انسحاب

[محمد محمد]

هو الكلام ده بجد.
ولو بجد ....حضرتك لو سيبتي المنتدي او غيرك هتقفلي علي نفسك باب عظيم جدا.. وهو باب نفع الناس
والنبي عليه الصلاة والسلام قال(خير الناس انفعهم للناس).
وهو الواحد اصلا بيسجل في المنتدي ليه غير انه تكون نيته لله في نفع الناس... ولا ايه؟

[pro_samir]

أكيد دة مش حل ، المفروض تنظمي مواعيدك وتحدي من استخدام النت عموما بدلا من انك تسيبي المنتدي

ماهو كلنا مدمنين نايل موتورز وانا ببقي مروح البيت ميت من التعب ومبعرفش انام غير لما ابص علي المنتدي وإلا بحس ان في حاجة ناقصة ، فا مش الحل ترك المنتدي

لو مصممة ممكن تاخدي ايقاف كام يوم تجربة بس :)

[ams]

ربنا يوفقك لما يحبه و يرضاه

[ASKAFRAWY]

اللهم اجعله خير, يا نور كلنا بننقطع فترة عن المنتدى و بنرجع تانى!
رجاء بلاش عضو سابق دى

[Nile_Storm]

ليه كده بس :(
المنتدي محتاجنا كلنا
حاولي تدخلي ولو ساعه يوميا
بجد هنفتقدك جدا يانور

[ahmed-moga]

أختي نور القمر برجاء التفكير جيدا قبل أتخاذ قرارك هذا وحاولي تنظيم وقتك علي المنتدي أذا كنتي حسيتي بأن المنتدي يأخد كل وقتك ويشغلك عن أشياء أهم فأجعلي الأهم فالأهم ووقت الفراغ قضيه في المنتدي وليكون بمثابه وقت راحه أو وقت أجازتك وربنا يوفقك

[nabaster]

احساس مش كويس لما احس اني لاقيت مكان محترم فيه ناس محترمين ونحس سوا فعلا اننا عيله وفي الاخر نبدا نفقد العيله دي فرد فرد

انا بقيت بفتح مواضيع قديمه اراجع فيها مشاركات اعضاء عزاز عليا

في منهم الي انسحب بارادته وفي منهم الي اتوقف لسبب او لاخر وحاجات تانيه كتير

والمشكله ان العضو الي بيمشي فعلا بيسيب فراغ مكانه لان كل واحد مميز بحاجه معينه صعب تتلاقي في حد غيره

المنتدي ابتدا يفقد الناس العظيمه الي فيه

المنتدي من سنه واحده بس لو حد كان متابع كان يفتح الاجتماعي ده اكنه دخل قاعده بظبط

نضحك ونهزر ويبقي كل واحد مش عايز يسيب المكان

دلوقت المنتدي اتغير خالص الناس مشيت وجم غيرهم

بقي ساحه للخناق ومش بعيد تلاقي لفظ مش كويس طلع ويمكن تلاقيك اتحدفت بحاجه

بقي بدل ما هوا قاعده بين عيلتك

بقيت حاسس نفسي في الشارع

مش عيب من الاداره ولاكن من كم الناس الغريبه سواء غريبه انهم جداد او غريبه في طباعهم او شخصيتهم

علي راي كريم ربنا يسميه بالخير مره قال بخاف ادخل الاجتماعي الاقي طوبه لبست في وشي

يا نور الاعضاء قبلي قالوا كل حاجه عايز اقولها

وانا ذودت بالي اقدر عليه

راجعي قرارك تاني

A.Yakout

[الغزالى]

احساس مش كويس لما احس اني لاقيت مكان محترم فيه ناس محترمين ونحس سوا فعلا اننا عيله وفي الاخر نبدا نفقد العيله دي فرد فرد

انا بقيت بفتح مواضيع قديمه اراجع فيها مشاركات اعضاء عزاز عليا

في منهم الي انسحب بارادته وفي منهم الي اتوقف لسبب او لاخر وحاجات تانيه كتير

والمشكله ان العضو الي بيمشي فعلا بيسيب فراغ مكانه لان كل واحد مميز بحاجه معينه صعب تتلاقي في حد غيره

المنتدي ابتدا يفقد الناس العظيمه الي فيه

المنتدي من سنه واحده بس لو حد كان متابع كان يفتح الاجتماعي ده اكنه دخل قاعده بظبط

نضحك ونهزر ويبقي كل واحد مش عايز يسيب المكان

دلوقت المنتدي اتغير خالص الناس مشيت وجم غيرهم

بقي ساحه للخناق ومش بعيد تلاقي لفظ مش كويس طلع ويمكن تلاقيك اتحدفت بحاجه

بقي بدل ما هوا قاعده بين عيلتك

بقيت حاسس نفسي في الشارع

مش عيب من الاداره ولاكن من كم الناس الغريبه سواء غريبه انهم جداد او غريبه في طباعهم او شخصيتهم

علي راي كريم ربنا يسميه بالخير مره قال بخاف ادخل الاجتماعي الاقي طوبه لبست في وشي

يا نور الاعضاء قبلي قالوا كل حاجه عايز اقولها

وانا ذودت بالي اقدر عليه

راجعي قرارك تاني

A.Yakout

طيب اللئف دى
يا ابنى انت دماغ فى كلامك
ربنا يحيمك بجد

[تامر.محمد]

همممممم
مش هاقدر ازيد اكتر من اللي الأخوة قالوه
و اخيرا , ربنا يوفقك الى ما فيه الصواب

[AHMED12345678]

ازاى نسيب المنتدى لاى مبرر
انا المنتدى دة هو بيتى التانى ومقدرش اسيبة
فازاى يا استاذة نور عاوزة تسيبى المنتدى
دة اول حاجة بعملها الصبح وقبل ما انام انى ادخل على المنتدى من كتر محبيتة وحبيت الناس الطيبة الذوق المحترمة الى فية
يمكن كتير منكم ميعرفونيش لكن انا مشترك فية من فترة طويلة وان كانت مشاركاتى قليلة بسبب ظروف عملى ولكن رغم كدة بادخل واشاهد واشارك على قد ما ربنا يقدرنى لكن اسيب المنتدى فدة لا يمكن ابدا أن شاء الله
ياريت حضرتك تراجعى قرارك تانى

[mahmoudysf]

انا نشاطي قليل على الاجتماعي لاكن لاحظت ان حضرتك من الناس المحبوبه فى المنتدى والمؤثرة فيه
عموما وفقك الله الى صالح الاعمال

[mohamedbook]

ربنا يوفقق لفعل الخير

[otefa]

ربنا ييسر لك ويهديك للقرار الصواب

[EZABY]

ياأستاذه نور
ياريت تفكري في الـ1762 مشاركه اللي كتبتيهم قبل دي وتعرفي قد ايه انتي ممكن تكوني ساعدتي وأفادتي بيهم ناس كتير
خليكي معانا ومتسيبيش المنتدى

[Samah AbdAllah]

بيان هام

بشرى لكل اعضاء نايل موتورز الكرام
تم اقناع نور نايل موتورز
نور القمر

بالعدول عن قرارها
والاستمرار فى المشاركة والتواجد معنا فى بيتنا الكبير
نايل موتورز



والحاضر يعلم الغائب
بس لو حد زعلها هنطرده على طول
مفيش تفاهم
ههههههههههههههههههههههه