بتكسف...احم احم

[icehearted girl]

السلام عليكم ورحمة الله وبركاته


ياااااااااااه بقالي كام يوم مكتبتش موضوع جديد


بس اللي فكرني باللي عوزة اقوله..هو النهاردة 21 مارس يوم الام

انا مش محتاجة اني اقول انا بحب ماما أد أيه...لان حبي ليها اكبر من انه يتوصف..وهي عارفة كدا كويس

لكن المشكلة اني بتكثف..بتكثف اعبرلها عن مشاعري دي

مع اني فلحقيقة مع صحابي وقرايبي واخواتي مش خجولة خالص...لكن مع ماما لا

بجبلها هدايا علي اد مقدر مش شرط مرتبطة بيوم ميلاد ولا يوم ام

لكن بتكسف اقلها اني جيباها عشان بحبها

بتكسف ابوس ايديها ولا اترمي فحضنها

بتكسف ابان قدامها بعيط مثلا او ضعيفة او مهزوزة

ونفسي مكنش كدا بس مش قادرة

خيفة لما اظهر مشاعري دي ادامها تسخر منني

وخيفة لو كملت كدا اجي فيوم أندم اني مكنتش بعمل كدا

عارفين اغنية حليم؟؟..ّّ خايف اني احب وخايف ينسي الحب يوم يقابلني؟؟


اهوا انا فنفس المشكلة دي...دبرني ياوزير

[El.Hossieny]

بصي يا ايس .. عايز اقولك حاجة ... طول ما مامتك ربنا يديم عليها الصحة موجودة جنبك لازم لازم لازم تعبري ليها عن حبك و امتنانك ليها و صدقيني كل ده مش بالهدايا و لا غيرها .. كفاية انها تحس انك حنينة عليها ... و انا اعرف برضو ناس كتير بجد كانت بتتكسف تعبر لوالديها عن حبهم ليهم و اد ايه الناس زعلت من نفسها بعد فوات الاوان ...فعلا الام دي نعمة من عند ربنا ... روحي لماما و قوليلها كل سنة و انتي طيبة .. و احضنيها وبوسي ايديها كمان ... و قوليلها انها اغلي حاجة في حياتك .. و ايااااااكي تتكسفي ...

و كل سنة و انتو طيبين

[shady_hamdy]

فعلا دة مشكلة موجودة كتير الكسوف من الاهل

[ghazy12]

مش لواحدك والله يا ايس... في ناس كتييير كده, لكن بيبقى في قلبهم حب كبير جدااا للشخص اللي بيتكسفوا منه...

شوفي... حاولي مع نفسك واحده واحده تعبري عن مشاعرك لوالدتك بشكل او بآخر, يعني كلمه, لمسه, لفته.....

حاولي و واحده واحده هتقدري تقولي كل اللي نفسك فيه, و اللي في قلبك ليها... بس حاولي

و ربنا يخليهالك و كل سنه و هي طيبه...

[icehearted girl]

ياجماعة والله حاولت اصل دي مش مشكلة يوم دي من سنين

وواضح من كلامك ياغازي ان ناس كتير زيي

انا حنينة عليها وهي نفسها ديما بتقول كدا يا حسيني بس دي حاجة

والتعبير عن المشاعر موهبة تانية خاااااااااااااالص

يمكن اخواتي الولاد مش بنفس الحنية تجاهها لكن بيعرفوا يعبرولها

وطول الوقت يبوسوا ايديها حتي قدام الناس

لدرجة ان كل قرايبنا فاكرين ان اخواتي دول ياما هنا ياماهناك

ونا القاسية اللي فيهم

شفتوا الغلب

[fouady]

على فكرة أنا مش هقولك أنا كنت خجول اد إيه فـال حتة ده بصي مش حاضر اوصفلك كنت بموت علشان مش قادر أقول مثلا لا أمي بحبك وال كلام ده وكمان كان مع جددي وكانت العيله بتحس إني بتعلى علشان في ناس بابش اييد جددي وأنا لأ مع إني كان بيبقى نفسي بس هقولك أنا عملت حاجة أنا مكنتش اتخيل إني اعملها إني دخلت على أمي مرة وسط الناس كده وسلمت عليها وبست ادها أدام الناس كده كانت بالناسبلي مش عاوز اقولك كنت تقريبا هموت من الكسوف بس أنا قلت وفيها إيه واعت اقنع نفسي وكده فـبصي جربي أنا متأكد إنك مش زيه فـال أول لاني كنت صعب قوي

[ghazy12]

ياجماعة والله حاولت اصل دي مش مشكلة يوم دي من سنين

وواضح من كلامك ياغازي ان ناس كتير زيي

انا حنينة عليها وهي نفسها ديما بتقول كدا يا حسيني بس دي حاجة

والتعبير عن المشاعر موهبة تانية خاااااااااااااالص

يمكن اخواتي الولاد مش بنفس الحنية تجاهها لكن بيعرفوا يعبرولها

وطول الوقت يبوسوا ايديها حتي قدام الناس

لدرجة ان كل قرايبنا فاكرين ان اخواتي دول ياما هنا ياماهناك

ونا القاسية اللي فيهم

شفتوا الغلب

الموضوع ده بيبقى صعب جداا انا عارف, ان الناس تشوف حاجه و الواقع حاجه تانيه..!!!

