انسحاب

[Moh.Fahmy]

والله انا لسة شاايف الموضوع حاالا
دة انا كنت هازعل قوي لو مكنتيش رجعتي
وكويس انك رجعتي
لان نايل موتورز هايكون ضلمة من غيرك
نورتي يانور

يرجى مراعاة ان لفظ الجلالة يكتب بالهاء المربوطة وليس التاء المربوطة

مشرف الاجتماعى 3

اشكر و احييي مشرف الاجتماعي علي حسن متابعته لان ده معناه ان الراجل بيقرا كل المشاركات و بيراجعها و هو بكده يستحق الشكر و التقدير بالرغم من اني مش انا اللي كاتب المشاركة

- الف حمدا لله علي سلامتك يا نور هانم احزنتينا بانسحابك و اسعدتينا بعودتك و لكن بالطبع الافضل من قرار الانسحاب هو قرار العودة فيا ريت بقي تحكيلنا ايه كان شعورك و انتي بتاخدي قرار الانسحاب و ايه شعورك دلوقتي بعد قرار العودة (حتة كده من حوار من القلب )

محمد فهمي

[Ahmed Sharaf]

أكيد من ردود الاعضاء الافاضل , حضرتك عرفتي انتي أد اية عزيزة علينا جميعاً.
عوداً حميداً بين إخواتك.

[eino666]

الدنيا لسه بخير يا استاذة نور
شوفتى بقى غلاوتك قد ايه عند اعضاء المنتدى
ارجوكى راجعى نفسك فى قرارك وما تحرمناش من مواضيعك
هو هيبقى انتى والاستاذة دينا ابو العلا
............................................
محمود عينو

[نور القمر]

والله على اد منا فرحانة بمشاركاتكم على اد مانا محرجة منكم دلوقت فوق ما تتصوروا
مكنتش متخيلة كم المشاركات دي ولا كنت متخيلة ان في اعضاء كتير كدة بتعزني بس والله القلوب عند بعضها
ربنا يديم علينا الود والاخوة والحب في الله
خلاص انا معاكم الى ان يشاء الله يا نعيش سوا يا نتوقف كلنا سوا

[kemoelord]

هو حضرتك كنتي هتنسحبي ليه ؟؟ حضرتك كنتي ممكن ما تدخلي على المنتدى لغايه لما الظروف تسمح وكده الا اذا حضرتك زعلتي من حد هنا

[أبو صلاح]

نور حمد الله على سلامتك

والله صدمتيني اول لما قرأت الموضوع
بس الحمد لله اطمنت

وانتي من الناس اللي مينفعش تختفي كده

[TAMER2020]

عودا حميدا يا نور

بس انا الفضول هايقتلنى وأعرف انتى ايه اللى خلاكى تخدى القرار المتهور ده

[نور القمر]

يانور ياجميله انا بقول اهو واعيدها تانى ام مش سنها كبير اعملك ايه يعنى ده مجاز مرسل ياستى وحقك عليا ياجميله وبجد ليا الشرف انى اقبلك اكيد قريب ان شاء الله :)

ماشي ماشي يا جانو سماح المرة دي عشان انتي لسه جديدة بس

مع نايل موتورز مش هتقدر تغمض عنيك هتخليك معانا ومش هاتروح في أي حته
معلش بس فيه ملحوظه لما بسكوته قلتلنا قالت في الآخر بس أوعي حد يزعلها أحسن يطرد يعني فيه حد زعلك وينه السخس ده وأحنا نشنوقه من رجليه

محدش زعلني والله وبعدين انتم المفروض عرفتوني بقه اللي بيزعلني بزعله ههههههههه ومش بسيب حقي

i thought i will not write here again after the suspension... But here i am

mrs nour, you do what you have to do as long as you think it is better for you. Every step we take it is to improve our life
if it works for you then congratulations, if not then come back, as u see lot of people will be missing you

شكرا يا هيومان على المشاركة
انت من الاعضاء المهمين في المنتدى ومدمن زي حالتنا مينفعش تسيب المنتدى

الحمد لله
المنتدى كان مظلم ونور تانى بنور القمر

شكرا يا هشام ربنا يخليك

حمد الله علي السلامة يا نور و نورتي بيتك مرة تانية
و اساسا انتي ماينفعش تسيبي المنتدي
هنحس بحاجة ناقصة كدة

