سؤال عن الزواج

[شريف]

بسم الله الرحمن الرحيم

ظرف اتعرضت ليه الفتره اللي فاتت

اذا رايت ان ابو العروسه بخيل

ايوه بخيل من كذا موقف

1- من طريقه الضيافه للعريس
2- فى النادي ميفكرش حتى انه يدفع الحساب
3- و دي الاهم في الخطوبه مش مرحب باهل العريس فى بيته و عايز اسره العريس بس و بيحدد الاشخاص و بلاش الخال ولا العم يروحو كمان و بيقول الضيافه حاجه ساقعه و جاتوة
4-الاتفاق علي العفش كان غريب النصف بالنصف بس حسيت من طريقة الكلام انه هيسترخص

و البنت ممتاذة بس هل ينفع اخدها بشنطه هدومها؟؟؟؟؟؟

مش عارف اعمل ايه العقل بيقول هتتعب معاهم جدا و ممكن ده يأثر علي علاقتك بالبنت
و الدين بيقول فاظفر بذات الدين تربت يداك و دة انا شايفه و الله اعلم

رايكم ايه في الحكايه دي

[shifu]

i find many fathers like this man

you can see if she can put pressure on her father

[member]

فاظفر بذات الدين تربت يداك

[أحمد كمال]

بص لو العريس او اهله بخلاء دي بتبقى عيشة ضنك عالبنت و انا ما اجوزش بنتي كده

بس لو انا هاتجوز واحدة (بفرض اني مش متجوز يعني ما تودونيش في داهية يعني) ابوها بخيل ..... و انا مالي؟ طظ !!! هو مش هيأكلني و لا يشربني و لا انا مستني منه حاجة .....

و حتى لو طبعه بهت على بنته ..... هي مش هتصرف عليا يعني و ممكن الطبع ده يتغير

انما الزوج البخيل بيبقى كارثة و ربنا ما يحكم على حد من بناتنا تتجوز واحد كده

[nab!l]

بصراحة الجواز بقى مشكلة كبيره
وموضوعك يحير فعلا
بس عائلة البنت هتفرق معاك جدا
واستحالة يكون الاهل مش كويسين والبنت ملاك
رايى المتواضع بلاش الباب ده خالص

[شريف]

i find many fathers like this man

you can see if she can put pressure on her father

لا من كذا محاوله و جدت ان البنت ملهاش راي و اقصي حاجه تسكت عن الرد و خايف ان ميكنش ليها راي خالص و يكون راي الاب و الام فوق رايها

بص لو العريس او اهله بخلاء دي بتبقى عيشة ضنك عالبنت و انا ما اجوزش بنتي كده

بس لو انا هاتجوز واحدة (بفرض اني مش متجوز يعني ما تودونيش في داهية يعني) ابوها بخيل ..... و انا مالي؟ طظ !!! هو مش هيأكلني و لا يشربني و لا انا مستني منه حاجة .....

و حتى لو طبعه بهت على بنته ..... هي مش هتصرف عليا يعني و ممكن الطبع ده يتغير

انما الزوج البخيل بيبقى كارثة و ربنا ما يحكم على حد من بناتنا تتجوز واحد كده

انا مش عايز حد من عائلتي يتريق عليه او انهم يكسفوني امام عائلتي و بالشكل ده ممكن اشيل منهم و بالتالي علاقتي بالبنت هتتأثر جامد
يعني لو حددنا نقط الاحتكاك بيني و بين الاب هنلاقيها

1-يوم الخطوبه و يوم الفرح ( يومين و يعدوا و مش مشكله قوي)
2-بيت الزوجيه ( بيقول العفش عادي و سمبل و ابقي غيره بعد كده حاولت اعرف يعني ايه و شكله ازاي العادي ده معرفتش )
3-مليش دعوه بالاب بعد كده

بصراحة الجواز بقى مشكلة كبيره
وموضوعك يحير فعلا
بس عائلة البنت هتفرق معاك جدا
واستحالة يكون الاهل مش كويسين والبنت ملاك
رايى المتواضع بلاش الباب ده خالص

