كيف تتعامل مع البلطجية

[mensho]

عايز اوضح نقطه
طبعا في الاصل احنا السبب اننا بقينا لقمه سائغه في عيون الاخوه البلطجيه!!
مره ورا مره لما بنحتك بيهم و نبين لهم ان احنا مش بتوع مشاكل و بنشتري دماغنا
لما كل مره تدي سايس عربيات واقف في باركينج و ميكونش معاه تصريح من الحي او رخصه من غير ما تسأله او تشده و تنهره
لما بنت تتعاكس قدامك في الشارع و هي ماشيه في حالها من شويه اوغاد و الشباب و الناس الكبيره هس هس ولا كأن في حاجه غلط بتحصل
لما تشوف سواق ميكرويلص بيبلطج علي سواق ملاكي و تبص و تتفرج عليهم بدل ما تنزل و تساعد في الموقف ده
الاسباب كتير قوي قوي
بس لو عايزين الوضع يتحسن لازم تنسي السلبيه و تكون ايجابي
لما تتعرض لموقف زي ده ارفع سماعه التليفون و اتصل ببوليس النجده و بلغ بسرعه و هتلاقيهم جنبك في اقل وقت ممكن...
بلاش الصوره النمطيه المغلوطه للبوليس في مصر
خلينا نكون ايجابيين في الشارع و في كل مكان نكون فيه
انا مره شفت بنت بتتعاكس في الشارع من عربيه فيها اربع شباب و كنت لوحدي
هبيت فيهم و هزقتهم مع العلم ان الشارع مليان ناس و محلات و البنت علي الرصيف ماشيه في حالها و محجبه و لابسه محتشم !!
سلبيه من الناس اللي في الشارع
قابلتها بموقف ايجابي
النتيجه العيال دي عمرهم ما هيتعرضو لأي بنت في الشارع ده تاني
انما سلبيه في سلبيه هنلاقي بكره اسود من امبارح
برضو يحضرني موقف تاني
في روكسي جاي بركن في امان الله لقيت واحد من اياهم جاي يتنطط قصاد العربيه
ركنت و كله تمام لقيته جاي يقول باشا الركنه 2 جنيه
قمت في لحظه واحده مقرب منه و وشي في وشه و فاتح فيه الشمال الدوغري
فين رخصتك يا كبير
ده موقف و الحي معينني
مليش فيه فين رخصه الحي و رقم الترخيص
سكت و بيقولي دول 2 جنيه
قمت قايله انت علي دماغي من فوق بس اطلعلي برخصتك و رقمها و انا عينيا ليك مكنش يبقي متكترش في الكلام اديني ماشي و العربيه قدامك خدها مخالفه كسرها ولع فيها براحتك علي الاخر و صباحك فل
عايز اقولكو رجعت بعد ساعه او اكتر و البيه كان برضو واقف بيظبط حاله من الناس اللي بتركن و انا ركبت العربيه و دورتها و وقفت شويه و بعد كده طلعت بالراحه و ببطء قدام عينيه و ده واقف متنح مش عارف يعمل حاجه خلاص جي امشي لقيته ناوي يجي تاني قمت واقف تماما و باصص لسيادته من الشباك قام سكت و قفل بقه
مع العلم انه شكله استغفر الله و بنيانه قوي اقوي مني علي الاقل بس لما متديتوش فرصه للبلطجه و قفلت عليه الكلام في النقط الرسميه الموقف كان في صالحي
و حتي ان اتعرض للعربيه ابسط حاجه محضر في القسم و هيتجاب يتجاب و هو عارف كده كويس
حاولو تكونو ايجابيين
يكفينا فخرا الحديث الشريف:
من قتل دون ماله أو نفسه أو عرضه فهو شهيد من حيث الفضل والأجر، ولكنه ليس له حكم شهيد المعركة فيغسل ويكفن ويصلى عليه كما ثبت في سنن أبي داود عن سعيد بن زيد قال: سمعت رسول الله صلى الله عليه وسلم يقول: ((من قتل دون دينه فهو شهيد، ومن قتل دون دمه فهو شهيد، ومن قتل دون ماله فهو شهيد، ومن قتل دون أهله فهو شهيد)) وصححه الترمذي، وقد قتل عمر رضي الله عنه مظلوماً وغسله الصحابة رضي الله عنهم، وصلوا عليه، وهكذا عثمان وعلي رضي الله عنهما، قد قتلا مظلومين، وغسلا وصلى عليهما الصحابة رضي الله عنهم.