شكرا يا عزت ربنا يخليك

نورتي المنتدى تاني ..يا نور

شكرا يا سولي ربنا يخليك

انا لسه شايف الموضوع حالا
ومن اوله زعلت جدا و قلت اكمل مشاركات الاعضاء للآخر
هب الاقيكى رجعتى؟؟
طب اعمل ايه انا الآن اطالب برجوعك
و لا نهنىء انفسنا بعودتك ؟
لخبطينى و جبتيلى الزهايمر بدرى
عموما اهلا بعودتك ومنورة المنتدى
ومتعمليش كده تانى هه ( مش لاقى ايكون لشد الودن )

انا هدورلك على ايمشون بقرصة ودن مخصوص يا بابا جمال وارفعه في الاسمايلز ولو ملقتش في عندي واحد بيتضرب بشومة على دماغه ينفع ؟؟ هههههههههههههه
ممتنة جدا لمشاركة حضرتك

[نور القمر]

والله انا لسة شاايف الموضوع حاالا
دة انا كنت هازعل قوي لو مكنتيش رجعتي
وكويس انك رجعتي
لان نايل موتورز هايكون ضلمة من غيرك
نورتي يانور

يرجى مراعاة ان لفظ الجلالة يكتب بالهاء المربوطة وليس التاء المربوطة

مشرف الاجتماعى 3

شكرا يا ماجيفر ربنا يخليك

زعلتيني وبسكوته اللي فرحتني وعلي العموم انا فرحان انك عدلتي عن القرار الانتحاري ده
لانه كان هياثر عليا 180 درجه في قرار رجوعي المنتدي

ميهونش عليا زعلك يانوبي وبعدين انت مينفعش تسيب المنتدى مهما حصل

دة غير اني كنت متصور شخصيتها أقوي من كدة ومش هترجع في كلامها خلال كام ساعة

لا انا من الاول قلت اني ضعيفة الارادة قدام نايل موتورز والاعتراف بالحق فضيلة

حاجه جميله اوي يا نور انك تحس انك غالي اوي عند ناس كتير ,.. وعدم وجودك مع الناس يفرق معاهم اوي .. وانك اثرت فيهم وقدرت تاخد مكان في قلب وعقل الناس دي .. يعني مش مجرد مريت مرور الكرم .. عموما انا اهنيكي على على اصدقائك .. واقولك حمد الله على السلامة .. ولو دخلتي الانتخابات ناس كتير هتقف وراكي .. ده كفاية المنتدى

حب الناس نعمة من ربنا الحمد لله عليها ومكنتش متخيلاها في نايل بالشكل ده بصراحة وشكرا يا جوست

لما قريت الكلام دة امبارح اضايقت والله وزعلت جدا ومرضتش اشارك او حتى اقراء اى مواضيع تانية ورحت قافل المنتدى والنت ورحت قايم نايم وقعدت افكر البرنامج بتاعك حوار من القلب للقلب مين هيكملة ومين هينظمة تانى غيرك
بس فرحت علشان انتى هتمشي ومش هجبلك الهدايا بتاعت البيبي زى مجبت لاختك سندريلا




وبعد الكلام دة فرحت جدا جدا ولا كأن الجمارك بتاعت العربيات اتلغت والبنزين رخص
بس للاسف زعلت علشان كدة هضطر اجيب الهدايا

ويلا بقى يابسكوتة مستنينك تتفوضى مع بقية الاعضاء المنسحبة وترجيعهم لنا تانى

شكرا يا محمد
انا عارفه صور الهدايا على جوجل غالية شوية بس انت ادها وادود هههههههههه

ايه ده ؟
الموضوع ده اتعمل امتى ؟
انا كنت فى غيبوبه اصلى امبارح ومش عاوز اقول للناس انا كنت فين امبارح علشان فى كام واحد كده هايقروا عليا هما عارفين نفسهم

وبجد ماينفعش القرار ده نهائى انا لما الدنيا تضيق بيا ممكن امنع نفسى كام يوم من المشاركه لكن مامنعش نفسى انى اطمن على الناس الموجوده فى المنتدى
وبجد برافو عليكى يابسكوته انك اقنعتى نور
وحمد الله على السلامه ويارب يفك كرب كل المسلمين

مين الناس دول ؟؟ اوعى تقول انه اللي في بالي
عندك حق الواحد مش المفروض الواحد بقطع علاقاته بالناس الكويسة مهما كان السبب

طول ماحنا بنركب عربيات ماينفعش نسيب نايل موتورز

بس هو ممكن نحاول نسيطر على الإدمان اللي منتدى ده بيسببه

يعني نحاول نقلل الجرعه شوية بشوية !!

