المحجبات الجدد.. عين ع الجنة وعين ع الكوافير (اليوم السابع)

[M.almaghraby]

طيب حضرتك انا فهمت اصدك


بس دلوقتي مش الاعلام دوره انه يبرز الظواهر دي ولا يتغاضي عنها

انا مجرد بسالك مش سوال تاكيدي والله :))

[بحري]

أيوه طبعا المفروض إنه يبرز هذه الظواهر ولكن مع بيان ان الإسلام وشريعته برئ من هذه التصرفات
مع بيان شروط الحجاب الشرعي
كده ممكن تكون النصيحة متكاملة. لكن للأسف هذا الإعلام يقوم على الإثارة وفقط ولا يؤدي أي دور توجيهي باستثناء التوجيه إلى كل ما هو سيئ

[salahlanser]

انا معنديش الا تعليق واحد ان فى حديث عن الرسول عليه الصلاة والسلام فيما معناه (اسف لانى مش فاكرة)
سياتى يوم على امتى من يمسك بدينه اشد من يمسك بجمرة من النار
ولو الدكتور بحرى يصححلى الحديث

[بحري]

يأتي على الناس زمان الصابر فيهم على دينه كالقابض على الجمر

وفي لفظ آخر

يأتي على الناس زمان القابض على دينه كالقابض على الجمر

[mmans]

يا تتحجب عدل يا بلاش , أنا بحترم البنات اللى مش محجبة عن اللى سايبة قصة و بدى ديق و الكلام دة

+111111111

[بحري]

أما شيماء حسن التى تخلع الحجاب فى المصيف، فتؤكد أنها سئمت من «الطرحة»، ومن فكرة ارتدائها، لذلك تتحايل على ارتدائه بلبس «الموضة» والاستايل، لأنها لا تقدر أن تخلع الحجاب حتى لا تواجه المجتمع وكلام الناس والشائعات، لأنها أجبن من أن تفعل هذا، لذلك فإن «المصيف» هو الوقت الأنسب للتخلص من ضغوط الحجاب، فلا أحد يعرفها هناك والمصيف والبحر يحتاج إلى الانطلاق والتحرر دون الحجاب وقيوده، وتضيف: «تقريباً ده بقى عرف متبع، وفى بنات كتير أوى بتعمل كده»، بعد 3 سنوات من ارتداء الحجاب اكتشفت إنه عادة عربية قديمة وفق ما قرأت، وأشعر عندما ارتديه كل صباح، وكأنى أضع ما يقيد أفكارى المتحررة، وهو ما يتضح لى عندما أتحدث فيتفاجأ الناس بكلامى عن الفلسفة وعن الوجود، مما يشعرنى بالتناقض ما بين مظهرى وتفكيرى، لذلك أتمنى أن أتزوج الرجل الذى يدفعنى لاتخاذ قرار خلع الحجاب.

دي خلاصة المقالة...شيماء عاوزة تقلع الحجاب لأنه عادة عربية قديمة ويمثل ضغطا تريد التخلص منه وتفعل ذلك في المصيف
وأما إيمان اللي عاوزة توازن بين الحجاب والصياعة فتقول

وأوضحت «إيمان» أن ارتداءها الشابوه مع الحجاب فترة مؤقتة، ولن تدوم طويلا، وقد تتخذ قراراً بارتداء الحجاب الشرعى الطويل بعد أن تتزوج وتكبر فى العمر، وتفقد الموضة أهميتها لديها، لما أكبر أبقى أحج وألبس حجاب شرعى، لكن أنا دلوقتى لسه صغيرة على ده.

[بحري]

الغلط مش عليهم .....الغلط علي اهاليهم اللي ما بيحولوش يفهمو بناتهم يعني ايه حجاب وايه المعني منه وايه المفروض شكله
وياريت ياجماعه بلاش الله يخليكم كلمه محجبه علي اللي تبقي عامله كده.....ده مش الحجاب
دي واحده كسلت تسرح شعرها الصبح فلبست ايشارب
لازم بعد كده نضع المسميات في اماكنها الصحيحه ...علشان ولادنا يفرقو ....ما يبقاش كلمه حجاب كده بتتقال علي اي ايشارب وربنا يهدي بنات وشباب ورجال ونساء المسلمين

