هل أنت من السخفاء؟!! (وائل عطية)

[dr_3eshoo]

و الله العظيم منطقه في الجيزة اسمها ابو النمرس فيها الارقام دي و دي سامعها من واحد زميلي في الكليه
و طبعا كل واحد يقول اشمعنى بنتي هي اقل من فلانه و سلسله تدور
الله يحرق العادات و التقاليد و الدماغ الناشفه و العند

[dr_3eshoo]

طبعا مش كل العادات و التقاليد الصح منها اوك الباقي في الزباله

[aboalm]

اكيد البنات اللى فى المنطقه دى تبقى بنت السلطان

[Jato.33]

على فكرة الموضوع ده عند كتير من المتخلفين "السخفاء" عادي جداً
المنطقة المزعومة دي ممكن يكون فيها المبلغ ده فعلاً حصل مرة واحدة مع بنت واحد جامد وأخدها واحد بتقع فلوسه من جيبه وهوا ماشي
المهم بقت مثل كل ما واحد يعوز يجوز بنته يقول ما أقول فلانه جالها وأفاصل معاه يمكن يطلع زيه
المهم يطلع ولا ميطلعش هوا في حد بيتجوز دلوقتي أو حتى بيقعد سنة على بعضها من غير ما يطلق
ولو حتى يعني في أهل دلوقتي تقدر تقولهم فرح لأ
ههههههههههههههههههههههههههههههههههههههههه
ده إنتا قليل إن ما طردوك
والله واحد قال للراجل هتطلقها بكام "يقصد المؤخر"
تخيلوا
يبيعها في السوق أحسن
ويقولك الناس الكبيرة ديه بركة
ويعني إيه يعني منفرحش
حد يفرح بمعصية ربنا
حسبي الله ونعم الوكيل

[oshy]

الزواج نصف الدين و من استطاع منكم الباء فاليتزوج
اما الواجب فهو اتباع تعليمات الدين في الزواج
اما الي بيحصل ده في مصر تهريج رسمي
انا امبارح سمعت الحورات الزواج لاني مقبل على الخطوة الجريئه دي اتصعقت
مهر 270 الف جنيه شبكه 100 الف و غيره و غيره و الفرح و شهر العسل
كل واحد له وجه نظر مقتنع بيها و صعب انك تقول عليه سخيف او يقتنع انه سخيف
و يا سيدي

270 ألف مهر و 100 ألف شبكه ؟؟!!!!!
لـــــــــــــــــــــــــــــــيـــــــــــــــــ ـــــــــــــــه ؟؟
هتجوز أنجيلينا جولى و الله حتى لو هيجوزونى أنجيلينا مدفعش المبلغ ده و بلاها جواز

[hazem_khidr]

270 ألف مهر و 100 ألف شبكه ؟؟!!!!!
لـــــــــــــــــــــــــــــــيـــــــــــــــــ ـــــــــــــــه ؟؟
هتجوز أنجيلينا جولى و الله حتى لو هيجوزونى أنجيلينا مدفعش المبلغ ده و بلاها جواز

و الله ضحكتني يا ابو حميد مع ان ماليش نفس اضحك.
اينعم مصاريف الجواز غاليه لكن مش للدرجادي

[ahmedezzat78]

لا يكلف الله نفسا الا وسعها
و اذا الستت ما عاشتش على قد امكانتيات جوزها من الاول هتبقى حياتهم مليانه مشاكل و مشاحنات بسبب كثره الطلبات و عدم كفايه الدخل

يعنى التفاهم على موضوع الفرح و الخطوبه مثلا احد المؤشرات الخطيره لحياتك فى المستقبل

[oshy]

و الله ضحكتني يا ابو حميد مع ان ماليش نفس اضحك.
اينعم مصاريف الجواز غاليه لكن مش للدرجادي

حبيب قلبى حزومه ربنا يقدرك على مصاريف الجواز و ربنا ييسرلك الأمور
أنا مستنى تقولنا معاد كتب الكتاب عشان نعمل واجب الأخوه اللى على حق