كلامك حلو و مظبوط و كويس
بس للاسف دة مش بينفع فى كل المواقف لان ممكن اللى قدام يخبطك بأى حاجة وقبل متفهم حصل اية هتلاقية جرى
وزى منتا قلت الناس مش هتعملك حاجة
بجد حاجة تقرف

[3ateef]

انا شايف ان فى المواقف ده وخصوصا مع سواقين الميكروباصات اول حاجه تعملها تتصل بالشرطه ((122)) وبعد كده تنزل تتكلم ولو فكر يزعق او يتصل بحد قوللو على فكره انا كلمت الشرطه وهما فى الطريق حتلاقيه لم نفسه وخد بعضه ومشى...

[R A N A]

سواقين الميكروباص دول منهم لله
بجد حسبي الله ونعم الوكيل فيهم
انا كل يوم تقريبا بدعي عليهم وافضل طول مانا ماشية اشتمهم في سري
انا بجد مستغربة ازاي الكائنات دي تندرج نفس تحت تصنيف الإنسان انا بتهيألي لو جينا شرحنا منطقة الرأس عندهم مش هانلاقي عندهم مخ اصلا (إلا من رحم ربي)

[kemoelord]

عايز اوضح نقطه
طبعا في الاصل احنا السبب اننا بقينا لقمه سائغه في عيون الاخوه البلطجيه!!
مره ورا مره لما بنحتك بيهم و نبين لهم ان احنا مش بتوع مشاكل و بنشتري دماغنا
لما كل مره تدي سايس عربيات واقف في باركينج و ميكونش معاه تصريح من الحي او رخصه من غير ما تسأله او تشده و تنهره
لما بنت تتعاكس قدامك في الشارع و هي ماشيه في حالها من شويه اوغاد و الشباب و الناس الكبيره هس هس ولا كأن في حاجه غلط بتحصل
لما تشوف سواق ميكرويلص بيبلطج علي سواق ملاكي و تبص و تتفرج عليهم بدل ما تنزل و تساعد في الموقف ده
الاسباب كتير قوي قوي
بس لو عايزين الوضع يتحسن لازم تنسي السلبيه و تكون ايجابي
لما تتعرض لموقف زي ده ارفع سماعه التليفون و اتصل ببوليس النجده و بلغ بسرعه و هتلاقيهم جنبك في اقل وقت ممكن...
بلاش الصوره النمطيه المغلوطه للبوليس في مصر
خلينا نكون ايجابيين في الشارع و في كل مكان نكون فيه
انا مره شفت بنت بتتعاكس في الشارع من عربيه فيها اربع شباب و كنت لوحدي
هبيت فيهم و هزقتهم مع العلم ان الشارع مليان ناس و محلات و البنت علي الرصيف ماشيه في حالها و محجبه و لابسه محتشم !!
سلبيه من الناس اللي في الشارع
قابلتها بموقف ايجابي
النتيجه العيال دي عمرهم ما هيتعرضو لأي بنت في الشارع ده تاني
انما سلبيه في سلبيه هنلاقي بكره اسود من امبارح
برضو يحضرني موقف تاني
في روكسي جاي بركن في امان الله لقيت واحد من اياهم جاي يتنطط قصاد العربيه
ركنت و كله تمام لقيته جاي يقول باشا الركنه 2 جنيه
قمت في لحظه واحده مقرب منه و وشي في وشه و فاتح فيه الشمال الدوغري
فين رخصتك يا كبير
ده موقف و الحي معينني
مليش فيه فين رخصه الحي و رقم الترخيص
سكت و بيقولي دول 2 جنيه
قمت قايله انت علي دماغي من فوق بس اطلعلي برخصتك و رقمها و انا عينيا ليك مكنش يبقي متكترش في الكلام اديني ماشي و العربيه قدامك خدها مخالفه كسرها ولع فيها براحتك علي الاخر و صباحك فل
عايز اقولكو رجعت بعد ساعه او اكتر و البيه كان برضو واقف بيظبط حاله من الناس اللي بتركن و انا ركبت العربيه و دورتها و وقفت شويه و بعد كده طلعت بالراحه و ببطء قدام عينيه و ده واقف متنح مش عارف يعمل حاجه خلاص جي امشي لقيته ناوي يجي تاني قمت واقف تماما و باصص لسيادته من الشباك قام سكت و قفل بقه
مع العلم انه شكله استغفر الله و بنيانه قوي اقوي مني علي الاقل بس لما متديتوش فرصه للبلطجه و قفلت عليه الكلام في النقط الرسميه الموقف كان في صالحي
و حتي ان اتعرض للعربيه ابسط حاجه محضر في القسم و هيتجاب يتجاب و هو عارف كده كويس
حاولو تكونو ايجابيين
يكفينا فخرا الحديث الشريف:
من قتل دون ماله أو نفسه أو عرضه فهو شهيد من حيث الفضل والأجر، ولكنه ليس له حكم شهيد المعركة فيغسل ويكفن ويصلى عليه كما ثبت في سنن أبي داود عن سعيد بن زيد قال: سمعت رسول الله صلى الله عليه وسلم يقول: ((من قتل دون دينه فهو شهيد، ومن قتل دون دمه فهو شهيد، ومن قتل دون ماله فهو شهيد، ومن قتل دون أهله فهو شهيد)) وصححه الترمذي، وقد قتل عمر رضي الله عنه مظلوماً وغسله الصحابة رضي الله عنهم، وصلوا عليه، وهكذا عثمان وعلي رضي الله عنهما، قد قتلا مظلومين، وغسلا وصلى عليهما الصحابة رضي الله عنهم.