جزاكم الله خيرا

[dr-mohamed]

لا اله الا الله
كلنا قرانا الموضوع وتفاعلنا معه لدرجة ان الكلام لم يقتصر على طريقة ارتداء الحجاب فقط ولكن للمحجبات ايضا والحمد لله انه لم يصل لهجوم على الحجاب حتي الان

يا اخوانا هذا الموضوع منقول من جريدة اليوم السابع
ولمن لا يعلم ما هي هذه الجريدة
اليوم السابع خير نموزج للفتنة الطائفية
اليوم السابع لا تترك حادثة او واقعة الا وتظهرها كاضطهاد لاخوانا المسيحيين
اليوم السابع في رمضان الماضي تركت تعليقات ورفضت حذفها 3 ايام متتالية رغم اتصالي بهم اكتر من مرة لان التعليقات كان بها سب للرسول والاسلام ولم تحذف هذه التعليقات الا بعد ان هددت رئيس التحرير او من ادعي انه كذلك على التليفون بتبليغ امن الدول ورفع دعوي قضائية ضد الجريدة لاغلاقها
لكنها ما زالت على نفس المنوال
لو اتنين ضربوا بعض وسط خناقة بسبب الفلوس يتحول الخبر عندهم لمسلمين يعتدون على مسيحي
لو واحد راح نصب على واحد زي الشنوري وضربه يبقي مسلم يعتدي على مسيحي بالضرب
لو بنت هربت من اهلها علشان حبت عيل يبقي المسلمين يخطفون المسيحيات
الخ الخ الخ الخ
يبقي لما اقرا مقالة زي دي في جريدة زي دي لازم اخد بالي الاول من المصدر واعرف ايه دوافعه لكتابة المقالة مهما كانت لان اكيد بها معلومات تدس كالسم في العسل مثل الكلمة التي انتبه لها م احمد زكريا
اه فيه محجبات مش لابسين حجاب شرعي بس دول مش محجبات دول محتشمات في احسن احتمال لانهم ارتدوا الحجاب لاسباب غير الدين
زي بالظبط ما البنات المسيحيات بيلبسوا الصليب الكبير على صدرهم وفيه منهم اللى بتلبسه عن اقتناع وفيه منهم اللى بتلبسه لاسباب تانية وبيبقي فيهم بنات محترمين وبنات مش محترمين بالمرة اشمعني دول محدش اتكلم عليهم ولا بص لهم يعني
ولا هو هجوم على الحجاب من خلال الهجوم على المحجبات و اظهار الجزء السئ فيهم بس

طيب ما معظمنا اخته او امه او مراته او بنته محجبة
كام واحد منكم اخته او امه او مراته او بنته محجبة على العينات اللى الجريدة الصفراء دي نشراها ؟

يا تتحجب عدل يا بلاش , أنا بحترم البنات اللى مش محجبة عن اللى سايبة قصة و بدى ديق و الكلام دة

عندك حق وبردو اللى بتحط صليب يا تلتزم يا تخلعه وانا كمان بحترم المسيحية اللى مش لابسة صليب ولابسة بدي وجينز ملزق عن اللى حاطة صليب وواقفة تدلع مع شاب او لابسة نفس اللبس

الغلط مش عليهم .....الغلط علي اهاليهم اللي ما بيحولوش يفهمو بناتهم يعني ايه حجاب وايه المعني منه وايه المفروض شكله
وياريت ياجماعه بلاش الله يخليكم كلمه محجبه علي اللي تبقي عامله كده.....ده مش الحجاب
دي واحده كسلت تسرح شعرها الصبح فلبست ايشارب
لازم بعد كده نضع المسميات في اماكنها الصحيحه ...علشان ولادنا يفرقو ....ما يبقاش كلمه حجاب كده بتتقال علي اي ايشارب وربنا يهدي بنات وشباب ورجال ونساء المسلمين

كلمك صح جدا

على الرغم من أن «الحجاب» فى الأساس تقليد دينى،
المقاله واقعية جدا وهو ده الحال
بس بعترض على الجملة دي لأن التصحيح بتاعها " على الرغم من أن «الحجاب» فى الأساس فرض دينى"