ومن غير عربيات مينفعش نسيب المنتدى ونحاول نقلل الجرعه يا فند

[ghazy12]

حمد الله على السلامه يا نووووور.... هو أنا اللي كنت مزعلك ولا ايه.!!!؟؟؟

نورتي بيتك الثاني يا نور....

[نور القمر]

على فكره انا اعرف ان الصعايده دماغهم نشفه قوى بس مكنتش متخيل لجمه كده كل الناس دى تخش على الموضوع عشان ترجعى تانى
نورت المنتدى يا نور ولو مش مصدقه حب الاعضاء ليكى و متابعتهم ليكى مكنتش افتكرت لجمه و قعدت اضحك كتير
حمد الله على السلامه

يادي التسييح مش كفاية انا مسيحة لنفسي في الموضوع التاني والنس مش عايزة تنسى
وبعدين انا دماغي مطلعتش ناشفة ولا حاجة انا مخدتش غلوة في ايد بسكوتة

انا استغربت جداااااااااااااا وكنت حزعل فعلا لو كان الموضوع دة حصل خصوصا ان انا بعد اما قفلت الموقع ولسة فاتحة دلوقتى حسيت بتانيب الضمير معرفتش انام الاقى عاملة موضوع اعتزال انا كنت حزعل جدااااااااا لو حصل كدة وبجد ممكن كنت افقد الامل خصوصا المنتدى بقى فاضى وبعض الاعضاء المعروفين سابوة واحب اقول حمدلله على سلامة رجوعك لينا ومتعيطيش لاننا كلما بنفقدر وجودك معانا وبنحب وجودك معانا واسف على الاطالة
--------------
وانا بطلب من الادارة تديلك تحذير بسبب انك عملتى كدة .

شكرا يا محمد ربنا يخليك
طيب ماتطلب ايقاف بالمرة

حمد لله على سلمتك يا نور ... واديكي شوفتي غلاوتك قد اية عندنا .... معمليش كدة تاني بقى

وشكرا يا بسكوته ... وربنا يخلي لنا شباب سياسة واقتصاد

الله يسلمك يا خالد الحمد لله حب الناس نعمة من ربنا وانا برشح بسكوتة لمنصب كبير مفاوضي المنتدى

[نور القمر]

- الف حمدا لله علي سلامتك يا نور هانم احزنتينا بانسحابك و اسعدتينا بعودتك و لكن بالطبع الافضل من قرار الانسحاب هو قرار العودة فيا ريت بقي تحكيلنا ايه كان شعورك و انتي بتاخدي قرار الانسحاب و ايه شعورك دلوقتي بعد قرار العودة (حتة كده من حوار من القلب )

محمد فهمي

الف شكر يا بشمهندس
حوار القلب كدة من غير عصير مانجة !! ماشي عشان خاطرك بس
في الانسحاب كدة عارف احساسك لما تكون في وظيفه او بلد ومضطر تسيبهم بالرغم من تعلقك الشديد بيهم بيبقه مجموعة من المشاعر المتضاربة كأنك بتنزع نبته من جذورها قرار طالع من العقل وبتقاوم نفسك عشان عقلك يتغلب على قلبك
اما قرار العودة فأكيد هو اللي طالع من القلب وبقول لنفسي مكنش ليه لازمة اني اعمل موضوع عشان الاحراج اللي انا فيه دلوقت مدام عارفه نفسي ضعيفة

أكيد من ردود الاعضاء الافاضل , حضرتك عرفتي انتي أد اية عزيزة علينا جميعاً
عوداً حميداً بين إخواتك.