+1111111111111111111

[Khaled_Nowaihy]

عايز اوضح نقطه ...........
يكفينا فخرا الحديث الشريف:
من قتل دون ماله أو نفسه أو عرضه فهو شهيد من حيث الفضل والأجر، ولكنه ليس له حكم شهيد المعركة فيغسل ويكفن ويصلى عليه كما ثبت في سنن أبي داود عن سعيد بن زيد قال: سمعت رسول الله صلى الله عليه وسلم يقول: ((من قتل دون دينه فهو شهيد، ومن قتل دون دمه فهو شهيد، ومن قتل دون ماله فهو شهيد، ومن قتل دون أهله فهو شهيد)) وصححه الترمذي، وقد قتل عمر رضي الله عنه مظلوماً وغسله الصحابة رضي الله عنهم، وصلوا عليه، وهكذا عثمان وعلي رضي الله عنهما، قد قتلا مظلومين، وغسلا وصلى عليهما الصحابة رضي الله عنهم.

كلامك جميل يا د. أمير .. لكن الم تسمع الحديث:
عن ابي بكرة نفيع بن الحارث الثقفي رضي الله عنه ان النبي صلى الله عليه و سلم قال : (( اذا التقى المسلمان بسيفيهما فالقاتل و المقتول في النار قلت : يا رسول الله هذا القاتل فما بال المقتول ؟ قال انه كان حريصا على قتل صاحبه )) - رواه ابو داود و النسائي عن ابي بكرة و رواه ابن ماجه عن ابي موسى

ربنا يكفينا شر أنفسنا وشر من حولنا ,,, اللهم آميــن

[zaza_lanos]

حسبى الله ونعم الوكيل
بس انا لو حصل معايا كده مش هتدردد فى انى احطهم تحت عجل العربية
وساعتها البوليس لو جه يبقى يقدر الموقف

[m2die4]

يا باشا الطريقه غلط
انا عمرى ما بقبل عوض فى حادثه ولا بزعأ و الكلام ده
بس من اسبوعين واقف فى تقاطع و ورايا ميكروباص مجرد بس ما طلعت حته راح جارى من جامبى و طالع عكسى فى وش الناس و بيكسر عليا علشان يدخل الشارع تانى , رحت كابس بنزين فى ثانيه بقيت قدامه و كابس فرامل بصوت على الارض جامد و فاتح الباب و نازل اشتمه و فرجت عليه الشارع كله و هو مش عارف يتكلم و يقول اى كلام و الناس مش عارف ايه و مش فاهم منه جمله مفيده , انا قلتله انت بتبرر ايه عملنى ميدان و بتلف حوليا و لسه بتتكلم لو فتحت بؤق بكلمه كمان حخدك من قفاك على القسم و انت معكش بطاقه و مش حتخرج , فى ثانيه قلب اعتذرات و يا بيه و حقق عليا و انا غلطان , لو انا كنت كلمته من العربيه و لا شتمته من العربيه كان ممكن يعمل اكتر من العمله مع حضرتك , اسلوب كلامك و تصرفاتك معاهم هو البيحدد حيرد عليك ازاى

