول معينة زي اليمن والسودان والعراق ملاقيش دولة خليجية مثلا

[samoevil911]

انا قولت في اول مشاركة ان القناة بتعلن عدم مسئوليتها عن المنتجات المعلنة يعني لم احملها مالا يخصها من مسئولية وشايفة ان المسئولية كاملة تقع على الشركة المعلنة وانا بالفعل بعت لادارة القناة اميل ويحتوي على الخبر المنشور في المصري اليوم
اما بخصوص الموبايل الصيني انا مش بتكلم في ضرره على الصحة او عدمه
انا بتكلم في نقطة ان ممكن الموبايل يتباع للمواطنين بناءا عن اعلانهم وتاني يوم الخدمة تتوقف ومدام مش معلن الى الان ايه الموبايلات المعتمدة وايه الموبايلات الغير معتمدة اذن في احتمال 50% انها تكون مش معتمدة وبالتالي ده فيه غش للناس

اما بالنسبة للكاميرا السوني الكوري فده نوع من انواع الغش
لان في ناس كتير ميعرفوش غير ان سوني ماركة محترمة وميعرفوش اذا كانت كوري ولاياباني وبالتالي فيه استغلال لسمعة الشركة الحسنة في ترويج منتج ليس محل ثقة
وميفرقش عن ماركات الاجهزة اللي بتقلد اسم ماركات شهيرة ويبقه اختلاف بسيط في الحروف وبتقلد لوجو المنتجات الشهيرة
كل دي حالات تقع تحت بند الغش

حضرتك .. مفهوم الغش بإختصار شديد جدا : هو كل ما هو يخالف الحقيقة وتستعمل طرق احتيالية لأثباته وايقاع الشخص في خطأ (انا مبسط التعريف جدا)

نيجي نطبقه هنا :
مفيش شيئ مخالف الحقيقة . الشركة مقالتش هبيع كاميرا وباعتلهم موبيل في الاخر . الشركة مقلتلهمش انها بيعا كاميرا سوني ياباني اصلي .و الشركة حتى مقلتش انا بيعا كاميرا سوني وسكتت .. لأ دا بالعكس حددوا انها كوري يعني مش الكاميرا بتاعت اليابان.. أما بقي ان حد ميعرفش سوني بتتصنع فين واشتراها على الأساس دا القناة مش مسؤله عن جهل كل شخص ... وإلا بقي القناة هتبقي مطالبة انها تتأكد من تعليم وثقافة كل واحد بيتفرج عليها .. الدليل على عدم الغش التخصيص هنا .. انها خصصت السوني بأنها كوري وليس ياباني .وهنا تنتهي مسؤلية القناة .. وألا حضرتك شيفه ان مفروض القناة تقول : خدوا بالكم الكاميرا دي مش سوني الياباني دي سوني بس كوري .. طب هو ليه اصلا يثير حاجة مش مسؤل عنها (ثقافة العميل هو ملوش دعوة بيها وبعدين هو لو حد سألوا هيا دي سوني الأصلية بتاعت اليابان وقولوا اه .. يبقى دا غش فعلا لكن هو مبيقولش )


أما موضوع التليفون .. حضرتك أولا في الغالب تيليفون قناة الناس دا لن يوقف لأن ليه توكيل وأنا أتأكدت ان ليه توكيلز وليه مفترضناش ان القناة اتأكدت انه لن يوقف؟ .. تاني حاجة حتى لو مجهول مستقبله القناة بدأت حملة اعلانية والعقد تم ودفع المبلغ .. جه الظرف دا .. هو اولا مش الناس عرفت ان التيليفونات الصينى مههدة بأيقافها ؟ ولو ناس معرفتش هو مش اتكتب في الجرايد ونزل على النت واتزاع في التلفزيون في البرامج (بردوا نفس الموضوع هما لن يتحملوا ثقافة الشخص .. ودا المبدأ القانوني طالما ان القرارات والقوانين نشرت في الجريدة الرسمية هذا يعتبر قرينة على العلم به) يعني بمجرد النشر دا يعتبر دليل على انه يعرف .. دا غير ان القناة بتبقي ملتزمة بتنفيذ عقد يعني ممكن يكون مش بأيدها حاجة مضت عقد وبينفذ ودا مدة نفاذه ..



غير ان القناة بتعلن عدم المسؤلية .. ودا اكبر دليل على اخااء المسؤلية وانها مش ضامنه للمنتج .. القناة كل اللي بتقولوا ان في عندي اعلان شفوه وحكموا عقلكم واللي عايز يتفضل يشتري واللي مش عايز له كامل التقدير .. القناة هدفها الدعوى مش هدفها انها تتأكد من كل منتج مصدره واصله وفصله .. هي فعلا ممكن بتتأكد بس من حاجات معينة بس في حاجات بتبقي فنيه عايزة خبره والقناة محتاجه مصاريف هتصرفها على الخبراء للأعلانات اللي هي اصلا عملاها عشان تجيب دخل للقناة عشان يتصرف على القناة ..