حد جرب حزام التخسيس الفيبراشن

[X_MM_X]

شرفني مرورك على موضوعي يا كريم باشا

[hamedo0]

دي ب 60 جنيو هاتلاقيها في كارفور وسبينس ومحلات الرياضة
فكرتها سهلة وبسيطة قوي
عبارة عن بار مقسوم نصين وجواه قلاووظ
بتجيبها عند باب الاودة وتفتح القلاووظ
وهيا ليها طرفين كاوتش عشان تثبت في الخشب بتاع حلق الباب
بتفتح القلاووظ جامد جدا لغاية ما يتحشر طرفين العقلة في حلق الباب وطبعا بتسيب مسافة بتاع 15 سم عشان تدخل ايدك براحتك
وكان كف الايد في كاوتشتني لونهم اسود عشان لما تمسك ايدك مش تتزحلق
بتستحمل وزن لغاية 120 كجم
اهم حاجة التثبيت جيدا اول مرة
معلش هاتلاقي حلق الباب فرق شوية بس مش مهم لانها بتضغط على الحلق جامد عشان تكون متثبتة
هاحاول اصورهالكم بكرة ان شاء الله

شكرا يا استاذ كريم وفي انتظار الصور

[dolly13]

انا جبت الحزام ده قبل كدة وطلع زى قلته
لكن دلوقتى انا باروح جيم وموجود فيه الحزام ده
لكن هو عامل مساعد بسيط جدا
ولازم علشان يكون له نتيجة ونتيجته بسيطة جدا انه يتعمل بعد كتير من تمارين الحرق
يعنى من الاخر لو عايز نتيجة حقيقية لازم رياضة ويستحسن لو كانت فى جيم
ارجو انى اكون افدتك

[X_MM_X]

انا جبت الحزام ده قبل كدة وطلع زى قلته
لكن دلوقتى انا باروح جيم وموجود فيه الحزام ده
لكن هو عامل مساعد بسيط جدا
ولازم علشان يكون له نتيجة ونتيجته بسيطة جدا انه يتعمل بعد كتير من تمارين الحرق
يعنى من الاخر لو عايز نتيجة حقيقية لازم رياضة ويستحسن لو كانت فى جيم
ارجو انى اكون افدتك

باشا انتا جبت اي نوع فيهم ومنين وبكام

[MRBEBO]

وكمان ممكن نعرف الجيم الرايق ده اللي حتى الحزام الفيبريشن عندهم مكانه فين ؟؟ وكمان بكام في الشهر ؟؟

[dolly13]

الجيم ده فى جمعية عرابى فى العبو وفيه كل الاجهزة اللى تتخيلها واشتراكه 100 جنيه فى الشهر
ولو فيه ساونا وجاكوزى يبقى 150
اعتقد انها اسعار ولا فى الخيال
غير ان مساحة صالة الجيم 300 متر
شوفتوا بقى فايدة السكن فى العبور

[MRBEBO]

اللهم لا حسد يا بختك

هنا 100 جنيه اشتراك في جيم خرابة :(

[The_Last_Rebel]

حقيقي اشكرك جزيلا على مشاركتك القيمة
والاهتمام والالتزام بحياة صحية وتمارين ملزمة هي دي مفتاحك لحياة صحية وشكل افضل
لكن حبه بيضا وحبه خضرا وحزام ينقص وحزام يزود ولا بقتنع انا كمان بيه
الدعايو وشوية المية والزيت على جسم الموديل اللي بيعمل الاعلان بيعملوا احلى شغل على العميل ويقولك اتصل الان
احنا بقينا عايشين في مرض بنقعد مش اقل من 10 الى 12 ساعة يوميا قدام الكمبيوتر ويعدي ب 3 ساعات من غير ماحرك غير صوابعك
نتيجة طبيعية وجود كرش وتيبس عضلات والالام عظام وارتخاء عام في عضلات الجسم
نتيجة انتقال من البيت للاسانسير للسيارة للمكتب والعكس
مين فينا بياخد يوم يكون رياضة فقط
مين مخصص ساعة يومية للمشي او الجري او السباحة او اي ريضاة اخري ان شالله يسلك سنانة
احنا شعب كسول ووجود ادوات الرفاهية خلانا نستسلم للكسل اكتر
انا جبت عقلة وعلقتها في باب اولادة ولما احب افرد ضهري اروح اتشعلق عليها وعلمت ولادي كدة يتشعلقو فيها على طول
مش عارف اعمل رياضة من كتر الشغل بس مش بكتر في الاكل وبمنع الاكل بعد الساعة 8 باي شكل وفكرة العشاء ملغية من قاموس حياتي الا لو هاسهر للصبح ويكون في حركة
وانا قاعد على الكمبيوتر بحاول اكون ضهري مفرود واغير وضعية قعدتي ولما بنشغل قوي بشفط بطني في حركات مستمرة عشان عضلات البطن مايحصلهاش ارتخاء ويكون السبيل للكرش مفتوح على البحري
الفقر نعمة لان الرفاهية امراضها اكتر بكتير
الحمد لله

Dear Brother Karim,

First:It's a pleasure to me to be the first one to comment on my posting.

Second:Please forgive me for not writing in arabic as I don't have arabic keyboard and the online one is such a pain to use having to click by the mouse on each individual letter.

Third: I agree with you that nowadays we're totally dependant on machines and computers which as much as they're of benefit to humanity,they changed our lifestyles and we became more and more lazy and tend to have regular physical exercise at the tail of the list of our priorities.

