المحجبات الجدد.. عين ع الجنة وعين ع الكوافير (اليوم السابع)

[waelfarid]

سبقتيني بتعليقك يا amatoallah اللي فيه صفة الحجاب بالضبط اما الكلام عن جوبلز من التكرار الاعلامي ده ملخصه مثل بيقول الزن عالودان أقوي من السحر وحكاية جحا لما كان فاتح محل وبيقول للناس ان في اول الشارع بيوزعو فلوس للي رايح وجاي فبعد شويه صدق نفسه وهو اللي قايل الكدبة وراح مع الناس اول الشارع والاهم المرأة نصف المجتمع وتلد وتربي النصف الآخرفهي الاساس فهي الهدف اللعب في دماغها لاتلاف المجتمع الاسلامي ولا غيره لكن الحرية الشخصية لاي حد تاني جائزة لكن مايصلح المسلمين فلا

[BomBom]

الغرض من المقالة نفسها هو إساءة الظن بالشرع وبفكرة الحجاب وبيان أنها فكرة غير قابلة للتطبيق بحكم المخالفات الواقعية وتعويد الناس على الهجوم على الحجاب بحجة الهجوم على سلوكيات بعض من يدعين الحجاب

+100000000000000000000000

[BomBom]

على الرغم من أن «الحجاب» فى الأساس تقليد دينى، فإن الغرض من ارتدائه يختلف ما بين فتاة وأخرى، فبعض البنات يرتدينه لتسهيل «الزواج»، وبعضهن يستجبن لضغوط المجتمع الذى أصبح يرى عدم التحجب عيباً

!!!!!!!!!!! يعني مافيش واحدة لابسة الحجاب طاعة او اقتناع ؟؟!!

[samoevil911]

مقال ممتاز بس الغريب ان الكاتب مقالش رأيه .. يعني هو عامل تقرير اكثر مش انه كاتب مقال يعني مقلش رأيه بردوا..
عموما ... المقال دا يدل على قلت الوعي الدينى .. بالله عليكم دي امة هتتقدم ازاى ؟
واحدة بتقول (الصياعة انك توفق بين الاتنين)
والتانية (الحجاب بيقيد افكارى المتحررة)
والثالثة (بتقلعوا في الصيف ومش عايزاه)
والرابعة (عايزة تقلعوا بس خايفة من الناس)
الخامسة(مترددة تقلعوا وألا تلبس حجاب شرعي)

طب الأولى: انحطاط اخلاقي وديني ..
الثانية: اقلعيه وورينا افكارك المتحررة هتوديكي لفين .. يمكن تخلينا من عظماء العالم ..
الثالثة: رب الصيف هو رب كل السنة .. والله دي تضحك .. يعني لو واحد زميلها عايز يشوف شعرها تقولوا نتقابل في الصيف بقي لأن الشتة انا محجبة وحرام اوريك شعري . ابقي بس انت تعالى في الصيف وافرجك .. نسيت ان رب الصيف هو رب كل السنة

الرابعة: خابفة من الناس ومش خافة من ربنا .. يااااه على الدنيا

الخامسة : دي مترددة بين النقيدين .. سبحان الله انا بتخيل واحد يتقالوا دي جنة ودي نار يقلك طب سبني افكر ..


اي واحدة من دول تعرف ان في جنة ونار .. تعرف ان رينا مطلع عليها .. تعرف ان ربنا هو اللي خالقها وخالق اللي هي بتعمل كل دا عشان تعجبهم .. فعلا ضحكنا العالم علينا بجهلينا

لما يجي واحد يتصيد للأسلام هيقلك بس هما نفسهم بيقولوا ايه على دينهم .. بيعملوا ايه بيه ؟
مستغربين ان الأقصي بيضيع وان محدش بينصره ولا حاسس بيه .. طب وهما دول مثال امهات المستقبل دول هيطلعوا رجالة يحفظوا على الدين ويحموا المجتمع ؟ هيطلعوا رحالة يحرروا فلسطين؟ دول يعرفوا ايه صلا عن فلسطين ؟
يا جماعة دا ومن أعمالكم سلط عليكم .. مهي دي الأعمال ..