و فى حاجه كمان للافاده كل العربيات النقل الدبابه دى لو ركزت معاهم حتلاقيه بيعدى الكابينه و يرميلك البوكس الورا لان مش بيأثر فيه الخبط و انت الحتتأذى لو مش عايزه يكسر عليك متخلهوش يعدى الكابينه و لسه النهارده الساعه 2 تقريباً نص نقل كان حيطير المرايا بالبوكس بتاعه بس الحمد لله اخدت بالى و كسرت معاه

[romeo_6887]

ربنا يستر طريقنا

[Khaled_Nowaihy]

والله ردودكم جميعاً جميلة وشافية للصدر ... بس مش ملاحظين اننا كلنا حا نضطر نبقى مجرمين علشان ننقذ نفسنا؟ حتى ولوعملنا كده: الأخوات اللى ردوا كمان يقدروا يعملوا كده ؟ ولو معانا زوجاتنا أوأمهاتنا أو أولادنا حنقدر نعمل كده ؟
أنا مرة شفت شاب زى الفل مع والدته ووقع مع جماعة زى دول ... الولد كان دمه حامى واشتبك معاهم ... أمه أول ما شافت المنظر جالها هستريا صراخ وتشنج وكان ممكن تموت من الرعب على ابنها.
يا جماعة الحكاية دى أصبحت كابوس والله.
ملحوظة:
باستثناء واحد أو اثنين تقريباً ما جربوش حكاية بوليس النجدة دى ... أحب اقول لهم وعن تجربة ان البوليس بييجى فقط فى حالة من أربعة : 1-شخصية كبيرة تتصل بيهم 2-خناقة كبيرة .... بس بعد ما تخلص طبعاً 3- سقوط قتلى 4-حدوث ضرب نار ... فيما عدا ذلك ولا الهوا

[abou_ruqi]

حل القوة الغاشمة , إظهار قوة أعلى وأكبر قدرة على البطش من القوة الأولى
الموضوع ده يمشي من أول الدول والجيوش لحد الأطفال في كي جي مرورا بعالم الحيوان
أنت مش محتاج تضرب اللي قدمك , بس إظهر له إن عندك قوة أعظم بكثير من القوة اللي بيهددك بيها

يعني مثلا في موقف زي بتاعك , لو ملامحك و سنك يساعد إدعي إنك وكيل نيابة , الموضوع ده حيشل تفكيره عدة دقايق وغالبا عقله حيوزنها بين إنك كذاب أو صادق وفي الأخر حيختار يصدقك أحوط , وحيتعدل في الكلام

لو شكلك ما يجبش وكيل نيابة , يبقى السلاح هو الحل حتى لو تتهويش أو يكون مزيف
عندك المسدسات الرش , تعمل اللي مايعملهوش ألف ظابط في موقف زي ده

طبعا كل اللي بقولهولك ده غلط , إنما دي أيام سودة بنعشها نسأل الله أن يزيح عنا الغمة في أقرب وقت ,يا رب السنادي إن شاء الله

[amir]

كلامك جميل يا د. أمير .. لكن الم تسمع الحديث:
عن ابي بكرة نفيع بن الحارث الثقفي رضي الله عنه ان النبي صلى الله عليه و سلم قال : (( اذا التقى المسلمان بسيفيهما فالقاتل و المقتول في النار قلت : يا رسول الله هذا القاتل فما بال المقتول ؟ قال انه كان حريصا على قتل صاحبه )) - رواه ابو داود و النسائي عن ابي بكرة و رواه ابن ماجه عن ابي موسى