Did you know that regular physical exercise:
helps lower cortisol hormone levels which is secreted by the adrenal gland.This cortisol hormone is called the stress hormone. it is one of the causes of the fats in the abdominal region.
Regular physical exercise helps maintain and regulate your emotional and psychological well-being (besides of course being closer to Allah). Exercise induces the pituitary gland (the master of all glands) to produce chemical called endorphins which are morphine-like.This chemical is normally produced at times of pain to reduce the feeling of pain.With exercise this chemical is stimulated and produced and gives body a natural euphoria يعني مخدرات و دماغ طبيعي :10D5C8~1107:

There are more benefits to exercise than can actually be put into words especially with aging. As we grow old, even starting the age of 30, our body would benefit more from regular exercise, but sadly enough we are trapped in this technological and robot-like life.

My advice to you is try to trick and force your body to work.The best thing you can do if you cannot go to the gym is at least give yourself 30 minutes of walking daily. If not possible at least try these simple tricks:
Try not to use the elevator and use the stairs instead. it may feel weird for the first couple of days but believe me give it a while and you will feel the difference. another trick is try as much as possible to limit your dependance on your car. try to park it a little bit far from your home and same at work (of course, with car security in mind) to force yourself to walk.You did mention that you skip dinner most of the time, which in my humble opinion is not a good thing to do. remember when I said your body is intelligent and will slow down the ....bolic rate. so you are not really getting the benefit from skipping dinner. instead take a light dinner like a cup of yoghurt (no sugar added) or some fruits or a cup of milk. the key is to give yourself some time between last meal and bedtime. Don't eat and go to bed.

Thanks again for your comment and May Allah grant you a healthy and successful life.

. Look at sylvester stallone training for his new movie He is 63 now (62 at the time of the video) Can you imagine? Dont' you just wish to have his body now
.!!!

[youtube]http://www.youtube.com/watch?v=r24SB8JNYHw[/youtube]

[Karim_Monir]

شكرا جزيلا لردك الطيب والمهم عربي او انجلش اهي حاجة الواحد يفهمها

انا فعلا مش بتعشى لكن فعلا ممكن اشرب كوباية لبن او موزة او اي فاكهة لكن عشان تقيل ولو ساندوتش لاء
التمرين فعلا صعب وكتير قوي بنزل السلم الصبح لكن الطلوع 6 ادوار بعد يوم عمل وبشنطة النوتبوك مع طلبات البيت بيكون مستحيل هاها
المشي فعلا امنية حياتي ولو ركنت العربية بعيد الف مشكلة من نضافتها للغطاء للخوف من السرقة
وفعلا انا عارف موضوع الاندروفين ده وهو هايل وساعات بيسموة هرمون السعادة عشان بيخفف الالم فعلا
شكرا لنصايحك وهاحاول ارجع امشي تاني ربنا يسهل

لما اروح ابقي اتفرج على الفيديو بقي عشان مفيش يوتيوب في الشغل
تحياتي وشكرا لذوقك
والشكر الاول لصاحب الموضوع

[MRBEBO]

منتظرين صورة العقلة يا استاذ كريم ... متنسناش

[FunnyMickey]

لو فضلت لابسه طول حياتك
ولا حيعمل اي حاجه

ده نصب ومبيعملش اي حاجه في حرق الدهون ولا التفتيت ولا اي حاجه
بالعكس ده غلط جدا علي المناطق الحيويه من الجسم

الحزام ده يتحط في اماكن مفيهاش اجهزه حيويه

ارداف اكتاف رجلين ايدين

انما بطن وكله وقلب مينفعش مينفعش

الله يخربيت النصب والكذب

مكنش حد غلب اما يقف يتهز شويه يخس

وبردو بقي بالمناسبه جهاز الكريزي اللي واكل دماغ الستات اليومين دول



والله بتجيلي ستات في المعرض بيدفعوا فيه 3000 و2000 والجهاز مبيعملش اي حاجه

والجلسه فيه في الجيم ب20 و30 جنيه
والجيمات النضيفه ب50 وب100
وبيعتمدوا عليه كليا في دفع الايجار من الستاات الي مش فاهمه حاجه


ومبيعملش اي حاجه
من الاخر كده

حركه = حرق = تخسيس
مفيش حركه = مفيش حرق = مفيش تخسيس

[Soma_Sooma]

انا اسمع و الله اعلم ان الجهاز الفيبريشن دة بيعمل هرولة فى منطقة البطن

[FunnyMickey]

والله ولا اي حاجه ياسومه اهو علي الاقل بيرهل البطن
انما ده ولا بيهش ولا بينش

[Dr_Mido]

دة مجلى وانا شغال فيه مفيش حاجه تخسس الا تنظيم الاكل او تشترى مشايه غير كدة كله كلام فاضى

[ahmedbeirut123]

بس لو فكرنا بالمنطق

حزام الساونا بيخسس لانه زى الساونا بالظبط بس بيستخدم على منظقة معينة من الجسم فلازم يخسس طبعا

حزام الاهتزاز9vibration برده لازم يخسس لانه بيخلى الجسم يتحرك و بيعرق

نفس نتيجة ان الواحد يجرى و يحرق الدهون وتطلع على هيئة عرق

فاعتقد ان اللى بيستخدم الحاجات ديه بانتظام لازم يخس و طبعا النتيجة مش هتكون فورية

انما بالمداومة اكيد هتتحرق دهون اكتر و الوزن هينزل