كيف تتعامل مع البلطجية

[A7MED_PHARMA]

الحل الطبيعي والنطقي-طالما إنك في مصر-
إنك تعمل عبده المهــم
يعني تتكلم وكأنك وزير أو أصحابك كلهم ظباط شرطة أو وكلاء نيابة


..
من يومين كنت خارج من (زفتى) رايح (ميت غمر)
وكنت بعدي من على الكوبري بتاع زفتى
لسه هدخل الكوبري((للعلم إن الكوبري بيساع عربية واحدة فقط)
لقيت عربجي راكب ميكروباص داخل وحاشر نفسخ وعاوز يدخل الكوبري قبلي
مع إن المساحة كانت أضيق من إنها تعدي نص عربيته..بس هوا دخل برخامة وعاوز يعدي
شديت الهاند بريك ..ونزلت
قولتله:" إرجع ورا يا إبن الـ %^$%^#"

بكل صمت وهدوء ..لقيته رجع


وطبعا ..ربنا يخليلي اللوحة السودا وبادج النيابة العامة

...أنا صيدلي على فكرة

[smsmxxxxxx]

طبيعة الناس دى زى الكلاب لو خفت منها هتجرى وراك وتنبح عليك ويمكن كمان تعضك
لكن لو ضربتها بالجزمة تخاف وتجرى

وفى واحد صاحبي بيقول
سواق المايكروباص او النقل زى السوستة تدوس عليه ينحنيلك تسيبه ينطر فى وشك


بس خللي بالك لو معاك العائلة لازم تتعامل معاهم بالعقل تدحك عليه وتديله تليفونك
بس الحقيقي لانه هيرن عليك وانتا واقف
وتهزر معاه وتعمل انك انتا الغلطان وانك هتصلحله العربية

وبعد كدة تدهمله فى التليفون بس دا طبعا لو هو اللى غلطان

ربنا يكفيك ويكفينا شرهم

---------
محمد سالم

[M.Mostafa80]

بما انى من سكان الهرم وما اكثر سواقين الميكروباص الفولكس واللى ما بيشتغلش عليها غير بلطجيه ومسجلين
فماشى بحاجتين بينهو المشكله من قبل ما تبداء لو حسيت حد فيهم فكر بأستخدمهم بدون تردد رقم واحد سرينه شرطه ميرى ولما الموضوع بيتطور يبقى بنزل افرد طولى ودى لو حكتلكم حكيات عنها هتموتو من الضحك وفى ايدى اليكترك ودا رقم اثنين ودول هما الرخصه لأنك تخرج سالم من شوارع الهرم الجانبيه والموازيه ليه
ربنا يرحمنا من الأشكال دى ويتوب علينا من الناس اللى بتخلى الواحد يتقمص دور مش دورو

[Eng.Geo]

انا في الحالات ده بعمل حل واحد
انزل من العربية اطلع الموبايل اصور العربية ومن نمرها واللي سايق
بتلاقي الناس ده بتكش جامد ولو فكر يتكلم قولله خلاص
هتلاقيه بيتحايل عليك وتلاقي عيل قدامك
الصور ده ببعتها لظابط اعرفه بيخلص كل حاجة ولو متعرفش ظابط اهي ادت الواجب في الموقف
وطبعا يبقي في اسلحة لو الموقف تأزم واهمهم الصاعق

[Khaled_Nowaihy]

بما انى من سكان الهرم ...... وفى ايدى اليكترك....

انا في الحالات....... واهمهم الصاعق

طب قولوا لى لو سمحتم اجيبه منين وبكام
ويا سلام مثلا لو فيه قنبلة صواعق عشان ارميها على كتيبة الشرفاء لما يتلموا عليا !!!

[shok]

يا جماعة الى حصل دة بيحصل كال يوم ميت مرة بس هما بيعملوا اية بيقولوا بتوع الملاكى افندية ويزعق ويعمل حركتين
حصل معايا نفس الموقف بس صاحبى الى كان سايق السواق بيقولوا مش تفتح لقيت صحبى وشة احمر وراح ماسك فى طوقة وققالة تبقى غلطان وحكيت العربية وعايز تلبسلى الليلة وحياة امك منا سيبك غير فى القسم
او مالعسكرى وصل بقى زى الكلب وتنتنى وراة لحد مدفعتة 200 جنية

[M.Mostafa80]

طب قولوا لى لو سمحتم اجيبه منين وبكام
ويا سلام مثلا لو فيه قنبلة صواعق عشان ارميها على كتيبة الشرفاء لما يتلموا عليا !!!