ربنا يكفينا شر أنفسنا وشر من حولنا ,,, اللهم آميــن

الحديث ده كان شغلي الشاغل و انا في فتره الجيش بالذات
و من خلال التحاور مع الصولات و الظباط خصوصا علي موقف حرب الخليج و مدي ذنب الجندي المصري في حاله زي كده
الاجابه المقنعه كانت ان في حاله طغيان فئه علي الاخري من حقنا قتال الفئه الباغيه حتي ترجع و في ايه بس مش فاكرها دلوقت اتقالتلي
ديننا بيحثنا علي التعاون علي البر و التقوي
و اعذرني تماما و الكلام مش لشخصك بصفه خاصه انما للناس اللي هتقري الكلام ده بعد كده
ايه هدفنا من الحياه؟
لو هدفنا نركب عربيات حلوه و لو حتي غاليه فممكن جدا نحقق الهدف ده
لو هدفنا الفلوس فممكن يكون معانا الفلوس اللي في بالنا
لو هدفنا الترقي في مجال العمل و التميز و الشهره فممكن جدا برضو يتحقق ده بالاجتهاد
و لو و لو و لو فكل امالنا دي ممكن تحقيقها في الدنيا
انما ايه اهدافنا بالنسبه للاخره ما بعد الحياه دي
مهو فرعون و قارون ماتو
و كل الناس ماتت
و كل الناس هتموت
مفيش حد هيخلد في الدنيا ولا الاخره الا الله سبحانه و تعالي
يبقي لازم مهما ان كانت الحياه شاغلانا نبص و لو للحظات قليله في دنيتنا و حالنا فيها و مصيرنا بعد كده
لو هتتجوز و اشتريت شقه نص تشطيب هل هتسكن فيها كده من غير ما توضبها؟!
لازم قبل ما تتجوز توضبها و تفرشها علي مزاجك
ولا في حد بيستني ليله الدخله علشان يوضب شقته؟!!
ده نفس القياس مع اختلاف العواقب
لما بنموت بينقطع عملنا الا من ثلاث: صدقه جاريه, علم نافع ينتفع به او ولد صالح يدعو لنا
للاسف ساعات كتير بننشغل عن الاخره بالدنيا
و انا مش احسن منكو اطلاقا ده يمكن اكون اوحشكم
بس ليه بنحاول نفكر في حالتنا الجسديه او حاله اهلنا من بعدنا او اولادنا و نفكر و ندبر و نتناسي ان ربنا اكبر و ارحم و اقدر
في حديث او حكايه مش فاكر بقي اللي يعرف يصححلي بس كان الموقف كالتالي:
كان جماعه من الصحابه قاعدين في خيمه و ام معديه شايله ابنها الرضيع و بتميل عليه علشان تقيه لهيب الشمس
قام الرسول صلي الله عليه و سلم (او الامام علي مش فاكر بصراحه) سئل الناس اللي قاعدين : شايفين الام دي بتحن علي ابنها قد ايه ؟ اهو ربنا ارحم علينا من الام دي علي ولدها
خلي دايما في بالنا ان قدر الله و ما شاء فعل
و اعلم ان ما اصابك لم يكن ليخطئك و ما اخطئك لم يكن ليصيبك
و كأضافه سمعت ان في حديث قدسي لله سبحانه و تعالي بيقول فيه جل علاه:لا تسبو الدهر فأنه انا
ياريت نفكر في الكلام ده كله و نتصرف دايما علي اساس ان في ربنا سبحانه و تعالي مقدر ارزاقنا و حياتنا و مماتنا
و ساعه الحساب جايه جايه مهما طال الزمن
و نحاول و نسعي ان حسابنا يكون يسير
دينا في حاجات كتير قوي ممكن نكسب منها حسنات و رحمه ربنا
و احب اختم الرد بالحديث ده و الفتوي بتاعته:
رقـم الفتوى : 2159 عنوان الفتوى : فضل السعي في حوائج الناس تاريخ الفتوى : 16 صفر 1420 / 01-06-1999 السؤال ان للــه عبادا اختصهم بقضاء حوائــج الناس . حببهم الى الخير وحبب الخير اليهـم اولئــك الامنون من عذاب اللـه يــوم القيامــــــــــــــــــــــــــــه. من هـــم العبـــاد الذيــن اختصهـــم اللـــه بقضــــاء حوائــج النــــاس ( جزاكــم اللــه خيــرا )

الفتوى
الحمد لله والصلاة والسلام على رسول الله وعلى آله وصحبه وسلم ..... وبعد:
فهذا الحديث في المعجم الكبير للطبراني وفي مسند الشهاب. وهو ضعيف وليس هنالك عباد بأعيانهم اختصهم الله بقضاء حوائج الناس ، وقد ورد كثير من الترغيب في السعي في قضاء حوائج الناس فمن ذلك ما في صحيح البخاري ومسلم وغيرهما أن النبي صلى الله عليه وسلم قال: المسلم أخو المسلم لا يظلمه ولا يسلمه، ومن كان في حاجة أخيه كان الله في حاجته، ومن فرج عن مسلم كربة فرج الله عنه كربة من كربات يوم القيامة، ومن ستر مسلماً ستره الله يوم القيامة. ومن ذلك ما في مسلم والمسند وغيرهما أن النبي صلى الله عليه وسلم قال: من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر عن معسر يسر الله عليه في الدنيا والآخرة، ومن ستر مسلما ستره الله في الدنيا والآخرة، والله في عون العبد ما كان العبد في عون أخيه.. إلى آخر الحديث فمن سعى في حوائج الناس عملاً بهذا الترغيب ورجاء للمثوبة عند الله تعالى يسر الله له ذلك وكان سعيه سبباً في أمنه يوم القيامة إذا قصد به وجه الله تعالى.
والله أعلم