يا سبحان الله خلقنا لنعبده فنسيناه .. خلقنا لنرضيه فأرضينا العبد واهمالنا رضاه .. يعني دول عشان يعجبوا الولاد يغضبوا ربنا ..
ومحدش يقلى مش موضوع ولاد ودا فكر .. لما قال سارتر "الجحيم هو الأخر" كان عنده حق .. معلش هو البنت هتبين شعرها لبنت ليه . وهتقعد تحط مكياج بالسعات لبنت ليه ؟ اكيد عشان تعجب الولاد .. والولد نفس الكلام .. بدليل شوف معظم البنات بتكلم قدام الولاد ازاى وقدام البنات ازاى وبتصرفوا قدام الولاد ازاى وقدام البنات اواى؟
دا البنات بقيت بتشتم يا عااااااااااااااااااااااااااااااااااااااااالم .. اين الحياء؟ دي اتربت؟ وكل اب يقلك سبها بحريتها ماهو نقول ايه مبيحسش الغيرة مقتولة. والتاني يقول انا بثق في بنتي وعارف انها مش بتعمل حاجة غلط ماهو نايم ..

يا جماعة انزلوا الكليات وشوفوا بيحصل ايه .. مهازل والله مهازل .. وتقولولى اقصى

حجاب ايه اللي بيكلموا عليه .. واحنا بنسبة 95% مش محجبات يأما حجاب غير شرعي .. وتقولى اللهم انصر الأسلام والمسلمين .. ههه بدول ؟
احنا عايزين معجزة .. اقسم بالله احنا اقل حاجة نعملها نشكر ربنا 24 ساعة انه رحمنا لحد دلوقتي .. والله احنا منستاهل الرحمة .. والله لولا رحمة ربنا احنا مشيفين جنة ولا شيفين حاجة اصلا ..

لو الرسول (ص) رجع وشاف العصر دا هيبقي ايه ردوا ؟؟؟ هنقول ايه ؟ ابوس ايدكم فوقوا .. محدش يقلي كل واحد حر .. مأصل انا عايز البلد دي تتقدم وهي مش هتتقدم الا لو فقنا يبقي انت لازم تفوق عشان انا اتقدم .. يبقي ليا حق عندك (عرفتوا ليه كلنا لازم ننصح بعض وننقد بعض عند الغلط للي بيقولوا خليك في حالك والحرية الشخصية .. عرفتوا ليه الأمر بالمعروف والنهي عن المنكر)

طب دي مشكلة حجاب .. دا غير البنت اللي بتشتم واللي بتشرب سجاير واللي بيحششوا والمدمين والزناه(مأكثرهم واللي في جامعة هيعرف)

انا عشان متنرفزش بصراحة اكتر منا بتنرفز خصوصا ان دول امهات الجيل القادم .. سؤال لكل اب ولكل زوج ولكل اخ:
بتشوف بنتك والا مراتك والا اختك اواي وهي طالعة من بيتها كدا ؟
بتقول ايه على نفسك وانت عارف ان فيه 1000 عين هتنهش فيها ؟
هتقول ايه لربنا يوم القيامة ؟


بلاش الناس اللي ضد الحجاب او اللي اواجهم او بناتهم او اخواتهم مش محجبين نفس الأسئلة اللي فوق بس زيادة سؤال للزوج بالذات:
انت ايه شعورك وانت ماشي مع مراتك ومش محجبة او متبرجة و1000 عين بتنهش فيها .. حاسس انك راجل ؟

دا انا لسه 19 سنة بس انا لو متجوز متحملش واحد يشوف سم من مراتي .. دانا هحطها في عيني .. لأني اولا براعي ديني . ثانيا راجل . ثالثا مراتي دي ليه انا بغير عليها محدش يشفها غيري ومش بقول ان انا هنقبها واحبسها احسن يتقال اني متعصب .. انا اقصد اني مش هسمح لواحد يبصلها ولو اطول انقبها هنقبها لو راضت عشان محدش عينوا تيجي عليها وامنع اي حد يشوف منها حاجة ..

