بتكسف...احم احم

[نور القمر]

انتي خايفة تسخر منك
طيب انا هاطبع لها الصفحة دي واروح اوديهالها هههههههههههههههه

انا كمان كنت كدة وكنت مع بابا اكتر كمان لان بابا كان له هيبة كبيرة
بس في لحظةواحنا لوحدينا وكان مريض تغلبت على خجلي ورحت جنبه وبوست ايده
متتصوريش كان ممتن ليا اد ايه وفضل ماسك ايدي يطبطب عليها
ماما دخلت علينا ظبطته ماسك ايدي فضلت تلح وتلح وتلح الحاحا عشان تعرف في ايه مرضتش اقولها خجل برضو

الموضوع عايز لحظة ارادة قوية للتغلب على النفس وهاتلاقي الموقف عدى وبقه عادي بعد كدة

[نور القمر]

اقولك
انا مرة بعت اللي عايزة اقوله مسج لماما
واخواتي قالولي قعدت تعيط
واتصلت بيا فاكراني عيانة وبودع ههههههههههههههه واحلف لها والله مفيش حاجة

[dr.amr]

انا شايف بصراحه اهم حاجه انها عارفه اللي جواكي وواصلها
مش مهم اللي انتي بتعمليه ايه
ماتحسسيش نفسك بالذنب
سيبي نفسك خالص علي طبيعتك وهيجي يوم وتفكي بدون قصد
يوم فرحك مثلا
لازم هيجي يوم وتفكي
اهم حاجه انك تخليكي علي طبيعتك وسيبك من الناس كلامهم بيجيبنا ورا علي الفاضي

[3ateef]

لكن بتكسف اقلها اني جيباها عشان بحبها

بتكسف ابوس ايديها ولا اترمي فحضنها

بتكسف ابان قدامها بعيط مثلا او ضعيفة او مهزوزة

ونفسي مكنش كدا بس مش قادرة

خيفة لما اظهر مشاعري دي ادامها تسخر منني

وخيفة لو كملت كدا اجي فيوم أندم اني مكنتش بعمل كدا

مستحيل امك تسخر منك لما تقوليلها بحبك اوتبوسى ايديها,,,بالعكس دى حتاخدك بالحضن وتدعيلك..
التعبير عن المشاعر شئ جميل ..وخصوصا مع الاهل..
جربى فى يوم تروحى وتمسكى ايديها وتبوسيها وشوفى حتقولك ايه وايه اللى حيحصل..
واسمها تجربة
:)

[eng.octooo]

بصى يا ايس انت تزنقيها فى مكان تكونوا لوحدكم فية وبدون اى مقدمات تبوسيها على راسها وتقوليلها كل سنة وانتى طيبة وسيبيها وامشى .....

شفتى الموضوع سهل ازاى

[eng.octooo]

اقولك
انا مرة بعت اللي عايزة اقوله مسج لماما
واخواتي قالولي قعدت تعيط
واتصلت بيا فاكراني عيانة وبودع ههههههههههههههه واحلف لها والله مفيش حاجة

ههههههههههه بجد موتينى من الضحك هههههههههه والله حرام عليكى ....خلى بالك يا ايس لتعملى زى نور كدة ههههههههههههههه

[mener0se]

أنا اقولك على حاجة
أنا في الاول كنت زيك كدة بس جه اليوم و بقيت أتكلم وأقول أحلى كلام و أخدها بالاحضان ....
ده كله لسبب واحد ......
الغربة ايوة الغربة علمت البني آدم يبقى ايه...
خليتني إنسان تاني خاااااالص
خليتني أخرج من الصومعة اللي انا كنت فيها و فقت لنفسي اكتر
وبقى اللي شاغل همي والدتي و اخواتي في المقام الاول ......

[dolly13]