هو ده السم في العسل
مقالة طويلة معظمها مقنع وفي الوسط يضع لك مصطلحات(جعل الحجاب بدلا من انه فرض ديني حوله الى تقليد ديني يعني عادة ليس لها اي قيمة دينية) ويكررها في اكتر من مقالة وموضوع حتي تعتاد عليها وتصبح هي الحيقة والصواب بالنسبة للقارئ
دي طريقة اخترعها جوبلز وزير الدعاية النازي واحسن ناس طبقوها اليهود

[M.almaghraby]

انا اول مرة اعرف الكلام دا عن اليوم السابع

[dr-mohamed]

نمازج للحقارة المهنية التي اعتادتها اليوم السابع وتوجيه القارئ لفكرة معينة نحلل مع بعض جزء فقط مما في المقالة
وتخيلوا مقالة واحدة بها كل هذا الكم من المغالطات ما بالكم بالجريدة كلها بيبقي فيها ايه

لم يكن غريبا أن تقول إحدى الفتيات إن مجتمعها وأسرتها وعريسها المنتظر يريدونها «محجبة» بينما هى تريد أن تكون بنت «استايل» ولم يكن غريبا أيضا أن تبتكر هى الحل التوفيقى أو التلفيقى فتقول نصا «الصياعة فى التوفيق بين الاتنين» اي ان الحجاب بطريقة معينة اصبح نوع من الصياعة عند الصايعة اللى مش عارف تتكلم ومش عارفة اساسيات دينها


على الرغم من أن «الحجاب» فى الأساس تقليد دينى، الحجاب تقليد ديني وليس فرض عند كاتب اليوم السابع الجاهل ابن الجاهل
وألا يلتزمن بما يتطلبه الحجاب من أزياء معينة، وعدم استخدام أدوات المكياج، مما وضعهن فى مأزق أخلاقى ودينى واجتماعى أيضاً، كما سبب لهن اضطرابا فى طريقة تعاملهن من المجتمع، وطريقة تعامل المجتمع معهن.
هل الحجاب هو ما يسبب للفتاة اضطراب في التعامل مع المجتمع وتعامل المجتمع مع المحجبة ام التبرج

تقول إنجى علاء طالبة بالنسبة لى: الحجاب «فرض اجتماعى أكثر منه فرضا دينينا،
العيلة اللى لسة في الجامعة هي اللى بقت بتحدد ايه اللى يعتبر فرض اجتماعي وايه اللى يعتبر فرض ديني والمفروض طبعا اننا نايدها او نتعاطف معاها

وتحدثت «إيمان على» عن موضة الطاقية أو الشابوه، يعنى مش لازم عشان لبسنا حجاب منبقاش ستايل ونلبس على الموضة الصياعة «إننا نوازن بين الاتنين»
لا ونعم التربية يا صايعة
بس المشكلة بتصيعي على مين ؟
على ابوكي ولا امك ولا على المجتمع ولا على ربنا ؟
ربنا اللى فرضه يا جاهلة وحسابك عنده عسير عسير عسير على لبسك وكلامك

وأضافت: «مش معنى إنى اتحجبت أموت نفسى يعنى»
واخدين بالكم
اصبح الحجاب الاسلامي الشرعي يساوي الموت عند الجاهلة وعند الجريدة الملعونة


وأوضحت «إيمان» أن ارتداءها الشابوه مع الحجاب فترة مؤقتة، ولن تدوم طويلا، وقد تتخذ قراراً بارتداء الحجاب الشرعى الطويل بعد أن تتزوج وتكبر فى العمر، وتفقد الموضة أهميتها لديها، لما أكبر أبقى أحج وألبس حجاب شرعى، لكن أنا دلوقتى لسه صغيرة على ده.
ولو ربنا ريح من الدنيا وريح الدنيا منك ومتي دلوقت هتقولي ايه كنت صغيرة على الحجاب الشرعي ولسة عايزة اتجوز ومقدرتش اغير الموضة ؟

أما شيماء حسن التى تخلع الحجاب فى المصيف، فتؤكد أنها سئمت من «الطرحة»،
طيب شيماء والجريدة يرسوا على بر مع القارئ هي لابسة حجاب ولا لابسة طارحةهي لابساه وهي بتقول انها لابسة ايه ؟ ؟