الله يخليك والله القلوب عند بعضها

الدنيا لسه بخير يا استاذة نور
شوفتى بقى غلاوتك قد ايه عند اعضاء المنتدى
ارجوكى راجعى نفسك فى قرارك وما تحرمناش من مواضيعك
هو هيبقى انتى والاستاذة دينا ابو العلا
............................................
محمود عينو

ربنا يرجع دينا بالسلامة ومعاكم على طول ان شاء الله ومتشكرة جدا لحضرتك

هو حضرتك كنتي هتنسحبي ليه ؟؟ حضرتك كنتي ممكن ما تدخلي على المنتدى لغايه لما الظروف تسمح وكده الا اذا حضرتك زعلتي من حد هنا

لا ابدا مفيش حد زعلني ولو حد زعلني انا بعالج الموقف في وقته
شكرا ليك يا كيمو

نور حمد الله على سلامتك

والله صدمتيني اول لما قرأت الموضوع
بس الحمد لله اطمنت

وانتي من الناس اللي مينفعش تختفي كده

شكرا يا ابو صلاح ربنا يخليك

عودا حميدا يا نور

بس انا الفضول هايقتلنى وأعرف انتى ايه اللى خلاكى تخدى القرار المتهور ده

متشكرة يا تامر ربنا يخليك
يادي الفضول
انت كمان عندك فضول زي حالاتي

حمد الله على السلامه يا نووووور.... هو أنا اللي كنت مزعلك ولا ايه.!!!؟؟؟

نورتي بيتك الثاني يا نور....

الله يسلمك يا غازي خلاص بقه المسامح كريم بس متعملش كدة تاني

[محمد محمد]

الموضوع ده فكرني بجمال عبد الناصر.

[نور القمر]

انا هقولكم سبب تفكيري في الانسحاب
كتير منكم عارف اني كنت شغالة ديزاينر وادارة سيرفرات في شركة برمجة وتصميم كبيرة
وكنت مميزة جدا واسمي زي الطبل زي ما بيقولوا
رجلتي جات في خية نايل موتورز وبدأت اتعلق بيه تدريجيا لدرجة الادمان واهملتي شغلي وحسيت اني مخي وقف ومبقاش عندي نفس اشتغل حتى مهاراتي انخفضت من قلة الممارسة
وكل محاول اشتغل شوبة الاقيني ماليش نفس وشغلي مش اد كدة انا نفسي مش بكون راضية عنه ولوحد كلمني على ماسنجر الشغل او الموبايل مردش عليه وبقيت ارفض شغل كتير لحد عملائي المهمين سابوني
فكرت اغير مجال شغلي لمجال مش مرتبط بالنت عشان اركز فيه فشلت لكذا سبب اولهم مستحملش حد يتريس عليا وثانيهم ربنا رزقني بحمل جديد يعني مستنية بيبي جديد ودي معلومة جديدة على ناس كتير هنا وفرصه تجهزوا الهدايا من دلوقت وبصراحة بمر بفترة اكتئاب الحمل بالاضافة ان وضع الحمل فيه مشاكل اجبرني على نومة السرير بئالي اكتر من شهر ومريت بظروف صحية صعبة ومن اسبوعين تلاتة كنت على وشك الموت بسبب حقنة مستحملتهاش ومضطرة امشي على حبوب نفس نوع الحقنة اثارها الجانبية لا تحتمل بتوصلني لدرجة ممكن قعد بالساعتين تلاتة مقدرش اسقي نفسي كوباية ميه من الاعياء اللي بكون فيه
كل دي عوامل وظروف مأثرة عليا نفسيا جدا ومخليه تصرفاتي انفاعليه بدون تفكير

انا ممتنة لكل من سأل عليا بس موضوعي ده بالرغم انه اسعدني جدا بمشاركاتكم لكن مسبب لي احراج كبير منكم والله لاني مش بحب اكون تحت الاضواء زي ما بيقولوا
انا شوية وهاطلب من الادارة تحذفه بعد اذنكم

[ghazy12]

الله يسلمك يا غازي خلاص بقه المسامح كريم بس متعملش كدة تاني

المسامح كريم.!!

اوبااااااااااااا.... ده طلع أنا فعلا..!!!

كده الناس هتصدق ان انا اللي زعلتك و خليتك تاخدي قرار انك تسيبي المنتدى

بس ازااااااي... ده انا نسمه.. فله شمعه منوره....