ازيك يا ايس
تقريبا دى اول مرة ارد على موضوع انتى اللى كتباه
ربنا يخليلك مامتك يارب لحد ماتجوز اولاد اولادك
انا هاقولك على حاجة بسيطة
انا مامتى توفت وانا عمرى 5 سنين
يعنى اللى انتى بتقوليه ده انا مش مصدقاه
لانى طول الوقت باقول لنفسى لو كانت عايشة كان زمانى باعمل واعمل لكن الله يرحمها
ايه رايك لو قعدتى معاها وبدل ماتقوليلها انا باحبك
قولى اللى انتى بتحسى بيه
يعنى قوليلها انك بتتكسفى تقوليلها انا باحبك او ابوس ايدك او اعبرلك عن مشاعرى
واعتقد ساعتها هاتشوفى نظرة عمرك ماشوفتيها قبل كدة والنظرة دى هاتخليكى فى السما
انا متاكدة من اللى باقوله لان عندى 3 اولاد ولو حد منهم قاللى انا باحبك من غير مناسبة كدة بلاقى نفسى بابصله بنفس النظرة اللى باكلمك عنها
جربى وهتلاقى نفسك بعد كدة بتقوليلها انا بحبك كل شوية
معلش انا طولت عليكى لكن صدقينى الحرمان من الام وحش جدا
فمابالك بحرمانك من تعبيرك لها وهى امامك
وما بالك بحرمانها هى من تعبيرك لها بحبك ليها
يارب النهاردة تلاقى الشجاعة الكافية وتقعدى تتكلمى معاها
وهانتظر بشغف انك تيجى تقوليلنا عملتى ايه معاها
وربنا يوفقك

[brown-eyes]

أنا اقولك على حاجة
أنا في الاول كنت زيك كدة بس جه اليوم و بقيت أتكلم وأقول أحلى كلام و أخدها بالاحضان ....
ده كله لسبب واحد ......
الغربة ايوة الغربة علمت البني آدم يبقى ايه...
خليتني إنسان تاني خاااااالص
خليتني أخرج من الصومعة اللي انا كنت فيها و فقت لنفسي اكتر
وبقى اللي شاغل همي والدتي و اخواتي في المقام الاول ......

فعلا الغربة بتربي وبتعلم
انا بعد ما سافرة ماما في مرة بتكلمني بتقلي تعرف انك من بعد ما سافرة انا بتكلم معاك واسمعك اكتر من الاول وبشوفك اكتر من الاول وفعلا حاسس ان في حواجز بتتكسر بعكس الاول انا كنت زي ايس بالظبط
بس من ساعة ما سافرة وماما عملت اكونت علي ال سكاي بي
بقينا بنتكلم كتير جدا :10d5c8~1107:

[AboELsoud]

الحمد لله مكنتش بتكسف خالص و كانت احلى حاجه بعملها في يومي لما اروح ابوس ايديها
لكن للاسف ........................ امي توفت 28/1/2010
ربنا يدي لوالدتك الصحه و طول العمر ......امين

[icehearted girl]

اللهم آمين

بس انا مش هستني غربة تباعد مابيننا عشان احس بالكلام دا


نور القمر بقي عاوزة تفتني عليه؟؟؟ دنتي وكستك بجلاجل واسكتي بقي بدل مناللي ابلغ طنط

د.عمرو انا فعلا مقررة دا من زمان ومشية بدماغي زي مهيا بس حسة بالتقصير

دوللي كلامك جميل والله

بس الطبع يغلب التطبع

يعني عارفين...غالبا انا بحب انام لوحدي وهي كمان بس ساعات بحاول انام جنبها مثلا بس هي بتتضايق... مش منني بس عموما يعني

ففيوم نتيجة الثانوية العامة هي كانت فرحانة جدا طبعا طول اليوم

بلليل لقتها بتندهلي رحت اشوفها عاوزة ايه لقتها بتقللي تعالي نامي فحضني

رحت طبعا لقتها حضنتني جامد اوي ونامت

ونا طبعا عيني بتسح بس كنت كاتمة صوتي عشان متحسش

بس بعد عشر دقايق لقتها قيمة مخضوضة بتقللي اي اللي نيمك هنا

هههههههههههههههههههههههههه

اف انا زهقت قومي بقي كفاية كدا

[الغزالى]

ينهار ابيض دة انا تقربيا مبعملش حاجة فى يومى غير انى القعد على النت وانزل اخرج و ابوس فى امى لحد ما باخد بالجزمة على دماغى
بس ابويااا هوا الى بتكسف منة جدا وتقربيا مليس علاقة جامدة بية غير خناق وزعيك بس و
كلمة قوم صلى (بيقولها حتى وانا بصلى )
بس يا ايس انتى تجمد قلبلك وتروحى داخلة الدخلة التمام
ماما انا انا انا انا تروح قيالك انتى اية يا بنتى
تروحى نخة على طول ومتعرفيش تقولى حاجة بس تقوللها انا عايزة 56 جنية سلف
اول ما تلاقى حاجة طق فى دماغك يبئى انتى كدة وصلتى
واى خدمة يا ستى بس عايزة بئة نسبة من الفلوس دى