[rockana9112007]

الاخوة اللى بيقولو انك تتصل بالنجدة
هقولوكو على موقف ظريف
انا عربية نصف نقل خبطتنى فى الرفرف وانا بلف فى ميدان اسمة ميدان النجدة فى ستة اكتوبر (عشان فرع النجدة قدامة على طول )
الباشا انا بلف الميدان براحتى وهو جاى طوالى قام قرص بحيث انة يسبقنى قبل مالف (شوفتو العبقرية )وفعلاااا عدى الكابينة وخبطنى بالصندوق ...واول مانزل قالى انتا الللى غلطان عشان انا عديت الكابينة يبقى كنت قبلك ...ففهمت على طوول تفكيرة
المهم انى اتصلت بالنجدة اكتر من عشرين مرة وبينى وبينهم مرمى البصر التليفون بيدى جرس ومحدش بيرد تخيلو

المهم جالنا الامين اللى واقف فى الميدان ...مش عارف كان بيشرب شاى ساعة الحادثة باين
المهم بيقولنا اتراضو واتصالحو والكلام دة... وكان الواضح ان الامين متعاطف مع سواق النقل وبيقولى يابية دى عربية اكل عيش واكنى انا عربيتى بتاعت تهريب مخدرات والباشا بتاع النقل بيتنطط وبيقول كلام مش مظبوط

المهم لااراديااااا انا مسكت سواق النقل من قفاة وقلت لأ انا مش هتصالح انا هعمل محضر
المهم الامين دخلنا على مقر النجدة....... البية الباشا سعادة ابن الناس الظابط بيقول للامين خليهم يروحو القسم مش عاوزين وجع دماغ ؟؟؟؟؟؟؟؟؟

المهم رحنا القسم عشان نعمل محضر
كل اللى فى دماغ امين الاستقبال ان الحادثة حصلت فى نصف الميدان الاولانى ولا التانى عشان لو الاولانى تبقى تبع قسم تانى ستة اكتوبر مش اول
المهم برضة بيقولى انا هسيبكو تتكلمو وتتصالحو عشان يابية دى عربية نصل نقل يعنى اكل عيش .....قلتلو وانا بقى عربيتى دى امى جايبهالى وبرضو هعمل محضر

فى النهاية عملت محضر فى الراجل بأنة خبطنى متعمداااا والراجل عملى محضر مقابل بأيعاز من امين الشرطة اللى كان متعاطف مع سواق النقل عشان دى عربية اكل عيش وانا ابن كلب مرفه والعربية دى امى جايبهالى

اكتشف انى فى النيابة بقيت متهم وهو المجنى علية واتحكم عليااا بغرامة 50 جنية يامعلم
حلفت يمين تلاتة مانا دافعهم واللى يحصل يحصل (صحيح هو فى قلق من الموضوع دة )

ابتسم انت فى مصر

[Khaled_Nowaihy]

الحديث ده كان شغلي الشاغل و انا في فتره الجيش بالذات
............. فمن سعى في حوائج الناس عملاً بهذا الترغيب ورجاء للمثوبة عند الله تعالى يسر الله له ذلك وكان سعيه سبباً في أمنه يوم القيامة إذا قصد به وجه الله تعالى.
والله أعلم

د. أمير
عذراً أنا لم أفهم قصدك من هذا الرد ... ممكن توضح لنا خلاصة كلامك فيما يخص هذا الموضوع؟

[amir]

د. أمير
عذراً أنا لم أفهم قصدك من هذا الرد ... ممكن توضح لنا خلاصة كلامك فيما يخص هذا الموضوع؟

نتكل علي الله و نعمل الصح

[hazemhassan]

ادامك حل من ثلاثه
1 تاخد بعضك و تخلع الي يحصلني يكسرني
2 عليا و علي اعدائي ابراهيم الابيض
3 الشربه في خدمه الشعب وغالبا هتلجا لحل من الاتنين الي فوق

gooooooood