صحيح سؤال اخير حد ملاحظ ان اصبحت ظاهرة ان السيدات هي اللي بتيقي حكما البيوت ؟ واللي بيتهيألى؟


وداعا للرجولة .. وشكرا للابوه .. واهلا بحرية الفكر وسلملى على النهضة .. وابقي قابلني لو اتقدمنا

غريب : بناخد من الغرب كل حاجة تافهة (موضة - موسيقى- غني- حرية فكر ههه) اما التطور العلمي مش في الخطة . حتى مش بيجي على السكة ابدا .



بسم الله الرحمن الرحيم:"الذين اتخذوا دينهم لهوا ولعبا وغرتهم الحياة الدنيا فاليوم ننساهم كما نسوا لقاء يومهم هذا وما كانوا بآياتنا يجحدون"

[abou_ruqi]

الغرض من المقالة نفسها هو إساءة الظن بالشرع وبفكرة الحجاب وبيان أنها فكرة غير قابلة للتطبيق بحكم المخالفات الواقعية وتعويد الناس على الهجوم على الحجاب بحجة الهجوم على سلوكيات بعض من يدعين الحجاب

وأظن أن غرض الأخ محمد عثمان هو النصيحة إن شاء الله وإن كنت أرى أنه لم يكن من المناسب نقل الموضوع لأن صحيفة مثل اليوم السابع تقف على هرم مبناه من القمة للقاعدة عبارة عن أمراض وأغراض وبعد عن المهنية

طبعا , مش غريبة إن الدكتور بحري هو اللي حيفهم سؤالي

كلام غير صحيح

فين الهجوم علي الحجاب فالمقال دا؟؟؟؟؟؟؟؟؟

انا شايف فيه هجوم علي ظاهرة سلبية و خطيرة مش اكتر

لو الحجاب الغريب هو اللي ظاهرة سلبية ؟ طيب البيكيني القطعتين يبقى إيه ؟؟

المقالة بتوحي إن الحجاب المودرن ده سيئ ولكنها لم تقل إن الصح الحجاب الشرعي
وكونهم يطعنون الآن في الحجاب إذا السفور هو الصح ,أو على الاقل هو اللي حيخلي البنت بعيدة عن "الظاهرة السلبية" كما وصفت

بص حقولك حاجة , انا مش مع نظرية المؤامرة ,وحفترض إن كاتب الموضوع مسلم صادق , لكن توقيت المقال مع الهجمة الشرسة على الإسلام من الغرب و علمانيو الشرق , هو التواطؤ بعينه ومساعدة أعداءالإسلام على هدم البيت الإسلامي نفسه

كان أولى بهذا الحبر الذي أهدر في طباعة هذا المقالة التي تهاجم الذين هم في الوسط بين الإسلام الصحيح و السفور , أن تهاجم السفور أو تصمت

ولكنه أبى على نفسه ذلك ,وهاجم اللاتي قد يصبحن في القريب مسلمات صالحات , ونسى الكاسيات العاريات ,ونحن على وشك بدء الموسم المصيفي وسيتم خلع ثوب العفة تماما وستظهر كل العورات

!!!!!!!!!!! يعني مافيش واحدة لابسة الحجاب طاعة او اقتناع ؟؟!!

هو ده الغرض إنه يثبت لنفسه المريضة و للمتربصين بالإسلام إن المظاهر الإسلامي لا تعني أي شيئ ولا يوجد شيئ اسمه إسلام , فقط حجاب ولحى لا تعني أي شيئ والإسلام غير قابل للتطبيق

ولكن على مر التاريخ , لم يخرج الإسلام من الهجمات الشرسة عليه إلا أقوى وأنقى ومخيبا لرجاء المهاجمين ولكنهم لا يتعلمون

[elassar2010]

انا قريت المقال دة قبل كدة
وحاسس ان كاتب المقال هو الى اختار البنات مش عينة عشوائية

[eng_ahmedryad]

والله اعلم ، انا حاسس انه جايب الشخصيات دي من مخيلته ، بس انا مابنكرش وجود الامثال دي في مجتمعنا للأسف.