حاسيس بنبره تريقه فى كلامك بس لو ركزت فى الكلام هتلاقيه ان ما بيستخدمش الا مع الأشكال دى
ومش هتعرف قيمته الا لما تلاقى 3 بلطجيه طالعين عليك بسنج وسيوف وانت معاك مراتك وحماك وحماتك وبمجرد الأليكترك اللى حضرتك حاسيس انك بتتريق عليه طلع وطرقع فى الهوى مرتين بقم فص ملح وداب رايك ايه

[Khaled_Nowaihy]

حاسيس بنبره تريقه فى كلامك بس لو ركزت فى الكلام هتلاقيه ان ما بيستخدمش الا مع الأشكال دى
ومش هتعرف قيمته الا لما تلاقى 3 بلطجيه طالعين عليك بسنج وسيوف وانت معاك مراتك وحماك وحماتك وبمجرد الأليكترك اللى حضرتك حاسيس انك بتتريق عليه طلع وطرقع فى الهوى مرتين بقم فص ملح وداب رايك ايه

أنا لم أقصد السخرية من أى أحد والله يا أخى ... واللى حضرتك بتقول عليه هو اللى حصل معايا فعلاً ومحتاجه فعلاً (أرجو قراءة أول الموضوع لأنى أنا اللى عملته) .... ما قلتليش با أستاذ مصطفى اجيبه منين ؟

[M.Mostafa80]

أنا لم أقصد السخرية من أى أحد والله يا أخى ... واللى حضرتك بتقول عليه هو اللى حصل معايا فعلاً ومحتاجه فعلاً (أرجو قراءة أول الموضوع لأنى أنا اللى عملته) .... ما قلتليش با أستاذ مصطفى اجيبه منين ؟

يبقى انا اللى فهمتك غلط
سامحنى هبعتلك مكانو على الخاص

[max_ziro]

النهاردة كنت ماشى بال 128 فى حالى على اليمين فى أحد الشوارح الجانبية الضيقة فى مدينة نصر وبعدين ميكروباص جاى من ورايا فى نص الشارع بيعدى من شمالى وفجأة كسر على عربيتى .. الباب بتاعه دخل فى بوز الرفرف الشمال بتاعى
الباب الجرار بتاعه اتطبق والرفرف بتاعى لحسن الحظ اتكرمش شوية
طبعاً راح وقف بعيد عن مكان التصادم وجاى يقول انت اللى غلطان ... صلح لى العربية زى ما كسرتهالى !!!!

أنا غلطان ازاى ؟ أنا كنت واقف وانت اللى بتتحرك ... روح بلغ البوليس لو عاوز
قام مطلع الموبايل وأجرى عدة اتصالات بالسادة المحترمين قيادات البلطجية فرع عزبة الهجانة ... وقد تفضل بالحضور كل من السيد كعبورة سنجة سائق نصف نقل ورئيس شعبة السنج والمطاوى والسيد ابو دبشة الطروبش سائق ميكروباص ورئيس شعبة الدمار الشامل وبعض السادة المعاونين فى ادارات سب الدين وشهادات الزور وتلقيح الجتت.

وتوالى وصول السادة الأشراف الى موقع الحادث وانا مش فاهم حاجة من اللى بيحصل.
اللى يقول حانطلع ........ واللى يقول حانكسر لك العربية واللى ماسك حجر عشان يكسر العربية ...

المهم اتصلت بأحد اصدقائى لاقيته فى آخر الدنيا ومش ممكن يلحقنى ... قال لى اكسب وقت وخدهم على أى سمكرى يقدر المشكلة على ما اجيلك.

رحنا للسمكرى وهناك ربنا أرسل لى هدية السماء (ومن يتق الله يجعل له مخرجا)
أول ما السمكرى بص على الميكروباص قال للسواق "واضح من منظر الخبطة انك انت اللى كسرت عليه من غير ما تبص فى المراية ... يبقى انت اللى تشيل الليلة"
الغريب ان السواق ما ردش عليه خالص ونزل عليه سهم الله وقعد زى ال ... على الرصيف
وسألت السيد المحترم كعبورة سنجة ايه الموقف دلوقت ؟ قال لى خلاص يا باشا حصل خير واحنا حا نشيل الليلة !!!!!!!!!!!!!!!!!

بعد ايه
ولو كنت اتمسكت بحقى من الأول كان الموقف حا يتطور لأيه ؟
أتعامل مع الناس دول ازاى ؟
ولو كان معايا زوجتى والأولاد كان ممكن يحصل ايه ؟
لو قررت اقلبها معركة ... وحتى لو انتصرت عليهم حا يكون مصيرى ايه ؟؟؟؟

للأسف القاهرة اصبحت مرتعاً للبلطجية واللصوص على كل المستويات ,,, ما فيش أخلاق ... ما فيش ضمير ... مافيش دين أساساً

قولوا لى اتصرف ازاى فى المواقف الى زى دى ... نعمل ايه ... دلــونى بالله عليكم

حمد لله على سلامتك منهم و
كمان تقول الحمد لله انك مش فى الاسماعيلية
انا جالى مفترة كنت ماشى ب الطبنجة فى العربية لحد ما واحد صاحبى عامل نفس الحركة بردو اتمسك بيها و كانوا عايزين يلفقولوا قضية حيازة سلاح حى
و هو اصلا مش حى يعنى السلاح بتاعى و بتاعة بيتمشى بية ب الفاتورة بس منغير رخصة
و الحمد لله خرج منها على خير ...
ربنا يخفظنا منهم ..