و طبعا زي ما بتقوللي بيتخيلوا انك مش بنفس حنية اخواتك, في حين انك احن واحده عليها

علشان كده لازم تحاولي, هتلاقي الكلام طااااالع بالعافيه جدااا في الأول من كتر الكسوف,
بس واحده واحده هتتعودي, انا كنت زيك بالظبط و بردو مع والدتي, بس بقيت بحاول
اتكلم و اقولها اد ايه هي غاليه عندي, بس طبعا هي عرفه انها اغلى انسانه في حياتي

بس الكلام و التعبير عن المشاعر دي بيفرق قوي... حاولي و صدقيني هتقدري ان شاء الله

[icehearted girl]

fouady

هحاول فعلا اعمل بنصيحة حضرتك...هغمض عيني واعد لحد 33 واعمل كدا قدام الناس

انت كدا قهرت خجلك قدام والدتك بس بعد كدا ؟؟؟

اعدي بس الخطوة الاولي وبعد كدا ابقي اتعود علكلام يا غازي

ولا اقلك

انا ادخلها نايل موتورز واقلها كل اللي عوزاه فموضوع واثبته

[fouady]

fouady

هحاول فعلا اعمل بنصيحة حضرتك...هغمض عيني واعد لحد 33 واعمل كدا قدام الناس

انت كدا قهرت خجلك قدام والدتك بس بعد كدا ؟؟؟

اعدي بس الخطوة الاولي وبعد كدا ابقي اتعود علكلام يا غازي

ولا اقلك

انا ادخلها نايل موتورز واقلها كل اللي عوزاه فموضوع واثبته

جربي وقوللي إيه اللي حصل بصي هقولك حاجة كده وإنتي داخلة عليها هتلقي قلبك شبه واقف عدي كملي واعملي الموضوع ب سرعة كده ومتبصش فـ وش حد خالص

[misoalex]

بتكسف ابوس ايديها ولا اترمي فحضنها

+1 وعمرى معملتها

ونفسي مكنش كدا بس مش قادرة

+1

بتكسف ابان قدامها بعيط مثلا او ضعيفة او مهزوزة

+1

خيفة لما اظهر مشاعري دي ادامها تسخر منني

+1

وخيفة لو كملت كدا اجي فيوم أندم اني مكنتش بعمل كدا

وده برضه الشعور الذى يخوفنى من ان فى يوم من الايام اندم بس للاسف انا عارف نفسى مش حعمل حاجه من الى قولتى عليها خالص
ممكن عشان هى كانت من الامهات الشديده فى تربيتها لابنائها بس ده زى مهو احيانا صح لكن بيعمل جدار فى العلاقه بين الاباء والابناء وبتكون دى النتيجه فى الاخر (الكسوف من التعبير عن اى مشاعر حتى لو كانت مشاعر حب للاخرين)

[misoalex]

ولا اقلك

انا ادخلها نايل موتورز واقلها كل اللي عوزاه فموضوع واثبته

جامده الفكره دى

[icehearted girl]

+1 وعمرى معملتها

+1


+1


+1




وده برضه الشعور الذى يخوفنى من ان فى يوم من الايام اندم بس للاسف انا عارف نفسى مش حعمل حاجه من الى قولتى عليها خالص
ممكن عشان هى كانت من الامهات الشديده فى تربيتها لابنائها بس ده زى مهو احيانا صح لكن بيعمل جدار فى العلاقه بين الاباء والابناء وبتكون دى النتيجه فى الاخر (الكسوف من التعبير عن اى مشاعر حتى لو كانت مشاعر حب للاخرين)

عندك حق جدااااا

والدتي فعلا كانت من الامهات الشديدات جدا جدا وحنا لسه صغيرين

[Ralliart]

ازاي؟؟؟؟؟ في حد بيتكسف من امه ؟؟
ده حتى امك زي والدتك :pointi~2[2]:

[misoalex]

عندك حق جدااااا

والدتي فعلا كانت من الامهات الشديدات جدا جدا وحنا لسه صغيرين

مهى دى المشكله الحقيقيه الى محدش واخد باله منها ولكن بعد ابحاث عملتها اكتشفت
ان كل الى بيعرف يعبر عن مشاعره ويترمى فى حضن امه والحاجات دى كلها بيبقى متعود يعمل كده وهو صغير لانها كانت بالنسباله ام فقط رمز الحنيه والمشاعر
لكن لو كانت الام فى البيت هى الام والاب صعب جدا جدا ان الواحد يقدر يكسر الحاجز الى كبر معاه من وهو صغير
لان للاسف الام هى الى عملت الحاجز ده عشان الابناء يخافو منها ويسمعو كلامها والحوارات الى كلنا عارفنها دى وده للاسف لما بنكبر بيخلينا نخاف برضه منها لانها هى الى عودتنا على كده
بس حنعمل ايه اكيد هى فاهمه اننا بنحبها
انا عن نفسى معنديش حل للمشكله دى

[A.Saad]

مش قادرة تعبرى وجها
عبرى كاتبة او رسائل
اكتبى ورقة وسيها علىباب التلاجة او جنب مخدتها او فى سجادة صلاها
هاتى وردة وحطيها جنبها