[Moh.Fahmy]

عندي ليكي حل سهل جدا و حتقدري تعمليه بمنتهي السهولة
بدل ما تجبري نفسك علي حاجة انتي مستصعباها علي نفسك خليكي مطيعة لامك علي طول الخط يعني لدرجة لو طلبت منك ترمي نفسك في البحر تعملي كده
عودي نفسك كل مرة تتركيها فيها انك تسلمي عليها و تبوسيها علي خدها او جبهتها و عند رجوعك برضه نفس الموضوع حتلاقي الموضوع بقي عادي جدا
انا بعمل كده و نادرا جدا لما ببوس ايد امي لكن هي و لله الحمد بتقول في كل مناسبة اني انا احن واحد عليها و عمري ما قلتلها لأ ابدا بالرغم من انه بتيجي عليا كتير علي حد قولها
صدقيني الحنان مش بالمظاهر بس ..الاهم من المظهر هو الصدق في الحنان و الحب و الصدق ده بيبقي اقصر الطرق للوصول للقلب
ياما الواحد بيشوف ناس بيبوسوا رجل امهم و في نفس الوقت هما اللي جابولها الضغط و السكر
حبي امك بصدق و اخلاص و كوني مطيعة لها و يا سلام لو فيه موقف و انتي مختلفة معاها و تطيعها فيه ..حتحبك حب مالوش مثيل
و الامهات علي فكرة عندهم بالفطرة كده بيحسوا بصدق حب ابنائهم ليهم و مش مجرد يوم عيد الام هو اللي حيخليها تقيمك طول السنة لان فيه ناس يبهدل امه طول السنة و يقوم يجيبلها هدية قيمة يوم عيد الام و هو فاكر انه فهلوي بكده و بياكل بعقل امه حلاوة و ما يعرفش ان ممكن اخوه اللي بيقدم لامه هدية متواضعة جدا انما بيحب امه و مطيع لها طول السنة افضل عندها منه لكن هي مش ممكن تقول كده الا في لحظة تجلي او صفاء

ربنا يخليلك امك و تكون راضية عنك طول العمر

[pro_samir]

انا كدة برضو بس بعبر بطريقة تانية يعني بالهزار مثلا أو بالرخامة احيانا (مش مهم التفاصيل)

مفتكرش اني بوست ايد حد قبل كدة غير جدتي مرة وكانت في المستشفي وأمي اللي ضغطت عليا ، بس المشكلة انها كانت عاملة عملية في عنيها فا افتكرتني ابن خالي هههههههههههههههه بس امي قالتلها طبعا

اللي حسيت اني نفسي ابوس ايدة بجد الشيخ ابو اسحاق معرفش لية

[M.Alshafie]

انصحك تروحى فورا و تبوسى ايدها و تقوليلها كل اللى انتى حاسه بيه قبل ما تندمى بجد فى وقت لن ينفع فيه الندم
انا كنت كده مع والدى و والدتى بس مع والدى اكتر كانت علاقتنا متوتره جدا ما كنتش بطيق له كلمه و على طول خناق و زعيق بس بقاله سنتين تعبان عنده نزيف فى المخ و مش بيتكلم و ماثره على ايده مش عاوز اقولك الندم اللى ندمته بعدها على اننا ما كناش اصحاب و لا بحكيله على اى حاجه و لا بقوله انى بحبه و بعد ما تعب بقيت اقعد اقله سامحنى على كل حاجه وحشه عملتها معاك و دلوقتى بحاول اكفر عن ذنبى و اخدمه فى كل اللى هو عاوزه و طول ما انا رايح و جاى ببوس فيه لما بزهقه هههههه
اما والدتى باه طبعا تعاملى اتغير معاها لكن برضه مش بعرف اعبرلها عن حبى ليها اد ايها الا لما بتكون زعلانه منى و انا بصالحها مش عارف ليه يمكن عشان اصلا هى مش بتحاول تعرف مالى و لا تسال عن اى حاجه تخصنى مش عارف
بس امبارح فى عيد الام كتبتلها ورقه فيها كل اللى انا عاوز اقوله لقيتها قريتها و بتقولى ما انت بتعرف تقول كلام حلو اهه بينى و بينكم اتكسفت اوى بس كنت مبسوط
نصيحه عبريلها عن حبك قبل ما ما تقدريش تعبرلها