[M.Osman]

إحنا نرشح سلمى رمز البطة للرئاسة و هي هترمي البلطجية بتوع الميكروباصات كلهم في المعتقل

http://www.youtube.com/watch?v=-h0MroW-iY0

[abou_ruqi]

إحنا نرشح سلمى رمز البطة للرئاسة و هي هترمي البلطجية بتوع الميكروباصات كلهم في المعتقل

http://www.youtube.com/watch?v=-h0mrow-iy0

دي شاربة ايه دي ؟؟

[youssefmustang]

انا بتصرف كألاتى:
سابقا كنت احمل شومة محترمة مليانة دبابيس مكتب وعملها مقبض ممتاز عند النجار وكنت راميها فى شنطة العربية عشان المواقف دى
ما عجبنيش نظام الشومة فى الضرب غيرت من الشومة الى احدث تكنولوجيا القتل وهو الالكتريك جبته بـ800 جنيه انجليزى الصنع بقوة 480 فولت شكله ظريف جدا عبارة عن جراب نظارة لكن اللسعة منه مش ظريفة نهائى لانها بتشل اللى قدامك 5 دقايق بالتمام ولحد دلوقتى مجربتوش غير فى واحد صاحبى كنت بهزر معاه رحت ملمسه لمدة 2 ثانية واترمى فى الارض مش عارف ياخد نفسه
مكتوب فى الكتالوج بتاعه انه لو تم تركه على جسم الانسان من الخلف (يعنى من الظهر ) لمدة 7 ثوانى احيانا يؤدى الى شلل رعاش
ده انا جايبه خصيصا لسواقين الميكرباص والتاكسى البلطجية
صدقونى الاختراع ده ملوش حل
اخوكم يوسف

[Khaled_Nowaihy]

انا بتصرف كألاتى:
سابقا كنت احمل شومة محترمة مليانة دبابيس مكتب وعملها مقبض ممتاز عند النجار وكنت راميها فى شنطة العربية عشان المواقف دى
ما عجبنيش نظام الشومة فى الضرب غيرت من الشومة الى احدث تكنولوجيا القتل وهو الالكتريك جبته بـ800 جنيه انجليزى الصنع بقوة 480 فولت شكله ظريف جدا عبارة عن جراب نظارة لكن اللسعة منه مش ظريفة نهائى لانها بتشل اللى قدامك 5 دقايق بالتمام ولحد دلوقتى مجربتوش غير فى واحد صاحبى كنت بهزر معاه رحت ملمسه لمدة 2 ثانية واترمى فى الارض مش عارف ياخد نفسه
مكتوب فى الكتالوج بتاعه انه لو تم تركه على جسم الانسان من الخلف (يعنى من الظهر ) لمدة 7 ثوانى احيانا يؤدى الى شلل رعاش
ده انا جايبه خصيصا لسواقين الميكرباص والتاكسى البلطجية
صدقونى الاختراع ده ملوش حل
اخوكم يوسف

يانهار ابيض يا أستاذ يوسف 480 فولت ؟؟؟ اللى خللى ال 220 بتوعنا بيبهدلوا الدنيا
الحقنى بيه وحياتك بيتباع فين ده ؟

[Rembrandt]

الاخوة الافاضل انصار حمل السلاح لمواجهة البلطجة وهل تواجه اعراض المرض بنفس تداعياته؟؟
السلاح مش حل بلعكس دة بيزود الطين بلة لانك فى احتمال انك تموت حد بلخطأ او حد يموتك وفى اقل من لحظة مستقبلك كلة يتغير... ومينفعش ان البلطجى يجبرك وانت انسان متعلم على اسلوبة وترضخ لية وتجارية بنفس اسلوبة وتشيل انت كمان سلاح كدة مفيش فرق بينكم.. انتم الاتنيين شايليين سلاح وانا لو شوفت اتنين فى الشارع شايلين سلاح هاقول عليهم بلطجية ومش هافرق ميين راكب ملاكى وميين سواق ميكروباص
وفى نفس الوقت طرحت على نفسى نفس السؤال اللى سئلة الاخ صاحب الموضوع ياترى لو معاية اسرتى فى العربية وواحد بلطجى شايل سلاح لاى سبب ما حاول انة يتهجم علية هاتصرف معاة أذاى؟؟
شرد زهنى ولقيت ان الكلام دة هيوصلنا للكلام فى السياسة والدعاء على رجالها اللهم أحفظنا .
لكن ابشرو ما ضيقت الاما فرجت وفرجة قريب اوى فى تغيير حقيقى جاى من عند ربنا بأذن الله
انا شايفهم من بعيد لابسيين ابيض فى ابيض