وانا رايي كده برده لان ممكن البنت تحاول تسترضيني ( تاكل بعقلي حلاوه ) لغايه الزواج و الاقي نسخه من الاب معايا في البيت او حتي طباع غريبه عليه و ممكن معرفش اتكيف معاها

[nabaster]

بصراحة الجواز بقى مشكلة كبيره
وموضوعك يحير فعلا
بس عائلة البنت هتفرق معاك جدا
واستحالة يكون الاهل مش كويسين والبنت ملاك
رايى المتواضع بلاش الباب ده خالص

يا راجل حرام عليك برضه ده رد؟؟

طيب شوف الرد ده كده

بص لو العريس او اهله بخلاء دي بتبقى عيشة ضنك عالبنت و انا ما اجوزش بنتي كده

بس لو انا هاتجوز واحدة (بفرض اني مش متجوز يعني ما تودونيش في داهية يعني) ابوها بخيل ..... و انا مالي؟ طظ !!! هو مش هيأكلني و لا يشربني و لا انا مستني منه حاجة .....

و حتى لو طبعه بهت على بنته ..... هي مش هتصرف عليا يعني و ممكن الطبع ده يتغير

انما الزوج البخيل بيبقى كارثة و ربنا ما يحكم على حد من بناتنا تتجوز واحد كده

بصراحه اكتر رد عقلاني

انا مالي بابوها؟؟

لا هيا ولا ابوها هيصرفوا عليك

وبعدين بتقول في التجهيز هيسترخص طيب مش احسن ما يغالي عليك في طلباته وانتا الي تبقي مش قادر تسد قدامه

خليها كده احسن ولو حاجه عجباك وقادر تجيبها زوذ شويه ما هو كله في بيتك مش هيروح بره يعني

بس خد بالك ان البخيل ممكن يكون عمل طبع الحرمان

بس انتا بتقول ان البنت ممتازه يبقي خلاص اتكل علي الله وسيبك من ابوها كده احسنلك

A.Yakout

[elassar2010]

متابع الموضوع باهتمام شديد

[M.Mosaad]

صلي استخارة و ربنا هينور طريقك

[Mustafa_Farouk]

يا راجل حرام عليك برضه ده رد؟؟

طيب شوف الرد ده كده



بصراحه اكتر رد عقلاني

انا مالي بابوها؟؟

لا هيا ولا ابوها هيصرفوا عليك

وبعدين بتقول في التجهيز هيسترخص طيب مش احسن ما يغالي عليك في طلباته وانتا الي تبقي مش قادر تسد قدامه

خليها كده احسن ولو حاجه عجباك وقادر تجيبها زوذ شويه ما هو كله في بيتك مش هيروح بره يعني

بس خد بالك ان البخيل ممكن يكون عمل طبع الحرمان

بس انتا بتقول ان البنت ممتازه يبقي خلاص اتكل علي الله وسيبك من ابوها كده احسنلك

a.yakout

السلام عليكم

أنا عجبني الرد دة جدا

فعلاً الجواز أصبح شيء غريب جداً الايام دي، أنا برضو بعاني مع أبو البنت من طريقة كلامو المستفزة جداً، بس برجع وأقول البنت كويسة جداً وبتحبني.

بالنسبة لموضوعك، طب ماهو ممكن يكون إمكانياتو على قد حالو، أصل فيه ناس كتير بيحبو الحياه الجميلة بس مش معاهم فلوس أساساً، استخير وصلي لربنا وبعدين إنت لو عملت خطوبة مثلا، دي حتكون مش أكتر من تعارف أكتر في صورة أكتر رسمية، الخطوبة مش معمولة عشان خلاص حتجوز، لاء الخطوبة عشان نتعرف على بعض أكتر، دي وجهة نظري.و الله عجبك الحال كمل، معجبكشي إعتذر. بس تكون إنت مقتنع بيها

[KSA2011]

بص لو العريس او اهله بخلاء دي بتبقى عيشة ضنك عالبنت و انا ما اجوزش بنتي كده

بس لو انا هاتجوز واحدة (بفرض اني مش متجوز يعني ما تودونيش في داهية يعني) ابوها بخيل ..... و انا مالي؟ طظ !!! هو مش هيأكلني و لا يشربني و لا انا مستني منه حاجة .....