لأنها لا تقدر أن تخلع الحجاب حتى لا تواجه المجتمع وكلام الناس والشائعات، لأنها أجبن من أن تفعل هذا، لذلك فإن «المصيف» هو الوقت الأنسب للتخلص من ضغوط الحجاب، فلا أحد يعرفها هناك
يعني المجتمع وكلام الناس والشائعات في البيت والمنطقة ومش موجودة في المصيف ؟
ولا رب المنطقة مش هو رب المصيف ؟

والمصيف والبحر يحتاج إلى الانطلاق والتحرر دون الحجاب وقيوده،
وصلنا مربط الفرس اصبح الحجاب مجرد قيود والتخلص منه هو الانطلاق والتحرر

بعد 3 سنوات من ارتداء الحجاب اكتشفت إنه عادة عربية قديمة وفق ما قرأت، وأشعر عندما ارتديه كل صباح، وكأنى أضع ما يقيد أفكارى المتحررة،
الهانم الجاهلة العيلة اكتشفت بعلمها الغزير ومن خلال قرائتها لميكي جبي وسمير وتان تان ان الحجاب عادة عربية قديمة وليس فرض ديني وهو حجاب علي الفكار المتحررة


وهو ما يتضح لى عندما أتحدث فيتفاجأ الناس بكلامى عن الفلسفة وعن الوجود، مما يشعرنى بالتناقض ما بين مظهرى وتفكيرى، لذلك أتمنى أن أتزوج الرجل الذى يدفعنى لاتخاذ قرار خلع الحجاب.
ايه ايه ايه ايه ايه ايه ايه
نعم
والله ؟
طيب يا جاهلة انا بدرس فلسفة ولم اقرا كلمة واحدة في الفلسفة تقول ان الفلسفة تتعارض مع الدين بل ان العلامة ابن رشد له كتاب من اشهر ما يكون هو فصل المقال فيما بين الحكمة والشريعة من اتصال يعني مفيش تعارض بين الشرع والفلسفة يا جاهلة
وعايزة تتجوزي راجل يقلعك الحجاب ؟
ربنا يرزقك باللى زيك لانك لو اتجوزتي راجل بجد هيكسر لك رقبتك على الهيافات اللى فيها

http://www.youm7.com/images/issuehtm/pdf/issue70/20.pdf

[dr-mohamed]

انا اول مرة اعرف الكلام دا عن اليوم السابع

والله العظيم يا دكتور مغربي ما تجنيت عليهم في كلمة واحدة
اقرا المشاركة بتاعتى اللى قبل دي مباشرة وشوف تحليل الموضوع التحريري بيكشف ايه وبيكشف هما بيحاولوا يعملوا ايه

[بحري]

هو ده السم في العسل
مقالة طويلة معظمها مقنع وفي الوسط يضع لك مصطلحات(جعل الحجاب بدلا من انه فرض ديني حوله الى تقليد ديني يعني عادة ليس لها اي قيمة دينية) ويكررها في اكتر من مقالة وموضوع حتي تعتاد عليها وتصبح هي الحيقة والصواب بالنسبة للقارئ
دي طريقة اخترعها جوبلز وزير الدعاية النازي واحسن ناس طبقوها اليهود

جوبلز:

If you tell a lie big enough and keep repeating it, people will eventually come to believe it

[M.almaghraby]

شكرا عالتنبيه يا جماعة :))

[romeo_6887]

ربنا يهدي الجميع عشان الدنيا باظت خااااااالص

[AmatoALLAH]

و الله شروط الحجاب معروفه
لايصف و لا يشف و يستر البدن مع الاختلاف طبعا في تغطية الوجه و الكفين

غير كده ما يبقي حجاب

و كله كوم و اللي تكون محجبه من وهي صغيره و يوم خطوبتها و فرحها تخلع الحجاب و تضيع اللي عملته طول عمرها و خطيبها و جوزها يكون فرحان بيها اوي ما شاء الله عليه

بس فيه حاجه كان لازم اقولها اه صحيح فيه بنات حجابهم مستفز و ما يعتبر حجاباصلا بس انتم يا رجاله بتبصوا ليه مش انتم بردوا مامورين بغض البصر مش البحلئه

علي العموم ربنا يهدينا جميعا و يثبت قلوبنا لان الثبات من عند الله مش شطاره من عند حد

و اناا مع راي اللي بيقولوا ان المقال مغرض و مش غريبه علي اليوم السابع