[M.almaghraby]

كان أولى بهذا الحبر الذي أهدر في طباعة هذا المقالة التي تهاجم الذين هم في الوسط بين الإسلام الصحيح و السفور , أن تهاجم السفور أو تصمت

ولكنه أبى على نفسه ذلك ,وهاجم اللاتي قد يصبحن في القريب مسلمات صالحات , ونسى الكاسيات العاريات ,ونحن على وشك بدء الموسم المصيفي وسيتم خلع ثوب العفة تماما وستظهر كل العورات

مين قال ان دول فالوسط

حضرتك غلطان او يمكن دا منطقك

لكن هما دول الكاسيات العاريات علي فكرة مش ناس تانية

انا ممكن احترم بنت مبينة شعرها اكتر بكتير من هذه العينة الي موجودة بشكل كبير " ظاهرة سلبية "

لكن دول مش وسط.... دول منافقين

[M.Osman]

حقيقي يا جماعة انا مكنتش اعرف الكلام دا عن اليوم السابع و زي ما أحد الأعضاء تفضل... انا كان قصدي بطرح الموضوع مجرد النقاش

شكراً لتفهمكم

[dr-mohamed]

حقيقي يا جماعة انا مكنتش اعرف الكلام دا عن اليوم السابع و زي ما أحد الأعضاء تفضل... انا كان قصدي بطرح الموضوع مجرد النقاش

شكراً لتفهمكم

واضح طبعا يا استاذ محمد انك مكنتش تعرف خلفية اليوم السابع ونقلت الموضوع للنقاش حوله
لكن معرفش اتعودت دايما اني اقرا ما وراء السطور
ولسوء حظ اليوم السابع انى تابعتها لفترة مش قليلة وكان ليا معاهم مشكلة كبيرة جدا في رمضان الماضي و دي اللى خلتنى اقرا كلامهم كويس جدا واشوف هما عايزين يوصلوا من وراه لايه

[samoevil911]

انا كنت معلق على الموضوع والموضوع عندي في لوحة التحكم يعني مفروض معلق عليه اومال فين التعليق

مسحتو الأدارة والا ايه ؟؟؟؟؟؟؟؟؟؟؟

[dr-mohamed]

ادي نموزج اليوم من جريدة اليوم السابع وطريقتها في اثارة الفتنة وتحويل كل مشكلة وكل صراع الى صراع ديني بين مسلمين ومسيحيين وتحيزها الواضح والرهيب للمسيحيين (انا مش ضد المسيحيين طبعا ولكن ضد كل من يحاول ان يثير الفتنة في هذا البلد)
نصب على تاجر بدوى..

أزمة فى شمال سيناء بسبب أمين شرطة قبطى

اليوم السابع | أزمة فى شمال سيناء بسبب أمين شرطة قبطى

ولما تقرا التفاصيل تكتشف ان امين شرطة نصب على واحد تاجر في سيناء في مليون جنيه بحجة انه هيساعده في تجارة الاثار

ايه علاقة النصب بأن النصاب مسيحي او ان المنصوب عليه مسلم ؟
وايه اللى يخلي عملية نصب عادية بيحصل زيها كل يوم ازمة في شمال سيناء ؟

[dr-mohamed]

الموضوع التاني في اليوم السابع ليوم الجمعة عن اليوم السابع | عاطل يتعدى بالضرب على طالبة بعد التحرش بها
عيل صايع عاكس واحدة زعقت له ضربها عورها بس هي دي القضية
بس بطريقة اليوم السابع لازم يحط لك السم في العسل
الصورة المرفقة مع الموضوع لشاب بيمد ايده تجاه بنتين والبنتين واحدة منهم محجبة والتانية منقبة
يعني المنقبات والمحجبات بس هما اللى بيحصل لهم تحرش في الشارع

[TheInfernal]

أحلى حاجة في المححبات دول ان رغم تقليدهم الأعمى للأجانب فالأجانب لما بيشوفوا منظرهم بيضحكوا عالعك اللي البنات دول عاملينه في نفسهم.
و في نفس الوقت احنا كمسلمين بنهاجمهم.

يعني مفيش أي حد راضي عن طريقة لبسهم.

[eslam_wega]

قال رسول الله صلى الله علية وسلام
اطلعت فى الجنة فرأيت اكثر أهلها الفقراء وإطلعت فى النار فرأيت اكثر أهلها النساء