و حتى لو طبعه بهت على بنته ..... هي مش هتصرف عليا يعني و ممكن الطبع ده يتغير

انما الزوج البخيل بيبقى كارثة و ربنا ما يحكم على حد من بناتنا تتجوز واحد كده

كلام من الاخر فعلا
المشكله فى الزوج مش الزوجه
لوانت مقتنع بيها ميه فى الميه كبر دماغك هى الى هتبقالك وربنا يباركلك و يسعدك

[shaddadfalcon1]

سيبك من ابوها وخليك فيها هي
وزي ماالأخوه قالو - لما يسترخص احسن ميا يحط رجل علي رجل ويتنك عليك

وهي اخرها اول ماتاخد مراتك بيتك وبعد كده الزيارات وابقي روح متعشي ياسيدي

بس بصراحه لو البنت كويسه زي مابتقول يبقي اوعي تضيعها عشان دي مش حاجه سهله الويميين دوول

[Mustafa_Farouk]

يعني يا جماعة لو البنت كويسة، ممكن يرتبط بها عقلانياً ولا لازم يكون قصة حب زي روميو وجوليت ؟؟ مع ظروف الاب دي.

[dolly13]

الاخ العزيز
اولا مبروك على الخطوبة
ثانيا انت شايف انك ممكن تسيب البنت علشان السبب ده؟
لو ممكن يبقى خلاص تسيبها لانك مش متعلق بيها وغالبا بعد الجواز هاتلاقى نفسك بتتصيد لها الاخطاء بمناسبة وبدون مناسبة
لكن لو شايف انك متعلق بيها يبقى تبتدى تفكر بشكل ايجابى
اولا الاب فارش بيته ازاى يعنى واضح انه بيسترخص فى الاشياء اللى بيملكها والا لا
ثانيا مستوى معيشتهم من ملابس واكل وعربيات متناسب مع وضع الاب المالى والا لا
لو لقيت ان الاجابات فى صالح الاب وانه بيعيش بطريقة ملائمة يبقى تعرف انه بيتقل عليك مش اكتر علشان يبقى طلع شاطر وهو بيجوز بنته ومحدش ضحك عليه
لكن لو الاجابات مش فى صفه ساعتها تبتدى تفكر واكيد انت عقلك ممكن يقولك اذا كانت البنت متأثرة بابوها فى بخله والا هى رافضة الاسلوب ده
وفى الاخر صدقنى لازم تبقى مرتاح نفسيا جدا للبنت واسلوبها لانى مش عايزة اقولك قد ايه التفاهم والتقارب الفكرى بيبقوا مهمين اوى فى نجاح الزواج واستمرار السعادة لاطول فترة ممكنة
انا وزوجى بقالنا 15 سنة مع بعض ومعانا 3 اولاد ولحد دلوقتى علاقتنا حميمة جدا وبنحب بعد ومحدش فينا بيقدر يبعد عن التانى يوم واحد
بس اوعى تحسدنا
انا باقولك كدة لان انا لاحظت من علاقاتى مع الناس اللى حولى ان الازواج المتوافقين فكريا واجتماعيا بجد بجد والله علاقتهم بتنجح لابعد حد
واخيرا ربنا يوفقك لما فيه الخير
واسفة على الاطالة

[Janno28]

لازم تستخير ربنا سبحانه وتعالى قبل متاخد اى خطوة لانى موافقه تماما مع الاراء أ/ احمد ياقوت و أ/ احمد كمال مع العلم انك لازم تعودها على ان يكون فى راى ومناقشه فى اى حاجه عشان انا شفت فى رد من ردودك ان ملهاش راى مع احترامى ليك ده مش صح مستقبلياً لو انت بتحب البنت ديه بجد ومتعلق بيها وكويسه زى مانت بتقول زى مقلتلك استخير ربنا سبحانه وتعالى وتوكل على الله وربنا يقدملك الخير لو هى نصيبك